LUNG IN NGILHTHEI KEI VENG

BY: Cyk Emm

Pawl XI kakai lai in lawm leh vual kipolhna ah kam tam mahmah pol, ban ah pau thei pol kahi sek a. Numei pasal khen lou in ka pol thei vek a, adiak in pasal toh kaki pol tamzo sek nak hi. Numei polh nop louh xiak cuh hi tuan lou ahi. Keile mihing khat a piang khia kana hih sam ziakin itna bang kanei tei sam a. Pawl X kazoh ma a ngaihzawng neilou di chi in hon bei te le kana lim bol pha kei hi. Pawl X ka hon zou a, ka veng uah pasal 1 toh kaki pol nak mahmah ua, amin ai le Siam ahi. Ken pot na di ka neih ciah le kasam sek a, aman le hon sam sek a huci in kahng ki jui toutou uh. Amau ai le neih leh lam lam ah kou sang in a nei jo thamtham ua. Ken pawl X kajoh in amah pawl XII jou ahi ta. Amah hi mi nuam sa deih lamlam a kitasam lou ahi a, huci bang a nuam satak a khanglian ahih man in Khamtheih ah hong kibual ta hi. Ka kithuahthuah lai khong un le ahih cih ka thei tham a, ka it pen hong hi din le kana ging ta kei hi. Ka kho nung theihtheih ciang in ah pawl X akai lai apat a ahih bang ana hih tak jo mah lai. Kingai cuh hi nailou kahi uh. Kou veng mah a om numei 1hoih asa mahmah a, a deih mahmah hi. Huai tak in a numei nun ah ngai lou ci in kham theih hih ci in ana lauh bol mahmah hi. Huci in ken le kana heh nem sek a, a kham theih ziak amah le hong se deuhdeuh ta.

Huchi in zomi namni hongtung ding kuan in ah minsiat na lian tak hon thuak a, ken le kana thum pih sek hi. Huai apan amah le hong kingaih tuah pan in ah Decision hon lata a, Rehap centre a om a khamtheih top san a hon sawm ta hi. Huai thu kajak tak in kana kipak mahmah a ken le kathum na in kana phok jel hi. Kum 1 ving veng sung ava kikhum khia a, hong pot nung in ah huai a thil hih lui te tawp san in hong om thei ta hi. Huai apan in ka hong kipol nak josem ua, aman le ka lawm luite pawl leng ka hinkhua lui ka kheng theihlouh khk di kalau ci in midang pol lou in kei kia toh kahng kijuijui ta uh hi. Hucia kahng kijuihjuih ua leh aki-it masa jo cih le omlou in akingai kahong hi ta uh hi. Ka kipawl ua, huai lai tak in Inn kapeh ua sik kilh lei bang, ai ke kuva neng lei khong inle ka kijuijui ta uh hi. A hong pan pih sek a, sun nitum tum in a hong pawtt sek a, zan ciang in bel alawm te a tuah khak di lau in hong pot kei thepthup jel hi. A hong pawt louh chang inle phone ah msg ai ke kol thoh bang in ka hong kihou tou gige uh hi.

Hunte hong pai liam zel in ka inkuanpih te'n le ka omdan uah mat na ciang hon nei ta ua. Deih sak louh di bang cu theihsa hi ta, kigen ngam lou kipau ngam lou hi ta mai ahi. Ka hong kingai pan ta ua jan 1 ka in uah kalawm te mi tampi toh kapu te hong pawt ua inn dim zen in ka tu dem duam uh hi. Ka sungte hon deih sak louh di dan aman le ana thei khin a. Himah leh huai zan a ka houpih louh pen na asa mahmah hi. Ken le houpih lou mah ka hi. Houpih leng apai nung ciang ua ka sungte hon gen a ahon bol di dan uh thei khol kahi man in. Huai nitak in ah aheh di ka thei khol a, ken le msg ka khak pah hi. Msg ka khak na ah (inn na tung ta hia?) ci in ka dong a, aman le a hon rply pah a, a hon reply na ah hiai bang in hon gelh hi (kei houpih lou in na om a, kei sang in midng na poi mawh jo ci in hon gen ta hi) ken le na kasa mahmah a, kingai panpan ka hih man un puak siam haksa kasa mahmah a kikhen mai ni hon ci ta hi.

Ken le huai za dia kinem lou lua kahih man in ka leh dot a, "Usiam bang cidan e tu kikal a ei hici mai di maw?" hiai ja din ka kinem kei tel ci in kagen a ka mittui nul vual louh in ahong luang ta hi. Ken leng hici in ka hon gen ta hi. Usiam hon theisiam di ka hon sa a, ken nang ka hon houpih ut louh ziak hilou ahi, midang sa le nang hon poi mawh jo thamtham ka hi. Ken huci in mi lak a nang hon hou leng i maban a kimu thei non lou i om mel thei lou kai ciang in ci in kagen ta hi. Ken le msg ka khak jel a hucia kikhen di na cih leh kei a numei jo pen kai ciang in nang thu ahi di, hi leh leng ka hon na it ta a, nang adin thumsak tu in kapang dia, na hinkhua tua sang na hoih jok sem nadin kana thum di ci in ka fone ka off san ta hi. Ka lungsim a om teng le ka khak ngam kei a mittui in hon pum tuam ta ai man in, huai nitak bang cuh ihmut le om sekei a, ka lupna tung ah ka kileklek hi. Ngaihtuah na bang cu pai sau pet mah, mittui luang nei nuai kawm in jun tha din ka thou khe jel a, ka ihmu himhim kei hi. Ka kingaih tuahtuah a, dak 3 hong gintak in ken le ka fome ka on nawn ta, ka et tak in ah ka it pen msg a hong lut jiahjiah mai ta hi.

