KA IT AW
By ~ Vz Vualnam
Tot dia na teel lampi ah
Lamzang tak in pai in,
Aw ka it!
Na peetna lam peuh
Nang’ dia lamdik hi hen,
Aw ka it!
Tonpih dia na teel mite’n
Kipahna hon guan uhen,
Aw ka it!
A nung na zuih mite’n
Hatna hon guan uhen,
Aw ka it!
Dahna tuaklou omlou leitung ah
Hon phaak chia’n neem tak in hong tuu hen,
Aw ka it!
Nunglam en nawnlou in
Kithalawp tak in malam nawt in,
Aw ka it!
Na lunggulhna mun
Khesuih-khutsuih omlou in va tung in,
Aw ka it!
Huai mun ah na lunggulh nunnopna
Nang leh na tonpihte a hi denta hen,
Aw ka it!
Khualzin a beina pialgal ah
Tutkhawlna ah k’on tuak ding,
Aw ka it!
Hinna tulliim ah tan bang kim dia
Ngaihtuam om nawnlou ding,
Aw ka it!
©Siamsinna leh Vakiangbu
Comments
Post a Comment