MEMORANDUM OF UNDERSTANDING
By ~ Mang @ ZM Tonsing
Mihing i tuam dungzui in i lunglutna leng tuam hi. Keileng mihing khat ka hihteina zal in lunglutna tuamtuam ka neisam hi. Tuate laka khat chuh LAIGELH ahi hi.
Agelhkia mai hilou in a sim mahmah leng ka lunglut a, ei pau a lai kigelh ta phot ka pakta thei mahmah hi. Paite pau a news leh magazine suak tam keimahleh a suak sunsun te a leikhial ngeilou khat ka hi sam hi. Gensau zek laile Tongluang, Tongdam, ZingDaitui leh Suangmantam chihte a beipen kei mimaltakin ka pona petmah mai hi.
Laigelh kichi ka lunglutna mah ahihziakin hunsawtpek a kipan in laigelh ka na panta hi. Ka laigelhsa tengteng thei chiangkei mahle’ng a 100 hial aphak kei lele tamin sam din ka gingta kei.
Laigelh ka pattung lai in internet (fb etc) chihte ana kitheikha nailou ahihman in ka laigelhte Magazine, Local daily newspaper leh weekly news paper chihte ah ka na pe zel hi.
Internet chihte i hon theitei sam a, huai a kipatin www.zogam.com leh www.zogamonline.com chihte ah ka article te kana petou ngitnget hi. Phualvatimes hongom a kipat in phulvatimes ah leng ka pia hi.
Hun hongpai zelin Pu Thanuam Dahpa panlakna ziakin tua i group deihthoh mahmah SIAMSINNA LEH VAKIANGBU patkhiat in hongom hi. Hiai Siamsinna leh Vakiangbu pen in kiatniam lamsangin khantouhlam naih huaihuai a, fb group kia maihilou in site piching a dopsang in om hi.
Hiai Siamsinna leh Vakiangbu ka theih a kipan in Siamsinna leh Vakiangbu ah ka article te ka pia tou dennawn a, ahihhangin nidang a ka na piak nasa te ah leng ka pezom zelthou hi. Siam le siamlouh thuhilou in lunglutna mah ahihziakin laigelh ka kholsan theikei. Lai ka gelhzel a, huai ka gelhte mun tuamtuam a ka piak dungzui in Siamsinna leh Vakiangbu ah leng ka petou den hi.
Hon gensau laile’ng, Siamsinna leh Vakiangbu pen kei mimaltak in leng nakpitakin ka phattuampih hi. Siamsinna leh Vakiangbu a ka thugelhte ka piak sek dungzui in Admin-te deihsakna zalin Siamsinna leh Vakiangbu kum khat chin lopna hun ah Pahtawina Laipi leng piakin ka om hi. Huan, hiai Siamsinna leh Vakiangbu a Admin-te leh Member-te hanthawnna zalin ZogamOnline kum 7 chin lopna huna laigelh kidemna a leng kei category a khatna la kha ka hi chileng ka chikhial kei di.
Ka gennop takbel laigelhtu-te’n lai i gelh chiangin i laigelh pen mi atam theilam in sim uh kideih chiat hi. Athugelh pen ahoih leh hoihlouh thutuam hileh mi simdia kigelh ahi vek mai. Huaiziakin, mun tuamtuam ah kipe thang zengzung sek hi. Huiziakin, site/group tuamtuam a admin-te’n leng i theihsiam ngai ka sa. Himahleh, a laigelh tu’n lah pekha lou, group/site dang a kisuah ahihle bel ngaihdan tuam omthei tham mah ding hi.
Awle, keikia lou midang tamtak in leng Siamsinna leh Vakiangbu i phattuampih ngei ka gingta. Khenkhatte a dingin lunglutna leh talent pholhsuahna ahi dinga; khenkhat leuleu a dingin hun-awl zatna hoihtak hi ding hi.
Maban ah leng Siamsinna leh Vakiangbu in ma sawnzel henla, igam-le-nam, minam a dinga lailam a khanlohna thupitak hon tuntu ahih ngei i gingta. Siam-le-siamlouh thuhilou a, Siamsinna leh Vakiangbu ahih dungzui in maban ah member kuapeuhmah in leng zum leh laigelh di kisit mailou a, ana gelhsa te leh gelh nailoute’n leng gelh a, gelhzomtou zel diingin ikingen hi.
Ka kipak!
Siamsinna leh Vakiangbu damsawt hen!
