A HAKSA DEIHTEL NA

By ~ S Kham Thawmte

Naupang Kum Sawm miding ka hihlai in ka un Bawi khovel a hi lou nahi na hin khua nazat na a hongpilvang mahmah in aw, na khotheih ma na ngeklai a na Pa toh kithu Tuaktak in pathian vanzat ding leh a mah a hi ding in. Pathian kiang ah hong na pekhia/laankhia ka hi uh Tua ahih man in nahinkho na zat na a hong pilvang in lan zu-leh-sa khamtheih chi tuamtuam ban a taksa susethei thilchin chi tuamtuam te a hong ki bual mahmah ken aw hongchi hi. Ka Nun it na toh hong thu hilh himah leh kei a khanin om pen in Theihsiam louh na hongpia chu ahi ngei dia a hoih lou lama la in ka Nu-leh-Pan hon kem nuamlou hon it lou a Pathian ading a hong Pia/Laan uh ahi chi in hin khua setak mai in ka hong zang a ka inn kuanpihte mittui luan na lungkham na ka hi maimah hi.

Pathian a dia hong Piak/Laat uh hi ven Pathian in hoih lou hongsak leh hoih asak bang in hong khek na kei dia bangkim hihthei hi ven ka chi hi. Kei ki piakna om lou a Pathian in hoihlou a honsak leh ngamkhat a hong khek guih di dan a ngaih tuah in Hinkhua ka honzang a. Setan khem na sala tangchu ka hi mai. Hunbang tanhiam tuabang a ka zat zawh nung in vang phathuai tak in Pathian hehpih na leh it na ziak in Hotdam na ka hong neithei khong hi. Hunte hong beizel ahih man in kasungkuan pih leh ka tanaute khong a ki pan in zii nei ding a sawl na ka hong za zel a kinhuai naikei awl in aw ka chihchih hang in Nanzawh vuallouh dingin ka nu leh pan nii khat a hong genpih uhi kenleng ka Nu ngak nu kiang a. Kiten dingthu ka gen leh a man leng lem hong sakpih danthute a hong gen a. Himah leh Saptuam Dan a kiten utlou a hih dan ahong genpih hi. Lamdang satak mai in bangziak a na Nu-leh-Paten keitoh kiten ding hongphal lou uh hia ka chih leh ka Nu-leh-Paten mo phal mah uh e, i ki khen khakding khong lau uh ei ngal kei ka utkei ahi aziak chu mo mi kiten bang a moupuan silh a thupi tak a kiteng a gare khong a ki pi zou lou di hanga. Leiba tampi nei a i kiten sang in kigu le hi mai lou mo Bible in leng kiten dingdan a na genkhasam a. 

I ki ten Dandan, Dan hi mailou mo i ki khen kei nak leh ngaih tuahmah ve I Thian/I Lawm te tuak vanding leh ei vanding i lei na man maimai a leng singkhat hubang a tawmpen a bei di hia mo nang a ding a haksa lawlou di hia? A himhim a nang sumbang zah nei e Saptuam dana kiten na hong sawm mok a hong chi hi. Ken leng Sum-leh-Pai neih sa himhim neilou kahihdan khong gen in awl in ki houthak mai ni aw chihtoh paisan kathuah mai hi. Munkhat peuhpeuh a om leng leng ka pianthak ni a kipat ka Pumpi leh kahin na Toupa a ding a ka na piak ban a zii nei theiding a ka Dam nak leh Pathian min Thupi na dinga kasahkhua/saptuam in ki Ten na ding a Dan a bawlte zui a zii neih di chih ka Thupuk na ahih ban a Khristian Inn kuan suang khiak tup na Nei den ka hih man in zii ding himhim Gukthoh louh di Tapa pil in a Pa apah tawi i chih ma bang a ka pa Pathian min loua. Amah Pahtawi na a zii neih di huai kia hi lou a Khristian khat ka hih ngal leh Khristian sahkhua in ki Ten na ding a dan a bawl Bawhsetu a pan khelh na ahi chih ka ngaih dan ahih man in ka lung a Buaithei mahmah hi. Ka Nu-leh-Pa kiang a leng Sptuam/Sahkho Dan lou a zii Neihsawmlou Himhim ka hih dan leh a ziakte ka gen hang in Lem Honsakpih kei uhi. 

A ziak ahih leh Nektawm zong a kho sa kamuh bangbang uh Ne a khosa Hamham ka hih banuah Damlouh na tung tanpha a sum zakhat zanih batding leng muzou loute ka hih man un. Ka Nu-leh-Pa ten Saptuam Dam/Sahkho Dan a kiten hoih sa in katupdan hong ki pahpih mah le uh lem a hong sakpih keimok uh hi. Ka pan aw ling pilhpilh leh mit tui kai nilnel kom in Bawi Natup na Tan tungding a hon makaih zoulou hon Tunpih zoulou ka hi hong ngaidam in aw Pa ka hih na a lohsam ka hi... I Inn kuan khosa na theih sa ahi mah bang in sumlehpai neih sa himhim khat le nei lou i hi. Dan a kiteng ding hile u chin kawi a sum la di mi hongbuai pihte singpi bek i dawnpih ngai dia. Na kiten na ua na vanding uh a lou thei lou a ngai dia. huai bana itaisuk itaitouh na a bangzah hiam ngai di hia. Mipi ann kuang i umpih zohkei leh leng i Inn Dongta te bek i umpih ki lawmdi hia mo. Bawi Theisiam mai in lan kiguk thoh hial na ut kei leh leng ipupa dan in Inn Dongta te toh vapi mai le ung hi lou mo a hong chi nguknguk hi. 

Ka Nu-leh-Pa, Ka Inn Kuanpihte Bana, ka Nungaknu leh Sum-leh-Pai ka neih louh in ka thiltup a hon nang kha mai mah uhi. Pathian kiang ah Thum zel mah leng a hon Dawn na himhim ka mu kei. Dansiangthou a koppih nei ding in Pathian mai a ka na ki chiam ban a Siangthou ki ten na a ding in Nungak siangthou ka zong a ka muh kei leh Neilou ding in thupuk na ka na la a keileng ka ki kem siangthou hi. Himah leh Dal na thupitak ka tuak maimah hi. A haksat dan ka gen ding danleng ka theizou kei. Pathian kiang a ka ki chiam na theizenpi ki theihmoh bawl a ka Nungaknu leh ka Nu-leh-Pa thu zuidi ka diam? Thildang Tengsan in Pathian lah lauh huai zo hi in kathei a.

Hiai kam mal ka zak Nii a ki pan in ka lungsim hong khoih lua ahih man in tu nii tan in ka mangnglh thei kei hi.

©Siamsinna leh Vakiangbu