KIZUAKNU
By ~Pau Lian
Hiai minu kua a bangziak a police in man a ka chih leh kakiang a ding nupinu'n aman niiknuai business aguk a bawl ahi chi'n agen a,theihluat khat hiveh aw ka mudah lua,biakinn a akikhop lam leh thohlawm a thohlai leng kamu,zing devotion hun a biakinn a alut leh apawt leng kamuh hun atam,hiai minu mimak,lum lah lumlou vot lah votlou ,thankik bang a rong kheksiamte eive ,pathian khawng maiphaw dia zang chih himhim,tunchuh selvual louh in laklohtak a omlai amanta ve ua chi'n nupi nu'n kazak din a gen a...lamdang nangei e maw chi'n gending dang theilou in tua Kizuaknu police te'n amat uh,gari a aguan dek uh ka en hi.
Zum petmah ahi chih etmai inleng amel ah kamu a,asamte a laang a,a ngawng oh puanza in alu a tuamtou zel a,kun mahleh a biang ah khitui luangte akimu a, mi khenkhat in lim lanuam ahih man un police pa'n amai khuhna puanza a sahkhiak sakzel a ,a phone uapa'n lim ala ua,talek tawpkhawk bang a bawl in huai hun leh mun ading in khelhna huchikan a uangzaw omlou bang in gari sung ah suntanglai in a khawlpih uhi.Sawtlou nung in nupi khat hong pai a,police sappa toh hong kihoutuam ua,akihouzawh un gari ah kizuaknu aposuk ta uhi.
Amah kua a chih kathei chiang thahahkei, amah kamuh ziak in amel ka theihthoh a,amin leng kakiang a nupinu genbang in leh ka chiamtehna ah KIZUAKNU chih ahi maita hi.Munawn lengleng kizuaknu chi'n ka lungsim ah hon ging ding a,hehpih huailua himahleh amah zaw kizuaknu chi'n ka chiamtehta,amin dang ka theih tuanlouh ziak in,mite'n a nuihsan ua,mi kihhuai leh bolhlohtak lak ah khosa hiaibang a taksapum zuak tel chi'n mohsa dek mah leng huchi'n ana khosa nawnkenla, siangthoutak in ana om in aw nu chi a hehpihna taktak toh a hinkhua apan a suahtak nading ,a poimawh sum leh pai,nek leh dawn ,aki thakpatna ding va pezou/piaksawm ka hihlouh man in ka mohsa theikei a,a tangthu theiloupi in haina e leng ka chingamkei a, theih ut luatna nei mahleng vaki houlimpih theilou ka hihman in hunlem muhlam chiang a kanchet ngeingei ding in ka lungsim ah ka namkipta hi.
Ni tamlou painung in tua kizuaknu mante lak a tel police khattoh Imphal hohding winger ah ka tuangkhawm kha zenzen ua,vangpha kisakna toh meltheihte hikei mahleh va maingal bawlpah in thu dangdang ka houlimpih a,atawp in tua kizuaknu thu kakanta hi,aman leng hehpihhuai asakdan hon gen a,tua kizuaknu mandia order omziak lel a vaman mai kahi uh chi'n kisiamtanna thu a gen hi,huaizawh in kizuaknu a thudotnate uh leh a dawnnate hon hilh hi.Tua kizuaknu bel nupi kum 40 velding,pasal neibaih mahmah,ta 2 nei ahi a ,apasal in kum 8 paisa in khamtheih ziak in sihsan hi.Inngam hithet a apasal nutsiat ahih ban uah a sunglamte hitaleh a nolamte leng khosa lah mahmah tuak ahihna ban uah a tapa tangval panphet in khamtheih ahih zawkmah ziak a haksatna hiaibang tuak a kitungding zou nawnlou ahi chi hi.
Thu agen lakloh lai in kenleng hichibang a haksa sa ahih leh bangziak a na semlou adio? Koimun hiamkhawng ah dawr ngak ahihkeh mehzuak,siamgan a kilawh chih bangle nekmuhna khat hisam hia,taksapum tel lawmlawm zuak a nek vamuh chihtel niam huailua leh thadah vai kasa,huaichiah hiaibang a tagah meithaite panpih ding NGO,Saptuam leh Organisation tuamtuam omlou atel adio ka chih leh police pa'n leng NGO chihte khawng mi kuahiam in mi tuantualte zang a sum a laisuahna ahi ei,amah le kinem mah inteh,koikoi hiamkhoh sum nengkha leng mukhalou in amin ki register zomah maithei ding ahi,Nidang in mehzuak mah e,kilawh inle kuankuan veh aw,tuchiang inle zingsang in mehzuak in a vialdiang a,a sum muhteng a tapa in a laksuh zel a,khamsa in inn a tung dia,mi muhsa nekkang a nasep ahi apasuun a,aman a mohpuak bel a sung a suakkhia atate gilkial ding uh venna leh mite vangu a kholai a mat, vuak leh talkaih a a omlouh nading ua a taksa zuakmai hizaw ahi hon chi hi.
