BUKIM LOUHNA KHOVEL: Numei Thumte Kal ah!

~Paukhanmuan Valte

Teenage a i omlai in Ngaihzawng cihtan ban saupi kingaihtuah khalou hi. Itna kici omzia taktak leng thei khollou pi a khovel paidan zui a kihi pen mai d e. Alamdang mahmah khat bel, nungak melhoih deih ciatciat kidaih zoulou cih omlou in ei ading khat tei ana om reng hi. Ilawmte a sang in hoih kisa penpen laidep hi. Tu a teenage bng cross ta, kum 30 bng i hon neh sim mwk leh i ngaihsutna nakpitak in hong kilamdang ta hi. Ngaihzawng ding kia tan in nungak ki en nwnloua, Zi le ta ding tan lungput toh kizong zaw ta. Huaiziak in, Upa deuhdeuh leng Pil deuhdeuh, Pil deuhdeuh leng lauthawng deuhdeuh, Lauthawng deuhdeuh in Zi/Pasal nei dia hangsannd nei nawnlou a Lengkul paisuak cih ana omthei takpi ding hitah e ahon cisak hi.

Biakte toh bel khua khat a tengkhawm, skul kai khawm, ki khanvual hilhel banah nu leh pa apan a khosaknd kithei suaksa dimdem kahi uhi. Pawl X ka zil kum in ka hong kingai pan ua, ka ngaihzawng neih masak (first love) asuak hi. Pawl X ka zoh in maban siamsinna ding remchang jw ding gelna toh Ka Pan Lamka ah hon pem pih a, deih bng in Biakte toh kithuah khak theih ahi nwnkei. Kumte hngpai zel in kenleng ka degree zoh nung in sepna zong din khopi zaw sem lam ka zuan hi. Tua hunlai a bel tulai dan a Mobile Phone cihte kitawi nai lou ahihziak in kisai khak cih a omthei nwnkei. Hucia ithuzak tuahloua kum 10 lam bng ka om vengveng nung un, nikhat ka sepna khopi a fellowship neihna mun ah kaki mukha uhi. Kikhawm tawp in ka kihou ua, hiai khopi a sepna neia om a Paneu (uncle) te kiang a hong om ding ahihdan hon gen banah phone no. khwng kipe tuah in ka kikhen uhi. Ka hong kithuah khathei nwn ua, kipah huai lua bng mahleh ngaihzawng dang ana kineita ahih ziak in nidang dana kithuah ding a remchang thei nwnta kei hi. Aman bel hon ngaih ci mahmah lai hin kathei a, kikhenna mumal tak omlou mah ahih ciang in kenleng ngaihzawng dang neita kahih lam ka theisak nuam tuankei hi. Nitaklam khat fon tungtawn in ka kihou ua, kum hiaizah pi nung a leng ginom tak leh kuhkal taka ana om ahih dan hon gen a, ka dawn ding dan a omkei mahmah hi. Ahitak a gen in, Biakte toh bel kigawm ding simthu lel sawm hile ung baihlam mahmah ding hi. Aziak bel inkuan khosak kithei tuahsa linlian kahih uh toh kou ka kideihtuah nak ua leh bel inkuan pihten hon dal peuhmah lou ding uhi. Himahleh amah kianga gen dia kilawm lou thil nih ziak in ka lungsim a kimin zoukei hi. Amah bel khosakna haksat jiak in a skul kaina ana khawlsan pah hi. Siamna-pilna jiaka zi ding zong hikei mah leng, nihgel kitenna tan a khosak beimai lou ding a, khangthak hong kipan ding et in Numei tate lehkha hilh thei tan ciang bek deih huai hi. Tua banah, numei te pen tulbaih ua, ahoih hunsung uh tomcik ahih deuh ziak un kum kibang hilhel kiten pen duhthusam huailou hi.

