KA SEN LUNG GEL

By ~ Biak Naulak Zomi Tangsam pak te pak ding a hongkisa nipipak te hong mumta bang chuh ilung sim a khristmass nai mahmah ta ahi chih ki ngaih tuah thei. Khua hong vot sim hiau hiauta vansiang kilkel dum didiai aksi tang phing pheng leh meipi huih mut bang mai a tai khavak mahmah nuai a nungak tang val kihel a nui khom laih laih uh. Singtang nasem leh singtang a khosa humah le uh kuamah dang a eng kei ua nuam sa mah mah in a om ua nuikhawm zai zai in akhen te inka tau ah pelhkhuang(guiter)tongpeleng tum in zawlla kulmut deuh sa a lung zuang tak a om ten ka khan kum ding hon ngak lah sak mah mah un kathei hi. Khristmass lah nai mahmah ta tape apat christmass la hon khah ngiah ngiah uh einaupang kumtop skul ekzam ding pawt honkiphallou ekzam zoh ding kal ngak lah a nungak tangval te om dan khong ki eng mahmah mai. Khristmas tunkal ngaklah tak a kingak nute pate kia zanhak a leng khawm ding a ki ngen pah. Ilaisim na hon awlmoh ziak ua hon aw pah zomah uh chu kare. Pass leh pass louh lauh nak sang a ilungsim mitkha a december 25ni d ki ngaih tuah khol mai la o. Khualgam a zin khia vakkhia te in hong tung kim panta skul kai a omkhte khong hong tungta biak in kikhop na khong hong nuam panpan lenkhopla khong hon sak pih ta uh chuh singtang naupang te a dia ngaih tuah na kidang lou theilou himai. Lenkhop buk d buh pawl podia kuan di chi uh naupang chih mah tak kilop pet mah kitung zihzeh. Pawlbuk lam zou mei phual di singtum pua a tang val hon khat kuan. Pawlbuk sung laizang tak a meih chih nading bawl akim vel a pawl phah leng khop kal chuh ngak lah huai himai. Nute pate lamkalam zin puan ak thak khekol thak hon puak ding uh hong tunni di bang uh zaw anle kine zou keiveh aw. Upa bangzah hiam makaih na a khristmass gan di zong a kuan te khomual a dawn di chia nu ngak te hong kisa uh singpisan toh khomual lam hon manoh uh. Naupang bang mah hihthei lou te akilop pen apang hong tunkal uh ngak lah petmah himai gankai akuan tangval thahat deuh bang zah hiam in gan hon hawl a nungak te vaidawnna singpi hondawn uh. Ki it ki ngaite kizahtak tuah tak leh kiduat tak a hong om uh zaw naupang adin le a enhuai lou tuan kei.laizial hong kizialsak ua chiamnuih bawl kom a singpi dawn sung hong tawldam uh zaw tangval te tawl dam taktak uh einave. Tangval thahat deuh nihlethum in gan hon kai anung ua naupang ten kizui naih naih mai. Intung chiang ani ngak na a ganching dia naupang te kisa hang a kuamah sawl ngai lou annek zoh chiah gan om nalam kinaih nuam lotel himai. Ani hongtung petmahta khosung a tangval papi te sagou ding leh sem ding a zing kal phal vak a mike a hong kikou uh bang zaw naupang te ki kim pah mai eive. Nungak te le ommai mai thei tuan lou uh tui tawi leh sagou te singpi om ding a kinaih khawm khristmass la ngai kom a khozang a gamtang vek bang zaw aw. Jesukhrist eite a dia hong pian louh khak ding lau huai himai eive. Kikhop hong hun ta puan akthak toh van thak silhleh teng a biak inlam ihon zuan zaw kalsuan jang mahmah mai veh aw.aliante hong tunma a biak insung a kitu mi jon muh louh di khak lau a ki om puan ak thak khekol thak ineih te bang ki en en mai sam eive. Sundayskul heututen bible chang hon zirpih te uh etlouh agen ding leh lasa ding a ding khia. Salam a kipah na bukim toh pathian ihon phat bang zaw aw. Siamleh siam louh zaw thutuam hitaleh ilungtang tengteng kipia nuam himai. Lenkhop lasak bang lah nuam himai. Aliante saktheih teng kisathei vek lenkhop nabuk lah chuh kitai san ngam mong mong lou. Nitak kikhop top lenkhop bang chuh kingak lah himai. Khosung mipi aneu alian atek akhang lenkhop nalam kizuan diam diam khek leh ding ziak a nungak tang val zanhak ding a kisa mephual chih um kual demdam kom a la hon sa uh bang zaw nau pang adin le om maimai ahaksa pet mah. Zan hong sawt deuh deuh lenkhop nuam deuj deuh mai. Ihmut hong suak ki ihmutsan ngam lou nuten hon awlmoh lum ding a hon sam uh ki ut deklou maiphiat kitu kilkel alian te om dan te bang chuh en huai himai. Let meng meng a tang val kal kingak lah himai. Ihong lian hiai hiai a anopna tawm hiai hiai nu ngak tang val kal ingak lah luat bang thei nonlou. Naupang lak a pat kituam koih kipiching sak tak a hun ihong zat bang zaw nidang lai i phurnate ingaklah nate khong koi a om a chih dia hoih Kasennlung gel in lianleng nuam in lung nop ding sa ing hizong nopna koi ah kisel hiam nunlui nopna aw keihong lak kik thei lechin ut huai na e. Sennlung gel chikleh puanbang hong thak non diam ngai in hunlui gelnan zuanlaukhan gal im donveng.. senlehkik theileng maw. ©Siamsinna leh Vakiangbu