Ngaihdam a hon nget na msg te kamuh in ka khasiat tha a hong suak semsem a, a ngaidam ut lou hilou in, ngaihdam khitsa dan in ka lungsim ana om khin ta hi. Ihmu lou mo hon ci a, amah le ihmu lou in huai zan cuh ka nih un kajan hak tuak uh hi. Ihmu lou ka hih man in jngkal dak 4.30 lak di khong in ka thou a, Jingkal devotion in kava hoh a, amah a di mawngmawng in Pathian kiang ah kava thum hi. Ka thumna ah hici in ka gen "TOUPA hiai ka Usiam ka it, nahon thei, ka lungsim thei tu leng nang mah na hi. Ka kal uah nang man vai hon hawm sak inla a, nu le pa apan deih sak na ka ngah theih na ding un hon ompih in" ci in kagen di pen thei lou in biak insung ah ka kap kheta ahi. Pathian kiang a panpihna ka nget louh ngal kei adia panpih tu ding omlou ai ziak in Toupa hong panpih in ci in ka ngen in mit tui toh ka kap hi. Ka it Usiam in msg a hong khak a ihmu lou na hih leh iki mu di naman leh ci in a hon sam hi. Kaman kei ka ci top ta a, a zik ahih leh amel mu leng kikham jou lou a kap dIng ka hìh man in ka ut kei hi.

"Please" chi'n a hon ngen teitei a ken le nial ngam lou kaih man in aw ka ci a, jingkal dak 5 in ka kimu ua lampi a nawl lang 1ah kei kapai a, a lang 1lam ah amah apai a, pau jo tuam omlou in ah lampi ah kapai uh. A hon houpih a "kin maw?" ci in a hon dong a ken hi ci in ka dawng in, kapai san ta hi. Sawt pi kimuh ut himah le ung ama nitak a ka kihou dan ua pan fuh thei nai lou ahih ziak in. Lawm ta kipol sa kingai ka hih ziak un Vaite film 1 ah Ek lardka aur ek lardki ke bich me kabhi dost nahi ban sak ta a cih uh bang ka tang ah dik diak a hong bang ta mai hi. Hun te hong pai toujel in nu leh pa hal kahih ziak mah uh ahi diam ah ka ki-it semsem uh bang kasa vungvung mai hi. Kei kalung sim dan incuh amah nidang a record lui ase tengteng khek sawm a Pathian toh pang ding cih ka tup pi pen a hong hi ta hi. Khovel paidan hi ken kana muhmuh ciang in ah a mi hoih le hoihlou kal ah deidan na lian kasa mahmah sek a, a hoih ten la Zu ana dawn thei jek te khong le sim mawh bol, muhsit bol, pol nuam lou a i om ziak un ah tulai in kingaih siat na ziak a sia hi atam mahmah kasa a, huci bol mai lou in ah en bangmah hih lou in na hih tak leleng amau te pol in ah lajil di hiam, kikhopna hiam aike society vai ah tel sak lehang bang a cidia cih ngaih dan bang kahon nei semsem hi. A ziak bel ka it pen hi ka veng sung ua le lawm dudak le neilou, kuaman lah pol nuam khollou cih khong in a om sek a, na kana sa thei mahmah sek hi.

Bang teng hong tung leh leng amah adin sih tanpha din kahong pang ta hi. Hunte hong mual liam jel in, nu le pa deihsak hilou ka hih man un kei adia lampi om sun jingkal devotion hoh a, kou gel adia thum ahi. Hunteng a kaman teng in Pathian kiang ah ka ngen top ta mai a, a ziak tuh it lua ka hih ziak in. Sungte hon deihsakna di lampi zong in ah ka buai thei mahmah a, a om di dan a thujoh na hilou in kou gel kal mavang jo leh cih ka ut luat nalam in ah. Kikhop na teng ah ka jawn a, tuailai kikhopna, Kiginni, Pathian pen ka kimuh na uh hun lem ahi pen sek hi. A ziak ai le ka kijuih ciang un ka u te toh kiton himah leng a hon jui a a hong kha phei thei hamham hi. In ah a hong pot chang inle ka deih bang in ka houpih ngam kei a, ka ut dan inle ka om thei kei ahi. A haksa petmah a, a lampi omsun a hong hoh ciah ka note kana gelh pih sek a huai himai ka tut khom hun uh. Amah ahih le Guiter heavy metal cih khong ahi a, kei ale huci vengvung lung lut lou pop song lam, lapawl, ahi vengvung lou deuh te kon ci mai di hehehe himahleh amah ziak huai te bang ka hong ngaina ta a, ban ah amah le huci mah bang in cik mah a pop song ngai ngei lou pan hon ngai ta hi. Kikhop na khong lel a kimu thei kahih man un tuailai vai a pot na di, van juak di aike sociel thil a bang hiam hih di om ciang in ka kihilh tuah ua huai ah kimu thei jel in lungsim bang cuh kipah na in pum dim mai hi ka kimuh sunsun ciang un ah, hucia hun te ka hong jat mual liam nung 1vei SSPP sports hong om a, ka veng ua pan 3km vel agam la ahi.

