HISAK NUAM ING

By ~ Vz Vualnam

Pangpa silpaak huan a silpaak veh bang
Simlei pakhuan a lanu zatamte
Nihthum khat khit khat thang bang veh ing e
A sinlai dawngkot uh baanzaal khak ing
Dawngkot hon ding hai bang ngakngak ing e
Kumkhosawt hai bang ka ngakta hal in
Dawngkot hon ding ka tuakloulai hi e
Dawngkot hon nuamloute tuangnungsiah in
Lanu zatamte tong dong zel ni e
Mel a hon deih lanu I tuahleh aw
Lanu'n dawngkot ahon honleh aw
Amah toh tulton di'n sungtum ni e
A sinlai sauliim nuam in bawl ni e
An bang it in mu bang ngaita ni e
Ham bang huai muninn-gamlou bang keem ni
Nuai simlei a lanu zatamte lai ah
Simthu leh zaila'n paak bang tawi ni e
Ka ngaih lanu'n mu bang ahon ngaih leh
Simlei a thai lianu zatam lai ah
An bang itpen hisak nuam ing e
Mu bang ngaihpen hisak nuam ing e
Sang bang nouh chimlouh hisak nuam ing
Tem bang deih lanu nang tong k'on dotleh
Zu bang hon niallou aw hon peellou aw
Sakmel ni bang ka luunlou hal in
Haam bang huai ding baanzaal suanmawng bang e
An bang it ding sinlai sial bang lian e
Thai deih lianu'n hon bawl nuam ing e
Tum bang vuai dong kulsin daidam tan dong
Nouh chimlouh lanu'n hon bawl nuam ing e
Nunkhonuam hon zilsak nuam ing e!

©Siamsinna leh Vakiangbu