JESU KHRIST BANG NA LOH DIA..???
By ~ Thang Khanmuan Tonsing
Kum 1280AD in Italy gam a a Quilla ah Sumsanpek tunga Hebrew pau a kigelh,Toupa Jesu tunga thukhenna Juda leh sihna,Juda Sanhedrin pawlten Toupa sihna thu,Israel Juda Nam 12te kianga a thotkhiak uh,pek 12te lak a khat muhsuah ahi a,Pilat in Toupa Jesu tunga sihna apiakna ziakte,a nuai a bangin kigelh hi,
1.Mipi pikhialtu ahi.
2.Kumpi tunga hel dingin,mipite a chil.
3.Dan melma ahi.
4.Pathian tapa ka hi,a ki chi.
5.Israelte Kumpipa ka hi,a ki chi.
6.Tumnah tawi in mipite Pathian biakin a lutpih.
chihte ahi.
Tuma kum tampi paita in,Russia gam a Rabbi te lak ah,Toupa Jesu tunga thukhenna diklou,Khangthak Juda mipiten ngaihtuahpha uhen,chih thupitakin tangkou uhi,Amau muhdan in,Toupa tunga thukhenna thu ah,Dan bangtak a vaihawm ahikei,chihleh hunthak hongpai zel ding ah,Nialvual louh in Jesu MESSIAH (Khrist) ahih chih,kilang semsem ding ahihziak in,chih ahi hi.
Toupa Jesu Khrist khelhna neilou,mikhial banga ngaiin,diklou tak a ngoh a om,gawtna haksatna thuak a,Kros tungah sihna tanpha piak ahi chih Bible ah kichiantak in muh theih hi,Zawlnei Isai in. "I tatleknate ziakin amah liamin om a,I thulim louhnate ziakin vuak sidup in om a,I lungmuanna dingin sawina a tungah a kia a,a vuakna gawlhte a hihdam in I om ta" chi in a na kigelh hi.
KROS AH KILHLUM IN
Hiai paukam mulkimhuai,Juda mipi ten Pilat mai a hon zangta mai ahi ding ua le..!tua hunlai a siding a thutan khum a omte,Mosi Dan banga suanga denlup hinapi,Bang dinga,SUANGIN DENGLUM IN chia kikou lou a,"KROS AH KILHLUM IN" chia kikou sese ahi ding uh..??Judate sitak a seh peuhmah Dan banga suanga denlup hi a,Hiai thu theihsiam haksapi khat ahi
Toupa Jesu damlai tanpha in,Judate dan banga vaihawm ngaite himhim,Thah theihna thuneihna sangpen,Vaihawmpawl Sanhedrin te khut a om ahihi,himahleh a lamdang mahmah lungsim hon sukha mahmah tuh,Toupa Jesu tunga vaihawm ahihlai in,hiai thuneihna Sanhedrin khut apan lakhia in,Rome Kumpi in gam ukpa Governor khut ah koih hi,huai ziakin Sanhedrin leh Juda miten Jesu Khrist sihtakin koih mahle uh,,!thuneihna a neih nawnlouh ziak un,sihna petheitu Pilat kianga honpi in,tua hunlai a Rome Kumpi in tualthatte,gamtung a helte a thahna zel,Kros a kilhlup thu peding in hong ngen uhi,Rome Kumpi gawtna mulkimhuai pen leh zahlak-huai pen a,KROS a Toupa kilhlup ahihna in,a sihna dinga a thugen kholhte tangtung sak hi.
Hiai zahlakhuai zumhuaina Kros a kilhlup ahih khelkhel ziakin,Toupan a tapa sisan ah ngaihdamna honpia in,mihingte tawh kal ah itna sisan in,thukhunthak hon khungta a,"A khelhna leh bawhsiatna te uh,ka thei gige nawn kei ding,ka tapa sisan ah ka lung awita" a chi zawta hi.Toupa Jesu sisan in,mihing khelhna a dimte lam ah,a itna hon luang letsak ta a,Kros a kilhlup ahihziak in,a zahngaihna,ngaihdamna tangin,Hun kipahhuai hotdamna ni ah,I ding zawta uhi,Halleluiah.....!
TOUPA SIHNA A NA KI DANG KOIH THEI KEI
Pilat in Judate hekna thu a ngaihtuah a,khelhna bangmah a mukei..!a lungsim in khahkhiak mai a ut a,himahleh thudik hi a a theih,gup sangin mipite a zahtak zaw a,mite demna kousiatna,hekna tuah ding lauh ziakin,Tui a a khut silin,hiai midik sisan ah ka siang chiin,a ki siamtan a,thah dingin a pekhia hi,tuni in Pilat banga,nang le nang ki siamtan lailai ding na hi diam?
