SIHNA BANG AHIA?
By~Vz Vualnam
Sihna bang ahia?
Khen chia hamsia na chih ua
Khen chia deihsakna na chih uh?
Na melma uh a sih ni in
Pathian’ hamsiatna na chi ua
Na it uh a sih ni in
Pathian’ deihsakna na chi uh.
Hamsia leh deihsakna hi tuaktuak
Hiai sihna bang hi mahmah hia?
Huai na melma hamse thuak a si
Kuate hiam’ itpen ei lim ve!
Na itpen deihsakna tang a si
Kuate hiam’ melma ei lim ve!
Na ut teng ngoh mah le chin
Akoi mahmah ah puakzaanna a omkei!
Sihna zaw sihna hi heh,
Thil dang bangmah hikei heh!
Misi vuimang ahih bang in
Thunung-thuma vuimang hi heh!
©Siamsinna leh Vakiangbu
Comments
Post a Comment