TONGNEEM
By ~ Vz Vualnam
Nikhat houlungkup ma bang ka pat in
Tongdam neem sul ah ahong hei diam chi’ng
Hong hei peet e sul ah hong hei peet e
Damtui neem in ka siang’ hong luang hi e
Damtui a hong luang ka na dawnleh aw
Doh-ai hiam aw zansawt maimit sing maw’ng
Tongneem ka san ka sang paisuak ding hiam
Hou chiil a neemlou kua a om hiam aw
Theihlouh melmak toh tomkal houlung kum
Tongneem a luanglou kua a om hiam aw
Miza tongneem in i luang chiat a aw
A khumbel tongdam i luanchiat hi e
Nikhat tongkhum ning bang zou ka hi zong
Ei bang lelliang a di’n sawmsial hi e
Nikhat tongdam siktui dawn ka hi zong
Ni bang luunlah ei di’n ningzu hi e
Nikhat tongkhum taikhua vaalpih ni e
Zanchiang zalmang matsan di’n paam sa’ng e
Tulleel heisa sang bang nounou ni e
I loulah hal in sinlai nuamtuam e
Tomkal a tongkhumnou zu bang hon kholh
Kumsawt sinlai ah vungden leh lawm e
Kumsawt sinlai a vungden ding a aw
Kumsawt ngaihsial sawl bang vulna ding aw
Kumsawt ngaihsial dai bang athenna di’n
Lanu tongneem ke’n sang paisuak leng chi’ng
Kulsin daidam ah san tawp leng chi’ng e
Tulleel sangsawn a heisa etlawm aw
Na ningzu’n kumsawt kua aniang diam aw
Na tongkhum kumsawt kua’n azou diam aw
---------------------------------------------------
Nikhat ka noupih masak ni’n ahon dawng de aw ka chisim a, ahon dawng petmah a, kamsiam tak in ahon dawng a, ka kihou ua, huai nitak bang ka ihmu theikei zezen hi.
Tua a kamsiam ka tan ka tang den ding hiam? Kihou tung a kamsiamlou kua a om a eita? Theih ngeilouh toh kihou a kamsiam suahlou kua a om a eita? Kuapeuh in kamsiam i suah chiat ua, siamtheihpen i suah uhi.
Nikhat kamsiam dong hita lengle ei bang khawng ading in sial bang in a manpha a, nikhat kamsiam leltak hilele ei bang khawng a ding in phulouh ahi. Nikhat kamsiam i tan khua vaakpih ni, ihmu a mang matsan maimai di’n a paammaih hi.
Nungak melhoih thohthoh ni, i tanzohlouh ding hilele anuamtuam hi. Tomchik sung kamsiam a hon houpih, mangngilh ni a omkei ding hi. Kimangngilh nawnlou ding a, sawtpi lunglenna ding ahong hi ding.
Sawtpi lungleng a omlouhna ding in nungak’ aw neem ke’n sangden le’ng ka ut hi. Hankhuk ka tunma sangsang leng ka ut hi. Nungak melhoih aw, na kilawmna kua’n ahon zou/hamphatpih/tang dia? Na aw neem kuan a sangden dia?
©Siamsinna leh Vakiangbu
Nikhat houlungkup ma bang ka pat in
Tongdam neem sul ah ahong hei diam chi’ng
Hong hei peet e sul ah hong hei peet e
Damtui neem in ka siang’ hong luang hi e
Damtui a hong luang ka na dawnleh aw
Doh-ai hiam aw zansawt maimit sing maw’ng
Tongneem ka san ka sang paisuak ding hiam
Hou chiil a neemlou kua a om hiam aw
Theihlouh melmak toh tomkal houlung kum
Tongneem a luanglou kua a om hiam aw
Miza tongneem in i luang chiat a aw
A khumbel tongdam i luanchiat hi e
Nikhat tongkhum ning bang zou ka hi zong
Ei bang lelliang a di’n sawmsial hi e
Nikhat tongdam siktui dawn ka hi zong
Ni bang luunlah ei di’n ningzu hi e
Nikhat tongkhum taikhua vaalpih ni e
Zanchiang zalmang matsan di’n paam sa’ng e
Tulleel heisa sang bang nounou ni e
I loulah hal in sinlai nuamtuam e
Tomkal a tongkhumnou zu bang hon kholh
Kumsawt sinlai ah vungden leh lawm e
Kumsawt sinlai a vungden ding a aw
Kumsawt ngaihsial sawl bang vulna ding aw
Kumsawt ngaihsial dai bang athenna di’n
Lanu tongneem ke’n sang paisuak leng chi’ng
Kulsin daidam ah san tawp leng chi’ng e
Tulleel sangsawn a heisa etlawm aw
Na ningzu’n kumsawt kua aniang diam aw
Na tongkhum kumsawt kua’n azou diam aw
---------------------------------------------------
Nikhat ka noupih masak ni’n ahon dawng de aw ka chisim a, ahon dawng petmah a, kamsiam tak in ahon dawng a, ka kihou ua, huai nitak bang ka ihmu theikei zezen hi.
Tua a kamsiam ka tan ka tang den ding hiam? Kihou tung a kamsiamlou kua a om a eita? Theih ngeilouh toh kihou a kamsiam suahlou kua a om a eita? Kuapeuh in kamsiam i suah chiat ua, siamtheihpen i suah uhi.
Nikhat kamsiam dong hita lengle ei bang khawng ading in sial bang in a manpha a, nikhat kamsiam leltak hilele ei bang khawng a ding in phulouh ahi. Nikhat kamsiam i tan khua vaakpih ni, ihmu a mang matsan maimai di’n a paammaih hi.
Nungak melhoih thohthoh ni, i tanzohlouh ding hilele anuamtuam hi. Tomchik sung kamsiam a hon houpih, mangngilh ni a omkei ding hi. Kimangngilh nawnlou ding a, sawtpi lunglenna ding ahong hi ding.
Sawtpi lungleng a omlouhna ding in nungak’ aw neem ke’n sangden le’ng ka ut hi. Hankhuk ka tunma sangsang leng ka ut hi. Nungak melhoih aw, na kilawmna kua’n ahon zou/hamphatpih/tang dia? Na aw neem kuan a sangden dia?
©Siamsinna leh Vakiangbu
Comments
Post a Comment