KA ZAALMANG

By ~ Biak Lun

Kum 10 diing mi naupang khat toh a pa lou kuan diing in hong ki tonkia uhi. Khonawl a hong tun un a tapa in apa kiang ah," Pa bang chidan a ka nu toh kiteeng kha uh e?" chi in dong mawk hi. A pa'n le lamdang sa in aki guih hial hi. Hiai naupang chik in huai bang dotna a bawl mawk chi in. Huai tak in a pa'n leng lamnawl a munphiah kung alom a poute lak a khat khiak tan in a tapa kiang ah" Bawi, nidang lai pek in numei khat toh kana kithuah thei mahmah mai ua, ka neu ua pan kipawl ka hih man un kana kingai mahmah uhi. Himah leh hun hongpai zel in amau Pathian vualzawlna dong in a hong hausa hiaihiai ua huchi in ahong ki deih khop law mawk a..." chi kawm in a munphiak kung tawi a jiik a hon dok khia hi. A bul lamteng paih in a jiik kia a tawi a a sik chiah a ngot jiak in a hon kitan jiah2 hi. Aman leng a tapa kiang ah," Hiai munphiah jiik bang in ka lawmnu tuh a hong ngot hiai a kideih khop deuhdeuh in a hong om a akipatna theilou a ahong om akipan in ka kituak kei deuhdeuh ua huchi in ka kipawl thei non kei uhi. Amau a hauhsak ziak un khopi lam ah ahon peem khiak san uhi"a hon chi hi.


A ban a hon gen zom jel a "A innlui uah kaal nih joh nung in hong teeng thak a hong om a , keileng huai mun ah nidang a va hoh gige ka hih ziak in kava pai kha naak hi. Ka lawmnu omlouh nung in leng kava paizel hi. Tua hong peem thak ten leng tanu khat anei ua, keileng a inn kiang ua va paimun lua kahih ziak in sawtlou nung in ka hong kitheih bawl pah uhi. Himahleh ka kipawl sawt kei uh"chi kawm in lamnawl a sing hiang khat a hon khiak tan a ajiik teng sikkhia in a bul lamkia tawi kawm in atapa' kiang ah," Huai nu leng hiai sing hiang mah bang ahi. Amah ah dawn suang sawm lou in a lungsim kikhek chihte hitheilou a om tentun ahih ziak in kei a diing ahi kei ka chi hi" chiin hon gen non hi. Naupang in apa thugen pautuh hetlou a ngai khia in lou nawl a hong tungta uhi. Loubuuk a hong tun un a pa'n hichi'n hon gen non hi,"Bawi, na nu ahih leh maw..." chi kawm in loubuk sung a om gawlawng a hon lakhia a huai tuh hoihtak a kisiin kip ahi.

A hon hong leh asung ah munphiah hiang hing kiuhkeuh lai khat ana om a, huai tuh a tapa en sak kawm in a kiang ah," Hiai na nu bangbang ahi. Pawlam huihnung leh thuleng te ziak in a kisubuaikei hi. Mi hoihtak ahi ken huai ka thei chiang lua a ka na ngaih ahi. Huai ziak a na nu toh ana kiteeng kha ka hi uh"chi in dawng hi. Huai phet in thakhat in kei tuh ka khanglou guih a lamdang kasa jojen hi. Bang chi zaalmang leng ahi diam ah. Sana ka etleh zingkal dak7 bang ana ging velvol maimah hi. Hiai kuamah tangthu apan lak khiak ahi kei a ka zaalmang taktak ahi. Mangngilh mai diing kakisak leh ka mangngilh thei kei a kon post mawk ahi. Hahaha...simnuam...

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more