LUNG LEL KEN

By ~Biak Naulak Zomi

Kaneulai in kanu kapaten kabaan a honlen in apawtna teng uah honton pih sek uhi. Nuleh pate toh pawt anopdan manpha ahih dan kathei het kei hi. Nuleh pa tenleng manpha leh nuam asa di uam chih leng kathei tuankeihi.

Tulai in ikhotang siat gawpna diktat louh na uang mah mah ta in khawvel chang kang dung jui in neihleh lam (Gou) lam ah kitai teh na uang mah mah a muh theih in omhi. Inhoih lou hoih neizou lamzou te mah mipiin leng kizah tak in kipi bawl mahmah hi. Aloutheilou leng asuak hi. Pilna siamna leh diktat na lam ah mipite imit uh del in. Ahausa sa mipil kisuak sak maita hi. Aneizou zaw deuh te bang in. In ah ompih naudon ding la in mahni ta te ngoi ngoi leng don peihlou kem peih lou. Khovel buai a buai kitam mahmah tahi. Alou thei lou leng bang maimahta ikhovel paidan un pawkhia eih chia. Inmun lou mun neilou te bel kua thulak luat omkhollou hi.

Ikhawtang siat na atung a gen zual te kia in gen kim lou hi. Bang jiak a ikhawtang hichi tuk a sia diktat na thudik a vai hawm na bang ziak a hichituk a tasam ihi di ua aw. Chih khawng ka ngaih tuah chiang in. Insung ah kipan hin kamu hi. Bawl dik ding a ikisak leh mahni insung chiat ah panleng ki hih khial lawm lawm lou ding in ka um tinten hi. Nuleh pa ana hita te adin ikhang hon zomtu ding itate ahi chih genlouh aleng theihsa ahi. Himah leh nu tamtak. Pa tamtak ten. Ita te sinsak nalam ah chaudeuh ihi diam chinuam dan ihi. Ajiak nahoh nateng ah nata te natawn pih ngamlouh na tampi om mokta hi. Nang naton pih ngam louh hang in natanu tapa ten na om dan mi te gen apat na zakik thou thou ua thei veve uh ahih man in. Gintak bang lou tak a na omna pen in nazah tak huai na kiam sak in. Nata te mah mah inleng hon thuman(thulak) di zah ua hon thuman(zahtak) zou lou ahi zawdiam. Ikhang hon zomtu di te athu vuak a thu hilh kia hilou in niteng hunteng a i omdan gamtat khohei inek idawn te tan a sinsak ngai mah mah uhi.

Kaneu lai in nungak tang val ki hel te ki it ki ngai te khawng kamuh chiang in keile tang val kal ka ngak lah thei mahmah sek a nungak tangval te bang ka eng thei mahmah maihi. Itung a mi te omdan naupang ten ki eng (enton)lua tham ahi. Tulai nu tamtak/pa tamtak te tate toh kikholh khawm nahun tam neilou tampi omhi. Ipaulap pen tak uh zaw sumleh pai zon ziak ahi tang pi hi. Zonlouh theih louh mah leng ahi. Himah leh hun(time) homsiam poi moh mahmah kasahi. Khawvel chang kang hiai hiai. Enleng chang kang tum mite phak tum a buai a buai himah leh insung kiniam hiai hiai khang kibansam phial phial a om tam pi ki omta hi. Adiak in ei khristian te bang in pathian kiang a ithum na uh.. NITENG IN KANEK KHOP UH HONPIA IN chih ahi. Huai gengen napi a hausak na zong a idelh luat chiang in. Khatlam ah bah na liantak tuak in insung inthuak loh in ikhotang kisiat loh hi. Thu hoih lahoih a kisinsak na athu kia hilou a atak tak a sinsak na kitasam lua ihi uh kachinuam hi. Pa tamtak ten zu donlouh ding hoih lou ahih dan isinsak ua. Himahleh kholak pawt in itun chiang un zugim namsa in in ilut zel uhi. Itaten zugim theilou ahi kei uh... Nu tamtak ten Thuman ding ita te isin sak ua himah leh ita te muh leh jak in ipasal te hou gaih gaih dawng zuau zuau tampi ki om hi. Ita ten tua te atheilou ahikei ua chiam teh uh ahi. Sunday skul kai ding ahih dan ita te uh isin sak ua Nu/pa hiam kikhop ding thudonlou in ipang ua naupang ahih sung uh hon lau in hong let chiang un ei asinsak tute sang a uang zaw in hong om ua insung ah kithu manna omlou kizah na om lou diktat na omlou kholak kia lung gulh a i om chiang in insung nuam thei nonlou khotang nuam thei nonlou hongsuak hi.

Hiaite khong jiak ahidiam tulai igam sung siatna uh. Ituh gah uh at dia kisa panpan ahidiam. I chi tuh hoih leh leh a umna (daai) hoih lou ahih man in ahet kha sukha atam luat ziak a gah hoih theilou gah kipah huai loh ding tamlou. omlouphial ahizaw mai diam. Nuleh pa tampi tak ten iki et kolna i in sung itate kepna sinsak na i et thak apoi moh khadiam. Ithil hih te ita te hon muh. theih pih d lauh inei hia. En hih napi a ita te hih d ideih louh omhia.

©Siamsinna leh Vakiangbu