Numei tele football pek di ci uh ahihman in kei le ka kisa. Ka Usiam ai le football khong a en ngeikei himhim a, lung leng a lung lut kei hi. Himah leh huai ni incuh kei tel di kahih ziak in ahong jui a, football pek bang cu kihat hita mai dan eive heheheh. Numei 3 in a hon tuh ua ahon tuh khe jou kei uh hi. Kou vengte hi kaneu thei mahmah ua, ka langte uh alian thei mahmah ua, a let tuk in a hon lah mahmah ua, hilele penalty in hon jou uh. Aman hi a hon sap ciang in ka baby a hon ci sek a, huai cia hong kikou bang cu kikhang tultul mai dan eive. Nak nop lua. Football pek jou kapot le ka kiang a hong pai a, tui le glucose ka don di hon na kep sak thinthen hon pia bang cu, hat beh deuhdeuh leng kilawm mai dan eive. Huai kajoh un buan nei nuai kawm in kapot khia a, aman anau pa Muan a di laithon va khak ni bazar ah ci in ahon jawn a, kei leng buan lua kahih man in hici pi a hoh di maw ka ci a, poi mahmah kei a acih leh it pen in poisak louh bang cu poisa lou buan pi in bazar ah kava hoh khom ta uh hi. Ka pot khom in tung kik di bang cu lit huai hi ta mai, insung ah hi aneu lam ka hih ziak tai ka thuak tam kei a, ngaih jong ziak a tai thuak gige cuh ka hinkhua hong kipan na ahi ta dih hi. Huci in ka hong tung ta, bang mah gen bang om naisam lou, huai kapawt sun un ka upa'n hon mukha cit ciat ta hi. Huai nitak in katung bang cuh gen di pen kithei lou, kipau ngam lou, nitak lam an kahong ne uh bang cu ling tettet kawm a kine himai. Ka upa a hong pau ta a, bang ziak a nalawm te toh hong kiton lou a vapawt sawn sese hon ci ta hi. Ken leng kadawng ngam kei a, bang ziak a huai patoh pawt khom? bang va hih? ci in hon tai ta hi. Bang mah kigen ngam selou in ka dai dide mai ta hi. Ka maban cu bing hi ta, amah lah ka hilh ngam kei a lunggim na kape ut kei hi. Huai nung hi kikhop lele guard bol dan in kei kia kapot khe thei non ta kei hi. Kei adia lampi omsun cuh collage kai cia collage ah ahong phak le kimuh di himai, huci lou kikhop na ah ahi mai ta. A gen theih huai kasa mahmah a, himah leh lungke lou in thum na toh kapang ta hi. Kei adia lampi omcu Pathian toh kapang khawm kan a om kei hi. Huai tak in gen kei mah leng aman le hon theisiam ahi ding a collage ah a khen ciang in a hon khasek hi. Collage ah clasa la lou a ka om ciang un le ka hilh kalawm nu te in ah kava om sek ua, ka lawm nu le a tangval pa toh huci pairpair bang in ka tu ua nuam kasa mahmah uh hi.

Hucia hun ka hong jatjat u leh amah hi 1vei a sung ten khual jin san uh a, hong pot ou ci in a hon sam hi. Huai jan in kei kia ut lou kahih man kalawm Nun Sang ka jawn hi. Aman le aw ci in nitak lam nek joh in hoh din ka hong kisak laitak un vuah hong ju a, vuah a hong juk tak in aman le a hong fone a, nuam nasak kei ua leh poilou nou thuthu a hon ci hi. Ka lawm nu le ut mang lou ai ziak in kei le kei kia ka ut tuan kei hi. A ziak bel nungak 1tangval kia vapot cih jum huai pi dan a ka ngaih tuah ziak in ah, ban ah amah kia om hilai ci in ka ut het kei hi. Cih le ngaisiam tak a ahon gen kasak leh ana ngaisiam het kei a, kou kahoh di ziak ua nek di bang ana bol ana hi maimah a, huci di saleng jo kua hiam 1bek jot a hoh teitei di hi ing a, ka kisik mahmah hi. Amah le aheh mahmah a kalawm nu ana msg a nou Lesbian maw? 1a hoh kei leh 1hoh thei lou maw ci in kalawm nu ana hou se zialzial ta hi. Collage ah kalawm nu kiang ah le I Thnk Chicken lov nöodles cih khong ana gen a, huai lai tak in kei le ka fone kisia a, lah kaloh di dan a om kei a, haksa pet mah ngaìhdam nget ka ut mahmah hi. A jing in collage ka kai leh kalawm nun a hon ensak pah hi. Huai ni in kaveng uah misi kanei ua misi pen ka kalawm nu paneu ahi.