Bangteng genin,hiai Pilat bangin ki siamtan sawm mahlechin,ahithei tuan kei,Toupa gum a amah na santuan kei le zaw,Toupa sisan athawn in a luangkei ding unau,tuni in ki ngaihtuah dih,Pilat toh kibang na hi,Toupa Jesu na khut ah a om,na thutanna ngakin,na lungsim kongkhak a kiu hi,bang na loh dia...??Toupa khelhna neilou himahle chin kei mikhial non itziak a nong sih,kakipak lua,Toupa hon ngaidam in,nang a din,kong kipia chiin,na lungsim na hinna pemaive..!Pilat in tui a khutsil in,siam a kitan a Pilat nungzui lai ding na hidiam.?misiamte gendan in,a nungin Pilat Rome Kumpi in a dinmun apan paikhia a,Gaul gam ah amah leh amah kithat chi uhi,Peter in Toupa ki theihmoh bawl mahleh,a zanmah in,ak a khuan toh kiton in a kisik hi,Juda Iskariot a Toupa zuakin mansak mahleh sihna zahlakhuai tang hi,Juda mipiten a Messiah uh sanga Baraba a telziak un,a sisan man thuakin,Kum 2000 sung phial mahmah Zentel namte sikden in om ua,Adolf Hitler in Juda mi 6000000 val that hi,hiai tengkia ah a beikei ding,Huntawp lam ah sisan man thuak lai ding uhi.
Pilat in "Jesu khrist kichi bang ka lohdia le?" a chi a,tuni in nang bang na loh dia...??Simtute Jesu Khrist bang ka
loh dia,chi in buai kenla,Toupa na ut bangbang hon loh in chiin,na khelhna na puakgik teng toh amah zuan in,na lungsim kongkhak hon maive maw,,Toupan hon damsak nuam lai ahi,zekai lua chimai mah ken aw,Toupan hun honpia ahi,Bang na loh dia??hon ngak eive.......!!!!
Simtu it na Bible phen inla,Kilakna 3:20 sim mahdih,nang hon itziak a a Kros puak lel eive...!!na lungsim kongkhak ah a ding hi.
BANG NA LOH DIA..?BANG NA LOH DIA..??
Simtute Toupan hon vualzawl hen
GOOD FRIDAY ZATNUAM..,..
©Siamsinna leh Vakiangbu
Kum 1280AD in Italy gam a a Quilla ah Sumsanpek tunga Hebrew pau a kigelh,Toupa Jesu tunga thukhenna Juda leh sihna,Juda Sanhedrin pawlten Toupa sihna thu,Israel Juda Nam 12te kianga a thotkhiak uh,pek 12te lak a khat muhsuah ahi a,Pilat in Toupa Jesu tunga sihna apiakna ziakte,a nuai a bangin kigelh hi,
1.Mipi pikhialtu ahi.
2.Kumpi tunga hel dingin,mipite a chil.
3.Dan melma ahi.
4.Pathian tapa ka hi,a ki chi.
5.Israelte Kumpipa ka hi,a ki chi.
6.Tumnah tawi in mipite Pathian biakin a lutpih.
chihte ahi.
Tuma kum tampi paita in,Russia gam a Rabbi te lak ah,Toupa Jesu tunga thukhenna diklou,Khangthak Juda mipiten ngaihtuahpha uhen,chih thupitakin tangkou uhi,Amau muhdan in,Toupa tunga thukhenna thu ah,Dan bangtak a vaihawm ahikei,chihleh hunthak hongpai zel ding ah,Nialvual louh in Jesu MESSIAH (Khrist) ahih chih,kilang semsem ding ahihziak in,chih ahi hi.
Toupa Jesu Khrist khelhna neilou,mikhial banga ngaiin,diklou tak a ngoh a om,gawtna haksatna thuak a,Kros tungah sihna tanpha piak ahi chih Bible ah kichiantak in muh theih hi,Zawlnei Isai in. "I tatleknate ziakin amah liamin om a,I thulim louhnate ziakin vuak sidup in om a,I lungmuanna dingin sawina a tungah a kia a,a vuakna gawlhte a hihdam in I om ta" chi in a na kigelh hi.
