HIN KHUA LAM SAU

By~Muanlian Naulak Sukte

Vangphat huai tak in mi nuam sa hi keimah leng ka pian tung a pan governmet toh buh pang sok khom thei in ka na piang a pian tung bel thei lou ka hih man in bang cin piang ka hiam cih ka thei sam kei a ka pa ten bel dam doi in a piang dan in hong na gen jel sam uh hi. Kou pen unau numei nih (2) ka hi uh a pasalna om kha lou ka hih uh ka neu tung apan kanu leh kapa lunggel Ana ki bat loh ziak in inn sung ah buai na neuh2 hong piang thei jel a kapa pen tapa nei thei lou ding ahih jiak in na lungneo in inn sung na a ngaih sak ngei kei a hi mah leh nek leh tak lam bel mi sang a lim lo zo nek cih khong a lung lam hi lo in sumleh pai din mun a zon leh a zek bang teng amah vai sai na hong suak a ka nu jong thil neuh2 te ziak in sum leh pai deih tak luat na in luah dim in amah zat ding neng kapa thei loh in na guk jong jel sam a inn sung pai zia pen sum le pai din mun a ki buai gige ahih man in tua bang teng koujong ka na pal tou sam uhi.

Laa phuah siam ten tuunu itna lian e ana cih dung jui in ineu tung apan nu toh ki om khom cih mah tak pate sang in na ki ngai zo in na ki koi zuuih jel sam hi kanu jong sum guk zon cih mah tak guk zat thei na a zang zel in zule sa a hong ki bual gop kha hi ka nu ka pa hin khua sau gen deuh lei ganhing mah bang in huuk hun cia ki ngai mah bang mai uh hi keile ka u jong zohngeu (cat) nou bang in ka pian tung a pan a lang2 ah hong ki tuah koi2 zel hi.

Tua dan a kho sa tou in ka kho phok ciang un ka nuleh pa nupa ahih lam zong thei hak sa phial in kong om uh a khat vei chiah kapa kiang ah a kum a sim bang va om zel a zoh ciah ka nun hong pot pih in a kum a sim tham mah mun dang khong ah hong om pih jel in hinkhua ki sup lou tak in kana nung ta uh a ei jong naupang cik cih mah tak i deih hong ki lei sak na lamlam pen zui in kana om a lei tung pilna siam na sin cih himhim om thei lo in tua hun lai in nuam sa tak in kana kho sa tou a tunbel dah huai ahih lam phok pann2 in kong om ta hi tuabang lak ah khosa in silah hilo hinglah hi lo in ka na om tou ta hi.

Hong pi ching hiaihiai ta ka hih man un ka unu zong hong tei rol panpan ta in kanu duh teng bang ana duh sam ta a anek a donte numei hi mah le ung kong chhing tou jel ta uhi ka nu nung zui a om tou jel ka hih man un kanun zong ka upen nungak dek ta ahih man in vasa in a nou a nut siat bang in ka zin na lam ua nu sia in vasa nou kikhen pan min amuh ciang ua ip lah uh ahih man in na mat jel bang un ka unu zong vasa nou bang in min naman anu ngak a sim tham hi kei mah leh a man te in sung tung in tua bang a ka om ciang un ka cih moh sim ciang un (upa ten " mi lut si lo guul lut si" ) a cih bang un ka pa kiang ka va zuan kik zel uh a tua chiang in ka pa pen na nui hiui hiau lou ahih man in ki buai zak zel in khopi sung a ki om ahih man in kapan zum dan thei mahmah a ki sau siat d deih lou in hong na om sak jel a tua kong om sot ciang un ki hih sak na iin kou la zel in ka om dan ngei in om tou zel in sotlou chiang in ka u jong hong tung zel a vasa nou min a mat vang un na kha suah zel sam hin teh a giah na ngei hong thei zel sam a ka nuta teng un pang in kapa ka na dou zel ta uhi.

Numei ngen pang cih mah tak kapa a din bel dong zoh na vual omlo in amah kia in ka val sak Zel uh a kou zong ka hih ngei uh top san tuan lo in ka chin ngei mah uh ching in ka kho sa tou zel uh a mei git tang khat in gamlian pi akat bang in kou zong saupi kapai suak chiang un kapa pen in honget na amit gui na lua mah2 ahih chiang in kanu ta teng un delh khiat in ka om ta uhi kapu te in lam va tung in kanu bel kapu te ta neih sun ahih man in kapu ten ah ka mai uh a vak mahmah sam a vasa thang ok ki khah suah bangmai in zalen tak in ka om ta uhi tua banga nuamsa tak a ka om lai un ka upen vasa bang mai in len siamsim ta ahih man in hong len khiat sa zel in mun dang hongboh san zel a tua chiang in inn sungthu ki kup ngai bang hong om ahih man in kapan hongsam a kava pai kik jel sam uhi inn ka tun chiang in hong na vai don khol kei mah leh koubel maitai tak in kq va tungkik zel uh a hinkhua nuam thei pen in ka om ta uhi.

Kanu in hong it hong ngai ahih man in kei jong pi chinglam ma noh ta ka hih man in nungak nai kei mah leng kanau ann bomte bang mi et tak hong hi simta a a neknek hong ne sak in a dondon hong don sak zel a siatna in zo pichin lam a ma noh baih mahmah in ka thei a kei zong ka kum naupang cik hi mah leng siat na in hong makhel in khovel nop nate kong chiam pan hiaihiai ta mai hi khovel nop sak na in kanu toh ki it tak a hun ka zat khom chiang un ka unu hong tung kik zel a amah zong ka lomhoih khat uh ahih sam man in kou bol teng kou toh aki pol ut leh a bol kul in hong bol ta a ka phak na tan mah hong phasam zel hi tua bang a hung bangtan hiam kazat nung un kanu in ni khat ka upot pih in vamim ta neih bang mai in hong nusia zel a ka u a dinbel thum vei hilhial lengpot ta ahih man in zum huai sa ta ahih man in damsung in om det mai somta a kanu toh kou tegel gari pei bang mai in ki zui in ka om ta uh a nuam sa tak in ka hing uhi.

©Siamsinna leh Vakiangbu