Kei leng collage kai top in kapai leh lawm te huai mun a hoh hon bang ua, ken le Top up vathun in ka lawm nu fone ah kei kahih dan msg in kagen masa a, hon kol di ka hi ci in kagen hi. Huci in ka kol a network a hoih kei mahmah jel a, ka aw uh kija tuah thei lou in kahong om jel uh hi. Buai na cuhpung himai ta, cih le msg kalawm nu fone in a hon khak a hiai bang in hon gelh ta mawk hi (U fuckin bitch if u don't wana talk 2 me don't disturb me anymore) cih msg kamu mawk hi. Ken le na kasa mahmah a, na salo selua ka nuih lamlam bang aja jojen ta hi. Kei kahih le mi kamsia in ka hou ngam kei a, kei ziak a min mittui a nul khak di lau lua in katheih top in hoih tak in kahou jel hi. Kaheh top khok ale kam agen thei lou mittui masa josek ahih ziak in, huai msg ka mu bang cuh dip ngek hon luh tamai a gen di pen thei lou in ka om top ta a, ken leng ka thuk a "usiam kei ka hih lam hon thei gegu cin a nang hiai bang a hon hou tel di maw? ana lua, puak siam haksa kasa" cih msg kagelh kawm in ka mittui atak khe jungjumg tamai hi. Ka lawm nu'n le ka msg a en a, lah hon hehnep di dan a thei tuan kei a, ka khase pet mah cih louh ngal gen di dang a om kei, an le nelou in ka om a, misi in a lenkhop louh kou adia kimuh na di omlou ahih man in, a hong kuan khak le ci in leng khom dia ka kisak le kalawm nu sang te toh ahong tawn ua huai nitak lengkhom in ka tukhawm kha uh hi.

Lem thei mahmah lou ahih man in pai ni a hon ci a kanial ngam kei a kajui a, lampi ah ngaihdam a hon ngen a ken le kadawng thei kei jojen a, ka mittui ka guk nulnul ta hi. A tawp in a hon thei khia a ngaihdam hon ngen a ka ngaidam a kalawm nu kiang ah leng ngaihdam a ngen hi. Ka lawm nu Sang in bel pum huat hi ta ahih man in hiai toh na kikhen kei leh ikipol nawn kei di hon cih khum jojen a lah khen jou di vual kahi nawn ta kei. Amah ziak in innsung ah bang cu tai kathuak mun mahmah sek a kei lecu gen thei ka kisalo thamtham a ka itna in ahon joh luat ziak in bang mah lou a bang mai ta hi. Sun 1ka pot ua leh kanu'n hon mu cit ciat sejel a, kanu leng heh lua ahi ding a inn katung tak in ah jep kathuak ta hi, kanu'n le kei a hon it cih ka thei a pau het lou in kap kawm in ka thuak a, kanu'n huai khamtheih hih sa, bang teng a minsiat nateng thei lou mo? bang tan hon tung pih di sa na hi hiam hon ci ta a, huai a hon cih tak in ken le ka it pen gen ahih man in ka thuak le ka thuak ding ka ci a kanu hon thu gen ka dawng ta, kap kawm in ah "Nu mi a sete le se den lou dia, ahau te le hau den lou di Pathian in hon bol hoih sak na di ci in kagen a, kanu a heh tha suak josemsem ai man in hon jep beh ta a, kei le kap kawm in kalup natung ah kapai a ka kidik nilouh a, cik mah nu te dawng ngei lou pen inle itna ziak in kanu tai bang, aike kanu jep bang kathuak ta, kanu'n hon heh san kawm in insung apan napot nawn kei di hon cita hi.

Himah leh pathian in panph tu dng hn sawl in a chang2 in ka Ukim fwn tungtawn in aguk in ka msg jel a,in ah fwn in pau lng la kapau dan a hn thei d uh,a pua ah pai in houph lng la insung a pau dia hn sam d uh.kei fwn siat toh haksat na in hn pum twm tamai h.kei le kathum jel a ka sung te hn deih sak na uh ai khk leh ci in ka thum ciang in a lungsim a pathian in Bible jil np na lungtang apiak d bng in ka ngen jel a,amah kiang bng ah lng ka kup ph pen ahy sek h.kitng ding ci le ung y lai in kei insung a naupang lam katng ate anei om nailou,bn ah amah ah muhsuah lng om nailou ci in kitng d lam pen kha kagen kei ua.ken amah kakup ciang in ah ama bn ah jom tou a ka nih ua panla khm dng in kagen sek h.amah ahih leh lapawl zil chih khng a ut kei a.h le2 lng kei kalung lut nalam png tak leh kaki muh na d uh lampi om sun aiciang in.amah lng a hng kuan jel a,lawm te kha dng bng in ka nih un kanau ka jawn jel ua kou kimuh np man kaki volunteer khesek uh hi.

College ah ahon kha jel a, himah leh pi di lampen pate ofis kaiten hon muh khak ding lau kahi jel ua, 1vei mun 1ah lapawl jil a pot khe di cah ana ja a, amah leng ka msg ngak in ana om a, huai ni in ka usiam pa pen damlouh na ziak in ofis akai kei a, ka lajil di pen uh dak 3 a hi a, collage kana kuan a kalawm nu fone in ka msg a mun tuam lajil dek kahih dan ka thei sak a, amah le ka hilh johjoh in apa gari lian hon tawl khia in collage ah ahong pai a, kalawm nu toh hong pi in a kalawm nu te in ah singpi khong dawn khom in dak 3 gin di ka ngak ua, dak 3 ging di bang ngak lah huai het lou, a hong gindek in kalawm nu toh ahong kha ua kei gari lian ah amah gei a tuang di cih ka jum mahmah a anung ah ka tuang le na driver hon sa maw ci in ahon nuih san a, ken leng hi jojen lou e cih toh lut kathuah hi. Kalawm nu toh amun tan hon kha ua aman kalawm nu te in ah hon na ngak a, lajil bang cuh lungsim a om selou.

