NUNKHUANUAM ZILTA NING

By ~ Vz Vualnam

Zata vual gen lengvan vangkhua Dawngkot liimlian hong nuam ta’ng e Simlei khosial mel a ma in Lungdeih kim in leng nuam ta’ng e

Nuai simlei ah khosial naa e Sunkim mazap ah duang neem ing I sialsial a sial gui chinglou Zankim maimit siinmoh naa e

Sunni suahsim khangthei loh chia’n Vualngaih sinlai ah hong suak e Vualngaih sinlai puaksing bang lel Zuangthoh ding aw zaitha neem ing

Vual i ngaih in hon siallou dia Ei lah kumsawt duangvul ding maw Kei aw kumsawt duangvul ngam la’ng Sialbei siatlei hi nuam zaw’ng e

Simlei gamgua bang hing buang a Nunkhonopna kimlou ding zaw Ka sial in lengvan ngai zaw’ng e Zata’n nunnop a kim chi e

Lengvan vangkhua i ngai zong a Ei hawm simthu’n kitang theilou Tung sianmang in a hawm ma teng Ngai in galsial bang don zel ni

Simlei tomkal gua bang hin sung Nunnop kim a ka lenna di’n Hawmsiam sian in ngaihkhua tua’n la Lungdeih simthu vuiching sak aw

Lungdeih simthu a chinmoh leh Sian aw sul ah leh dih ni e Vual i lohlah lung a ngilh in Nunnuam laitual hong leng ta’ng e

Sian aw khuam bang hon muang ve’ng e Nang na hawm ah na thaam ngeilou Na hawm tuuktaang bang hong tung dia Kei aw nunkhuanuam zilta ning

©Siamsinna leh Vakiangbu