KUM 6
By : Melmul Ngaihte Pa
Min
changkang achih te uh mi bang chi bang mi hihiam chih theilou na pi’n
changkhang kasa ringot hi. Vommam hin-hen, buang bih-biah, sam
kitung, nuihmai heu-hau—changkang kasa hi. Kum 6 bang mualliam ta mahleh a
tanchin zak khak vuat vuat in omsek hi. Tuplouh pi a koi hiam khat a
imuh khak hun chiang in poisak na in ka dim hi. Ka lungsung ah a
mangthei mah mah kei hi. Bang ziak a khaat-le-khaat louh, a
al-le-allouh, a khum-le-khumlouh bek na chiam mailou ka diam aw?? Na
chiam leng tua khonung kisik lou hial di inga, a khaat, a al tak lehzong
na sihpih sam lou ding hinga ka chi vung vung hi. Tun hun hiai zah mual
khup zoh nungin huih nung delh mah ka bang hi.
Nikum in innlam ah ka kimu ua, a kampau, “oi, Lian, thau ta na chia??”
hon chi bang khuai in hon velh, bilbuk a ging vuvu bang den mai hi.
Hiai laitak a ka kiang a tunu chu ka haw top! Kum hiai zahta pailiam
nunga va kinep luat le haina a bang ta! “Bang teng adin hun om hi…”
chih gelh bang in. khovel kilsuak teng globalize gawp ta mahleh kum 6
nung in chu I inkiangte, innkiangte ahi den khol kei ding. Kum 6 sung
daih dide hun chu zop kik ahaksatel mai. Hun mansuah chu man na thupitak
ahi.
Melhoih theipen din ka nui tei a, “Dam maw?”
kia ka chi tei mai hi. Ka lungsim ah bel “na hoihlua, koi a omta e, bang
semta e, na number hon pe ve, kon pawt theidiam tuzan??” chihteng gen
ut inn ka kam ka chip mai ;( lengkhawm na mun ahia, lawmte toh tu khawm
ahihman un personal tak a houpih a lem kei tlat. Ken zong samsau tutpih
nei ka hilai dep. Amau ma ah ka tukha chet a, khuang kisaat puak pikpik
leh la kisa zawizawi te kalah ka bil in ama “aw” za nuam in a phe
leplep mai mah ta hi. Tuhun chiah in zaw ka dek in mit na neileh ka chi
tuntun mai hi. Ka gawl in ka nung lam nga din a kihei dek dek mai a…a
aw izak zek chiang bangin kei hon houpih ahi dia aw chi’n bil bang palh
khe sung sung hin ka thei hi. Hun sawtlou nungin hon potsan maimah ua,
kei din lenkhop omzia a om non kei… kum 6 paisa a kana doilok chu
kisikna thupi pen a suakta!
Huailaia zaw, haksat,
nopna leh thukhotang thu bang a hun bang zel a hon kikup pih thou hi
a.. anhawi kawm bang ale hon text hia, bang hiam hun ale hon phone mawk
mawk a, muntuam tuak a nuihkhawm hun bang na om sam hia… “na polhnop
ngei…”, “na pil lau……” bang le hon chikha tham ahi. Himahleh hiai te tun
chu amah ka kineihsak theihna omsun te lel a suakta! Kei kipilsak ziak
hia, ka hai ziak hita’m lawm val a kizopna (relation) omlou ding ahi
chih kia ka na meilet det mawk???? Tun chu ka thangpaihna lel a suak ta!
“Lawmlui” hon chihsangin, “hon ngai ngei hia hilele…” hon chih khum
theih di bek in ana gamtang khaleng ka chi tun tun mai ta hi. Hileh tua
buaitak a na om phing lou ding hing a maw…. Delh leng ka delh pha lai
diam??
A nuam chu kimeltheih panpanta, msg bang
kikhak cheuh cheuh ta, reply di bang ngaihtuah dedu masa zezen in, aman
hon reply di bang ngak lah the-thu. A fuhdeuh bang hon gen khak chianga
gamteng banlak in kikisaktheihpih mawk chih khong ahi. Lawmte lak bang a
gen dawk pan pan in, eikia va upa chet ding lah kingam louh ahihchiang
lawmte a sah deuh/sab deuh teng toh va pawt in va kikap tuah nilouh, va
chiak khawm zai zai khong ahi. Zi non 11 nei in, ta 27 neileng le hiai
bang hun khong zaw manghilh non buang kei ning… nangla, Khaled?
