GOOD FRIDAY

By ~ Vz Vualnam

Zokuam lentu tulleel maimit suan le’ng
Heisa paal in mang bng bawm liiliai e
Zion lentang tulleel maimit suan le’ng
I Tou lungdeih bing bang khaina aw e

Zokuam tulleel heisa a lawmzaw maw
Zion tulleel sakluang a lawmzaw maw
Lengvan dawngkot honna tulleel sakluang
Lawmzaw e laukha maimit suan in pha

Muikhoziin kuan suihlung zuan in don leng
Sakluang bing bang khaina ngou bang hong lang
Lengvan saumang dawngkot honna hal in
Nunnuam ngam la’ng sunnau bang oih law’ng e

Pham peet e thangvan laikeek hong kia e
Laukha’ lengvan khuamual a suahna aw
Tuan vual leel simthu tui bang hong tung peet e
Zinleng’ kammei dai bang i pelhna aw

Pupa’n vangkho lenmual sangsing leel ah
Sakluang zatam bing bang na khaina ve’n
Sakluang alva’n bawm e sungtui loh e
Laukha pham lei a sang thei omlou e

Melmak lenmual sangsing leel sakluang in
Zenzen aw e phamlei sang zou hi e
Laukha gua bang hinna simthu hong thang
Zata’n pai bang i pomkim chiat na’m maw

Tulleel pa’n lengvan a kaita ding sa’ng
Kailou lai e hong tualkum lai ngawn e
Kulsin thang bang veh phamte bang va zaal
Nau bang kahkei ni e awikei ni e

A mi singta kulsin a zaal leh e
Khaleinu’n sungneek in nei siatlei suak
I Tou lungdeih kulsin a zaal leh e
Kha bang pham teng va koukiik ngawn hi e

Phamsa teng koukiik lengvan kaipih e
Lengvan sumtual khuai bang a ul ding aw
Ei mah chiat sunni lenkiil a kiat chia’n
A sul zui lengvan dawngkot hong ding aw

Phamte bang a zaal ni a mi singta’n
Sintawpni pha chi’n laam bang paak hi e
Phamte bang a zaal vaang ning bang zoute
Laam bang paaklou ngam a om ding hiam aw

©Siamsinna Leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more