©Siamsinna leh Vakiangbu
Mihing i tuam dungzui in i lunglutna leng tuam hi. Keileng mihing khat ka hihteina zal in lunglutna tuamtuam ka neisam hi. Tuate laka khat chuh LAIGELH ahi hi.
Agelhkia mai hilou in a sim mahmah leng ka lunglut a, ei pau a lai kigelh ta phot ka pakta thei mahmah hi. Paite pau a news leh magazine suak tam keimahleh a suak sunsun te a leikhial ngeilou khat ka hi sam hi. Gensau zek laile Tongluang, Tongdam, ZingDaitui leh Suangmantam chihte a beipen kei mimaltakin ka pona petmah mai hi.
Laigelh kichi ka lunglutna mah ahihziakin hunsawtpek a kipan in laigelh ka na panta hi. Ka laigelhsa tengteng thei chiangkei mahle’ng a 100 hial aphak kei lele tamin sam din ka gingta kei.
Laigelh ka pattung lai in internet (fb etc) chihte ana kitheikha nailou ahihman in ka laigelhte Magazine, Local daily newspaper leh weekly news paper chihte ah ka na pe zel hi.
Internet chihte i hon theitei sam a, huai a kipatin www.zogam.com leh www.zogamonline.com chihte ah ka article te kana petou ngitnget hi. Phualvatimes hongom a kipat in phulvatimes ah leng ka pia hi.
Hun hongpai zelin Pu Thanuam Dahpa panlakna ziakin tua i group deihthoh mahmah SIAMSINNA LEH VAKIANGBU patkhiat in hongom hi. Hiai Siamsinna leh Vakiangbu pen in kiatniam lamsangin khantouhlam naih huaihuai a, fb group kia maihilou in site piching a dopsang in om hi.
Hiai Siamsinna leh Vakiangbu ka theih a kipan in Siamsinna leh Vakiangbu ah ka article te ka pia tou dennawn a, ahihhangin nidang a ka na piak nasa te ah leng ka pezom zelthou hi. Siam le siamlouh thuhilou in lunglutna mah ahihziakin laigelh ka kholsan theikei. Lai ka gelhzel a, huai ka gelhte mun tuamtuam a ka piak dungzui in Siamsinna leh Vakiangbu ah leng ka petou den hi.
Hon gensau laile’ng, Siamsinna leh Vakiangbu pen kei mimaltak in leng nakpitakin ka phattuampih hi. Siamsinna leh Vakiangbu a ka thugelhte ka piak sek dungzui in Admin-te deihsakna zalin Siamsinna leh Vakiangbu kum khat chin lopna hun ah Pahtawina Laipi leng piakin ka om hi. Huan, hiai Siamsinna leh Vakiangbu a Admin-te leh Member-te hanthawnna zalin ZogamOnline kum 7 chin lopna huna laigelh kidemna a leng kei category a khatna la kha ka hi chileng ka chikhial kei di.
Ka gennop takbel laigelhtu-te’n lai i gelh chiangin i laigelh pen mi atam theilam in sim uh kideih chiat hi. Athugelh pen ahoih leh hoihlouh thutuam hileh mi simdia kigelh ahi vek mai. Huaiziakin, mun tuamtuam ah kipe thang zengzung sek hi. Huiziakin, site/group tuamtuam a admin-te’n leng i theihsiam ngai ka sa. Himahleh, a laigelh tu’n lah pekha lou, group/site dang a kisuah ahihle bel ngaihdan tuam omthei tham mah ding hi.
Awle, keikia lou midang tamtak in leng Siamsinna leh Vakiangbu i phattuampih ngei ka gingta. Khenkhatte a dingin lunglutna leh talent pholhsuahna ahi dinga; khenkhat leuleu a dingin hun-awl zatna hoihtak hi ding hi.
Maban ah leng Siamsinna leh Vakiangbu in ma sawnzel henla, igam-le-nam, minam a dinga lailam a khanlohna thupitak hon tuntu ahih ngei i gingta. Siam-le-siamlouh thuhilou a, Siamsinna leh Vakiangbu ahih dungzui in maban ah member kuapeuhmah in leng zum leh laigelh di kisit mailou a, ana gelhsa te leh gelh nailoute’n leng gelh a, gelhzomtou zel diingin ikingen hi.
Ka kipak!
Siamsinna leh Vakiangbu damsawt hen!
©Siamsinna leh Vakiangbu
Comments
Post a Comment