NU KON NGAILUA

By ~ Biak Naulak Zomi

Ngei nadan in khomui kuan in pawt a nu ngak hel ding in. Kakisa tei sam hi. Khawvel khantouhna jalzou kha tei sam kahih man in ka mobile mi adan in chang kang kei mah leh whatsapp kikhoih thei sam ahih man in kanu ngak hel d nu toh ki hou masa in awl in kakuan khia tei sam hi. Adik tak inbel kanu ngak heldek nu toh atak a kimu a kihou ngei kahi kei ua fon tung tawn a kithei ki hou a kimai ngal sim dan kahi uhi. Amah ngeileng insung haksat ziak a mi in hah a gal kuan jel dan ahi. A in uh thei lou gen tak louh amah ngei le mukhalou kahih man in. Lam kiang khat ah kana ngak hi. Sawt lou nung in nau pang khat kam tei mah mah leh pil chi mah mah khat toh hong kiton ua kaki mu ta uhi. Kanungak hel dek pen kagin tak sang in ahoih zaw tham a fel leng afel mel mah mah a amaitai zomah hi. Lehlam tak a ka jumsim thak jojen hi. Neih leh neih louh thu hilou aman aduh chihnale hituan lou in dukan khat ah zarda kakhilai teitei hi.tangval khat hisam ihih chia kitheih tung ni na na na chuh anei dan dan a om ki ut tei ahih chia haha. Naupang a din centerfresh ka leihi. Tom chik hou lim zek in a inlam kamanoh uhi. Kanu ngak hel dek pen asep na apat hong top asep nate nau hon ton pih a nungak pen vakha a kei toh naupang pen ton kik non d chih dan kahi uhi.

Houlim kom leh ki chiam nuih kom kom in kapai uhi. Sawtlou nung in a in uh katung khong ua kou leng insung lut in katu ta uhi. pitek sim khat kia ana om a nasung kuan dang te koi a om uh a mibang zah napha ua ka chih leh kei toh kanu kia kahi uh hon chi a kenleng ka dong sau ngam non kei hi. Anu kisuang lah mel mah mah hileh ki lawm in kamu hi. Tuilum hon awm ua huai dawn kawm in kihoulim leh kichiam nuih kom in kanui zaizai uhi. nidang khong ale kithuah a kimai ngalsa kabang hial uhi. keileng mipau nuam chiam nuih utmi kahih man in hon mai ngal pah ua kanau pang ton pih pa unle hon lom bol hial hi. Nitak sawt dek ta ahih man in naupang khat toh ton ding hijomah ut lai lele pai hun ahih man in kapaisanta uhi

Naupang kamtei tak mai in tagah ahih dan leh apa zu ngolvei anun tai san ahih dan hon hilh a a insung uh tua a omnapen haksa asak dan khong honhilh hi. Ban ah kanu ngak helnu mihoih dan ahon heh pih dan khong hon hilh tiau tiau hi. intung leng lekha sim ding keileng milian khat kahi sawm dia keibang a haksa leh tagah te enkol zou dia pang ding kahi hon thum pih jel in aw hon chih leh kaki guih jojen hi. Naupang kam pau din mak kasa sim a. Kum bang zah mi nahita aleh chia ka dot leh kum 10 kahita a kaneu jiak a min kakum gingta lou uh ahi hon chijomah lai hi. Kum 10 midia bel neu mah leng ahi. Huchia houlim kom kom in sotcut lam ah pai ni chin kapai pih hi lam nol ah pandukan khat na kihong a nungak ngou bihbiah melse het lou khat in dor ana ngak a akiang katun tak un huai naupang pa kiguih hial hileh kilawm in dor ngak nu hon muh phak louh nadi khat ah hon khol pih hi. U enve huai ahi kanu kanu ka ngai lua chin aw ling pipilh in hon gen hi kenleng gen d zok thei lou in nek theih naduh hia iva lei diam chia ka zot leh. A ut het kei mok hi. Lamdang sa in bang jiak a nanu ngai chin a kimuh ut lou e chin kadong pahhi. Apasal in kakimuh uh thei leh kanu adia haksa ding ahi huai kialeng hilou kei kapa kapi leh pu te mah mah inle hon thei leu zadah loding ahih chia ngam lou kahi hilele tom chik bek iding khollai di aw kanu mel muh lelle nuam kasa lua kei jiak bek a om a hontai sanlou d kasak leh pasal hon neih san ahi. honchi hi. Sawt lou nung in kapai san nonta uhi. Kapa thulim louh jiak a hiaitan tung kahi kham theih zingsang guta avak inle hong pai ngei khollou kahin khua zum huai lua ahi chih khong hon gen nimnim leh kakha siat tha ahong suak mawk a gen du kupdi dan leng kathei zou kei zozen hi. Huai nung siah kaki mu kha non kei zomah ua himah leh a nu ngaih dan hon gen in kalung tang tong dengkha lua ahih man in ka mang ngilh thei tuan kei hi.

Khelh vang in aw senmomnou sang gah atam ngei. A it huai anaupang te na ngon in zong athuak. Apoi in amulkim huai tulai inun tak na itoupa amel siat na ahi...…

©Siamsinna leh Vakiangbu