NAMTOM TA' PHUNNA
By ~ Vz Vualnam
Bang dia ka tawndan, ka sabiak
Diklou chih a om sese ahia?
Bang dia ka pau, ka min
Pampaih a om sese ahia?
Sumtawng biak a hon khaam ua
Kalvari singlaamteh a hon besak uh
Khodou a kilawmkei a chi ua
Kumthak a hon loppih uh
Ching, Niang, Kim, chi’n a hon sam nawnkei ua
Mary, Rose, Ruth, chi’n a hon sam zawta uh
Kikhopna ah thu a gen ua
Ka theihsiamlouh ding in a pau bualbual uh
Kei a peuhmah a pampaih ua
Namdang’ a peuhmah a paakta uh.
Biakinn a ka kikhop chiang in khat veivei
Hiai thu ka ngaihsunkha zel hi-
Pathian bia ka hi hia
A’ihkaleh nam sangzawte bia!
©Siamsinna leh Vakiangbu
Comments
Post a Comment