Lamdang kasa mahmah a,anu uh atapa khamtheih leina dia kizuak topmai cio?Khengval na e maw ?amanle khamtheih hih bek hinte,ka chih leh Police pan leng aman zaw hih kei hon chi a,kenleng huci ahih leh zing devotion khawng lah hohhoh hizenpi lah kizuak ahih kuan haihlou ua, kuaman a muangmoh louh nadia a ki liahkhuhna adiam ka chih leh Police pa'n huai khah Kizuaknu'n eileh pathian kal ahi a chih kenle awm kasak mahmah ahi,kizuaknu bel mi mitmuh a hoih a akilat utman a zing devotion a thumna vanei ahikei,a tapa hong hoih lamen a,a hong hoihtheih chiang a a sum muhna diklou tawpsan a innkuan ua ki thakpat a utziak a khitui luangkawm a lungsim taktak toh vathum sekmah zaw hizaw dingdan ahi,thilhoih theilou zaw hi hetkei veh e,naktak a haksatna nehden nanuai a a om man a hinkhua kihhuai leh niam penpen toh nekzong hizaw ahi.Biakna sungkhawng a ki imm zouzou khami leh mihoih,itna hau samawk hang a,kizuaknu thumna leng pathian in sangthou ding ahi,kizuaknu kikhop leng midang kikhop toh kibang ahi,a thohlawm piak,ataksa zuakna a amuh hita zenzen leh leng apiakkhiak Pathian in asang keileh zaw biakna a member dangte thohlawm nekgukna apan thohlawm,sepna nei a semlou a loh mute khuttawi,mi hamphatna ding kaikawi a negute thilpiak,khaamthil hih a hausate thohlawm leng pathian in sang ding in ka gingkei,aman a neihsa,a taksapum kuamah a a laksak hilou,kuamah sunakhalou thil azuak apan a tate gilkial gentaklouh a tapapa khamtheih hihna ading sutuah a atapa inleng kuamah bangmah gulou a tutan khamtou ngitnget ahi.A ta a itluat man a minsiat tawpkhawk teel mai dan ahi,itna thupilua khat inzaw akaal ua vai hawm ahi,hamhailou a lampi dik ana tawnkha hileh hoihlua hiven chin hon gen hi.
Lamdang sakawm tak in kenleng bangziak eleh huchia mi kuamah poikhoihkhalou ama taksa zuak zen a innkuan vak khawng mat ding order hong paimawk eita? lakh tampipi negu awtawt tekhawng,gari gute khawng lah mat nei ngeilou ,kizuakte laklohtak a a omlaitak uh manthei dia na intellegencete uh na sukhat uh maksa kahi ka chih leh Police pan leng huaichu ana hucidi uh chih thei hetlou kahi uh,kava tuakkha uh chihman hi,ama tungtang zaw atuam hi.
Negute manle ung bel amau sum hau uncin ei adia lauhhuai,mat ding leng tamlodi,matkhit pah leng haksa inteh,mahni in huih nundan zuih ngai ahi khovel a khosuah nadia .Thil diklou teng,negu teng akip akawi in vaman in vasutawp leng organisation,saptuam leh inkuan tampi puksih ding uh ahi,Huaiziak a a lopi tu-leh-tu a hon tokbuai teng ki awlmawh hiphot ahi hon chi hi.
Kizuaknu case ah bel ama min zang in NGO khat in sum bank ah ana draw khia ua amah atelkha taktak hiam cia thudot di kawm toh thildik ahihlouh ziak a kiman mah ahi,khenkhat in tax pelou hia chi'n hon kan na ua huailam hi hetlou dan ahi.Ama min a NGO khat a khateng a Rs 2000 bang ama theihlouh a ana laikhe sek uh,asuai leng ama a bangchet a kai uh ahi honchi a ,kenleng lamdang satak in I gam ule gamlak a gamsate khosakna toh kibangta maw,zawngpi in zawngnou gawlbawk ankholna meksak a ann omte aneksa zel toh kibang,kinektuah nagam hitamai maw chikawm in Keishampat library kiang katun t un Policepa kiang ah na thil saidi sainuam oleh chikawm in kakum khiak santa hi.
