WHATSAPP LEH FACEBOOK APAN!

✍ K Lianthansang.
Khatvei, lawmpa'n a thugelh ( miteng' simkhak dia a phallouh ) a zoh phet in, khak dia a kisakna mun a khakkha lou in; WhatsApp group khat ah va post kha mawk hi. A tupmawng a hihet kei a, tupmawng hileh huai group a ava post kei hial ding chih leng a omdan apan ka man ngal. A post khit phet in, a post na mun diklou ahih chih a thei ngal a, buai in abuai maimah. Lakkhiat kik (delete) hiam, bawllem thak(edit) chihte omthei nawn vetlou ahihna ah, a hihkhelh selmangna ding in, tangthu sauthei taktak tampi mahmah a post zom zungzung mai hi.
Huai hunlai mah in ke'n 'facebook' ka khoih a, group tuamtuam ah 'sex video' hong ki-post zelzul ka mu hi. Huaite lawi ahihleh, a gendan un, ' mi'n etsawm a, a click chiang ua a group omkhakna teng ua ki-share sawn zungzung mai ahi' chi uhi. Group tuamtuam a huchibang limlak taangthei (video) hon share sawnte' min leng a kigelh tel a, a video etsawm laitak uh a kimuhlouh hang in, Video etsawm a aguk a va mek kheelkhaal ahihdan uh mi tampi'n ana thei veve uhi.
WhatsApp group i chih a bawl anuam a, ei Zosuan kichite lak kia a uang diak a dia aw i chih leh ana hidek kei. WhatsApp group bawl zok a, heutu ( Admin - a enkaitu) atam mahmah bangin, pawl tuamtuam i phutkhia ua - President leh Chairman chihkhawng i tam mahmah uhi. WhatsApp group bawl bangmai a pawl phuhkhiat siamte i hih kawmkawm un, i pawl phuhkhiat ziak un buaina a kiam tuankei a; apung zawsop. Dan bawlkhiat lam ah leng i maimai tuan kei ua; a etkai lampang ah i chau deuh uhi. Pawl tam a kiphuhkhiat deuhdeuh leh thu-le-la banah buaina tam deuhdeuh hileh a kilawm hial! Pawl atam leh heutu tam chihna ahi pah mai a, heutu atam leh ngaihdan atam semsem hi. Ngaihdan hong tam chiangin heutu leh heutulou chih leng khensiam a haksa kik thepthup a, buaina in hon pumtuam a hizel mai.
Bangteng hileh, i hihna chiat thei in, khatvei hihkhelhkhak kichi lel leng bawllem haksa mahmah ahihdan WhatsApp a thu post khelh apan in thei lehang a chihhuai mahmah. Huai banah, aguk-agal a thilhih ( nekguk-takguk le huam in) kichi a khawnung a hong kilangkhe thouthou ahihdan, facebook group a video thulimlou ki-post te tungtawn in thei lehang chihhuai mahmah nawn hi. Na thilhihlai kuaman hon muhpihlouh hang in, akhawnung a na khandan(gilpi tanpha tel in), na inn saandan leh khawsakdan apan in theihtheih veve hi. Huai kia hilou, ngaihtuah detdet masalou pi in phuhkhiat theih teng phutkhe zelzul khol kei lehang buaina tawmdeuh ding in leng a gingakhuai mahmah.
Laigelhtu' Lungsung Pan;
Kuahiam minloh a demna hilou ahi. Himahleh, ana simkha a, ana kizephawk geuguau bang a om a, ana kipiakbawl lua a om zenzen leh, phaltak ahiai 'thugelh' piakkhiat dia gelh ahi. Huai ziakin, ana kipiakbawl omleh kisuanglahlou hial in na deihkhop zah chiat uh ana kitan(kilaak) chiat un.
1204 - Ka Kipak - 2016
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more