ITNA KOI A OM A TA MAI A??
~Mumung Nowluck Neihsial Singtou
Leitung a i piankhiak in kuamah maban di they ki-om samlou hi. Keileng ka pianma in ka maban di ana thei hi leng ana piang ut dek lou ding hi ing.
Kum 14 ka phak in Lamka ah ka siamsinna maban sun zom din ka Nulian (nu sanggam nu) kiah kong om hi. Amah toh kia om ding cih bel ka thei a hi mah leh hici tel a haksa di a hihlam bel ka na thei kei, hici lomlom a genthei ding in leng ka na kikoih sam kei hi.
Hunte hong pai jel in skul te bang kong kai ta hi. Mi inn a om akihihman in nidang a ka sep khak ngei louh leh ka hih khak ngei louh jong hih hong ngai ta hi. Himahleh Pathian ompihna toh kong kingei naseh pah thei vanglak hi.
Ni te hon tum jel a hih man in thil om dan jong hong kikhek deuhdeuh hi. Kei a din cu khovel haksat na hong tam deuhdeuh a, a thu omlou pi a taina ka thuah ni hong hi mun mahmah hi. Jing ka thou pahpah sek a ann huan in puan sop di te khong sop mengmeng in ann ne jok in skul ka kuan jel hi.
Kha 1 lel khong hon pel pan hi mah leh ka omna nu zu leh sa a kibual a hihman in kei a din tuh a hong haksa deuhdeuh ta hi. Jingkar laisim nang hun ka neikei a nitak cu vangphat huai tak in dakkar 1:30 bang ka sim thei sam hi.
Ann ka hon ne a thuk khat ka gaih ban lah piak in ka om kei, a gilvah a ka hon nek theih louh ni a hong tam deuhdeuh a, nidang a ka pa inn a ka duh leh ne a ka duh leh ne lou a ka om lai nite ka hon ngaihtuah ciang in pasal hi mah leng ka mit a pan khitui nan vuallou in hong luang sek hi. Gilkial pi in lai ka hon sim cu a haksa tel mai. Ka lungsim ah ann kia hong om a ka laisimte cu koi a lut a cih ka theibun kei.
Skul ka hong kai a ka lawmte kipak a nui khom zaizai te ka muh ciang in ka mittuite a hong luangkhe sek a, nidang a ka nulepa angsung a pat a skul kai dia ka kuan khiak a lawm leh vual te toh nopsatak a ka om laite bang ka phok a....kei a din tuh Itna koi a Om a tamai a.. cih louh gen ding ka thei kei.
Nitak ka lum a tawldam nak sang in khuitui toh pumdim na hun in ka jang sek hi. Ka nu sanggam mahmah toh om a bang jiak lomlom a hicitel a haksa a hi diam o cih khong ka kingaituah a, hi ci lomlom a haksa tuak ding lel a piang ka diam ci in Pathian kiang ah ka hinna la ding in leng kana thum mun mahmah hi.
Hunte hong pai zel in Ann gil vah ka nek ni vang mahmah a hihman in ka tha chau in ka hong dam lou mun mahmah hi. Khatvei ka manghilh theih lou khat cuh.. Khosik in ka hong lum a ka om na nun lah hon ngaisaklou zu kham sa imu hithit mai..kei la ka pumpi a ling gop... A tawp in cu ka Nulian ka sam a hong thou in pracetamol tang khat hon pia a hon lup san nawn hi. A lup in hon phong nawn ken non imu sak thei kei, si kei na ni teh jingkar ciah damdoi dang jong ni hon ci hi. A jak a haksa mahmah mai. Ka mit a khitui a hong luang a ka kingaise pet mah. Sih bang ka ut tuntun mai hi. Kidek jou lou ka hih man in ek buk a ka va kap hi.
Ka nu leh pa toh om hileng hici gen theih sam lou di hi ing a mo, ka kiang a ka nu hong lum dia lung muang tak a lum di ing a ka dam pah nang a hon thumsak di hia cih khong ka ngaihtuah a ka khasiat cuh a hon behlap tuan mahmah hi.
Jing khua hong vak a dam lou pi a an te huan in ka mit a ne in skul ka hong kai teitei hi. Dam lou ci in inn ah om leng enghou na tampi ja ding ka hih man in ka om ut kei hi.
A chang in nitak bang pot ding in sol in ka om mun mahmah hi. Dak 9 mah inn a nong pai louh ding cih khong in vau na ka mu sek hi. Ka pot khia a kei lah Lamka a om tung ka hih man in ka pot nang ka thei kei. Ka in kiang ua inn kilam khin lou om a huai kil khat a ka va tu sek hi. It na koi a om a ta mai a.. Belhding nei lou a khovot lak a om ding in jo ka nu leh pan hon phal sam lou ding uh hi a.
Kipak tak leh nopsa tak a om kei a din lamet phak vual a hi key. Inn sung a tut khom hunsung cu ann nek sung a hi lel mai. A hi a, huci hun ciang inle kei tai a ka om kei leh ka inn kuan te gensiat na ka jak a hi thouthou hi. Hici hunchiang in jo kei a din khovel a om leng kisik huai tuntun mai.
