TEEL ZAWK DING OMLOUHNA AH
~Vz Vualnam
En it ding teellou in itna’n hon teel
Chi’n ei leh ei i kikhemzou khin ua;
It ding leh ngaih ding ei liauliau deihteel
Ahihlam i kitheih mohbawl chiat uh.
Lungtang in amau thu’n a itkei ua
Ei’ sawlna mang a it ahi zaw uh.
Khente teel haklua in a kisiik ua
Khente teel baihlua in a kisiik uh.
Bang di’n huai nu i it thei mahmah dia
Ithuai zaw dang tampi a omlai in!
Bang di’n huai pa i ngai thei mahmah dia
Ngaihhuai zaw dang tampi a omlai in!
Teel zawk ding tuam a omlouhna mun ah
Ithuailou pen leng itpen ahi ding!
©Siamsinna leh Vakiangbu
Comments
Post a Comment