PA KON NGAILUA

By~ Summer Sang Guite Neu lai ah ki Genthei lua mahmah Eiciang a Nitaklam Ann ngol ciang ah a hi di bang a ah ki koih top, Zan khat ann ne khin hi leng le ka gil kial lua eiciang a ka Pa va phong inga ka gil kial a hih dan ka hilh leh amah le lungkham leh dah meltak in om hi. Ken le a dah dd deih lou kei ciang a 'Eh..!! Tuni Biscuit nawn lei sak a val om eive' chi in ka Pa ka khem hi. Ka Pa'n le nuih mai tak in 'Huai ne inlan Lum nawn in o.. ' hon chi hiat-hiat hi. Kei le lupna lam a pai lem ki neih in ka Pa a lup dek ka en gu hi. A lup dek in puan khat la in tui lak ah a diah kot khit in a gil lak ah koih hi. Kou bel ka Pa toh kei chouh khosa ka hi ua ka Nu'n bel Nau cia ka sap di leh ka Unau pih di a pai lai in Pasal dang toh kitai pih in tutan hon veh nai lou hi. Ka Pa'n bel Office ah tut nang di nei kei mah leh a hih theih khom in Tutna neu te Nylon khau zang in Phan/bawl jel in 3 leh 4 a joh ciang in zuak jel hi. Ka school suty ciang in ka va jui jel hi.. Ka Pa ngailua kei ciang a. Nikhat ka suty ni uh toh ka Pa tutphah zuak hun a ki tuah ziak in ka va jui hi. Nisa sa ving-veng nuai a ka Pa toh mi inn ah ban lut in ka Pa bawl sa tutphah ka juak uhi. Tuciang ah ka ngaih tuah leh midang hi le uh jum mahmah di hia, Ken bel ka PA ka ngaihluat ziak in Jum nang in le ka koih kei a ka Pa panpih in ka ki koih a ka Pa nasep na khut pol lilet te ka khoih ciang in 'Ki Lianta henlan ki bawl pih zungzung thei ta leh' chih ka ngaihtuah hi. Mi'n hon muh ciang in Pa khat a dia tapa khat chouh vak hakhet lou dia ngaihtuah uhi. A theih louh uh bel ka Pa Malaria natna nei ahih man in a Immune System chau mahmah hi. A Immune System a chauh ziak in natna dang a hau mahmah hi. Inn kiang ah Pharmacy ngak jel Palian hoih na leh Pathian in a hon panpih ziak in kum 19 ka hih tan Pa cia sap di nei ka hi. Ka Pa'n hon bei san ni ah hon thukhak te ziak ah hiai tan tung ka hi. A kammal tawp na te bel 'Na lak jah sang ah tamjo pekhia inlan ki sik ken, Pathian na muang gige di ahi', hiai te ahi tangpi mai. A hon paisan nung ka Pi te om na Hyderabad ah pai in sep theih di ka jong hi. Ka khonung ngaihtuah leh ka Pa'n a nek di tang hon pia jel ahih dan ka khonung theih hi. Ka Pa ka ngai sang mahmah mai ... A gil ah puan kot a koih pen gil kial a su nuam tu ahih dan ka kho nung theih ciang in ka khitui luang jel hi. Ka PA kan ah hon awlmoh om lou leh hon care om lou ahih dan a hon paisan nung in ka thei pan hi. A damlai PA nei ten i Pa te it dan siam in zahtak ciat ni. Ka ki pak. Laigelhtu- Summer Sang Guite. *Hiai Tangthu bukim lou leh siamlou tak a ki gelh in a gennawp pen i theih vek uh ka gingta. Hiai a tak ah tangtung hi lou ahi.. Study table ah patngaihtuah na a pot ki gelh ahi jaw. ©Siamsinna leh Vakiangbu