A MULKIMHUAI KISUALLUIHNA!

By ~ K Lianthansang (Read At Your Own Risk)

Ni 1: November 22, 1988:

Kidnapped ( pimang) in om a, insung khat ah khum bichilh in om hi. A pimangtute'n 400 vei lam hial kisualhuan uh chih a hizomah! A nu-le-pa phone tungtawn in houpihsak ua, inn apan taikhia hidan in kigensak uhi. Ann a ngawlsak hun uh leng a tam mahmah mai a; inlawi peuh a nesak a, azun peuh uh a dawnsak hun uh leng a om. Vuaktang a, amai a omsak in chiamnuih bawlkawm takin ' cigarette lighters' in a chipum haal sak zel uhi. Akhenchiang in, a zunthakna leh a ekthakna munte ah a utut uh thunsak uhi. A thuakhak in a beidot huai mah di.

Ni 11: December 1, 1988:

Hiai hun in, ceiling ah khai ua, kimawlna dingin zang uhi. A deihdan tawk un kikhoih siak zel ua, ama a di'n thuakzoh vual ahi nawn kei. A sisan in naak hubing ahihna ah, a naakna dingin a kam zang maimah hi. Tui a piak sunsunte uh leng a lawkhe kik zel. A duhlou ahi kei, himahleh a sunglam segawp ahihman in, a gilpi'n ana nawlkhin ahi zaw. Akhut leh khe a, acid tui khawng buahsak ua, a zunthakna ah bottle sa vilvel khawng guanlutsak uhi. A chizauhuai ngei mai, hinna nei khat in athuak din a phalhuai kei.

Ni 20: December10, 1988:

A khut leh khe Acid ziak a kanggawp ahihman in, apaihoih thei nawn kei. Maupum peuh a zep in om a, phalbilai himahleh balcony vot dikdek lak ah giahsak in om hi. A zunthakna ah laizial tawn khawng guanlutsak in on a, akhenchiang in siiktul peuh in dawtsak uhi. A sisan khamzoh vuak di a hikei a, utlou chi a kipekkhiatna vual leng a om kei.

Ni 30: December 20, 1988

A mai ah, candle tui taksak ua, a mitmul khawng lighter in halsak uhi. Phim ( puankhuina) in a awm khawng sutsak zel ua; a veilam nawimuk pen pliers in tehgawpsak uhi. Huai kia deihkhop lou a hingei di ua, light bulb sa velvel a zunthakna ah guanlutsak uhi. A zunthakna keng segawp in, zun a thahoih thei kei. Zuntha di bathroom a naihna ding in dakkal kimkhat khawng lut hi ( awlawl a bokvaak kawm a kitawlthoh).

Ni 40: January 1, 1989:

Hi ni in chuh, a pimangtute kiang ah " Hon thatsuk vet un " chi'n ngen top ta hi. Himahleh thah a hikei a, kumthak ni tuh tang le tangzoulou in lum dildel maimah hi. A taksa teng leng a segawpta.

Ni 44: January 4, 1989:

A pimangtute pasal 3 in hiai ni in a nak soisak diak uhi. Siik chiang( iron bar) peuh in a dawt zialzial ua, hockey game kibawl bangmai in leng khet zialzial in om hi. Akam leh naak ah sisan luangpawt in, a sisante candle in a haalsak zomah uhi. Huai nungin, khawnvaktui a buak ua, a haal ta uhi. A haal hunsung uh dakkal 2 vel in, a hinkhua ana beita.

A nu'n hiaithu a zak in, khawphawklou in puk ngal a, a khawphawk nung in leng a lungsim a veng nawn kei. Hiai numeinu thuakna i ngaihtuahleh, a chizau huai mahmah hi. Ni 44 sung haksatak in bawlsiatna ana thuak a, haksatak mah in ana si hi. Athat tute muangchang takin a om thei lai ua, thudik in vai ahawm kei. Numeinu thuakna sanga nasa zaw thuak dinga hoih himahle uh, kum 20 nung tanpha in leng bangmah thuak lou uhi. Eilam a lah, gintak thu maimai ale kithat suk pahte i hihlai un, mi gam ana huchi kei. Mi gam ah leng thudik in vai ahawm gige kei a, ei gam ah leng thudik in vai ahawm taktak tuan kei. Hiai story i simna uapan, kuahiam khat hinkhua a kikhek khak leh chi a, ei theihsiam dia k'on lehkhiat ahi zaw. A thuakna taktak zaw, hiai a kigelh sangin leng a thupi zawtham ding.

Hiai story a taktak a thiltung ahi a, a numei' min -Junko Furuta ahi. May Your Soul Rest In Eternal Peace, Junko Furuta. ©Siamsinna leh Vakiangbu