NGILHMOH HOIHNU TONGDAM

Laimal lemkhawm: Chinza Nidanglai dan a, lehkhathon gelh a nungak va try a khaini bawm khat maimai a nungak lungsim zoh ding vual ahi nawn kei. Hiai kachih ziak a Khaini bawmkhat toh nungak va try kha zong ka hi tuan kei..! Mobile phone/Laptop hoih taktak leh mantam taktak i hon nei a, Facebook, WhatsApp adu ada ihon khoih a ache thei deuh te ngial te a ding in ji/pasal ding khawng search a sawtlou nung a download jiahjiah ding hi lel (kam uang) Mobile hon kithan tunglai in lawmte lak ah zong a neizou hak lawi ka hi hi. A deihlou bel hilou himah leh deih ngamlou a na kihi zaw daih..! Neulai a phulalen puannak 40/50 man lel deih a taptung a kipan tuanglai adung avai a kikhuk suak a, suutpi kawi a ikah ngeekngeek a zong hon ki leisak zoulou ahih na ah van sang nga, sangguk man deih a sungkuan te va nawk kannat na om in zong kana koih kei vanglak hi. Himahleh mi hon deihsak te jiak in 2009 x-mass ding kuan in ken zong phone black&white khat ka tawi khong saam hi. Deihsak na thilpiak kia hilou ka pian akipan phone ka neih masak na ahih jiak in ka kipak petmah hi. hih theih omsun bel ringtone khek leh message gelh dan kizil chih khawng ahi tangpi haha.. Hun te hong pailiam jel a message gelh khawng kon siam panpan ta a, lawmte toh ki thujak tuah na zong a awlsam deuh ta hi. Nikhat kei kia inn a Ka omlai in ka phone hon ging a kava et leh theih ngeilouh number khat a na hi a, kua ahi mahmah de aw chi kawm a Ka pickup leh Numei aw nem tak in "hello..! Kim bang hih e?" hon chi hi. ken zong 'Kym kahi kei nong theikhial ahi di.. Nangkua maw..!' chia ka dot kiik leh, aman zong "Oh..! sorry kei Biakhoih (Hoihnu) Imphal a om kahi..! kon thei khial kha a ahi. heh ken aw Ngaihdam" hon chi nawn hi. A aw nemtak leh a kamsiam in hon nervous sak sim ahi diam ah ahih kei leh kamsiam louh luat jiak ahi jaw diam a "Nang zong ngaihdam" Ka chi thuk kha jejen hi. Nitak in Hoihnu in hon message nawn a "Ahimhim a nang kua maw,kalawm nu number Dan a Ka save hi a mak kasa lua.." Honchi a, ken zong kamin gen in Lamka a om kahih Dan ka gen hi. Min leh omna ki theih khit nung bel ki houdan zong anuam tuan mahmah a thiltuamtuam gen in ka houlim tou uhi. A man zong lawm ding neikhol Lou chim thei mahmah ahih dan khawng hon gen a, a kumlam ahih leh a upat a upa lou hih chituak hi. Huaini a kipan in hun kaneih dan jir un hoihnu toh ka ki hou gige ua, a khat veivei Ka call chiang in apa bang toh ka ki hou kha thepthup uhi. a pa zong ami houpih dan veel khawng a hai a haituak lou, leh polh nuam mahmah hi in ka thei hi. Midang teng sang in zong Hoihnu toh ka ki houtam jaw ua, amah toh ki hou nuam kasak bang in a man zong keitoh kihou nuam sa hi in kathei hi. Kum khat bang meel kimulou a tongdam kisang tuah kahi mai uhi. meel kimu kei mah le ung kou geel kal ah itna in naa honsem khin daihta hi. A lamdang sian aw itna na siam..! Niteng a aw ki ja tuah leh ki houlim kahih jiak un ken zong ka lungsim ah vei mahmah in Ka kithei hi. Nikhat bang phone tawi theih louh Chiang in "Biakhoih in hon text de aw.." chih te ngaihtuah in Ka mizz thei mahmah a a man zong hon mizz mahmah ahih dan khawng hon gen sek hi. himah leh ameel kamuh ngeilouh ahih jiak in a aw nemtak leh kamsiam te a kipan a meel ding a lungsim a hon kilang keimah bawltawm thoh a hi lel hi. Nitak khat khua nuam ngellou in vuah khawng a phiin nilhnilh a a Chang in