3-4 vei khong lawmte kiang ah va pawt non di hon sawm zom khak chiah
bel lawmte le hon zetheih sim uh hita! Hon dem dia mansa ngen
hita….enle, “a siam a, a polh nop voi, a mau in khong a nuam vele,
mundang pawt nang hon gen ve ualeh va pawt kei di ua..” chia I dawng
chia bel, “ka ngailua, a melbek hon va etpih ve ua, I paipah na kei di
ua..” chihna ana himaimah! Hiai hun chet chu,
ka-siamna-teng-teng,-ka-neih-teng-teng-ama-adin-IT-ka-neikei
kichih hun eive! Nikhat mel muhlouh le a gim huai in a chimhuai hi. A
gukin ka lel mahmah. Eisah nelzawk pasal neisam ahihchiang in, a houpih
hoih teng, anuihpih teng toh kimuangmoh mawk. Huai lai a ka gimna teng
teng a hon leizou lou ka hisak lai hi. Nikhat a album en in ka om zai
zai ua, ngaihzong nei ahihdan kathei hi. Bah leh vuallel kisatakin ka
pai hi. Huaini chu sialpi hileng ka veng ua khoubaang omteng ka phuchim
ding…. Himahleh hun bang zel in ka ki-text zel ua, kei kiang chauh a thu
hon hilh khat om hi. A ngaihzong pa’n zi neihsan!! Babare… kipak ding
ka hiam, kahpih ding ka diam?? Ka hehpih mahmah. Himahleh hiai hun ken
kei a dia kong kihong hidin le ka koih theikei. Ka ngaihna thu himhim
gen ding in le ka kisakei a, lawm bang ahon polh pen ah ka lungkim a
katantawk hin kangai hi. Huai dan mah a hon pol ahi hiam, ka theizoukei.
Pil kasakna mahmah khat leng ahi.
A mah ka en a, ka
vandak hial ahi. Kei ka ki-en a, ka kimeltheih ua, ka kihou theih lel
uh le ka phu huntawk kasa hi. Bang lam-en a va pawt pawt kahi di o ka
kichi zel a himahleh mihing in I lungsim I khem zoukei. Ka omdan leh ka
kampau te in ka ngaihsang dan leh ka itdan latsak ka sawm a, himahleh
lawmta kal a gen dia kilawm lou thil ah ka pilvang mahmahzel a gam kek
ahaksa kasa hi. Ka tup kei theihtan ah tangtun zoulou in ka kikoih hi.
Itna lampi zaw zui dik hin ka kingai a, lam-et bel ka nei gu thousam
hi. Huaibel a kampau te ah hilou in ken ka ngaihluat ziak hi zaw din ka
ki-um thep thup zel hi. Huchin hunte ana pai pai a, hun khat hon zin
mangsan hiau hi. Hiai ahi ka kisukmang na masapen uh!
Ka nuihzat guk khat bel, ka lawmpa a limlak ka ngetsak ahi. Ka nei kei
ana chihkhum bauh a, kenle ngen tei tei in, “a sawp thak na di sum le
kon pe na di nachi dia..” ka chi hi. Biakinn ah hontoi in teh hon chi a
ka lawmpa’n ah a ka va kikhawm uhi...sum le ka toisak ngala, agal ah ka
en hi. A kipia uh ka mu a, ka lawmpan sum a piak dek leh khat nu nui
sel sal in la utlou in a taikhia kamit mah mahin ka mu hi. Ka lung a kim
mahmah. Tutan ka kem lai a, chik hun hiam chiang in ka en vang vang zel
hi. Ka kisaktheihpih lai lai hi. Tutan bang ziak pasal neilou ahi di
aw..keiziak ahi di aw chihpeuh khong in kangaihsun kha dek dek hi, ka
haidan!
Mi bang in graduate pak bat toh innlam ka
kik sam hi. Sep di chihlah om mawklou ahihchiah a kumtawp lam in lawmpa
hon zot “amen” in lapawl zil din ka kithoi pawt sam uhi. Hiai ahi ka
tangthu gelh a mun poimoh pen! Lapawl ka zil masak ni pen ahihtoh kiton
in tua ka numei gennu ka muh masak nipen le ahi hi!! Huai in lazil bang
hon kithalawp sak a, activities tuam tuam bang ka neih khawm zel ua,
tuailai vai na na ah chu ka active loh hial ve. Nuam pan pan…inn a
thadah lubok khat chu hiah biakinn compound ah numei khat mai ah ka
taima in fel ka kisa petmah hi. ka ngaihtuah kik a, bang chidana a
AIRCEL phone number nei kha, bang chibang thu a na ki-text kha ka hi uh
hiam chih bel ka theikhe zou non kei hi. Hiai a ka migen tutan ka kitheih nung unle, gensiat na di bangmah ka thei naikei. Ka ngaipetmah a
tutan bangziak a ka kitheihkhak uh hon lang den a chihle ka theikei hi. A
ziak di ka zong hang in ka mukei hi. Ngai lou hihetlou na pi in, lawm
le gual te hasotlouh le hilou in, ka kiniamkhiak ziak in itna thu kana
gen ngamkei a, haksapi’n manghilh kanasawm hang in tunitan ka manghilh
theikei a. A hun bang zel in, hiai ka hunzat sa te uh hong kilang kik kik
in, huai lai a kana doilok nate theiden mahleng gumtak in ka itna ka
gelh khe ta mai hi. Pasal hon neihsan leh ka manghilh mai diam maw ka
chi a a neih hial di le ka ngaingam tuan kei hi.
Comments
Post a Comment