AHUN’ LEH ‘AMUN’ KHENSIAM POIMOH HILOU HIAM?
~K Lianthansang@K Thansang Zomi
A tung a Topic a i muh mahbang in,’Ahun’ leh ‘Amun’ chih pansan in
saulou kikum suk leng i chi hi.Hun(Time) leh Mun(Place) kichi tegel
kibang hetlou hi napi in,ki zangkhawm mun mahmah mai hi.Mihing bang hile
uh ‘Unau laigui zom hingal a,mel-le-puam a ki lamdang maimai’ ahi uh
kichi nuam phial leh kilawm hi.
Mihingte a kibang ki omlou,mel-le-puam nasan ki bang omlou hi.Tua kia
hileh phadawm deuh di; Awsuak,Mittang,Khutpi mai chihte leng kibanglou
hi.Siamtu Pathian zaw ‘Designer’ siamtak eive maw?Unau phiik te nasan
kibang uh i sak mahmah hang un,ana kibang dek teuh kei uhi.Let-le-neu ah
leng a kibang ki om deklou di ahi,India Milip Billion 2(nih) phadek
hial leng le,nang bangbang Namu tuan kei dia,Khovel pumpi Zong lechin
leng namu zou tuankei ding hi.Pathian thupi na taklatna khat leng ahi
hi.
Tu’n Mihingte kibang omlou ahi uh chih i thei ta ua,i gennop pen ah
lut ta le.Mihingte a kibang i omlouh dungzui un,lungsim le ana tuam
chiat ahi dia,’Chiamnuih gen hat’,'Thutak gige zou’,'Ahun leh amun zil a
omdan siamtak a omthei’ chihte mi tuamtuam neih ahi.Koi pen ah na
telkha a le?Mi’n thutak agen chiang a chiamnuih ana suah sak veu nahi
hia leh?Ahihkeileh,Mi’n chiamnuih agen chia ana heh veu sek nahi hia
leh?
I topic ua,’Ahun’ chi a i na,gen pen ahih leh,English a ‘Time’ kichi
dan in lasuk le sau i khial law kei ding hi.Bang hun ahia chih i theih
gige poimoh ahi.Chiamnuih hun ahih leh chiamnuih gen(Bawl) a,thutak hun
ahih leh thutak gen djing ahi.Huchi ahih kei vet leh mi khenkhat gen dan
deuh a,’Nagen di natheih kei leh nagenlouh di bek thei in’ chih theih a
daih maimai chidam huai pen ding hi.Sapte’n ‘Everything has its own
time’ ana chi uh abang(?).
‘Ahun’ chih i thei chiangta ua,tu’n ‘Amun’ chin gen nawn le
hang.’Amun’ i chih pe’n English a,’Place’ chidan in i let khe nawn
ding.English kon telsak naziak ahih leh,eipau ‘malkhat’ in leng thil
tampi gen kopthei ahih ziak ahi(Pau dang bang a pau kihau lou ahih man
in).Koimun a om nahia chih naki theih kei leh chu,a ‘Gammang’ khat hidi
nahi..! A gammang i chih ziak a,gamlak peuh khawng a paina di theilou a
buai gawp chihna ahi tuan kei zel hi.Biakinn sung a om nahih leh ‘Nap’
khawng niit thei mawklou nahi chih ngaihtuahna neichiang te adia thudik
ahi.Biakinn sung khawng ah Tuibuk,Paras,Raja,Khaini chih khawng hih mawk
ta le hang,a gammang i suak ding hi.Aziak ahih leh i omna mun i
theihlouh ziak in.
Mihing khenkhat,mihing lungsim pulou deuh i hi dia o chihtheih di tam
mahmah hi.Anai pe’n in gen le : Facebook leh Koimun hiam a thutak deuh
a,thu i gelh leh gen chiang in,Chiamnuih ana suah mawk pawl om hi.Mihai
te tung a ihi dia o chihtheih hun tam mahmah hi.Chiamnuih hun i theih
a,Chiamnuih na mun di le i theih poimoh mahmah sa ingh.Lungsim thuk zaw
deuh ngaihtuah thei chiang te’ huchi bang in i om di un a gintakhuai kei
hi.Chiamnuih i gen ut luat leh chu,a genna di mun leh hun zong a
genkhiat zialzial mai di ahi,huchi hileh kiaman nahai lam honthei kei
ding hi.Gen na di namuh zoh mahmah kei leh dai maimai zaw in,’Mihai a
daih dide leh,mipil bang a seh ahi’ chih le ana omzel ahih ziak in.
Nuih kichi bang leng Damtheihna ahi chih,aneu-alian in a theihsa vek
uh ahi.Himahleh,nuihna di mun om a,nuih hun leng om ahi chih manglh louh
ding ahi.Mi dah leh lungkham tak a,a omlai ua va nui vervur!!.Nuih le
ahunphet ana omzel ve o..’Mihaite thumvei nui teitei uh: Athu
theichianglou,lawmte nuih ziak a nui mawk,Athu a theih tak a nui nawn,A
khawnung a a omdan aki ngaihtuah chia hai kisa lua a nui nawn’ chih bang
om ahih man in pilvang mahmah ni hang.
Programme bawlna peuh a, VIP hi’n *P lou hita leh chial sawm
teitei(?).Genteh na di’n,Tournament hong di bang a,MLA te chial,kimawl
lunglut le hilou pi.Huai pen,Kimawlna lam a khantouhna di ahi diam?Sum
lamet ziak maimai ahi diam?Kimawlna lam a Professional deuhte chial le
masawnna om zaw lou di hia?Ahun leh Amun i khen siam mahmah ding uh
ahi.Saptuam thil hihna tuamtuam ah leng tunung chiah i VIP te uh chial
in hong om mahmah ding uh ahi chih ka muhdan ahi.
Mi khenkhat in,’Back to the Bible’ a chih sek dan un,Bible ah tawmlut
zual le,Kilakna 3:15 na ah,Sawltaak Paula in bang gen hiam i chih leh
”Na lum leh lum kichian in la’n,Navot leh vot kichian in,Lum lah
lumlou,Vot lah vot kichianlou a na om pelhpulh ziak in ka kam apan in
kon sekhe ding” chi hilou hiam.Tua ahih man in,Ahun leh Amun thei siam
a,Ahun toh kituaklou leh amun toh ki tuaklou pi a,kilawmlou tak a om
pelhpulh sang in,’AHUN’ LEH ‘AMUN’ KHENSIAM POIMOH HILOU HIAM? Chih
dotna hon dongnuam dan kahi.Ngaihtuahna neithei chiang te ki velthek
leng i chi mahmah hi.
—–Kakipak—-
©Siamsinna leh Vakiangbu
Comments
Post a Comment