NA ITNA LIANZAW
By ~ Vz Vualnam
Lehlouh itna puaksing bang lel
Nuai simlei a ham bang vai
Sian aw baanzaal hon kai aw
Vaakvai leh tuanglam haih
Sian aw lam bang hon pi in
Lunglai ah hiai ka chian nuam hi-
Na itna’n hon pi ding hi
Mim bang thum hon za in
Tul thei itna vang a zuang
Tul theilou na itna’n
Hon huai in hon laamtou in
Lunglai ah hiai ka chian nuam hi-
Ka puukna singta’ itna sa’n
Hon kaithou na itna lianzaw
Zu bang nial a lunglai daidam
Na itna’n hon tuamlum in
Gua bang hin zaitha neemsa
Tanglou bang phong ve aw
Nunthak silhpuan bang tang in
Lunglai ah hiai ka chian nuam hi-
Hiai a tawpna hilou hi
Koilam maimit ka suanta dia
Sian aw tuanglam hon lak in
N’on lah tuanglam zuikim di’n
Hangsanna hon guan in
Zaitha hatna hon guan in
Lunglai ah hiai ka chian nuam hi
A tawpna kei di’n kilawm
©Siamsinna leh Vakiangbu
Comments
Post a Comment