NAHSAN TUI TAIH
By : Ci Tonsing (The Chronicle of Paite'S)
Sawtlam pekpek in pasal khat in nahsan tui taih amu a, hoihsa lua in inn ah apua hi."Pi, hiai bangbang mi om diam?"chin, innkatung a muikhek deldel pitek khat adong a, pitek nu'n, "Omna mai zen ke, vanlengnu a omke," chi'n ana dawng a. Vanlengnu tuh huai mipa'n azi di'n adeih mahmah hi. Nikhat luikhuk akhuat a, azing a ava etleh anakitoknin a, azingnawn a sabeng pai in atotleh ananin lai a, zingchia'n zaw na siangta ve, chi in apaisan hi. Azing a avaetnawnleh anasiang ngut a, akisil hi,. Azingnawn matak in a van a kipan nungak khat hongkumsuk a, huai luikhuk ah hongkibual bolhbolh a, tui hong nin nawn hi. Anungzek in pasalpa kisil di'n akuan nawn a, tuinin a muhtak in, "Lamdangna e, kuan hongsunin zel ade aw, ka tang ding," achita hi. Zingkal matak in athou a, atang ta a, Thakhat in vanlam apan nungak ngou bebua, melhoih tak, alu a aksinelkai khim khat honglengsuk a, luikhuk ah hongkibualta hi. Huai nungaktuh Vanlengnu anahi a, pasalpa'n aman a, adeih gige mah ahihziak in, zi di'n aneita a, huai aksinelkai tuh lelpi sung ah aselsak hi.
Sawtlam pekpek in pasal khat in nahsan tui taih amu a, hoihsa lua in inn ah apua hi."Pi, hiai bangbang mi om diam?"chin, innkatung a muikhek deldel pitek khat adong a, pitek nu'n, "Omna mai zen ke, vanlengnu a omke," chi'n ana dawng a. Vanlengnu tuh huai mipa'n azi di'n adeih mahmah hi. Nikhat luikhuk akhuat a, azing a ava etleh anakitoknin a, azingnawn a sabeng pai in atotleh ananin lai a, zingchia'n zaw na siangta ve, chi in apaisan hi. Azing a avaetnawnleh anasiang ngut a, akisil hi,. Azingnawn matak in a van a kipan nungak khat hongkumsuk a, huai luikhuk ah hongkibual bolhbolh a, tui hong nin nawn hi. Anungzek in pasalpa kisil di'n akuan nawn a, tuinin a muhtak in, "Lamdangna e, kuan hongsunin zel ade aw, ka tang ding," achita hi. Zingkal matak in athou a, atang ta a, Thakhat in vanlam apan nungak ngou bebua, melhoih tak, alu a aksinelkai khim khat honglengsuk a, luikhuk ah hongkibualta hi. Huai nungaktuh Vanlengnu anahi a, pasalpa'n aman a, adeih gige mah ahihziak in, zi di'n aneita a, huai aksinelkai tuh lelpi sung ah aselsak hi.
Hun pai zel in, ta pasal
sagih anei uhi. Atate uh atei thei ua amin uh Kapthei, Douthei, Sinthei,
Enthei, Zomthei, Khuakthei leh anautum pen, Kaptanelnul ahi uhi. Anu
leh pate naudon leh loukuan akikhel zel ua. Anu'n adonchiang in
agenhakthei ua apa un adonchia'n in aching hithiat un,nuam asa uhi.
Anu'n anaute omdanlamdang asa a,nikhat adong a, "Bawite, na pa'n
hondonchiang in na chingthei se ua,ken kondon chianlah na ching kei sese
ua, bang chidan ahia,?" achi a. Kuaman bang mah agenzok kei ua, atawp
in a nautumpen in,"Nu, ka pa'n lelpi sung a aksinelkai honlakhe zel a,
huai toh kakimawl uleh nuam kasa ua ahi. Loukuan nongtungma in kapa'n
lelpi sung ah akoihkik zel," achita hi. Huaitak in, anu'n aksinelkai
omna hontheita a, alu ah akhim hi. "Bawite, hon en dih uh,ka kilawm
hia?" chi'n atate aban dotta hi. Alianteng in,"Nu nakilawmkei," achi
chiat ua, aneupen Kaptanelnul in bel, "Nu,nakilawm lua, namel ahoih
tuanlua, honkhulai dih,"achi hi.
