BANG CHIH MEI DING KA HIA LE??


Niteng, Sunday chih louh, aka hoh na chuh ka hong tung nawn geet ta maw? Heiihaah..... A phurr huai kei tel mei ka chi vengvung mei hi. Bangmah ka theih louh toh, upa lungsim le ki paw sim hi di hi veh aw thil mang hilh ki haat sim zo mah lah ka kum ka ngaih tuah chiang alah ka piang hun toh ki gamla nailo hizel.


Huci kawm kaal ah ka hih na tata te bang phawk khalo. Ka hihlouh na tata te ah hong ki mawh sa gige. Hichia mithu nuau ah khosa mei ding ka maw? Ahaksa tel mei. 


Mi maaipha ka zong na in a inn naa uh toh kei nasep nasan dia ka kuan zeel na te le kahih kawm zeel hi. Amau ah thil aki theih sak uh toh. Kei pen lah niteng a ki bang dia hong koih meimah uh. Mihing zaw niteng a kibang het lou hia maw!!


Mi mawl chih ding in zaw ka hilo mah. Kei tung a akipah hun uh zaw hun tawm sung chout ahi zeel. Mithu nuai a om zaw thu na mei hi het lou aka maw!! 


Thil hoih lou lam teng chuh ei ziak ahong hisak meimah uhi. Adik tak a gen in zaw ka ut lam pang le ahi kei a ka lunglut na le ahi kei bawk. Himahleh sungte deih sak na ziak meimei ka va kuan hilim veh. Isiat na teng bang kakiim ka teng kiang khong ah ana gen ta mei zeen! Kei ading in bel a zah huai mahmah. Himahleh miteng in amau insung leh a om dan uh thei kin vek huai in kei hong tawl damsak mahmah hi. Mikhen khat in kei kiah "Na hailua, huaite kiang ah tutan om zo tel maw!" chi in hong dawn sek uhi. Kei bel ka nui hemham lel hi. Ken bel miteng hoih louh na miteng kiang ah gen ka hih theih louh lampang ana hi zel hi. 


Ka neem tak hong kou/ gen siat ekek chiang in kalungtang hong sukha meimei hi. Ka lung tang bel khawk in akhawk mah e. Gen louh di ka chih vang lak te chu gen lou bilbel ka hi. Ka chih louh chi lo te hi zoh mah lai hi. Hilele ka lungtang khawk tuk a thil douzoh na ka hauzel hi. 


Amau toh teh in zaw ka hai mah e. Kei a di khopkhop in pil zo saam aka.

Huchi tawk leng le hong huchi bawl uh zaw ka ngaih tuah chiah ka sin in ka lung dawt in adawt mei ahi. Ka chii bang ling a ling tuptup mei! Ahuchi tawk ahih teh a innsung uh atawk buai zou. Mahni masial na zaw hoih het lou mah aka maw! 


Thil adeih lou dan om teng lah kei ziak ahi sak suak vek. "Bang chih mei ding ka hia le?" a lung dawn huaitel. Amah a kam tam leh ki thu dik zoh sak ziak in mihong hoh peuh ten le kei ziak mah ding in a ging ta zo hi. Apasal in le zaw hilo chu sa lotel ding ahi lah aman a zii lau hiven. Apasal mai na tawm ale ahoih teng mah hi ding a ki sial leeklaak zo zel.


Hiai bang numei neih kak ding ka lautel mei. Anung lam te kia deih sak ama lam te huat bawl mahmah ahi.


Himahleh kei bel asungkhun uh le ka hikei, a beh leh phung le ka hi, sanggam lai nat nate le ka hi saam kei. Kei bel a suak bang lel tak kahi. Kei ziak in bang zah vei amai uh ka gum sak diam?!. Ka hoh louh ching in lah apoi mawh lua mah bang in 'meelmuh louh tongsaan' in hong sam sek hi. Lah ka phaak mun deuhdeuh leh aak hawl kiak mah bang in hong hawl khiak sawm abang.
"Bang chi mei ta ding kahia le??"

BASE ON STORY:
Hiai thu ah zii ding leh mi om pih/ sep leh bawl dia naa ipiak te kep ding dan leh keplouh ding dan hon sinsak ding in ka gingta.


Mahni masial dah ni maw?

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more