NGALLIAM' SANSI

By ~ Vz Vualnam A gam vangla pa’n simthu hong thang ve’n Gamlei siallum sung a ma bang pangte Doulai kullu’n gawl bang a puuk chi e Lia-le-tang baanzaal in huai nuam ing e Melmak gam a siamsil suut dia tumte Gamlei in mal bang kou ve’n tong dawng a Ngalliam tangta e dougal dai bang nawk Tuun-le-zua’n ham bang huai nuam ding hi e Pupa gamlei taanlouh hanlung chiam a Zangtui a kei bang gial lia-le-tangte A gial gil saang e paak bang tawi in pha Khangsawn ta’n tuu bang chiin di’n lawm sa’ng e I neem lai diam aw ka chiin ka tuai aw Tuan a pupa siahtaang kaihna gamlei Ni bang elte’n ang ah siah ning chi e Sansi khinma sing’ ang tanglou ding aw Mualdawn miza pauhial dia chi bang teel Teitui’ se-uital MLA-te aw Na von gawl bang puuk ve’n na lungtai na’m Na von’ sumlu sansi’n na niang na’m maw Ngalliamte’ sansi aw na luang inla Teitui’ se-uite’ siang na luang ve aw Teitui’ se-uite’ siang na luang in la A sau uh litui bang na tuum ve aw Sesum na ngai hiam aw teitui’ se-ui aw Pupa’ gamlei zuak a na khot mai aw Teitui mangpa na gin hiam aw Pianna gamlei sing’ ang a siah mai aw Sesum na ngaih leh thohlawm dong ni e Hong tualkum aw teitui toh tonlou aw Kei bang na gin leh siallum hong beel aw Kamkei bang gialte’n simthu leel hen aw Tu a kei bang na gin teitui lunmang Tuan a pupa khan a kimpih hi e Kimpih chikei ni e pupa noh sa Selungmawl vang a sing bang mang hi e Maimit siing nalaite’n khangthei lou le’ng Lungtuak in dougal dai bang nawk tuang le’ng Pupa khan a neem sa teitui lunmang Tu in suihlung zuangsak nawnta ni e ©Siamsinna leh Vakiangbu