Katop di uh a hong ngak nawn ua a hong pi ua kalawm nu toh, huci in bag te lakawm in kalawm nu te in nusia in kei leng amai ah, amah gei ah ka tuang ta a. nuam kasak pet mah hun uh ahi ding. Phalbi lam ai man in khua bang mial dek sim a dak 5 ginma lak ahi ta. Ka inlam tan uh leng hon kha ngam lou in ka inpam lam ua pan kapai a huai lai in meitei kingai te bang phok dundun in a om jojen. Kei intan khe in kapai phei thoh ta hi. Ka Usiam nidang a aom dan ken detail jual di ngaih jong bng cu hau pet mah ahi kei a bangjah na kadiam a kathei kei a.  A ngaih jong telak a amah it pen leng kei kana hi sam a, ban ah inocent hon sapet mah a, hon it in hon ngai pet mah hi. Aman ah hon ci sek a na inocent lua nidang a ngaihjong nei ngeilou mo ci in bang a hon dong jel hi. Nidang a angaih jong te bel eimi lou ngen ahi ua, apot khom ciang un le sum tampipi nek theih man a aseng dan khong hon gen jel a, kei toh ka kingaih nung uh bel ka msg pack di aman a chang in hon thun sak jel a huai ahi mai di. A hon it pet mah ka cih nasan in bel bang hiam hih nakhong ah ka dangtak ding ka gil kial ding a ngai thei het kei a, a guk in ah kanek di thei tui bang aike nek theih bang ana lei gu sek in mi hon pesak sek hi.

Ken le ka it pet mah a himahleh amah leng a thil cin lui te atop san nung nu le pa lung gim sak louh di cih ka thugen thupi pen leh amah tup ahi a, sum bang le anei ngei kei a, cheng 10a neih lele akimkim in ka kihawm sek ua ka nih un inak hehpih huai e maw ka kicituah kawm in bang teng tung jong kip gige ni aw ci'n ka nih un ka kihasuan tuah jel uh hi. Ni 1tuh amah ziak in tai kanak thuak mahmah a kei leng heh sa in inn apan kapot khia a, kasam a, amah leng gari neu in hong tai tungpah a, bang ci e cin a hon dong a ken le gen lou in bang mah cilou Usiam pot ni kaning lua ci in kapot ua gari neu in ah cih leh kapot nalam uah lampi ah ui in ka lampi pelh di pen uh hon subuai in kapelh nalamlam uah ahon tai a, ui pen kaveng nalam un ka hong excident ta ua, ken katong guh kasu kha a aman a khut guh a hek sak kha a, ka nih un a ka buai mahmah ua, ka ui phut khak dek pen u le ka Usiam pu te a ana hi jo mah lai. Ka Usiam in ahon sap ciang in Ml n Mb ci in hon sam a huai cuh ma love n ma baby cih na ahi. Ka nih un kaliam ua, amah a pen a pu ten dok sak mah leh a bok a, kei a hon ding a kisu kha lou mo hon ci a hi ka cih kawm in ka tong kahum leh a si hong tak khia amu a bang ziak a hon khem e ci in pharmacy ah tetanus hon kap sak in ka khut hon twm sak a, amah apen sang in kei a hon lung hi mawh pih jo ta a, ken bang mah cilou nang a jut di ka cih le kei adam ci in a khut a sel a, a gari pen bang mah cilou amah le khut na kawm in gari hon hek a in ka pai ua, kei cuh in lut ngam lou a ziak khat kitawm sa in lut leng theisa di uh ai man in lawm te in ah puan nak bansau ka khel a, huai silh in insung ka lut ta hi. An nek di bang cu lit huai hi ta, ka kisuk khak nalam pen ka taklam ai man in anbak di bang 2vei 3vei kisak tuantuan a ngai hi.

