NA THEIHSIAM LOUH NA KIANG A KON GEN NOP

By ~ Thang Haulai Ffetg 

Ka ngaih aw amasa pen in na ngaihdamna konngen  masa hi. Ka hangsan na tengtengmunkhat ah kaikhawm a hon genkhe dek ka hih man in, nang le na dohzoh na tohnon na simsak ka lamen mahmah hi. Na gintak hetlouh leh na ngaihtuah khak ngeihetlouh thil te hon gen dek ka hih man in hiai thu kon  gen di pen limtaka non na ngaih khiatsak kisam mahmah ding hi.

Mihing pangngai kahih aki latna ding in, ka hihna ki batpih louh (numei) nang ah lunglut na ka neih pen Pathian in hon siamdanahi chih ka theisiam a zum leh zah na di’n le ka ngaihtuah ngei kei himhim hi.Ka lungsim ah mun poimohtak luah kha nahih man in kenle, ka hon ngaih na, kahon iitna thu na kiang ah ka hon gen a, nang le non it thuk dan, kon ngetna penhon pomsak na hih dan na hon hilh a kaki pak petmah mai hi. Huai ni apat inmaw, nang hon kipah sak ka tup pi pen ahi a, nang a di ahih nak leh akilem hunleh lemlouh hun a le, nang a dia hun seh khiat di dan ka gel gige a, zong ka sehkhe tak pi mah hi. Zingkal ka khanlohphetphet chiang a ka lungsim ah om tuh maw, nang hon message masak di ahi a,huaimah bang in kon message sek hi. Huaimah bang in, sun hun ahih kei alehnitak chiang inle bang nachi de aw chi’n khongaih tak leh na tanchin theinuamin ka hon message zeel hi. Nitak ka imut di kuan chiang a ka houpih nanung penleng n amah nahi sek. Pathian in hun hon piak sek te nang houpihna in ka hongsek a nang houpih na mah in ka khak sek hi. Ka hinkhua ah na poimoh tel mai..Hileh le ka khasiatna khat om eive…

Nang a dia thil kon hihsak te, a hi di mawng a non na koihsak pen keidi’n thuak hak hina tel e maw. Khovel pen ahi di mawng chih omlou in, I thil hih te ahoihlam in ki thuk kik dial dialle bangzah ta in anuam in hin thaman a om de aw maw… na ngaihtuah ngei ta am kangaihlai?? Nang naki pah nang ahih nak aleh chi in, gen di pi lua omkei lehleng, ka lungsim ah thu te ka hon kaikhawm a tomchik a dawn theih/khaktheih maidi lai thuvual nih leh thum in ka hon thon sek a, huaichiang a dawnna ka muhkikzaw maw a lungkim huai khol kei, kam khat leh nih khawng chouh ahi nak sekmaimah hi, ki thulim simlouh huai hileh kilawm e maw, ka lungsim pen kipak kholkei leh le kipah sak sawm louh chuh kei di’n hih theih a vaang tel e maw.Chitak  gige a kihou chihpen zaw hitheigige lou mah ahi a, nuam zong nuam giugeu gige lou hi, ken zong theisiam ing,ahih hang ki thulak deuh a chiamnuih a zong ki houhtheih hiven maw. I nuihkhawm louh na le a sawt ta e maw.

Mi khat in hon ngai a, na itna ahon leh ngetleh aman le it thukna poimoh ahi chih na theih ding ahi. Nang panpihna a poimoha, na kepna a poimoh a, na ngaihsak na leh na duatna a poimah uhi. Huai ban ahnang mahmah le hon poimoh uhi. Huai kawmkawm in na mang ngilh louh ding khatkon gen di, ngaihpoimohna, itna, kepna/huai na ahih keh ngaihsak na chih te penamau lampang ah nang tung ah langsak ding a kimansa diam uh a, akiman khit diamchiang un na itna hon ngen pan uhi. A itna hon lah hun in, a hon ngaihsak hunin, a hon huai hun in, ahi di mawng in koih ken, huchi bang te miteng tung ahki langsak theilou hi, hampha na hih dan thei inla amau le hampha sak in. michitak in  a neihsa te mi kiang ahngetbeh ngeilou hi. I neih nailou te chouhchouh a nei te kiang ah kin gen kekhi. A hi tak a gen in ah  maw, na ngaihziak khah, aman a hon it masak ziak, nang a dia a hun hon piak gige ziak ,  a hon khongaih ziak, a hon theihsiam a ahonhuaiziak khawng a nang le it thuk nahi chih im theih di di vual ahi kei hi.Amau lam a piak khiat di teng hon piak khiat chiang un bangmah sem lou in ahamphatna tangtu mai in mawk pan pan ken, itna I chih maw pak bangmai ahi hi.Pak hoihtaka akhan theih nang in, deihthoh tak a etkol a ngai a, tui piak angai a, akiang a loupe hoihlouh pout e bohkhiat a ngai a, leihoih a ngai a, nisaa poimoh uhi. Hoihtak a kep ahih chiang in,a pak di hun in ah kilawm tak in leha hoih na teng teng selguk neilou in hon suahkhia thei hi.  Itna te, ki ngaihsak nate, ki thusim n ate ,ki huai n ate, hun kipiak nate toh itna sung suk nom ahih louh chiang in kangthei a zong keu in si thei hi. Aman amah lam a ahih di teng hih in, hon pe khiakhia a, nang nana sangsang in , ana pekhe hetlou nahih leh, a hon itna a daihhun, a kang hut in amah mohsa lai ken, nang tui na leh piak louh ziak a kangkhin a nisa in hai keu khin ahi chih thei in. itna hon pe gige tupen in lahnang hon pethei nawnlou a, nang lah bangmah ngah nawnlou a na om tak in bangsimthu na lel ta dia le??  Amah na mohsadiam? Ahih kei leh nang naki mohsa diam??

Khat leh khat ki zop na I chih pen minkhat couha chawm theih vual hilou hi. Huaiziak in pekhia in ngah kik nawn leng huaipenin, I kikal detdou sak hi.  Ka ngaih awhon ki ngaihtuah dih le. Tui ka ngah kik louh ziak in nisa in hon haikeu gai diahi ta. Non taisan mai diam? Ahih keh non panpih diam??

@liansuanthangH 

©Siamsinna leh Vakiangbu