DAHNA MITTUI, KIPAHNA MITTUI?? NANG ZIAK !!
By~ Muana Guite
(a thu hoih ka sak luat ziak a mi a ka translate....poikei maw? Mi 1 lel in a sim a a phattuam pih leh kipahna a lian mahmah di)
Nu leh Pa thuhilhna ngai poimoh lou a, mahni ngaihdan leh nop sak dan
a hinkhua zat zaw nuam mahmah leh le.... mahni nop sak dan a hinkhua
zat a hoihlouh lam theih khiat chiah zaw a kiKHEL lam ahi ut viau.
I Nu le Pa te'n zaw ei hoih na din hon tai, hon thuhilh zel ua, ei a
dia sia zaw hon hilh ngei kei uh. A thugen te uh toh la ei nopsak dan a
kikalh ziak in thei zen pi a thu uh awi a haksa ahi. Ei hih theih tawk
naa sep di hon gen ua la... bangmah hihlouh a om maimai, fb maimai,
phone khoihkhoih leh pawt maimai i ut zaw uh hi.
Zi le ta neih hun a Innsung etkol di dan ngaihtuah lou in i Pallai
hun chu zalen tak leh masawn na di himhim omlou in i na zang bei a. Hoih
lou deuh a i khosak a theih chiang un a lungsim uh a na a, a ta te uh
hi chia Ta etkol louh te dan a a thugen uh zuilou a i om chiang un a
lungkham ua, a zakta ua, a DAHNA MITTUI uh pawt in zan tamtak a ihmut
louh loh uh.
Bang chikchiah lungsimna leh mualphou in hon koih dia chih chauh
ngaihtuah in a ngaihtuahna uh a mial top ahi. Pathian kiah hon thumpih
ua, i kimuhsuah a, lungsim pilvang tak a Nu le Pa te toh Ann nek hun
kibang leh Lup hun kibang a om hun di ngaklah leh kinem tak in ana ngak
den uh hi. Zingkal la chu hak deuh in i thou a ,phun kawm in ann i ne
a, i pawt a, nitaklam chiah kham na di Nu le Pa te ngen in buaina i
bawl a, 'It's My Life' chi in i chou zawmah hi. Zan sawt taktak pawt in
a zalen na mun peuh ah om in buaina i bawl zel a.
I sual luat ziak in ah, a deihlouh lam ua hinkhua i zang a, hon
thuhilh zel ua, thuhilh na kampau te la ei a di'n Melma a suak ta. I
hihna mah gen sang in phatna kampau te i za ut zaw a......himahleh Phat
theih di'n i hinkhua i zang kei. It tu dik tak kiah i om hang in,
thawmhau kisakna a om hi, sualna lampi zuih sang in felna lampi zuih kha
midang te hih din i koih a, mi dawilok te naa i sak ziak le a hi di !!
Khai le, i tuh gah mah i att ziak a Jail baang i zut ma in, i pallai
hunhoih ten mual hon liam san ma zaitha hatlai leh sualna apan i kipek
khiak zoh na dia hangsanna i neihlai in, i sia le pha theihna zang in i
Nu leh Pa DAHNA MITTUI nul hul tu in i pang thei mai kei dia hia??
Mittui toh lungkham tak a hon mualliam sa ma in khat vei bek a kipah
mel muthei di'n "He Nu, He Pa, non it luat ziak a, kei ziak a lungkham
leh mangbang, zan a le ihmu thei lou a kon koih, ka hoihna dia na thumna
te kha tawpsan ta in, tua kipat in kipah ziak chauh a thum theih na di
leh sungkuan kipak tak a i om theih na din KEN le kon thumpih ta di" chi
in na kam apat pawt ngeilou chu kidek lou hial a na gen ngam inchu, na
gen zawh ma in KIPAHNA MITTUI chu na mu thei di......
©Siamsinna leh Vakiangbu
Comments
Post a Comment