MALAITANG TA NOPLAINI

By ~ Biak Naulak Zomi

Phavang nitum ding kuan kholen mui kai chii chiai. in lung hon suleng khopmai. Kapianna sing tang ahi a singtang nasem a khang lian kahi hi. Lou nasem a nisuak sim a kuan zel a. Sun hun teng lou lam ah kizang jel dan ahi. Nisatak nuai a lou khou kho ul kai puap puap jen a na kisem . Sun chia buk a khawl in sun an nah thial teh a kitun phel a anteh lou hing meh tawh ihon ne bang chuh aw.. itawl le dam zou mai dan eive. Sing tanglou khou in lawm te toh kikhoh lawm in kakuan nai nai sek ua chim man ngeilou in kanitum jel uhi. Sing tang pa leh singtang nu a dia vual nop na igen theih hichidan khong anahi zaw dan eive. Huai hunlai khong in zaw nuamlua ahi lam le ka thei kei hi. Lou khou ma pang kidem bawl in tha it mah mah chiat a ihong pang bang zaw akk antu mah kibang eive...

Phavang hun chiang in ahih leh khopi lam khong vaki zin zel in nikhat ninih khong nituang a ki kik zel. Buh at hun matan gam vak ahih keh khrismass adi kisak kholh nadan a lawm ta luidung a ngaman dia ki giak Jel. Sep d chuh azon a kizawn thoh kihimai. Khual zin gam vak a i om chia phavang kho len mui kai thi thiai khong kilung len pih thei losek.

Buhlak hong hunchiang a ngeina dan a lawmte khong toh ki lawmsek. Nasep a kilung kim mahmah chiam nuih bawl khong a ki nui zaizai kuamah ki eng tuan vetlou dan ahi. Buh khawng lazou pawltaak. Hong hih chiang a khrist mas vandi lei dia neih sunsun toh lamka kizin. singtang a khosa gige chih mahtak van man (rate) kithei se lou akhopi himhim izah tak na toh mi sak zahzah a kilei mai dan ahi. Ivan deih atam a. Isum neih atawm leh secondhand kising mai dan eive. Ineih zoh dandan ah kilung kim petmah kipak tak a inlam kitung non. Mass sa goh d upa ten vazong uh akai dia tang valte kikuan in nu ngak ten khomual a hong dawn uh singpisan khum ngingei tak hon dawn sak uh bang chuu.. itawl dam himai. Khrist mass bang lah ngak lah huai pet mah himai. khrist mass leng khop bang lachuh aw.. nuam himai. Nungak tang val kaleng khom man kei khadi chi hileh kilawm kuan pah kim sipsip a leng khom. Leng khop lasak lai a thildang gen a buai pih omselou lung lut chiat tak a la ihon sa bang chuh zanhah chih khong baih lam petmah himai. Upa ten ninih programe hon bawl pih sek uh. Nungak tang valten nikhat upate lem sak pih na toh kibehlap khatei tei sek. Singtang nasem ngen lusu man om hetlou a zanhak ajing kikhop na kithulh tuan lou. Nuam tak zaw einave.

Naupang te le om maimai tuanlou uh sih zou lak di bang sawl ngai hetlou ua lawmta kipawl khom zoh ua gamlak lam manoh a sih zou ladia kuan pah uh. Annek khop nadi nahtang teh khijang a daih di lak amau moh puak na mah bang mai a honlapah pah uh. Alian te buai ngai se se lou. Aneu alian apan khop zaw anuam tel mai. Nu ngak tang val zan hak te ziak a. Ana nei zou zaw deuh ten vok hon thoh mok chiang bang ua zaw. Ila sak sak na i aw bang heu gop. Huchipi a le gim huai e achi khatleng awm lou nuamsa chiat kipah mel kipu chiat adam theih huai mahmah ve..

Kumte hong pai zel in liam hat mah mah mai a theih louh kal in khopi ah ana kiteng maimah. Khopi a teng chih mok bang le ei singtang pa'n chuh ki ngaisang lawdan ahi. Eileh eibang leng ki ngaisang sim maidan kihi... khawpi i gal ngaih tuah anabang het lou mok dan ahi. Ikho hei nalam peuh sum sum chih himai. Aneu pen apat alian pen tan pha a sum thei lou ki omlou. Huaile azat siamsa ngen kihilai. Tua imuh tuabei chih bang dan a om. Ivanneih iki cheinang tam hong poi moh jaw. Secondhand mantom chik chik te silh a ilung kim dan hithei non lou. Van hoih man tam a ki dem na mun abahi mai mah eih chia. Neihleh neih louh thu hilou mi om dan iva copy pah hong ngai mok. Mi omdan lou deuh a i om chiang alah kituam lua bang zel.

Khristmass hun nuam khong bang le mitam na nuam law ding isak leh. leng khom ding mi omlou phial phial. Nungak tang val te lah hun khak hun chia hong tung kim pan uh mah bang mai. Zanhah chih khong bang lah phal hilou hun (time) nei a khosa chet chet ana hi. Ngei nadan a jang hileng kilawm kipah mel pulua le om khollou phial phial ahi de aw kachihial hi.

Khawpi chih mah tak chuh bazar mi thei pet mah. Kam siam asiam thei mai. Om zong zang lou te adia bel thutak sak khak nak a om thei eive. Nau pang bang lah manbei a kisawl zou meng meng lou. Amau a di neuchik bek a om ngai dan ahi. Chang kang tak a khosak bel kei a din aboring mamah mai hi. Khawvel khan touh na ziak a anhun in hon kheng le zaw hikha inte. Hijong senleh kik thei leng ching e. Gual ngaih kim a nunnuam kalen khop lai nite. Ma lai tang mai din zaw pamlua sang.

©Siamsinna leh Vakiangbu