vanpi ging dungdung in kawl khawng a phe zolzol hi. Kei zong huai nitak ka lumpah mai hi. nidang a ka hih ngeina mah bang in Biakhoih toh lup kawm in Ka ki text nilouh ua, ken zong 'i ki hou na zong sawtta, nang zong hon ngai mahmah nahih dan khawng nong gen jel a, ken zong kon it hi.. Hi mahleh kimu ngeilou ihih jiak in khatvei kimuh theihna ding hon ngaihtuah ve' Ka chih jen jen leh, Khristmass lamka a hon man sawm uh ahih dan hon gen a, huai chiang a kimu ding in Ka ki gen uhi. kimuh hun ding ngaklah huai na mai jen e..! Hun leh ni te kei khut a om hi leh jaw, delete tou jungjung ding hing a.. Huailam ah thuneih na kanei si kei a..! Hoihnu zong huai nitak kamsiam deuh in Ka Thei a nidang teng sang in zong mizz jaw in Ka kithei hial hi. Sawt simtak ka ki hou zoh un "Mangpha phot ni o leh, ihmut nuam" chih teng Ka khak leh "Mangpha khawng non khak a, khua vaak dek ta eive hehe nang zong ihmut nuam" chih teng honkhak zoh a Ka kiang a Sana pi ki taak Ka et leh jinglam dak 4 ging ding in Ana kisa velvol hi. Ka lungsim in jingkhua vak dek lah ahi ngut a mak na e.. chi in Ka ihmu ta hi. sawtlou nung in Ka nu'n hong phawng a 'thouta aw, pawt na dng khat om' hon chi a peihlou pipi in ka thou khia hi. Kare Lungkhawng am miaimuai veh..!! "Bangchi e namit khawng ihmut khamlou maw" Nu Zan nitak sawt Ka tu law kha a eive ka chi jen peuh a….! kei zong kihah khia in Newbazar lam a van koih ding in Ka kuansuk hi. lampi ah vangsiat huaitak in Ka phone ka mangsak kha a poi kasa petmah hi. Christian gam ah ka thil mansak muh ka ki gingta kei..! a phone sang in zong Hoihnu toh ki thuzak thei nawnlou ding chih Ka ngaihtuah chiang in poi kasa hi. phone dang leithak mawk leng zong Hoihnu number koi a la di? kuakiang a kan ding..! chih ka thei nawnkei hi. Hoihnu tongdam Ka jak sa teng Ka bilkha ah a ging den a Reply theih lah ahi nawn ta kei hi..! Ka gintak bang tak in Ka phone zong ka mukiik nawn kei a huaini a kipan Hoihnu tongdam tunitan ka ja nawnkei..! Ka ja nawnkei ding.. amah aw Ka jak louh na kum 5 avaal ta hi. Ka khawnung ngaihtuah chiang in tukhawng hi leh jaw, ameel apuam zong ki en thei ding hi ve'n.. a fb username bek a theikha omlou ahi diam aw..! Muhlouh vaang ngaih kichi lamdang lua in Ka koih kei..! a bul tung a igen mah bang in Khaini bawmkhat in kuamah lungsim a jou nawnkei..! Khawvel khantouh dungjui in mihing lungsim zong a kikheng kual sek hi. Nidang a "Meel kimulou pi a ki it mawk" kichi om thei him him dia ka ngaihtuah louh himah leh Omthei mah Ana hi hi. Pilvan angai chih thu lel ahi..! Hoihnu sakmel mukei mahleng a tongdam leh a awsuak khum tak ka jaak gige te jiak a Ka it na pia kahi lel tak hi (Leltak chih dinglah siamtu thilsiam lamdang itna alamdan natak ahi ngal a.) Niteng a a aw Ka jak gige te leh a kampau tungtawn a ameel zong selou dia gintak na leh muan ngam na ka neih mawk jiak a it kahi pen mai..! Midang zong huchi thou din ka gingta hi..! Hoihnu aw khum leh athu gen te Ka jak mun jiak a Ka itna Ka piak theih bang in Nangthu ngaikhe mun in, Hoihnu in kamsiam tak a hon houpih na message te jiak a Ka itna a pung mah bang in, nang man message nong khak na laimal te simtam leng, Muh ngeilou Hoihnu Ka houpih tam jiak a ka it theih bang in, nangtoh kihou in na kiang ah thum gige in, nasakmeel ki lawmtak om ngei ding in muang ngam leng Muh ngeilouh Toupa kon it tawntung ding..! ©Siamsinna leh Vakiangbu