LUNGSIM A DIM LET

By ~ S Kham Thawmte

Lungsim a dimlet kam in agen i chih sek mahbang in. Ka lungsim a dimlet thu bangzah hiam kisuan lah huaisim mah leh ka hong gelhzelmai ve. A thei pen leh a simpen hi kei mah leng puak nat huai ka sak man ahi.

Khristian i ki chi vek ua, tua kia leng hi lou in nang zo piangthak lou nahi min hongchi leh leng utloua heh thei ding ngen i hi phial ding uam aw ka chi hi. Hi mah leh i gam sung a tu lai a i buai pih mah2 uh leh tam mah2 hi a ka thei te lak a khat ahih leh KI NGAIHSIAT NA ahi. Lamdang ka sak mahmah na khat ahih leh Hiai ki ngaihsiat na a awk kha hi a ka theih te kum 12 lak a ki pan kum 26 kekal mi ah hih deuh tangpi mok uh ahi.

Bangziak a ki ngaihsiatna i gam a hichi tuk a hongtam a hi dia aw. Khristian gam hi ngal a. ni danga Singbul, suangbul, Dawileh kau a nabia neklim leng anane zoulou a, Vaimim chiim, Gaa chiim, Bal, chihte khong ann ding a ah na sen, puan leng nei zoulou phial2 a ahna khosa i pu i pa te la a na hi chi lou ua ei lak a hiai a hong hi chihtam mok pen ngaih tuah tham ching ka sa mahmah hi. Hiai ki ngaih siat na a awk kha nungak leh tangval a tamzo ahi zo mah hi, mi bang zah hiamte Dam louh na ziak bang. 

Inn kuansung haksatna tuamtuam te ziak bang, Nek leh tak zon na khosakna te ziak hi mah leh, a tamzote nupa banga thangtatna ziak ahi chile genkhial ding in ka ki ging ta kei hi. ki it ki ngai i hih chiang a chi in mi theihlouh ding lau mah banga khodung khovai a nupa bangmaia ki len tattat koma pawt khom zum na nei lou deuhte ngial bang ki kawi kom hi zo mah tuate a ki pan a ki ngaihsiat na te a tam zo hong ki pan ahi chi le leng ki chikhial ding in ka ging ta ke hi. Ki let ki kawi maimai a pawi na om lou ahi i chih pen in a gah khiak ahih leh. Taksa utna (chi leleng ithei siam dingin ka ki gingta) sisan hatlai tuak numei leh pasa ki hetkha den i hih man in taksautna hong suak a nupa hiloupi nu pa banga athuk zo a om na hong tun zo mah hi tuapen pathian thilkham a hih man in lung tang a simlouh ki tan an hong om a tua kia hi lou in ki ngaih siat na a hong ki pan hi. A kha asim akuma sim Khong tua dan a om khom kithuahkhom banghiam ziak a ki khen na hong tung chiang a. Tua bang a om na in a hong gah khiak a hih leh. 

Kua mah it tu ding nei lou ki sak na. Siangthou lou ki sak na. Mi teng in koih dan khat nei uh ki sak na. Mi lak a om ut louh na te. Mi dang it leh ngai thei dia ki gin tak louh na. Mi kua mah siangthou lou ding a gintak na ban a mi muan zoh louh na. Om danluite ngaih tuah a Thil dang ngaih tuah theih louh na. Ki ningtel na. Om dan peuh nuamsak theih louh na. Heh baih na. Kham theih chituam2 a ki suk siat ut na. Thom hau ki sak na. lung muang lou ki sak na. Atc. chi te ahi. Nupa bang a ut leh dah a om khop bang a ah pawi na i ki it a iki ngaih nak leh. tua bang a om kha lou te mi phalou uh hi dan a i koih na pen in mah ni leh mahni ki thah na leh ki suk siat na tampi hong tun ta ahih lam phok inlan pivang in. Angkawm ken, chi a khampa leh angkawm te tung tang ka ngaih tuah ding chipa kumpite kumpi lalte lal ahi chih i phok ding uh ahi. Thukhit na a ka gennop ahih leh tua bang a lung kham na tuak lou ding in nang leh nang ki kem siang thou in siangthou na lou in toupa mel muh ki ging ta ken. It na taktak om dan na theih nop leh. A dik lou khat leng om lou in 1korinth-te 13:1-7 a sim in lan zuih sawm in it na taktak leh it na taktak lou thei in na buai non kei ding.

Simtu tengteng Toupan hon Vualzawl hen.

©Siamsinna leh Vakiangbu