Nikum in ka Pa'n damlouhna khawktak hon tuak in neih leh neihlouh genlou in Downtown Hospital ka zuan uhi. Tanau laina neitawm leh pau-le-ham thei zek loute adin khopi a kalsuan namai ahi kei. Kenlah suty mupah theilou, ka nu leh sanggampa lah a mawl mahmah banuah Lamka baan kalsuak khe ngei nailoute ahih ziak un awlmoh huai mahmah uhi. Hospital a admit in ka om ngei ua, beidong leh lungsim thawmhau taka ka omlai un eimi nungak huaimun a nurse sem feltak khat ana om jenjen a, amah Chingboi ahi. Ana buaipih mahmaha, kenleng kalkhat vel nung in kava phathei khong2 a, huaituh Chingboi toh ka kimuhpatna uh ahi. Chingboi in cikmaha atheih ngei leng hilou napi huci lawm2 a ana awlmoh dan khawng ka nu'n hon hilha, a mitui a luang hial hi. Hucin kenleng kipahthu khawng gen in leh a poimoh te detail a katheih ut jiak in Chingboi kianga ka fon no. pia in ka kiksan pah hi. Ka Pa dinmun leh investigation report te hoihtak in hn hilhtou jela, hucin ni 15 nung in cidamtak in Hospital ka pawtsan thei uhi.

Huainung inleng Chingboi toh ka khou tou jel ua, hun tam zaw ah aman hon thuzak deuh sek hi. Kenleng nial vual louh leh atunga kahih theih sun cin hoih taktak in ka houpih hi. Hn contact mun dan, a text msg te leh a kampau te apan in hon na ngahbawl ahi cih kathei hi. Chingboi te bel unau li pha in, inkuan suanhuai leh hausa huntawk leng ahi uh. Apa IAS officer ahih banah anu ngei leng Doctor siama minthang mahmah khat leng ahi. Hausa mahmah leh mite zahtak thamcing lua hinapi in, hiaite innkuan pen cituam in kingaihniam petmah mawk uhi. Suunkhat ofis a ka omlai in ka phone hng ginga ka etleh Chingboi ana hi a, "suun tanglai lai in non fon na jenjen e" cia ka ciamnuih leh, "suun lai natawm a le hon ngai ivoi" cin ciamnuih thutak in hn dawnga, hucin ka hong kihou hou uleh, ka inkuan paidan uh hon theh apan lunglut leh itna hon pia ahih dan hon gena, a dawn haksa khopmai. Aw ka cih d lah ngaihzawng dan ana neikhinta kahi a, Ii ka cih tentun ding lah ka tung ua athil hihte leh aphattuam dan ten hon kisuanglah sak jel hi. Adiktaka gen in, mi neizou sim (middle class) te deal haksa in kisa thei nuam mahmah ua, mi hausa taktak ten bel mite hehpih in kiniamkhiak lehlam uh ahihdan hiai Chingboi te inkuan apan ka thei thakthak hi. Zi ding hial dinmun a ka ngaihsut ciang in, khosakna kikhou khiat luat jiak in lauthawn na khat kanei hi. Tua banah, kei ah hohna muh ding himhim omkei mah leh taksa etlawmna kana poimoh ngaih gige khat ahi. Kei hoihkei mahleng Zi melhoih kideih sam ahihziak in ka lung atung zoukei zel hi.

