UNAU NGEN HINAPI KIKHEN SESE....!

~Thang Khanmuan Tonsing

Khul a piang,Cimnuai tate Zomi,Chin,Kuki,Lushei cihleh a tuamtuam a minnei Zomite,Khosak nopzawk na ding gel na leh,khente gal lehsa lauhna ziakin mun le mual,ki cian neilou in,mun tuam2 a ki khenzak in I om uhi,hucibang a innkip loukip gina neilou a,i pem kawikawi na lam un,Beh leh phung khat genlouh,innkuan khat na ngawn amual a guam in honghal in,National,International Boundary tanpha in hon khenzak in I om kha uhi.ommun khua le tui a tuam mah bangin,Pupa apan I neih,Pau le ham na ngawn khahsuah pianin I om a,himahleh tuciang donga I paute uh a tamzaw kibang kithei tuah hinapi,a ki banglou paukam khat le nihte ziakin,nam,Tribe ci-in a tuamtuam a kilou in,Nampuan leh thil dangdangte kineih tuam in,huaite sihgup in igum zomah lai uhi.

Hiai banga Zomite Nam tuam,min tuam a,i om ding deihlou ki pumkhatna poimoh dan thei a,Nam a a na ciang,Manipur India gam a om muhkholhna nei mite kihoukhawm in,ki loikhawmna/khaikhawmna dingin,Pi leh Pute piankhiak na mun tamin "KHUL UNION" cih in a na kilou uh a,himahleh sak le khang a kikhen Zomite ki gawmkik ding Sian in phallou,Ziin in phallou aitam...!!thubaih lou ahi dinga,mite honpiak tawm,mite hon sapna hiai a nuai ate,mun min,gam min toh na kilou in,i ki minvawh tuam tiltel uhi.

Manipur a te ahi.

 

SIMTE NATIONAL COUNCIL

1936 kum in Nam leh gam awlmoh Pu Khaikam makaihna in,Simte nam ciin Thanlon khua ah kipan a,1956 April 3 in SNC Recognition ngen uhi.

KUKI NATIONAL ASSEMBLY

1946 April 24 in Kuki Co-operative Compound Phaipi (Imphal) ah,Makai tuamtuam leh Hausa bangzah hiam in KNA pankhia uhi,Prez masa Zavum Misao leh Gen.Seccy Khupkholet Kipgen ahi.

PAITE NATIONAL COUNCIL 

1949 June 27 in Tangnuam khua ah PNC hiai a nuai a tengin na din uhi.T Thangkhai.T TualchinH GinzachinRev H NengzachinRev SiamkungT ThangkhoginPhungkhothang GuiteT SaikhamVungthawnT GoupumKhamkhualNengzatun ThuampumNgulsing

UNITED ZOMI ORGANISATION

1954 February kha in Zomite kigawm ding deihna in,Tuaitengphai khua a mipi paikhawm ten UZO na din suah uh,M Saipu President masa leh T Gougin Gen Secretary masa,a tungin MANLUN mite ci in kiciamteh.

GANGTE TRIBAL UNION1956 Oct 3 Nilaini nitakin Thangzam Gangte Inn Hill Town ah makai bangzah hiam ten GTU din uhi,President Lalcha Gangte leh Gen Secretary Khamkhokai Gangte

HMAR NATIONAL UNION

1957 June/July vel in,Lungthulien khua ah HNU din in om a,Hmar nam toh kisai kipawl khawmna masa Cachar gam ahi,Hmarkholien khua ah a tungin Hmar Mongolian Federation kici uh,1947 in L Tawna makaihna tawh Mizo Union cihin kilou ua,1954 in Pu Rochung Pudaite makaihna in Hmar National Congress din uh.

VAIPHEI NATIONAL ORGANISATION

1958 in Chongkhozou Munpi khua ah,Vaiphei Leaque kici pen VNO in kikhek hi,President Mangkholam Neithem Gen Secretary Pauneikhai Suantak, Vaiphei minam toh ki sai ki muhkhawmna 1940 March 15 in om ta a,huai hunlai in Vaiphei Conference kichi a,Maite ah Conference nei uh,1956 in Leisang khua ah Vaiphei Conference pen Vaiphei Leaque in khek uh.

TEDIM CHIN UNION

1961 in TCU ding a 1959 in Tedim Union na kici, President masa Gin Za Kap,Secretary O K Hatzaw ahi.hiai Union dinkhete Neng khaw SuanGin Za KapDal Za GinThang NangSuan Thang Hen Kho GinNeng Za TunO K Hatzaw

MIZO PEOPLE CONVENTION

1965 Jan 15/17 in Kawnpui ah MPC dinsuah ahi,Manipur leh Mizoram a Mizo makaite telkim phial uh,President masa H K Bawichhuaka, Gen Secretary Haokholal Thangjom

Hicibang limlem a Zomite Saisa banga kikhen nente,Ki pumkhat a Pawlpi khat a om theih nang ban ah,Common Identity khat toh I kalsuan theih na dinga,Hucibang a hon koihthei,I Pathian thu zui a,amah a kinga makai leh muhkholhna (Vision/Dream) kician nei,i neih poimoh a kisam hihang,Makai muanhuai I neihte thu zuihsiam leng poimoh lua,mipite leng I kibawlna ding tamlua,I pau I ham,kou nou ki cihcih hun nawnlou.

Kua ci kua nam cih omlou a,kigawmna ding ngaihtuah mi,thildang sanga Pathian itzaw,Gam it,Nam it diktak makai I neih/bawlkhiak hunta,makaite leng tuabang dinga,hong kipuah uh poimoh.

Tatsatlou a Israelte makai hoih pia Toupan Zomite le hon pethei ahi,cih mangngilh lou in,amah kiang ngen ni.

ZOMITE INSUIHKHAWM ZAI I REL ANG U.

***Note:A hun,mun min,mimin te a diklou,theih khelh gelhkhelh om kha dinga,kua hiam a theizaw ten,gelhkhial theikhial eive,chi a.ngaihdamna sunga hon ngaidam dingin kon ngen.

©Siamsinna leh Vakiangbu