TUIVAI TOWN: VISION 2032??

Lhram Gwite
 
Thumasa : A pilpen leh a thei pen hikei mahleng,tulai khovel toh kituak a ei Zomite leng i khantouh sam theih na ding ua i Zogam(singtang gam) ua khopi khatbek poimoh ihi uh cih kei na muhkholh dan ahi. Hiai toh kisai kum tamlou paita a pat kana ngaihtuahtuah pen,kimlou leh buchingloutak himah leh ka theih khomkhom a hon gelhkhiak sawm dan kahi.
 
Tuivai khopi bawl ding cih pen thil namen hilou ding hi. Himahleh ka lungsim ah Tuivai khopi bawlkhiak ding kana lunggulh gige khat ahi. Aziak bel i singtang gam ah tuabang khopi khatbek i bawlkhiak kei mawk leh i Zogam,ipu-ipa ua pan iluahna gam uh taisan a,kilawi mawk ding in na mukhol ing. Tua khopi pen banghang a Tuivai khopi kici sese hiam ichih leh,tuakhopi pen Tuivai luidung a kibawl ding a hihziak ahi. Tua ding in lampi hoih leh lian poimoa masa hi. Tua lampi pen Tuivai town kipatna dia kana hisap,Maukot khua a pat in Tuivai luidung tawn in kisial henla, Tuivai town tawpna, Khuanggin khua ah Guite road mat leh chidan kahi.Tua hileh Tuivai khopi pen Zomite bitna khopi hongsuak ding a,muhtheih hial khop in Zomite kikhangtou ding in um ing.
 
Tuivai khopi bawlkhiak na ding in khua tuamtuam,Songtal,Mualnuam,Sumtuk,Dialkhai chihten hon pan le uh (Khuanggin,Bualjang,Tuivel-Maukot chihte a omsa dan in koih le'ng) chidan kahi.Tua ikho gente'n amau khua chiat apat in Tuivai luidung ah amau gam chiat ah a teng ding ua,khua leh khua a tangpi in 1km khawng in kihal uh henla,mi hong tengthak a omchiang in tua khua leh khua kikal a gam awngte ah hong tengdim tawmtawm le uh khopi khat bawlkhiak haksa lou ding hi.

Tua i khopi pen uah khota neu nounoute kigawm mahleh tua khotate a min uh khek kullou ding hi. Tua khominte pen vengmin in ah kheng geihgeih leh chidan kahi. Etsakna ding in,Songtal khua pen Songtal veng kichi henla,Mualnuam leh a dangdangte leng vengmin in kikheng daih leh solkar kiang a khomin/vengmin a recognition a buaibuai ngailou ding hi. Hausate lah beituanlou ding hi.(Lamka ah le Hiangtam Lamka hausa,Bungmual hausa,etc chihbang le omthou voi).Tua hileh igam hong khangtou ding a,i gam le'ng ki lawilou ding hi.
 
Playground, cemetery, hospitals, parks leh a dangdangte genngai in kathei naikei,a khopi mahmah kitungkhe phot lh maw...
 
Genkhelh omleh ngaihdam...

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more