KA NGAIH VAANG KA NGAIHNA

By ~ Vz Vualnam

Ka ngaih vaang ka ngaihna kumkhua sawtta e
Suanmawng hileh poh a nah ziing ta’n chia
Suanmawng neelkai a nah a ziingta zong in
Lanu’n ei ngaih simthu leel nailou e

Ka ngaih hai bang ka ngakna kumkhua sawtta e
Damtui hileh poh lii bang chingta’n chia
Lii bang ching liimnga’n bualna’n a nei zong in
Lanu’n ei ngaih simthu leel nailou e

Ngaihluat man in sawk bang ka mawkzou hiam aw
Lentu suanmawng bang peemlah ngawn ing e
Mawng bang peem lah kaina ka dang lah a aw
Kumsawt hai bang ka ngak lai ding bang e

Kumchin lianu’ tong tuuktui bang hong luang ve’n
Sihkhum bang a vung denta ding sa’ng e
Sihkhum bang a vung den ding ka sak kaal in
Khaaltui bang kang e sang bang tai la’ng e

Khaaltui bang kang ding tongdam kumchin n’on zawl
Tangliang in lunglawp in na sang ing e
Tongkhum hong suah ding hai bang ka ngak kaal in
Khaltui bang kang a batphu a hiam chi’ng

Tongneem a kumchin batphu hon zong na hiam
Tang lungmawl sang bang n’on nouhna a hiam
Sinlai simthu tak a hong luang na hiam
Gi bang khen ding ka sinlai mawkzou e

Kumchin batphu n’on zonna ahi zong in
Tak simthu n’ong luanna ahi zong in
Lailung lawpna thei bang huut leh sinlai nat
Khuam bang na dou ning e hong luang aw ngaih

Zawltui kholenmual tulta liimliap nuai ah
Hai bang ngak aw sial bang suak ning chi e
Kawlni suah sim hai bang na ngak dih ni e
Chiamna mualsua’n sial bang hong suak hiam aw

©Siamsinna leh Vakiangbu