LAM-ETNA
By : Sang Hilsia
Lam-etna i cih ciang in mawl tak a gen in, 'thil bang hiam hong tung ding a lunggulh', ci le ci khial lawmlawm di'n ka ki ging kei. Hilh cet na hoihzo leh ciangzo a thei te'n hon hilh le u cin, kiheh het lou ding. Lam-en i cih ciang in bel, thil hong tung nai lou ahi peuh mah a, mi khempeuh in lam-etna ki nei ciat hi. Himahleh, mihing i tuam dungzui in i lam-etna tuam ciat hi. Bang ci'n IAS oficer tanu leh niteng a nek tawm zong' tanu lam-etna a kibang thei dia? Khosak na dungzui in i lam-etna leh i thil lam-et uh tuam ciat hi.
Tui sik i hih a kipan, nu-le-pa'n duat tak leh hawmthoh tak in hon na kem tou uhi. I nu' gilsung a i om pat tung a kipan in duhduh, ut ut hih ngam lou in, i nu'n kisuum tak leh kidawm tak in hon na kem hi. Huai te ei' hoih na di a lam-et na ahi. I pa ngei in le ei hoih ding deih na ziak in, i nu a duat theih tawp in ana duat a, tui tawi a ngaih le tawi, puan sawp a ngaih le sawp, inn zut a ngaih le zut in, gim tak leh a hih ngei louh teng ana hih hi. Tua te ei hoihna di a lam-et ziak ahi. Tua a lam-etna u bel, khe kim-khut kim a piang ding, poihlong na om lou a i pian ding a deihna ziak uh ahi. I nu' gilsung a kipan duat tak leh hawmthoh tak in hon na kem ua, i hong khanglian deuh a, haksa pi pi in skul hon na kai sak uhi. Hucih lai in, skul kai ut lou in i ki phin a, i hong piching deuh a la klas BUNK dan i hon thei zel a!! I nu-le-pa' lungtang a nat di dan.. Hi ci tel a thukhel a, skul kai ut lou a i kiphin lai in, "bawi, lai hong siam di cin a, oficer hong hi di na hi aw..", ci in hon hasuan lai lai uhi. Amau i ma a i hinkhua ding, i picin dungzui a i phuut touh di te ana thei khin ahih man un, haksa sa pi pi in ei hoih na di, tunung a nop i sak na di lam-en in, a zu-aham thuak in na ana sem uhi. En tua te i phawk pha kei!! Siamsinna sang zo lunggulh in khopi tuamtuam i gen a, huai hun inleng, sum om lou, ci lou in lei ba zen in i maban a khual na ziak un hon kuan khe sak uhi. Hu cih lai in kha teng a sum hon khak uh a ngai a, en huai te i ut-le-dah in i zang zel a.. Tua haksa a thuakte uh ei a tate uh tung tawn a tunung khosak na a nop a sak zawk uh a lam-et ziak uh ahi. I siamsinna ah haksa na i tuak a, huai hun in leng lungke mai lou a kuhkal tak a pang di'n hon hasuan lai lai uhi. Ei a tate a kipan in le iit thuk na a lam-en uh.
Naupang neu cik i hih lai khawng in, i pate a zin ciang khawng un, zinpak hon puak di uh i na lam-en mahmah uhi. A hong tung ua, chikhum tang khawng a hon puak ua, i kipak petmah. I siamsinna ah lohcin na i hon ngah a, i nu-le-pa'n hon lop sak uh i lam-en a. Huan ah, bang hiam deih i nei a, lam-en tak in i ngen a, i lam-et na dan a hon suk bu cin sak kei ua leh, i heh tha a suak mai mah hi. Hu ci a hih leh, i lai zil na ah i lohsap ciang in, i nu-le-pa a kipak het kei di uh cih a ciang. Naupang neu cik in le nu-le-pa ah lam-et na nei uhi. Tulai khovel changkan dung zui in tulai deuh a khosak bang i ut a, i lawmte' tawi bang bang, neih bang bang i eng a, i khosak na i a zil hia cih le khual lou in, i nu-le-pa kiah i demand a, a hon hih bu cin sak theih kei ua leh, i kitom lai a. I lam-etna a lian mah mah hi. I hinkhua ah lam-et na i nei a, i lam-etna te i nu-le-pa'n hon suk bu cin sak zou gige kei di uh cih thei ni.
I ngaihzawng' tung ah iit thuk na i lam-en a, hon iit tak tak dia i gintak louh ciah, i heh a, kinakna hon tun a, a tawp ah kikhenna tan bang hon tun thei. Nu-le-pa' tung ah, i sanggam te' tung ah, i ngaihzawng te' tung ah, i lawm-le-vual tung ah lam-et na i nei ciat a, amau le ei ah lam-et na hon nei uh ahi cih thei ni.
Pathian in le ei mihing te' lak ah lam-et na lian tak nei hi. Tua lam-et na bel, a tapa Jesu Khris tungtawn a ei mikhial te'n hotdam na i ngah a, tangtawn gawt mun akipan i suah tak na ding ahi. Aman le ei mihing te apat iit thuk na a lam-en.
