ITNA DIK ZAW
~Vz Vualnam
Itna i ngaihsut masak a pan in
Itna diktak mah i lunggulh chiat ua;
It nadan i theih masak a pan in
Itna tak a it i lunggulh chiat uh.
I ngak ua, i zong ua, i delh chiat ua
Mawk a muh ding ana hi hetkei!
Tu’n zaw ka mu khongkhongta i chi ua
Lah ana hidek naituan het samkei!
Bang dia mu theilou ka hia chi in
Omlou ding bang in i gingta khong hi.
I zonzon na a i tawlgawp nung in
I zonlouh hiai thu i mukhe phing hi-
Itna dik zaw muh thoh ding hilou in
Piak thoh ding ana hizaw maimah tah!
©Siamsinna leh Vakiangbu
Comments
Post a Comment