©Siamsinna leh Vakiangbu
Hiai minu kua a bangziak a police in man a ka chih leh kakiang a ding nupinu'n aman niiknuai business aguk a bawl ahi chi'n agen a,theihluat khat hiveh aw ka mudah lua,biakinn a akikhop lam leh thohlawm a thohlai leng kamu,zing devotion hun a biakinn a alut leh apawt leng kamuh hun atam,hiai minu mimak,lum lah lumlou vot lah votlou ,thankik bang a rong kheksiamte eive ,pathian khawng maiphaw dia zang chih himhim,tunchuh selvual louh in laklohtak a omlai amanta ve ua chi'n nupi nu'n kazak din a gen a...lamdang nangei e maw chi'n gending dang theilou in tua Kizuaknu police te'n amat uh,gari a aguan dek uh ka en hi.
Zum petmah ahi chih etmai inleng amel ah kamu a,asamte a laang a,a ngawng oh puanza in alu a tuamtou zel a,kun mahleh a biang ah khitui luangte akimu a, mi khenkhat in lim lanuam ahih man un police pa'n amai khuhna puanza a sahkhiak sakzel a ,a phone uapa'n lim ala ua,talek tawpkhawk bang a bawl in huai hun leh mun ading in khelhna huchikan a uangzaw omlou bang in gari sung ah suntanglai in a khawlpih uhi.Sawtlou nung in nupi khat hong pai a,police sappa toh hong kihoutuam ua,akihouzawh un gari ah kizuaknu aposuk ta uhi.
Amah kua a chih kathei chiang thahahkei, amah kamuh ziak in amel ka theihthoh a,amin leng kakiang a nupinu genbang in leh ka chiamtehna ah KIZUAKNU chih ahi maita hi.Munawn lengleng kizuaknu chi'n ka lungsim ah hon ging ding a,hehpih huailua himahleh amah zaw kizuaknu chi'n ka chiamtehta,amin dang ka theih tuanlouh ziak in,mite'n a nuihsan ua,mi kihhuai leh bolhlohtak lak ah khosa hiaibang a taksapum zuak tel chi'n mohsa dek mah leng huchi'n ana khosa nawnkenla, siangthoutak in ana om in aw nu chi a hehpihna taktak toh a hinkhua apan a suahtak nading ,a poimawh sum leh pai,nek leh dawn ,aki thakpatna ding va pezou/piaksawm ka hihlouh man in ka mohsa theikei a,a tangthu theiloupi in haina e leng ka chingamkei a, theih ut luatna nei mahleng vaki houlimpih theilou ka hihman in hunlem muhlam chiang a kanchet ngeingei ding in ka lungsim ah ka namkipta hi.
Ni tamlou painung in tua kizuaknu mante lak a tel police khattoh Imphal hohding winger ah ka tuangkhawm kha zenzen ua,vangpha kisakna toh meltheihte hikei mahleh va maingal bawlpah in thu dangdang ka houlimpih a,atawp in tua kizuaknu thu kakanta hi,aman leng hehpihhuai asakdan hon gen a,tua kizuaknu mandia order omziak lel a vaman mai kahi uh chi'n kisiamtanna thu a gen hi,huaizawh in kizuaknu a thudotnate uh leh a dawnnate hon hilh hi.Tua kizuaknu bel nupi kum 40 velding,pasal neibaih mahmah,ta 2 nei ahi a ,apasal in kum 8 paisa in khamtheih ziak in sihsan hi.Inngam hithet a apasal nutsiat ahih ban uah a sunglamte hitaleh a nolamte leng khosa lah mahmah tuak ahihna ban uah a tapa tangval panphet in khamtheih ahih zawkmah ziak a haksatna hiaibang tuak a kitungding zou nawnlou ahi chi hi.
Thu agen lakloh lai in kenleng hichibang a haksa sa ahih leh bangziak a na semlou adio? Koimun hiamkhawng ah dawr ngak ahihkeh mehzuak,siamgan a kilawh chih bangle nekmuhna khat hisam hia,taksapum tel lawmlawm zuak a nek vamuh chihtel niam huailua leh thadah vai kasa,huaichiah hiaibang a tagah meithaite panpih ding NGO,Saptuam leh Organisation tuamtuam omlou atel adio ka chih leh police pa'n leng NGO chihte khawng mi kuahiam in mi tuantualte zang a sum a laisuahna ahi ei,amah le kinem mah inteh,koikoi hiamkhoh sum nengkha leng mukhalou in amin ki register zomah maithei ding ahi,Nidang in mehzuak mah e,kilawh inle kuankuan veh aw,tuchiang inle zingsang in mehzuak in a vialdiang a,a sum muhteng a tapa in a laksuh zel a,khamsa in inn a tung dia,mi muhsa nekkang a nasep ahi apasuun a,aman a mohpuak bel a sung a suakkhia atate gilkial ding uh venna leh mite vangu a kholai a mat, vuak leh talkaih a a omlouh nading ua a taksa zuakmai hizaw ahi hon chi hi.