Sungte toh an nek khom bang ut huai lou top khong in ka hong om ta a, gen theih huai pet mah natna kisel, insung a numei kihi nasep louh theih louh, na bang kasep pih ciang asi bang hong pot behbeh jo mah. Ka kisuk khak napen in thuk luh sim ai ziak in, adam hak pet mah a, hucia amah le saptuam khong a hong kijang tou dek pan cih a ahong om tak in nidang alau nu Kim pen in ana beibei in a hong omta mawk a, aman leng ka kiang ah hon gen pah hi. Ka kal ua kigolh atam mahmah a, haksat nalah pung hulhul mai, ken lrng ka cisek a Usiam amah cu hoih nasak a nana delh ngei te hi a mo ci in kagen jel a. himahleh aman hi amau khong nang toh teh di vual hilou, Amau pi a jeisa, lauh le neilou, nang cu na it pen le gen ngam lou, amau toh teh di vual na hi kei na innocent lua lungkham ken, ken nang hon it hon taisan lou di kahi ci in hon nem jel a huai ciang bang in kakipak mahmah a, ka lungkim sek mahmah hi. Kei le kahong dam panpan ta a, kim pen in Lamka ah hoh din a jonjon a a ut ngei kei a, huai nu pen kou veng apan Lamka a pem khia ahi uh. Beih cih tak in ana bei a ana jawnjawn a, a siat lai apat ken nawl khin lou lawm bang a pawl ing a, a hong hoih tak a deih ci in kei leng kaheh tha bang a suak thei mahmah hi. Ka lawmte'n ka usiam toh hon deih sak lou vek ngen ahi ua, a ziak bel kei saptuam lam ale kana kizang a, siat le kana sekha kei himhim a, kou gel kal a deih sak tu ding kamuh sunsun ucu Pathian lou ngal a hong om ta kei a. Khovot lam xmas kuan a hong hìh in la zil bang ka hong kisan mahmah ua, amah leng hong kuan gige biak insung a kihou hikei mah le ung ka kigal muh tuah ua leh leng kalung uh akim pet mah hi. Huai kum in apan a xmas pen lamka ah jat di inkuan kim in ci in asawm pih mwk a, amah le a ut mahmah kei a lah apa asel ngam tuan kei hi. Dec 20 kha a birthday ahi a, ken le ka hih theihsun ci card toh gift kalei a, huai ka gift lei pen ai le saguh Nou te I AM YOURS leh U ARE MINE cih aleh lam tuak ah kigelh tun in kapia a, amah le kinem lou lua ahi ding a, eh bang cidan e ahon ci a, ken le ka hih theih sunsun ci in kagen a kipak lua in abiang ah mittui hon tak khe keuhkeuh a, ken leng Usiam huci jenjen lou e Pathian hiai leitng a hon piangsak a kei adia hon piangsak ken le itna thil piak hiai nang hon pe thei na thei kahi ci in a mittui te kanul sak a, aman ah hon chibai kei hinkhua kuaman hiai bang a manpha hon pom sak lou a, mi muhsit leh nelsiah ka thuak a nang hon gum tu kanei kakipak lopet mah. Ka hon it lua kahon ngai lua ci in hon gen, ken le ka it leh ka ngaih dan thu kagen a, lajil di kawm a kalawm nu toh aguk a huai pe dia kuan kahih man un, USIAM kana kuan suk dia nunu papa te thumsak na nahong joh ciang un ah ajekai naikei leh kon hilh dia hon kuan in aw ci in kalawm nu toh lajil din ka kuan khiat san ua, amah le amanman in a hong kuan suk a, lajil katop un kipak lua aiman in atop kapai phei ciang un ka u te toh kahi ua mibang katam jojen sek ua, alast na ah hon paipih a kidam jou lou in ka khut a hon len kip tinten a jingciang a jin di ahih dan a hon hlh a, huci in ken le a khut lungkim tak in kalen a ka inkong tan uh hongkha in akik a, a jngciang a jin di kuan in ah msg a hon khak a kon ngai lua kon pai pah di o ML n MB ci in msg a hon khak a, lungmuang tak in ana om inla kum thak ijng khom di o ci in msg hon khak hi. Ken leng kintak in kathuk a aw le Usiam damtak in nava tung dia nathum jel dia, nalawm lui te apan nahong kihem khe di o, lampi pai nuam i'l b missing u ci in msg kathuk ta hi. Xmas te hong kizang mah leh lawmte a ngaihzong tekhong toh a hong tut khom ciang un ka ngai vungvung a, ka it na alian deuhdeuh hi. Ka nih un ah ka ki-mis tuah mahmah uh ahi ding a aman le in a ka omkei nak lecu pau thei di kahih man in a hon fone a ka kihou mai ua, a hong pai di kal bang kangak lah mahmah a, aman le angak lah thu te hong gen a, xmas te hong bei in kumthak zang din inlam hong pai nawn ua kipak tak in leh nuih mai toh kana ngakngak maita hi.