Kha te hong thak jel a kumkim exam te hong hun sam ta hi. Himahleh ann te hoih tak ne theilou, ngaihtuah na ngen a dim ka hih man in ka tha hong chau in ka hong dam kei hi. Exam lah hun ta ka damlou guih mok theih siam haksa ka sa mahmah mai hi. Hiai hun tak in jo Pathian om lou hia? Ka ci ud maimah hi.
Inn nupi ka hih man in ka laisim nang hun ding om man ngei lou phial hi. Ka hong dam kei jo mah laisim nang hun ka nei kei hi.
Ka damlouh lam ka gen ngam kei a a guk in ka hah thuak peuh mah hi. Gen leng le ngaisak in ka om kei dia huai nak sang in kei khasiat na ding lel ja ding ka hih man in genlouh a thuak kei a din hoih jo hi.
Ka hong exam a ka kiang a tu te ka hon et chiang in kei a din kipah nang om het kei hi. Kipak in a theih te uh a gelh seuhseuh ua kei bel lunggim tak leh mai mual demdum in ka hah tut mahmah hi. Itna koi a om a tel a... Kei a din leitung leng gotmun toh a kikhaih nang om lou hi.
Ka mittui ten ka mitte hon liah in ka laigelh leng ka mu thei non kei. Ka dak a kei leng ka lawm leh vual te bang a kipak leh lungnuam tak a ka om lai nite ka mitkha ah hong lang in ka mittui te ka laitung ah hong takkhesuk keuhkeuh mai hi.
Ka kiang a mi tampi om a hih man in ka kidek thak a, ka mittuite hah siang in ka laigelh tuh ka sunjom non hi. Kin tak a gelh in ka joh in ka omna, kei a dia GAWTMUN lam ka juan hi.
In ka tung a ka hih dingte hih in ka lum hi. Bangjiak a lum ka hiam cih dot a leng om lou in salh leh tai in ka om hi. Kenjong haksa sa gop in kalaisim na maban leng pammaih salou in ka khua ua kik din thupuk na ka la ta hi.
Sian in tup khat toh ka tunnu sunggil pan hon lak khiat leh bang jiak a haksatna henkol kei din phel lou hiam???
Kei toh kibang a hinkhua jangkhate kon thuak pih a.. Himah leh a kipahman e sang ciang ua thupi ding ahi chih um ing.
Hon sinsakte tengteng...KIPAK!!
©Siamsinna leh Vakiangbu
Leitung a i piankhiak in kuamah maban di they ki-om samlou hi. Keileng ka pianma in ka maban di ana thei hi leng ana piang ut dek lou ding hi ing.
Kum 14 ka phak in Lamka ah ka siamsinna maban sun zom din ka Nulian (nu sanggam nu) kiah kong om hi. Amah toh kia om ding cih bel ka thei a hi mah leh hici tel a haksa di a hihlam bel ka na thei kei, hici lomlom a genthei ding in leng ka na kikoih sam kei hi.
Hunte hong pai jel in skul te bang kong kai ta hi. Mi inn a om akihihman in nidang a ka sep khak ngei louh leh ka hih khak ngei louh jong hih hong ngai ta hi. Himahleh Pathian ompihna toh kong kingei naseh pah thei vanglak hi.
Ni te hon tum jel a hih man in thil om dan jong hong kikhek deuhdeuh hi. Kei a din cu khovel haksat na hong tam deuhdeuh a, a thu omlou pi a taina ka thuah ni hong hi mun mahmah hi. Jing ka thou pahpah sek a ann huan in puan sop di te khong sop mengmeng in ann ne jok in skul ka kuan jel hi.
Kha 1 lel khong hon pel pan hi mah leh ka omna nu zu leh sa a kibual a hihman in kei a din tuh a hong haksa deuhdeuh ta hi. Jingkar laisim nang hun ka neikei a nitak cu vangphat huai tak in dakkar 1:30 bang ka sim thei sam hi.
Ann ka hon ne a thuk khat ka gaih ban lah piak in ka om kei, a gilvah a ka hon nek theih louh ni a hong tam deuhdeuh a, nidang a ka pa inn a ka duh leh ne a ka duh leh ne lou a ka om lai nite ka hon ngaihtuah ciang in pasal hi mah leng ka mit a pan khitui nan vuallou in hong luang sek hi. Gilkial pi in lai ka hon sim cu a haksa tel mai. Ka lungsim ah ann kia hong om a ka laisimte cu koi a lut a cih ka theibun kei.
Skul ka hong kai a ka lawmte kipak a nui khom zaizai te ka muh ciang in ka mittuite a hong luangkhe sek a, nidang a ka nulepa angsung a pat a skul kai dia ka kuan khiak a lawm leh vual te toh nopsatak a ka om laite bang ka phok a....kei a din tuh Itna koi a Om a tamai a.. cih louh gen ding ka thei kei.