KROS AH KILHLUM IN
Hiai paukam mulkimhuai,Juda mipi ten Pilat mai a hon zangta mai ahi ding ua le..!tua hunlai a siding a thutan khum a omte,Mosi Dan banga suanga denlup hinapi,Bang dinga,SUANGIN DENGLUM IN chia kikou lou a,"KROS AH KILHLUM IN" chia kikou sese ahi ding uh..??Judate sitak a seh peuhmah Dan banga suanga denlup hi a,Hiai thu theihsiam haksapi khat ahi
Toupa Jesu damlai tanpha in,Judate dan banga vaihawm ngaite himhim,Thah theihna thuneihna sangpen,Vaihawmpawl Sanhedrin te khut a om ahihi,himahleh a lamdang mahmah lungsim hon sukha mahmah tuh,Toupa Jesu tunga vaihawm ahihlai in,hiai thuneihna Sanhedrin khut apan lakhia in,Rome Kumpi in gam ukpa Governor khut ah koih hi,huai ziakin Sanhedrin leh Juda miten Jesu Khrist sihtakin koih mahle uh,,!thuneihna a neih nawnlouh ziak un,sihna petheitu Pilat kianga honpi in,tua hunlai a Rome Kumpi in tualthatte,gamtung a helte a thahna zel,Kros a kilhlup thu peding in hong ngen uhi,Rome Kumpi gawtna mulkimhuai pen leh zahlak-huai pen a,KROS a Toupa kilhlup ahihna in,a sihna dinga a thugen kholhte tangtung sak hi.
Hiai zahlakhuai zumhuaina Kros a kilhlup ahih khelkhel ziakin,Toupan a tapa sisan ah ngaihdamna honpia in,mihingte tawh kal ah itna sisan in,thukhunthak hon khungta a,"A khelhna leh bawhsiatna te uh,ka thei gige nawn kei ding,ka tapa sisan ah ka lung awita" a chi zawta hi.Toupa Jesu sisan in,mihing khelhna a dimte lam ah,a itna hon luang letsak ta a,Kros a kilhlup ahihziak in,a zahngaihna,ngaihdamna tangin,Hun kipahhuai hotdamna ni ah,I ding zawta uhi,Halleluiah.....!
TOUPA SIHNA A NA KI DANG KOIH THEI KEI
Pilat in Judate hekna thu a ngaihtuah a,khelhna bangmah a mukei..!a lungsim in khahkhiak mai a ut a,himahleh thudik hi a a theih,gup sangin mipite a zahtak zaw a,mite demna kousiatna,hekna tuah ding lauh ziakin,Tui a a khut silin,hiai midik sisan ah ka siang chiin,a ki siamtan a,thah dingin a pekhia hi,tuni in Pilat banga,nang le nang ki siamtan lailai ding na hi diam?
Bangteng genin,hiai Pilat bangin ki siamtan sawm mahlechin,ahithei tuan kei,Toupa gum a amah na santuan kei le zaw,Toupa sisan athawn in a luangkei ding unau,tuni in ki ngaihtuah dih,Pilat toh kibang na hi,Toupa Jesu na khut ah a om,na thutanna ngakin,na lungsim kongkhak a kiu hi,bang na loh dia...??Toupa khelhna neilou himahle chin kei mikhial non itziak a nong sih,kakipak lua,Toupa hon ngaidam in,nang a din,kong kipia chiin,na lungsim na hinna pemaive..!Pilat in tui a khutsil in,siam a kitan a Pilat nungzui lai ding na hidiam.?misiamte gendan in,a nungin Pilat Rome Kumpi in a dinmun apan paikhia a,Gaul gam ah amah leh amah kithat chi uhi,Peter in Toupa ki theihmoh bawl mahleh,a zanmah in,ak a khuan toh kiton in a kisik hi,Juda Iskariot a Toupa zuakin mansak mahleh sihna zahlakhuai tang hi,Juda mipiten a Messiah uh sanga Baraba a telziak un,a sisan man thuakin,Kum 2000 sung phial mahmah Zentel namte sikden in om ua,Adolf Hitler in Juda mi 6000000 val that hi,hiai tengkia ah a beikei ding,Huntawp lam ah sisan man thuak lai ding uhi.
Pilat in "Jesu khrist kichi bang ka lohdia le?" a chi a,tuni in nang bang na loh dia...??Simtute Jesu Khrist bang ka
loh dia,chi in buai kenla,Toupa na ut bangbang hon loh in chiin,na khelhna na puakgik teng toh amah zuan in,na lungsim kongkhak hon maive maw,,Toupan hon damsak nuam lai ahi,zekai lua chimai mah ken aw,Toupan hun honpia ahi,Bang na loh dia??hon ngak eive.......!!!!
Simtu it na Bible phen inla,Kilakna 3:20 sim mahdih,nang hon itziak a a Kros puak lel eive...!!na lungsim kongkhak ah a ding hi.
BANG NA LOH DIA..?BANG NA LOH DIA..??
Simtute Toupan hon vualzawl hen
GOOD FRIDAY ZATNUAM..,..
©Siamsinna leh Vakiangbu
Comments
Post a Comment