KA ZANZALMANG

Gelhtu:Biak Naulak Zomi. Ngeina dan banglou tak in ka ihmu thei hetkei hi. lung sim ah bel Ngaih jawng nu mitkha ah hong kilang zel hi. adik tak agen in khanih paisa a kikhen zou kahita zomah uhi. ki it leh kingaih lai a hunzat khawm dan te khong leh midang kua mah eng lou a hun kazatkhawm lai ni te uh kalung sim ah ahong lang mahmag zel hi. kamin ale hon sam ngam lou tham lou a itna mit hah nem ngingei toh hon en a kam dam awnem tak mai a hon houpih laini leh hunte sap kik theih hile bel kasam kik nuam lotel hi. U nakiang a om nuam kasa damsung nang toh hun zangkhawm thei leng ka ut lua nihgel kal itna in kuaman honkhen zou keihen chi a khut hon sim gak tenten hunte khawng kamittui luan nakhawp apha hi. mi kingai niam leh feltak ahih ban ah mikipahsak leh lungsim zon asiam luat ziak ahi ngei d hichitel a kavei kapuaknat luat lamdang kasa hial hi. Ihmut sawm a kikhim khim kawm in ka fon a lim te ka ban et et mai hi. vang siat huai tak in ka fon akisiat a kabawl thak nung alim kakem kha non kei zomah hi. himahleh amel bel kalung sim mit kha ah mang mok d abang kei hi. fb lah khoih lou ahih man in alim muh nadi ngaih tuah in buai in kabuai non geet hi. whatsapp dp ka et leh huai apat in alim kala thei khong khong hi. himah leh anumber khek ahih man in kaki thuzak thei tuan kei ua.alim khat ka muh pen toh kaki hou hou mok uhi. huchih hunsung in sana ka etleh. zinglam dak khat naging theta hi. keileng thou khia a zunnon a kapawt leh khavak van siang sitset in ana om a kalung leng hon supuang petmah ahih man in insung lut zok theilou in hun bangtan hiam khavak nuai ah ka om nilouh hi. Nidang a khavak nuai inkong tual varanda a tu a chiamnuih khong bawl a kakihel lai hunte uh honphok sak mahmah mai a sapkik theih di lah hinoblou ahih man in kahi heihuai zozen hi. Laphuah siambang hileng chuh la khat pawt theih nadi khop a thuak hi in kaki ngaih sun hi. hun in hon ngak hetlou ahih man in insung lut in zalkhun kabel non tamai hi. Theih louh kar in ka ihmusuk a .ka ngaihtuah na maban sum zom tou in. U nang itna ziak in bangzah nathuak ta kahia chih na thei hia. haksatna na tuak hia chihle non kan ngei het kei tel a bang chi e hon it zou taktak lou na maw leh hon chi pah saisai a amel ahbel kipahmel lotel khollou ahi chih alang chiang mah mah mai hi. ka dawn kik non ma in hon genzawm non zel a. khawvel haksa kasa lua ken itna in mi kana zong a hon it a hon ngaite suk khasiat kasawm ngei kei. himah leh kanu leh kapan pasal kaamnei khat peuh tawh naki ten ding ahi honchi ua. namaban ding kon khual naziak uh ahi chih leh pasal khat hon kok muh ua. kenle itluat khat kanei a amanleng hon itpet mah hi in kathei. kadam sung tulpih ding in zaw ka it penmah toh ka ut chin ka dawng hi honchi khe zung zung hi. keileng kisuang lah sim ngal kahih man in. adawn d dan tuan thei zok lou in nuisim heuhau in kadai phawt hi. huchih sung in hong pau zawm zel in. nang toh kikhen ding zaw ken ngai ngam mahmah lou hiveng aw. Neihle lam bang mah neikeile chinle na hon itna in hon khamuan lua ahi chi'n hong nuih mai cheuh hi. kenleng amaitang enkawm in. itna lou ngal namai ah suan ding leh ki sialpih tham di thildang bang mah kanei kei. kei a nahih inle kon it a nahihtheih louh lele ka itta tangsa gige nahi mai chih teng in kakhamuan hi. Sepna khatbeek neihileng zaw ka itna in hontulpih ding hiven ahih hang alah kei mimol pi in sepna neuchik le kinep huai lou ahih man in athugen in kabil kha ah amang thei mah mah kei hi. keiziak a tai leh salh na tampi tuak ta ahihdan thu te hon gen chiang inlah ka itna akip deuh deuh zel a theih siam haksa kasa petmah mai hi. khawvel a thil hoih pen itna ahi a himah leh kou gel kal a din bel itna in hon su genthei mahmah mai hi. itna zaw theih siam na in azuih kei leh gen theih na chauh ahi mai mah hi. Tulai khang thak te adin itna. Hauhna leh sumleh pai lou in muh taktak haksa ta hi. Bang hih in bang chibang mel pule chinle itna palai sesum phung nachin zohleng itna saupai hilel d nahimai mah hi. chih te khong in keimah ngaih tuah na in kaki hou nilouh hi. ngaih sut na tuam tuam hong pawt a. ka itpen sumle pai ziak a ka chaan mai d ka ngai ngam kei hi. mihing khat hisam hiveng kenle summuh nading ahih nak leh bang peuh hih leng poi kasa non kei hi. sum tam na leh lom muh theih nading khatpeuh hih mai ding chipeuh in kaki ngaih tuah nilouh hi. Ahih ziak in christian khat kahih man in thil khat peuh peuh hih ding kei adia siang lou ahih man in Pathiankiang a thum a nget zawk ding ahi chih kalung sim ah hon lang nak mah mah sek a. kalung abuai petmah mai hi. khenchiang in vang sua tuam biik kisa in kisia phial phial in ka om zomah sek hi.Hiai zan chuh haksatak in hunkazang liam thei khong hi. khua vak ta ahih man in Khawlak pawt nading om ziak in hon phawng uh leh. Kazanmang anahi mai mah a ki hihiu hiau zozen hi. himah leh hia kamang in hon sulung nuam het kei a bang genna leh mailam hun a bang tuak ding kadia aw chih khong hon ngaih tuah sak nilouh aka. phuah tawm maimai hi. ©Siamsinna leh Vakiangbu