Nitak ka lum a tawldam nak sang in khuitui toh pumdim na hun in ka jang sek hi. Ka nu sanggam mahmah toh om a bang jiak lomlom a hicitel a haksa a hi diam o cih khong ka kingaituah a, hi ci lomlom a haksa tuak ding lel a piang ka diam ci in Pathian kiang ah ka hinna la ding in leng kana thum mun mahmah hi.
Hunte hong pai zel in Ann gil vah ka nek ni vang mahmah a hihman in ka tha chau in ka hong dam lou mun mahmah hi. Khatvei ka manghilh theih lou khat cuh.. Khosik in ka hong lum a ka om na nun lah hon ngaisaklou zu kham sa imu hithit mai..kei la ka pumpi a ling gop... A tawp in cu ka Nulian ka sam a hong thou in pracetamol tang khat hon pia a hon lup san nawn hi. A lup in hon phong nawn ken non imu sak thei kei, si kei na ni teh jingkar ciah damdoi dang jong ni hon ci hi. A jak a haksa mahmah mai. Ka mit a khitui a hong luang a ka kingaise pet mah. Sih bang ka ut tuntun mai hi. Kidek jou lou ka hih man in ek buk a ka va kap hi.
Ka nu leh pa toh om hileng hici gen theih sam lou di hi ing a mo, ka kiang a ka nu hong lum dia lung muang tak a lum di ing a ka dam pah nang a hon thumsak di hia cih khong ka ngaihtuah a ka khasiat cuh a hon behlap tuan mahmah hi.
Jing khua hong vak a dam lou pi a an te huan in ka mit a ne in skul ka hong kai teitei hi. Dam lou ci in inn ah om leng enghou na tampi ja ding ka hih man in ka om ut kei hi.
A chang in nitak bang pot ding in sol in ka om mun mahmah hi. Dak 9 mah inn a nong pai louh ding cih khong in vau na ka mu sek hi. Ka pot khia a kei lah Lamka a om tung ka hih man in ka pot nang ka thei kei. Ka in kiang ua inn kilam khin lou om a huai kil khat a ka va tu sek hi. It na koi a om a ta mai a.. Belhding nei lou a khovot lak a om ding in jo ka nu leh pan hon phal sam lou ding uh hi a.
Kipak tak leh nopsa tak a om kei a din lamet phak vual a hi key. Inn sung a tut khom hunsung cu ann nek sung a hi lel mai. A hi a, huci hun ciang inle kei tai a ka om kei leh ka inn kuan te gensiat na ka jak a hi thouthou hi. Hici hunchiang in jo kei a din khovel a om leng kisik huai tuntun mai.
Kha te hong thak jel a kumkim exam te hong hun sam ta hi. Himahleh ann te hoih tak ne theilou, ngaihtuah na ngen a dim ka hih man in ka tha hong chau in ka hong dam kei hi. Exam lah hun ta ka damlou guih mok theih siam haksa ka sa mahmah mai hi. Hiai hun tak in jo Pathian om lou hia? Ka ci ud maimah hi.
Inn nupi ka hih man in ka laisim nang hun ding om man ngei lou phial hi. Ka hong dam kei jo mah laisim nang hun ka nei kei hi.
Ka damlouh lam ka gen ngam kei a a guk in ka hah thuak peuh mah hi. Gen leng le ngaisak in ka om kei dia huai nak sang in kei khasiat na ding lel ja ding ka hih man in genlouh a thuak kei a din hoih jo hi.
Ka hong exam a ka kiang a tu te ka hon et chiang in kei a din kipah nang om het kei hi. Kipak in a theih te uh a gelh seuhseuh ua kei bel lunggim tak leh mai mual demdum in ka hah tut mahmah hi. Itna koi a om a tel a... Kei a din leitung leng gotmun toh a kikhaih nang om lou hi.
Ka mittui ten ka mitte hon liah in ka laigelh leng ka mu thei non kei. Ka dak a kei leng ka lawm leh vual te bang a kipak leh lungnuam tak a ka om lai nite ka mitkha ah hong lang in ka mittui te ka laitung ah hong takkhesuk keuhkeuh mai hi.
Ka kiang a mi tampi om a hih man in ka kidek thak a, ka mittuite hah siang in ka laigelh tuh ka sunjom non hi. Kin tak a gelh in ka joh in ka omna, kei a dia GAWTMUN lam ka juan hi.
In ka tung a ka hih dingte hih in ka lum hi. Bangjiak a lum ka hiam cih dot a leng om lou in salh leh tai in ka om hi. Kenjong haksa sa gop in kalaisim na maban leng pammaih salou in ka khua ua kik din thupuk na ka la ta hi.
Sian in tup khat toh ka tunnu sunggil pan hon lak khiat leh bang jiak a haksatna henkol kei din phel lou hiam???
Kei toh kibang a hinkhua jangkhate kon thuak pih a.. Himah leh a kipahman e sang ciang ua thupi ding ahi chih um ing.
Hon sinsakte tengteng...KIPAK!!
©Siamsinna leh Vakiangbu
Comments
Post a Comment