LUNG AW DAM IN

✍ K Lianthansang
Naupang khat hehhat law petmah ahihman in, apa'n a loh didan a theizou kei. Atawp in, siikkilh (nail) tampi toh sek ( hammer) pia a, " Hiai teng keem in la'n, na heh chiang leh kampau kilawmlou taktak khawng na zat hun chiangin, i kongkhak uah siikilh khat ana kilh zel in " chi hi. Aman leng apa' sawl bangin kilh zel a, atawp in sikkilh 48 hial a kongkhak uah kiphut seuhsouh hi.
Naupangpa leng kisuanglah sim chu a hingei dia, a hehhatna lungsim leh kampaute kideek hon panta hi. Kideek zou zel hidan a a-kitheih takin apa' kiang ah, " Pa, ka siikilh phuh, 48 a pha a, aban ka phuhbeh nawn kei. Ka heh hun chiang in leng ka kampau ka kidek a, ka kidekzou zel " chi'n gen hi. Apa'n leng, " Huchi ahihleh, na heh hun a, kampau na kidek zoh chiang in huai siikkilh na phuhte ana botkhe zel in aw " chi'n sawl hi. Aman leng ni tamlou nungin a sikkilh teng botkhe bei a, apa' kiang ah thil omdan gen ngal hi.
Apa'n, aban(arm) ah len in kongkhak bul ah paipih a, sikkilh kikilhna mun te khoih di'n sawl hi. Apa'n, " Na sikkilh kilh ziakin i kongkhak teng a phon(kuak tektuk) gawpta. Huai mahbang in, na heh chiangin kampau na kidek thei kei a, mi' lungsim natna di tampi na genkhe ta. Ngaihdam ngen in hon ngaidam mahle uh, a lungtang uah na awsuak abeingei kei ding. Mi khat temsau in a gawl atkehsak lechin, a pawn omden ding hi. Huai bangbang ahi, tua na sikkilh kilh bohkhiat nawn nunga kongkhak omdan leng. Bawi, tuban zaw hong pilvang vengveng ta in aw.." chi'n thuhilh ngiatngiat hi.
Hiai naupangpa bangbang kitam mahmah dingin ka gingta. Ka pa'n bel hiai naupangpa dan in hon thuhilh kei a, himahleh, " Na hehdek hiam, na hehkhak nikhua in leng, na lungsim kiang ah ' ka lungsim aw ana heh mahmah ken, ana lungdam in - Lung Aw Dam In' na chizel ding. Huchi hileh tawl leng tawldam di na hi. Hehna i chih khwng ki-control theih luat ahi" chi'n hon thuhilh zel hi.
Laigelhtu' Lungsung Pan:
Hehna i chih kidek theih luat ahi. Banah, hehlaitak in utteng mawk gen kei hial ni. I kampau in, temlou a mi' ngawn tanpha tanthei ahi. Hiai thugelh saulou apan banghiam zilkhiat i sawm ding uh aw.
1504 - Ka Kipak - 2016
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more