Kumthak lengkhom tukhom di ka ci ua ka tut khom na ua kou lawm ta numei kipol cih mah tak katam pet mah ua, kineh pet mah in ka tu ua amah anawl a tu aban ah kei kahi ua ka nih la le kasa thei kei ua kou gel incuh nuam sa himai ta, sunflower ka nih un ka chip gugu ua lengkhom katop un alawm pa toh hong kha ua, 31st mit nite service ding ahong hi ta. Huai nitak mid nite service nei jou inlam ah kapai un kei ka ukim, alawm pa ka Usiam kou teng lampi ah kapai ua, nidang a sunday skul kana kaipih te kalawm Muan kici pasal 1toh kaki tuak ua, kumthak cibai ci in cibai kaki buk ua, huai pan lecu sot hon len sim a, cih le Ka Usiam hong heh phut mawk a ka cibai pa kha ka Usiam sang in anau pang jo a, ka Usiam in ah Muan in ah pai maimai in a cih leh ka cibai pa pen in bang e Siam a cih le heh lua in Muan helmet ahong paih siat sak ta mok a, Muan inle ngaihdam a ngen pah ngal a, huci in kihou ngel lou in inn ah hong khalut ua kei bang ka U toh ka hi jo mah lai a, inn ah a hong tu jek ua, a lawm pan vakha ni a ci in a hon jawn a ka U a om ziak in kapau ngam kei a, ka Usiam inle alawmpa adang a hiai nu'n hon kha di sa mo ci in pai toh athuah a, gate tan cuh kava kha thou hi. Siam tak in ah hon khave ci in hon gen lecu ka U inle hon theisiam dia khalou hetlou di jo hi ing a ka ci lungsim a, lah kagen kei a, huai nitak inle kajan hak nawn jel ua, a thu pai dan ka hong theih khiat semsem leh ka lawm Muan pen in ka Usiam pen nidang a ana sim mawh a anamuh sit bol dan anitak in hon hilh hi. Kei kiang ah hon gen cuh kei cuh a ngaidam di sa hi ing a, hilele ka U te muh in hon huci om kei hamham lecu kei adia adan om di hi a, insung tat di dan kama bing deuhdeuh din hong kilang ta, a jingkal in ka U inle ka it luat dan hon theih pih ahih man in kon kham tuntun thei kei, nang tung ah kinga ahi, kon deih sak kei, insung apan cu napot khe thei nawn kei di cih thu 5vei nadin kaja ta, ahak sa tel mai. Ka U inlah khen ciang in a hon hehph jel a,1vei cuh kei Lamka kajin na di thu 1hong om jenjen a ken leng ka hilh pah a, Lamka lam ah amah le hong jin theih khak leh ka cih na ziak in, a insak ua kha lawm te in 1a om a najin khiat ma in huai a hong hoh teitei in o cin hon msg a, kei leng hun awng di jong khe teitei in kava pha a, cih le sum 100na nek theih lei nang hon ci a, ken leng kasang nuam kei a ngailou ka ceh leh nalak kei le kakha se di a hon cih ziak in sum kala a, a hong kha a inlam kajuan a, a jingciang Lamka kajin san ta hi.

Lamka kajin tungkik di bang kalin mahmah a, a ziak ai le pot khe thei nawn lou di, exam lah hong naita ahih ciang in. Lamka lam a hong juih louh bang cu poi kasa mahmah a lah kagen ngam tuan kei hi. Lamka ka omlai in pot khe thei nawn lou ding kahih dan ka hilh a, kha 1hiam kimu lou a i om le leng kei adin kip in aw chin kangen hi. Huai kagen ni incuh aman kikhen ta di dan in a koih mawk a, hile leng huai hilou lua, ka insung te khauh lophot tadeh uh aicia kei le ka hong kidam a ngaih jek ziak in, kapot theih louh na ziak tak ai le 31st nitak a huai mi helmet ahong paih sak pen ka U mai ahih ziak in kama bing semsem ta in ka om a, lungkham mahmah in ka om sek a, himah leh thum na toh kapang jel hi. Huai thu pen ziak pot khe theilou kai lam kagen kei a, huai ziak a ka kal ua amah lungkham ding kaphal kei a, huai kimu thei lou a kahong om tak un 1nu pen in amah adia chance om sa in ana buai nasa mahmah hi.

Kei le lamka apan kahong kik ta a, ka kik leh huai Kim pen in ka Usiam Lamka jin ding in sap in ana sam get a, kei tungsuk ni jngciang in amah jin din ana kisa ta hi. Ken bel thupi ngaih lou a ziak bel a hon itna ah muang ka hih man in. Ken le a jin di kuan in msg ka khak a jin nuam inla, pai nuam inla, damtak in nava kimu di ua, hile leng kei a na hi a, kei a di mah in nahong kik dia, na paukam jat na ah nava pilvng dia, eigel kal buai lou din na hong om di o ci in msg ka khak ta hi. Ava jin ta hi. Ken leng a tung di kuan hi sap in na tung ta hia? bang ana ci ale ci in msg ka khak leh aman le hon thuk a (mind ur own fuckin busines ci in hon khak mawk a) kei le na kasa mahmah ta a, bang ziak a huci bang lawmlawm a na hong hou jel ahiam? a 1vei na kia le hilou ahi, cin msg ka thuk a ka heh mahmah mai hi. Huai kaheh na intuh top di kalung sim a hong hi ta a, but a lungsim hong kheng a ngaihdam hon nget leh ka ci suk jel mai hi.

Ka heh pet mah a agen di dan bang le om kasa kei jojen hi. Kei kampau ziak in aman mittui nul din ka gingta kei. Huai ci leng le khial din ka kiging ta kei hi. Bang thu pen tak kakam pau ah akha se dia aw cih kaveng pen ahi gige sek hi. Huai nitak cuh kaheh mahmah mai a, a nitak in a hon fone a ka pick up nuam kei hi. Ka U ka pick up sak a, ka u in a houpih a bang gen nop na nei a ci a adot le sum bat hon nei a huai gen dek kahi ana ci nawn ta get hi. Ka jin ma hon sum 100 piak pen gen ana hi maimah. Ka heh na cuh a pung deuhdeuh ta a, ka khase mahmah a, ka u in hon tai beh lap ta hi. Bang ziak a misum ba e? na bang poi mawh na a nabat a ci in a hon sal ekek ta hi. Kei leng ka U hong tai pen le ka lungsim a om kha lou in ka khasiat na in ka pumdim ta mai hi. Zan leng ihmut cih himhim kanei kei, ka mittui ka nulnul ta mai hi. Mit bang san thei mahmah a, sungten mit na dan khong in a hon koih ua lah hon theih peh a om kei uh hi.