Khatvei one-week leave la in inlam pai din ka hong kithawi hi. Ka Indigo Flight ticet seat No. 28E ahih ziak in a middle seat ahi cih kathei. Hucin lenna sung lut a ka tutna lam ka etleh ngaidih! 29F mun ah nungak naupang mel leh kilawm tak, eilam melpu khat in a earphone bulh kawma honna en kamu hi. Etzual mai inleng a mel in hon hiip pah a cihte uh ahi ding. Kipak gusim (tangval khat kihisam ven) leh nervous sim kawm in a gei a seat awng ka luahta. Minit khat vel nung in hng pau a, "Mom... lenna sung ah ka omta, Airport ah na omta hia? ole... see u soon mummy" cih teng hon genkhia bngcu bil bng palh leklawk jojen. Pau kibatpih mahmah khat ahihna toh houpih sukpah lengle a siat luat na ding a omkei. Himahleh ka weakess khat hng kilang nwn in, ka houpih ngam kei mwk hi. Houpih tei2 dia phutluih hikei mahleng ka lungtang in bel ahon sawl mawk hi. Ka tutdan bng ka bwl thakthak jojen a, nungak hiloua nupi hiam ahih louh leh papi hiam hileh jw houpih sukpah kasiam lamtak hiven aw... A pau zosam omloua dakkal 2 vel ka hong len nung un, ka destination uh tung ding hita kahih dan uh ahong kipuang ta. Atawp incu kenleng amin, a nasep cihte ka dong vel a, amin Kimboi ahih dan leh avengmin uh ahon hilh hi. Tua teng sanga ka poimoh pen a fon no. kan hialpah ka ngamlouh jiak in a facebook min ka donga, hucin ka kikhen uhi. Inlam suty zangzou ka tunkik nung ka online masak pen ni in ka add pah ngal a, hucin ka kal ua itna gu awl awl a hong pou in atawp in Fon no. khawng kipetuah in ka hong kingai ta uhi. Ka kipak petmah a, ka deihdan taka amel ka bwl theih ding hileh leng ka hei lamdang ding katheih tuanlouh khopa hoih kasak khat toh kingaih khak cu anuam khopmai. Ngaihzawng neih bel abul tung in nuam gige ding bng mahleh, anuam tawntung kei hial hi. Ahun hng sawt ciang in i mihinzia leh lungsim paizia te hong kituak gige lou in, atunglai bng a kiduat gige zoulou ihih ziak in kiselna, kinakna te leh lungkiakna ten hon tuam thei jel hi. Kimboi te bel unau nih pha in amah a upen ahi. Akum lamthu ah kei sang in kum 8 bng in naupang zaw a, lungsim siangthou tak pu, mi fel tak leh pianken a pil kiukiau mahmah mi ahi. Amel-apuam, a kum lamthu leh insunga a dinmun et in, Zi leh ta ding inleng sitna/hawmthohna himhim ka neikei hi. Ahih hang in, a muhtheih louh charactev lampang ah, mahni kideihkhopna tak neia, kiniamkhiak haksa sa leh lungtang khauhtak a put ten ka lungtang ana sak thei mahmah jel hi.

Hiai atunga ka kisaikhak pihte lak ah, akua jopen toh kiteng in kalsuan leng ka lohcing pen dia? ahih louh leh nuam kasa dia cih tuni tana ka lungbuaina ahi. I khristian hinkhua ah, kingaihna pen kitenna tana bei mailoua, damsung lametna neite leh kikhen nwnlou a christian Inkuan hohtak siamkhe dia lamet te ihih ziak un hou ngaih theih vual louh hi. Kei duhthusam dantak a tangtung ding hileh bel, tua numei thumte hoihna teng gawmkhawm in, a lina pen bel bukim mahmah leh kilawm hi.

THUKHITNA: Hiai ka hon gelhna jiak ahih leh, Zi/Pasal ding zonna ah kei thiltuah dan toh kibng chet kei leh leng hiai toh kizawitawn a buaina nei tampi omdin ka ki gingta hi. I Zi/Pasal ding Pathian kianga dot ana poimoh ahihdan theithak ni. Adiklou khat bel, I thum ciang in tua i hoihsak lel penpen i lungsima hng kilang pah mawk ahih cia, ei deihdan hon juihpih dia Pathian zawn kawma condition bikhiaksa juidia cial kihi nuam mahmah hi. Tua ding hilou in Pathian pen dot a, a hon kawmmuh na lamlam jui dia kiman ding ahi jw. Bangteng hileh, BUKIM LOUHNA KHOVEL a om ihihziak un, a bukim sipsip bel leitung ah mukei ni hang! Ahoih deuh ineih khak leh a hampha hipah mai, ahoih lou jw deuh ineih khak leleng bawl hoih dia kimanna poimoh jw hi. Bukimna jw vangtung gam Thianmang siang bek ah om hi. Simtute khempeuh Toupan Thupha hngpia hen!

(Writer's Note: Hiai tangthu atak tak a thiltung hilou in ka suangtuahna maimai ahi a, mi min leh munte phuahtawm pumlum ahi)

©Siamsinna leh Vakiangbu