VANGSETHANG LEH VANGNEIPAU

By ~ ChinzaZaa Vualnam

Nidanglai in khua khat ah vangsethang kichi toh vangneipau ki innveng uhi. vok,bawng,ak leh a dangdang ganta nei tuak uhi. 'Pheisam in mi vualzawl thei ahi' chih gingta ua pheisam kiang a vualzawl Na ngen in thum gige uhi. Vangneipau sang in vangsethang thum tam zaw a a thumdan ngaihkhiak maimai in zong a lawmpa sang in thum siam zaw hi. Vangsethang zong nidang a ahih ngeina mah bang in zingkar khat pheisam kiang a Hausa sak ding a ngen in thum a athuum zoh in jing jun tha ding in pawtkhia hi.

innkong a tun in a sumtawng uh a etleh a ak bubah khihna khau kitan in a akpi oplai leilak ah kelum in akeuh ut a phe lelet aktui 12 zong kikham vek hi. Inn nuai a bawngpi gailai neihsun a khih in zong a khau phutan in akhang keel pi daileng lai tuanlum suk in bawngpi zong a khang a keense lak ah tuklum suk jiau..! Vangsethang zong vangsia kisa leh pheisam tung a heh mahmah kawm a innsung lut ding a akisak leh inn tuang muat khat siik tan kha ahih man in inn nuai ah kesuk hi. Hansawk a ji in " Vangsethang Na hi na mah a ei innkuan jaw I vangse khol uh" chi jaujau..! Vangneipau zong huaini jingkal thouphet pheisam kiang ah hon thum a athuum zoh in Kong a zuntha a adin lai in aknou ham chiakchiak hon ja a amah zong kipak mahmah kawm in ak hon luak in asim leh 17 pha hi. Huai zoh in a inn nuai a bawngpi in taphiik hon nei leuleu a akeel zong suak ut in phe lilit hi. "Pheisam vualzawl na katan bang in midang ten zong tangsam leh chi na ing e..!" chi kawm in innsung ah lut hi. Jingkar Anne zouphet vangsethang toh vangneipau gamlAk a athangsiah te uh vil ding in kuankhe tuak ua huchih lai in Pheisam in anung uah a guuk in jui nilouh hi. amau bel pheisam in jui ahihlam himhim athei kei uh. Vangsethang thangkam ah ngal khat Ana awk a himahleh a thangpeu a muanhuai louh jiak in a ngal zong ki tol in taimang jiau lel hih chituak hi. A sakhi thang kam namun thei zou nawnlou in zongzong a a zon nalam in amah va awk kha zawmah in kikhai geigoi maimah hi. bangtan hiam nung in kisut thei khongkhong ahih man in innlam Juan in pai hi. lampi ah kuun ngaungau kawm in pai a, khawdaak lou hial ahih man in lampi tung a singhiam hon jaam suk khat ah a tal tat puak buk hi. Na sa mahmah a ki hum tuaituai a apai nalam in ki suui pai zawmah a, bangmah ngaihsak lou in apai ngei in pai auau hi. ahih Na lampeuh a lohsam leh vangsia kisa in khase mahmah hi. Pheisam in zong "Vualzawl theihlouh mihing Hausa taaklou eive" chi in apai khiak san hi. Vang nei pau in zong a thangkam te a va vil leh a sakhi thangkam ah vompi khat Ana awk jenhouh hi. Sakhi thang a vompi awk a angaihtuah chiang in lamdang sa mahmah a himahleh a khau leh apeu muanhuai jiak a ki tomkhe zoulou ahi hi. a vompi mat pawkawm in innlam Juan in hon pai hi. Amah zong lampi kiang a sing hiang khat ah hon kitat puak buk a a et thak leh singgai lian mahmah khat ahih Dan mu in kipak mahmah kawm in kalsuan nawn hi. Saulou apai nung in alawnpa mahbang in ki sui puk leuleu a "Lampi lailai a banglak suang om ahia Ka paihmang louh taak leh" chi kawm a ava et thak leh suangmantam ana hi laizang a kipak mahmah in alungsim a nui heuhau kawm in innlAm ajuan ta hi. Hiai atung a saulou Na sim suk te phuahtawm maimai ahi chih na thei ding hi. himah leh i gen ut pen bel: Pathian kiang a vualzawl na ngeen a thum gige nang lah a vualzawlna dong ngeilou 'Pia unla piak Na hi ding uh' chi hinapi nang napiak gige a pathian in hon thuk ngeilou bang a thei ihi kha ding..! eimah ki etthak tuak mahmah hi. Pathian vualzawl na kichi direct a hon om phut ding a ngaihtuah i bang mawk uh hi. vualzawl na itan chiang in zawl vualzawl tu pa ki theilou naak hi. "Niteng Ka nekkhop uh Ann hon pia in" chia thum gige himahleh niteng a ann i nek gige te ahi ding mawng a ngaihtuah, pathian a kipan vualzawl na ahih lam phawk khalou ihi kha ding uh..! Ei mahmah in zong a vualzawl na i zonsiam poimoh mahmah hi. eg. sum na poimoh a 'Toupa sum ka poimoh a sum hong pia in' chia na thumlai in pathian in kuahiam khat tungtawn in sum hon pekei huai hun in Na thumna loh chinglou bang in Na ngaihtuah kha ding, himah leh sumloh thei ding a damtheih Na na neih pen pathian hon dawng na hikha ding hi. Huaiban ah Pathian vangphat/vangsiat thu in a ki nga kei himhim hi. Eiten banghiam lohchin Na ihon neih chiang leh i taksap mahmah khat mi kuahiam in hon hihsak chiang in "Vangphat huai tak in" i chi sek ua, eimah vang neih na jiak i sa in Pathian lam himhim i phawk nawnkei mawk uhi. nangmah vangphat leh vangsiat thu ah pathian vualzawl na hon lut kei himhim ding hi. Vualzawl na tampi hon luanglut zungzung leh i ut chiat ua, himahleh muhtheih khop in i dong kholkei ding uh..! Jesun tanghou leh ngasa tawmchik te a vualzawl zoh in tampi a pha pah kei, nungjui ten a hawm ua, a bei thei kei a a khawnung in a vaal tampi a om jaw hi.Huai mah bang in meithainu sathau zong a bawm dim in a thunsak tuankei a om jah mah a om a himah leh beithei lou hi. Awle a vualzawl na kiamlou tang thei ding in nang zong panla thak in, Vangsethang mah bang a i vualzawl na don ding i phuut khak leh palkhak ding a pathian in a koih ngawi ngawi ei ki jen louh jiak a i chaan loh om kha ding hi. A vualzawl na te jang siamlou a i om leh ei a din hamsia a suak ding hi. vualzawl na i tanlouh sang in, i tan sa te zat khelh lauhuai zaw hi. vualzawl Na leh hamsiat Na ki ton khawm ahih jiak in. En in na mai ah, vualzawlna leh hamsia, sihna leh hinna ka koih koi pen ahia na teel zawk ding?" toupan achi. Simtute khawlni zat nuam..! ©Siamsinna leh Vakiangbu