Hiai teng khawng gelh lim liam mai ni, i siam louh toh :)
©Siamsinna leh Vakiangbu
Lam-etna i cih ciang in mawl tak a gen in, 'thil bang hiam hong tung ding a lunggulh', ci le ci khial lawmlawm di'n ka ki ging kei. Hilh cet na hoihzo leh ciangzo a thei te'n hon hilh le u cin, kiheh het lou ding. Lam-en i cih ciang in bel, thil hong tung nai lou ahi peuh mah a, mi khempeuh in lam-etna ki nei ciat hi. Himahleh, mihing i tuam dungzui in i lam-etna tuam ciat hi. Bang ci'n IAS oficer tanu leh niteng a nek tawm zong' tanu lam-etna a kibang thei dia? Khosak na dungzui in i lam-etna leh i thil lam-et uh tuam ciat hi.
Tui sik i hih a kipan, nu-le-pa'n duat tak leh hawmthoh tak in hon na kem tou uhi. I nu' gilsung a i om pat tung a kipan in duhduh, ut ut hih ngam lou in, i nu'n kisuum tak leh kidawm tak in hon na kem hi. Huai te ei' hoih na di a lam-et na ahi. I pa ngei in le ei hoih ding deih na ziak in, i nu a duat theih tawp in ana duat a, tui tawi a ngaih le tawi, puan sawp a ngaih le sawp, inn zut a ngaih le zut in, gim tak leh a hih ngei louh teng ana hih hi. Tua te ei hoihna di a lam-et ziak ahi. Tua a lam-etna u bel, khe kim-khut kim a piang ding, poihlong na om lou a i pian ding a deihna ziak uh ahi. I nu' gilsung a kipan duat tak leh hawmthoh tak in hon na kem ua, i hong khanglian deuh a, haksa pi pi in skul hon na kai sak uhi. Hucih lai in, skul kai ut lou in i ki phin a, i hong piching deuh a la klas BUNK dan i hon thei zel a!! I nu-le-pa' lungtang a nat di dan.. Hi ci tel a thukhel a, skul kai ut lou a i kiphin lai in, "bawi, lai hong siam di cin a, oficer hong hi di na hi aw..", ci in hon hasuan lai lai uhi. Amau i ma a i hinkhua ding, i picin dungzui a i phuut touh di te ana thei khin ahih man un, haksa sa pi pi in ei hoih na di, tunung a nop i sak na di lam-en in, a zu-aham thuak in na ana sem uhi. En tua te i phawk pha kei!! Siamsinna sang zo lunggulh in khopi tuamtuam i gen a, huai hun inleng, sum om lou, ci lou in lei ba zen in i maban a khual na ziak un hon kuan khe sak uhi. Hu cih lai in kha teng a sum hon khak uh a ngai a, en huai te i ut-le-dah in i zang zel a.. Tua haksa a thuakte uh ei a tate uh tung tawn a tunung khosak na a nop a sak zawk uh a lam-et ziak uh ahi. I siamsinna ah haksa na i tuak a, huai hun in leng lungke mai lou a kuhkal tak a pang di'n hon hasuan lai lai uhi. Ei a tate a kipan in le iit thuk na a lam-en uh.
Naupang neu cik i hih lai khawng in, i pate a zin ciang khawng un, zinpak hon puak di uh i na lam-en mahmah uhi. A hong tung ua, chikhum tang khawng a hon puak ua, i kipak petmah. I siamsinna ah lohcin na i hon ngah a, i nu-le-pa'n hon lop sak uh i lam-en a. Huan ah, bang hiam deih i nei a, lam-en tak in i ngen a, i lam-et na dan a hon suk bu cin sak kei ua leh, i heh tha a suak mai mah hi. Hu ci a hih leh, i lai zil na ah i lohsap ciang in, i nu-le-pa a kipak het kei di uh cih a ciang. Naupang neu cik in le nu-le-pa ah lam-et na nei uhi. Tulai khovel changkan dung zui in tulai deuh a khosak bang i ut a, i lawmte' tawi bang bang, neih bang bang i eng a, i khosak na i a zil hia cih le khual lou in, i nu-le-pa kiah i demand a, a hon hih bu cin sak theih kei ua leh, i kitom lai a. I lam-etna a lian mah mah hi. I hinkhua ah lam-et na i nei a, i lam-etna te i nu-le-pa'n hon suk bu cin sak zou gige kei di uh cih thei ni.
I ngaihzawng' tung ah iit thuk na i lam-en a, hon iit tak tak dia i gintak louh ciah, i heh a, kinakna hon tun a, a tawp ah kikhenna tan bang hon tun thei. Nu-le-pa' tung ah, i sanggam te' tung ah, i ngaihzawng te' tung ah, i lawm-le-vual tung ah lam-et na i nei ciat a, amau le ei ah lam-et na hon nei uh ahi cih thei ni.
Pathian in le ei mihing te' lak ah lam-et na lian tak nei hi. Tua lam-et na bel, a tapa Jesu Khris tungtawn a ei mikhial te'n hotdam na i ngah a, tangtawn gawt mun akipan i suah tak na ding ahi. Aman le ei mihing te apat iit thuk na a lam-en.
Hiai teng khawng gelh lim liam mai ni, i siam louh toh :)
©Siamsinna leh Vakiangbu
Comments
Post a Comment