Vanlengnu in atate houpih kawm in
aksinelkai khim zok in vanlam ah alengmangta hi. Nitumkuan in apa uh
loukuan hongtung a, "Bawite,na nu ula?" chi'n adong a. Ataten, "I aw
pa,ka nu'n lelpi sung a aksinelkai na koih la in akhim a, vanlam ah
honleng mangsanta," chi'n khasetak mai in adawng uhi. Huaitak in apa un,
"Bawite, na nu uhla om nonlou, ka hinthaman nawn kei, ka kithat mai aw"
chi'n achiltang khat amekkham a, atalianten bel,"Pa, kithat zenzen ken,
Kithat le chin kou bangchita ding," achi in akikou ua. Aneupen
pautheitak mai in bel, "Pa, Kaptanelnul pa,alangkhat leng mektam vanglak
mai oh," achi a, huaitak in achiltang langkhat leng a mekkham nawn a,
asita hi.
Huchi in, unau sal sagihte nulepa bei, tagah petmah
honghita uhi. Genthei kisa mahmah in akingaihtuah tuahta uhi. Nikhat,
kapthei in vanlam ah thaltang akap a, Zomthei in thaltang a zom
a,huaizui in vanlam akahtou daudau ua, Vantungbung avatung uhi. Anu kiang
avatung petmah ua, akipakta mahmah uhi.Anu un, " Bawite na hong umaw?"
Napa ula? Bang nongchi khosak ua?" chi'n a dong a, anungzek in, "Bawite,
paikik mai un, na pu'n hontheileh hon ne ding ahi," achita hi.
Huaitak
in ataten, "Nu, bang ka chipai nawn diua? Ka pa'n, na nu lah omlou, ka
si mai ding, chi'n honsihsanta hi; nang lah omlou, chimoh lua ka hi uh,
hondon ding kuamah lah omlou a,chi 'n a dawng ngitngit ua. Anu'n "Bawite, na
pu'n hontheikhiakma in painawn zok mai uah, hon theileh hon nepah ding
ahi. Na pa ulah omlou, kei kongpai bangmah phatuam kei," chi'n atate pai
di'm asawl teitei hi. Hichi a kihouhoulai uh apu'n anaza a, naupangte anek
ding dan ngaihtuah kawm in, chilphul zen in naupangte honhoupihta a,
"Bawite, na hong uh maw? Na nu'n pai dia honsawl sawl ahihleh ken
kongkha ding,pai ua le." honchitahi. Huchi'n apu heu in naupangte leilam
ah apaisuk nawn uhi. Inn hongtung ua, ni bangzah hia nung in apu'n.
"Lou na kineih ding uh ahi,pai lou va vat ni," achi a, louvat di'n
akuankhepah uhi. Lampi ah apu'n bel naupangre anek dingdan kia a
ngaihtuah a, adenlam chiang a sing delhlum sak ding,chih
a ngaihtuah ahi. Huchi'n lou honvatta ua. Naupangte singnuai a tusak
deulau in, sing hongphukta a. Sing hongpuktak in Enthei in ana-en a,
Douthei in anadou a, kuamah adelhlumkha kei hi. Apu'n abanban in sing a
phuk nawn a, Enthei in ana en zel a, Douthei in anadou a,kuamah
adelhlumkha kei hi. Apu'n abanban in sing aphuk nawn a, Enthei in ana en
zel a, Douthei in anadou zel hi. Apu'n tun zaw sigaita mahmah unteh gi
lleng kialta,achi a hong etleh kuamah anasikei ua lamdang asa mahmah hi.
"Bawite hingdam a om na hi umaw? Sing in hondelhlumkha ding chi
a,lunghimoh lua hi veng," chi khemkhem in innlam ah apaipihta hi.
Comments
Post a Comment