LAIKHAK DAWNNA
By ~ K Lianthansang@K Thansang Zomi
New Lamka(G)
Zogam Khopi
PIN: 795006
Dated: 01-04-14
Lawm it Niangboi aw, tuma a non laithon khak ka na mu a, Pathian
venna ziak a chidam nahi chih katheih ziak in, kipahhuai kasa hi.
Keileng, Pathian hehpihna khazaknuai ah ka dam lel hi. Tulai in, koulam
ah MP Election di vai a kithang VENGVUNG a, Tedim Road bel ‘Paver
Machin’ zang a kibawlta ahihman in, khu VENGVUNG nawnlo hi.
Awle, Zanlam non laikhakna ah, “ Na hinkhua a, itna khuk a na awk
dan, na ngaihzawngte na muang luat, ahoihlou dan “ chi a nangmah in
natuah te nongen in ka laidip hon vut tntun hi. Mihingte’ hinkhua nuam
kipat ding hun laitak in bel, theihsiamlouh pumpi leh taksate hong
kikhek in, lungsim leh ngaihtuahna na ngawn hong kikhek mah hi. Huai
bel, Mihing a piangkhe taphot in atuah uh ahi. Banah, Innsung mite sang
in polam mite muanna in hong zou zaw mawk hi. Huaibel khangdawnglai
(teen age) hun ahi a, kenle kana tuahsa ngen ahi.
Mihing khat hihna zal in, tulai pau in gen le “STAR” khawng neihtheih
mah ahi. Huaikia hilou in, Ngaihzawng bang le neihtheih mah ahi.
Himahleh maw Lawm, na thil tuahsa te apan sinlai la inlan, Ngaihzawng
dia mi na et ma in, na lungtang tengteng toh ki polhpih masa in(Lawm
polh bang in). Tua phet le hilou, Veih bang le kisankhum phitphit ngam
masak ding ahi. I kingaih taktak ma a, I Lungput teng kitheihsiam masak
kaan omlou ahi aw Lawm. Huchi hileh, Nuam nasak ding hunlai tak in leh
lawmte toh kipolhkhom lai ding hun in, na hunnuam lai ding teng itna in
honglak mangsak nawnlou ding hi.
Laphuaktu khat in, “ Ngaihzawng Neihlouh lah a nuam kei, Ngaihzawng
neih lah Gentheihna ahi….” Ana chi hial a, dik kasa mahmah hi. Miteng in
atuah uh leng himai di’n ka gingta( Mi pangngai ahih ualeh). Tuabanah,
tuailai hun in bel, Nu leh Pa te sang in Ngaihzawng te khawng I muang
zaw mawk sek uhi. Nang le na Pukna huai chiah ahi chih, non laithon khak
apan in kathei. Kon mohsa tuankei, thil hithei mah ahi. Tulai in siatna
a uang deuhdeuh a, honngai teng bang le muan pah di ahi kei. Lawm,
tulai in, ITNA sang in UTNA tamzaw ahi chih na thiltuah apan in nathei
mai di’n ka gingta. Mailam hun ah, huchibang mihingte lak ah hong
kikemsiang ta in la’n, hong pilvang mahmah ta in aw Lawm..?
Lawm, Itna in maw, kuamah sugenthei nuamlou eive. Na Itna tuahkhak
pen a FAKE ahi a, mailam hun a nong pilvan mahmah kadeih hi. Itna taktak
In Sapum kia a enlah kei a, a mangilh pahpah tuan samkei. Itna in
khentuam aneikei a, a haza samkei hi. Itna kichi zaw mai ngal luat ahoih
kei a, lauhluat ding le ahi samkei. Itna tak a, hon it tu di Sian in
hon pe na di ahi. Lungkham na di bangmah a om nawnkei Lawm…
Ka kipahna mahmah khat maw Lawm, Non laikhak na a, “ Ka khang lou ta,
hon sugenthei pen it a ka ngaih tuahtuah sang in, honna it gige ka tun
le zuate liimbang bel ta ning e, kei hong itpen ka it ta ding cih ka
hanthawn na ahi, Ka hunpaisate ka etkik ciang in amial lua a, himahleh
ka maban ding ka etkholh ciang in a vakpha lotel a, huai ahi hong hing
sak” chi a non gen pen mahmah ahi. Thil khat peuhpeuh ah, Pathian masuan
le, aman thil bangkim hihthei ahi aw.
Lawm it Niangboi aw, a tawpna pen ding in na kiang ah hiai kongen
nuamlai. Tuma a ITNA khukpi mialtak a hon kailut tu pen mangilh sawm
inlan, a thil hihkhelh ngaidam ve maw?. A Thilhih atheih louh ziak ahi.
Na Sapum kia hon etlahsak mihing zaw, na Lungsim ah “Delete” siang
sipsip in. A Ma a, Sathau a kikang lah hituan lou a….chi in ‘Oil Theory’
zatkhum ngal lechin, nang a ding in ahoih dia, lungnuam tak in hinkhua
nazang ta ding hi. Mailam hun a Pasal hoihtak non muh ngei ka lam-en hi.
Tutung in hiai zah in hunsak photni hang maw lawm.
Mangpha
Laikhak-tu; Na lawm it,Nunboi.
0104 – Kakipak - 2014
©Siamsinna leh Vakiangbu
Comments
Post a Comment