"HE NU, KIPAK"

By ~ Muana Guite

Hiai Khovel ah n'ong piang tung in, kipaktak leh it mahmah in hon pawm a, kipahthu genna in na KAP khum a...

Kum 1 non hi a, ann te hon pia in siang deuh in hon bual siang a, kipahthu genna in zankho vak in na kipekpek a na IHMU SAK THEI KEI a....

Kum 2 n'ong hi a, pai didan hon kizil sak a, kipahthu genna in NA PAISAN SAWM ZEL a....

Kum 3 n'ong hi a, duat tak in na nek di hon bawlsak a, kipahthu genna in NA DUH KEI A, SUAL AH NA PAIH VEK a....

Kum 4 n'ong hi a, school ah hon kha a, kipahthu genna in KA KAI PEIH KEI chi'n na kah khum a....

Kum 5 n'ong hi a, colour pencil hon leisak a, kipahthu genna in NA BAANG LEH SUAL uh na gelh thaang vek a....

Kum 6 n'ong hi a, puanak toh khekol thak nalh mahmah hon leisak a, kipahthu genna in BUANNAWI AH na kimawlpih a...

Kum 7 n'ong hi a, na kimawl na di ball hon leisak a, kipahthu genna din na tukverh glass uh na PEK KEK a....

Kum 8 n'ong hi a, na duh di chi in ice cream hon leisak a, kipahthu genna in NE GAI LOU in na paih a...

Kum 9 n'ong hi a, na lehkha siam di hon deih sak ziak in tuition hon la sak a, kipahthu genna in KA LA UT NAWN KEI na chih khum a....

Kum 10 n'ong hi a, naa tamtak sep di sem lou in na lunglut mahmah na football kimawl hon en a, kipahthu genna in khat vei le HOUPIH KEI a....

Kum 11 n'ong hi a, na lawmta un film en din cinema hall ah hon tonpih a, kipahthu genna in KA KIANG AH NA TUT LOUH DI na chi a....

Kum 12 n'ong hi a, TV entam lou di leh lehkha zil tam in hon chi a, kipahthu genna in TV na ENTAM ZAW a lehkha na SIM TAWM ZAW a....

Kum 13 n'ong hi a, na sam hawi sau lou di leh tan tom in hon chi a, kipahthu genna in NA THRING LUA NA TULAI kei lua na chi a....

Kum 14 n'ong hi a, a naa sepna apat nang ngai mahmah in hon pai a, kipahthu genna in na ROOM AH NA KIKALH KHUM DEN a....

Kum 15 n'ong hi a, na khedap di hon leisak a, kipahthu genna in khat vei le na BUN UT KEI a...

Kum 16 n'ong hi a, Matric na pass ziak in kipak in a biang ah mittui a pawt a, kipahthu genna in zankho vak in na PARTY SAN a....

Kum 17 n'ong hi a, na ngaihzawng toh na ki-phone lai un naa poimoh mahmah a om ziak in phone koih zual din hon ngen a, kipahthu genna in phone na PAIH SIA a....

Kum 18 n'ong hi a, na deih mahmah Gari hon leisak a, kipahthu genna in ZAN SAWT TAK2 na taikhiak san a....

(HUCHI'N AH NA NU CHU HON UPA DEUHDEUH TA, HONG HAT KEI HIAI-HIAI A....)

Kum 19 n'onG hi a, mundang a lehkha ka sim ut na chih ziak in hon phal, kipahthu genna in mundang ah na zin dek a hon khak in... na lawmte na muh in na nu na MANGHILH ngal a...

Kum 20 n'ong hi a, ngaihzawng na neih leh neih louh thu hon dong a, kipahthu genna in na THEIH A NGAIKEI na chih khum a....

Kum 21 n'ong hi a, na graduate chiah na nasep di dan hon genpih a, kipahthu genna in KEN KA THEI ZAW na chih khum a....

Kum 22 n'ong hi a, na graduate chih a thei a, kipak lua in a mittui a pawt a, kipahthu genna in sum na ngen a, ZU na dawn san a....

Kum 23 n'ong hi a, mundang ah sepna na nei, deihsak deuh in singtang meh hon khak a, kipahthu genna in a LIM KEI LUA na chih khum a....

Kum 24 n'ong hi a, na nupi di hoih a sak dan hon genpih a, kipahthu genna in KA THUTHU A HI na chih khum a.....

Kum 25 n'ong hi a, na kitenna ua sen leh pam tengteng hon seng sak a, kipahthu genna in na zi toh MUNDANG AH NA OMSAN a.....

Kum 30 n'ong hi a, na zi ka houpih ut naupang kep dan ka hilh ut hon chih in, kipahthu genna in a HOULUA na chih khum a....

Kum 40 n'ong hi a, a pianchampha na manghilh di a lauh ziak in hon phone a, kipahthu genna in KA BUAI hon phone phone koh na chih khum a.....

Kum 50 n'ong hi a, a damlouh thu hon hilh a, na etkol ut ahih dan hon gen a, kipahthu genna in NA NING HUAI na chih khum a.....

Huchi in...a natna hon uang deuhdeuh a, mual hon liamsan ta.

Hon omlouh san lam na theih chiang in zaw a kivui di toh a kinai law ta.....

Bang chi teng in kisik in, duat in, na itna thu "HE NU,KIPAK" chichi mah le teh a phatuam nawn kei.....

Khai le! Nute it dan thei thak ni, hon etkol na tengteng ua kipahthu gen di hon phut kei mah le uh, kipahthu gen ni.

Hi e, i ngaihtuahnate uh toh i ut dan uh a kibang kei di, himahleh NU ahih na a mang tuan kei.

Na lungkham Ni a hon hehnem tu, na kipah ni a hon kipah tu pen chu kua dang hilou in i NU mah ahi.

AMAH HINNA SANG A LE HON IT ZAW, NA NU NA IT KEI DIA HIA??

"Nu,

Na aw kilawm tak te ka bilkha ah tham den ei ve,

Na sakmel etlawm te zaalmang in hon man zel ing,

Tun ah hiai leitung ah om nawn kei mah le te le,van apat in non en zel chih ka thei.....

Nu, houpih theih dia na om nawn louh chih ka ngaihtuah khak chiah ka theisiam kei a, gen di ka thei kei a, ka kap top zel hi....

Himahleh maw, Nu ka biang ah mittui pawt na muh theih louh dan ka ngaihtuah khak chiah thuak hatna te hon pe zel a....himahleh Nu kon ngai lua....leitung a ka damsung hon mu kha nawn lou di chih ka ngaihtuah khak chiah ka mittui a ke zel....

Nu, kikhen om nawnlouh na gam ah i kimuh tuah di kal ka ngaklah lua...

NU, KIMUH NAWN MATENG KON IT DAN LEH KA TUNG A NA THIL HIH TENGTENG A KIPAK VEK KA HI CHIH NA DAMLAI IN GEN MAN KEI MAH LENG ANA THEI DEN IN AW.......

"HE NU, KIPAK" 

©Siamsinna leh Vakiangbu