Lamdang kasa mahmah a,anu uh atapa khamtheih leina dia kizuak topmai cio?Khengval na e maw ?amanle khamtheih hih bek hinte,ka chih leh Police pan leng aman zaw hih kei hon chi a,kenleng huci ahih leh zing devotion khawng lah hohhoh hizenpi lah kizuak ahih kuan haihlou ua, kuaman a muangmoh louh nadia a ki liahkhuhna adiam ka chih leh Police pa'n huai khah Kizuaknu'n eileh pathian kal ahi a chih kenle awm kasak mahmah ahi,kizuaknu bel mi mitmuh a hoih a akilat utman a zing devotion a thumna vanei ahikei,a tapa hong hoih lamen a,a hong hoihtheih chiang a a sum muhna diklou tawpsan a innkuan ua ki thakpat a utziak a khitui luangkawm a lungsim taktak toh vathum sekmah zaw hizaw dingdan ahi,thilhoih theilou zaw hi hetkei veh e,naktak a haksatna nehden nanuai a a om man a hinkhua kihhuai leh niam penpen toh nekzong hizaw ahi.Biakna sungkhawng a ki imm zouzou khami leh mihoih,itna hau samawk hang a,kizuaknu thumna leng pathian in sangthou ding ahi,kizuaknu kikhop leng midang kikhop toh kibang ahi,a thohlawm piak,ataksa zuakna a amuh hita zenzen leh leng apiakkhiak Pathian in asang keileh zaw biakna a member dangte thohlawm nekgukna apan thohlawm,sepna nei a semlou a loh mute khuttawi,mi hamphatna ding kaikawi a negute thilpiak,khaamthil hih a hausate thohlawm leng pathian in sang ding in ka gingkei,aman a neihsa,a taksapum kuamah a a laksak hilou,kuamah sunakhalou thil azuak apan a tate gilkial gentaklouh a tapapa khamtheih hihna ading sutuah a atapa inleng kuamah bangmah gulou a tutan khamtou ngitnget ahi.A ta a itluat man a minsiat tawpkhawk teel mai dan ahi,itna thupilua khat inzaw akaal ua vai hawm ahi,hamhailou a lampi dik ana tawnkha hileh hoihlua hiven chin hon gen hi.
Lamdang sakawm tak in kenleng bangziak eleh huchia mi kuamah poikhoihkhalou ama taksa zuak zen a innkuan vak khawng mat ding order hong paimawk eita? lakh tampipi negu awtawt tekhawng,gari gute khawng lah mat nei ngeilou ,kizuakte laklohtak a a omlaitak uh manthei dia na intellegencete uh na sukhat uh maksa kahi ka chih leh Police pan leng huaichu ana hucidi uh chih thei hetlou kahi uh,kava tuakkha uh chihman hi,ama tungtang zaw atuam hi.
Negute manle ung bel amau sum hau uncin ei adia lauhhuai,mat ding leng tamlodi,matkhit pah leng haksa inteh,mahni in huih nundan zuih ngai ahi khovel a khosuah nadia .Thil diklou teng,negu teng akip akawi in vaman in vasutawp leng organisation,saptuam leh inkuan tampi puksih ding uh ahi,Huaiziak a a lopi tu-leh-tu a hon tokbuai teng ki awlmawh hiphot ahi hon chi hi.
Kizuaknu case ah bel ama min zang in NGO khat in sum bank ah ana draw khia ua amah atelkha taktak hiam cia thudot di kawm toh thildik ahihlouh ziak a kiman mah ahi,khenkhat in tax pelou hia chi'n hon kan na ua huailam hi hetlou dan ahi.Ama min a NGO khat a khateng a Rs 2000 bang ama theihlouh a ana laikhe sek uh,asuai leng ama a bangchet a kai uh ahi honchi a ,kenleng lamdang satak in I gam ule gamlak a gamsate khosakna toh kibangta maw,zawngpi in zawngnou gawlbawk ankholna meksak a ann omte aneksa zel toh kibang,kinektuah nagam hitamai maw chikawm in Keishampat library kiang katun t un Policepa kiang ah na thil saidi sainuam oleh chikawm in kakum khiak santa hi.
©Siamsinna leh Vakiangbu
Comments
Post a Comment