Na kasa mahmah a, kei leng heh lua ka hih man jum nale kathei jou nawn kei a, a hon sumpiak pen kha azng khelou kai man in a pu tanu nu kia pau lou in hon na piak sak in ci in kava pia hi. Ka piak kawm inle ka mit tui apot a, a pu tanu nu'n mat na ciang anei ta hi. Ka no. ahon ngen a huci in thil pai dan teng a hon dong a ken le kagen hi. A pu tanu le heh lua aiman ka Usiam pen a fone a bang ci lawmlawm e nangpa, mi na genthei sak lua, ana huci bol nawn ken a ci a, ka fonen lele a pik up nuam kei a a u a pik up sak ci in kei a hon ngoh bol ta, a jingciang nitak in ah huai Kim pen amah kia om aiman in a giak din jawn a, huai nitak ah ka Gu ta ci in Usiam in a hon msg ta a, kei le ihmu lou kai man in ka janhak suak jel ta mai hi. A haksa lua, ka dip ngek bang hon sun vutvut mai, ka sungte theih pih lah ka kihi sam kei a, ana cih louh ngal cuh kei adin gen di a omkei hi. Ka kapkap a puankawm ah kasung te hon theih di bang lau in kei le kei in kagim pet mah sek a, nem tu di leng ka nei kei a lunggimna in a hon pum tuam ta mai hi. Ka khase pet mah a, ka kah tha asuak mahmah ciang Latrine ah daileng kineih kawm in kava kap sek a, huci lou in kei adia mun awng tu puan kawm khong ahi. Khen ciang in Pathian bang ka mohsa mahmah a, TOUPA ka hon nget hi a, ka lungtang thei tu hi cin a ci in ka mawh sa mahmah sek hi. Puak dan siam hak kasa mahmah a, pasal teng bang mudah jou khop in kahong om mawk hi. Ka it ka muan pen in hiai bang a hon khem ci in ah khovel mi gintak di omkei cikhop in kalung sim a omta hi. Na kasa a, an leng nelou, janlah ihmu ngeilou in ka hong om a kataksa abah mahmah mai a, gawng bang ka gawng jou hial, a kal 1na di nung khong in a 2 un inlam hong pai kik ua.

A zi neih ka jak ni in a fone no. fone apan dleete mah leng ka lungsim ah tutan ka delete khe thei nai kei lailai hi. A hong tung uh jingkal 1ka lawm te in ah kava om a, fone kol a hong pai a, no.a kigelh aiciang kalawm nun le ana pick upkha a, ka junthak kal ahi, cih le Helo ka cih le a aw thei ngal a, ken leng va koih di nuam sa nan lou in ah ka houpih a, ka Zi hong et sak lou di maw a hon ci a, dawng di dan ahak sa pet mah cih louh ngal gen di a om kei ahi mai. Ken le ci ling peppep kawm leh aw ling dilhdilh sa in ka dawng a hong en tham e Usiam, nang zi ka et ken kua zi ka en tadia ka cih toh ka mittui hong luang ta hi. Huci ken le ka koih khum a, muh khak di bang kalau pet mah sek ahi.

Kei le eng pan di ci ka lawm te pasal 2 toh kalawm nu toh a zi en din kava kuan ua, thei tui le nek theih tuamtuam toi in kava hoh ta uh hi. A haksa icih kam a gen lel inle agen kha kei lai hi. Haksa pet mah kapau thei kei a, ka fone kia kun kawm in ka ensuk, ka dip bang in hon phuphu tamai a, ka ci teng bang pumling gop in ka om thei nawn takei hi. Pau leng la kap di, om om lengla lung am a puk gop di, pai di ci in lawm te ka msg a, cih le Usiam hong pau in nou laisiam te oficer nahong hi kei di ua mo ci in hon eng hou ta a, kei le kaheh tha hong suak mahmah ta a, ken le a zi toh anu mai ah ka dawng ek a hi e, hi e na vualjawl na tung tawn in hi hen ci in ka dawng ek ta mawk a, kapai ua cih le amah kia in hon kha lou in a zi toh hong kha ua, sau lou kapai nung un a zi in nou le pair kim kana pai uh aw hon ch san jo mah hi.

A zi bang kamu dah pet mah a, a sambuching a lai bang ka ut maimah hi. Amau pai nung in lampi a ka mittui ka nul jiahjiah nawn ta a haksat dan gen joh vual leng ahi kei hi. Agal apan kamuh lel le leng ka dip kua in ka ciling a, na kasa mahmah mai hi. Hun te hong pai zel a a zi bang le hon gai a, cih le kina in a zi tuh 1vei a nokik a, aman bel hon hlh het kei a, lawm te apan kajak sawn ahi. Huai apai lai in a hon msg a, ka chim lua ka hon msg thei diam ci in hon msg a, nidang a hon na it dan khong agen a lah kei adia mittui luan na di lel ahi ta, ken le ka hih theih sun in kanem a na zi pi kik inla inkuan nuamsa nahong suah nading un nou adia thumsak tu in kana pang di cí in ka thuk a, ana mahmah a, ka ngai mahmah a lah tangkha lou kahi tamai, tutan a fone no. mangngilh cih lah a om kei a tuni tanpha kamuh ciang in ka dip kua in ka ci ling pet mah hi.

----------------------THE END-------------------

 

©Siamsinna leh Vakiangbu