ITNA LALGAM III

(anbang ka iit khamtheih mangpha)

~ By  NaaMuu Samte

Ka tangthu sau lou, nop in nop kei taleh, hon sim sak ding a thupukna na lak ziak in kipahthu kon gen masa ahi. Tangthu phuahtawm ahih na ah, min hon ki zangte leng phuahtawm liuliau ahi chih leng hon theihpih masa ding in ka hon ngen hi. Min leh thiltuah ah, hiai tangthu toh a kituak a om khak zenzen aleh nang tangthu gelh hilou kahi chih,nang a simtu pen kiang ah ka hon theisak ut sawnsawn hi... Simnuam

I laisiangthou un hichin ana gelh hi. "Train up a child in the way he should go and when he is old he will not depart from it"  Hiai taangtel hih, naupang kiphin, thumanglou leh naupang tai hilh a om ka muh chiang in ka phok mahmah hi. Denlam a ina gelh tak taangteel in ah, "child" ana chi sese a, 'Boy' hiam, 'Man' hiam a chi kei hial hi. huai in hon etsak chuh mihing khat, naupang chiil, kum 5 a hong phaktan hiam, 'Child'ahih lai mah a a sihtan dong a zuih ding ki thuhilhna te a zak hun ding ahi hi.

Larry Muan, New Delhi a lehkha sim a om ka hi a, Master of physcology ka zillai a ka project uh,khotang a kuahiam khat khamtheih sal a taang khat tanchin ngentel tak a zon di Chih toh kisai a survey bawl ding ahi. Hiai a ka theihkhiat te uh phatuam na om khakleh chi in ka hon pulaak khia hi.

Project sepsuahna dia ka lompa, khup toh ka pianna zogam/zalengam leitang a ka Zo hih pihte'n naupang bang chi kep ua bangchi khantouh sak uh hiam, chih ka sui theih na ding un amun mahmah a ka sui theihna ding un Khup toh leenna ticket la di'n ka inn uapat ka hon kisa khia uhi.

"Khup, i project kha haksat meel nasa hia?" "Theikhang mo lawm, haksa in nop ta lehle poimoh ahih chia kuanlouh theihlouh hi a mo..." "Huai chu hi a, Lamka va tung hial lele kuate inn, kuate sungkuan va houpih dile i diam mo, mi tapa tang neihsun khamtheih sal a taang va dot di chihle nop law chiahkei leh kilom mo... Hehe"

"A kua pen valak di zaw lungkham huai kasa khol kei thepthup in ah, lamka siatna nak pumdim lota, huchi bang a tuak nak tam lotel ta ahihchia ami di jo lungkham huai di'n ka gingta lomlom kei"

Bangbang hiam gen a kon kihou lai un ah leenna ticket lak na di ticket counter ka hon tung uh hi. Sum, sang bangjah hiam chu va ki paih khe dom mai, huai le a kiman lam hilai. Ticket lakhin in innlam zuan lai sun singpi dawn din ka ticket lakna uh pamdeuh ah kava bang uhi. "Larry,tuni zaw nang hon liau aw" "Khempeuh eive, nang liau gige hi omtak a mi bang chi khempeuh haha inn tunchiah aw..." "Inn tun chia bang e?? Peuhset mahmah mi chiah pha le hilou, paupau lou in ah order ni gil kial gop"  ***(khup toh ahihleh pawl 9 ka hih apat a ka ki thuahpih ahi a, tu master zil tan dong ki thuah suak ka hihna uah ki maingal mahmah ka hi uhi)*** "Va order ve, na order zahzah sum kon pe mai kei dia, nang na sum neih sunsun lah nungak te peuh recharge man a beibei ahihchia mo..." "Haha nungak nang khelai di bon na muh zoh louh.. Nang adi momo aw" "Sot le va pau na mahmah chia, vai nungak te peuh mitsuan zel natel mo khup?" "Hi lou hial... Nang adi le lamka lam paichiah zong kawm le mo?, chile.. Tulai nungakte lah bang ana chi duam ah,lamka nungak hoih louh dan ki gaal zakzak a, amun tun chiah zong ek di himai mo." "Na chih dandan himai khup"

Ki houlim kom lah hithou, ki pawng chiamnuih lah hikawm in ah momo chihte lawi ka hon ne uhi. Ka nek khit un innlam ka zuan uhi. Khup ahih leh amah teenna lam zuan in, mangpha kikhak in ka kikhen uhi.

Kaal khat zoh nung in ah lamka ah zin petmah din ka hon kisata uhi.. kei leng ka vante teng man hita ka room bang en kualkual khelah sim mok kahi diam ah kha bangzah hiam chu mulou phot di ka hih chianga chi in fone a khup toh ki hou kom in ka room teng lianlua hikei mahleh kava dak kual hi.

"Trit..trit..........trit..triitt .......triit..tritttt........trit.triitttt....... hello??'" " zawnga,man nailou mo tu tantan, nungak buaipih get mo bang chi?" " hahahaa mandek mandek,khelah lotel ka hi.. Airport ah kimu ni ka koih.. See you.." Hon koih khum zat a airport zuan in ka diang kheta hi.

Airport ka tun in khup leng ana omta a, leenna leenkhiat ding minute 15 hiam khong chouh omta hi. Kouleng a phual sung ah ka lut ua mun khat ah minute 15 sung kava tu nilouh man uhi.

Minute 50 di vel leenna a ka tuan khit un, Imphal, tulihal airport ah ka hong boh uhi. kei pen ka pa leh driver pa'n hon dawn ua, khup ahihleh a upa'n a ana dawn hi. Kouleng khup toh ol a zingchiang hiam a damleh, innlam a ki mu din ka ki thukim ua ka sungte chiat toh kizui in ka kikhen uhi.

Gintak sang mah in ah Phai(imphal) leh lamka kikaal le lampi ana hoih vanglak ta a, government tele hoihlam nawt deuh ta uh ahidi mo chih khong lungsim a ngaihtuah kom in leh ngaihtuahna tampi aki suangtuah zelzul kal in Pianna zogam/zalengam zohuihkhi, Tuibuong ka tun un ka dik pan hiaihiai hi. Lamka vangkhua ana nuam petmah ta mai a tiddim road bang ana vom henhon in, Lamka hichituk a khangtou dia,neulai apat a kana lam et gige, ban ah traffic stand police kong mai a ding bang inle Zosuan ka hih hon kisaktheihpih mahmah hi. Hiaiteng limlem ngaihtuahna ki suangtuah komkal ah ka innlum uh home sweet home kana tungman hi.

Ka kongkhak bul uah ka Tuunnu iit tak in hon na vaidawn a... "Damtak a hon tung mo bawi??, nop non sa na maw??? "Dam zenzen e, noula damdam hi niute mo?" "Dam mah unge koule, va ki hahsiang unla na pa toh singpi kana awm di." "Awle"

Kihahsiang khin in singpi khong dawn khin in ah ka pa toh ka houlim ua thu vantaang te; ka pa a office kaina lam bang,ka naute school kaina khong thulu a zang in nitaklam hun ka zang uhi. Sawtlou nung in ah ka nu leh ka sanggamnu Hoihte toh annhuan-inn lam ah ann nek ding bawl ahi duam ah mehbel ging lengleng ka gaal zak ua ann ne di'n huailam ah ka pai phei uhi. Ka nu'n ann a limthei pen a ahuan voksa kan hul toh lim meel deuh mai a huan ka hon ne ua taitak leh vah pingpeng in ka dining table uapat ka dingkhia hi. Hun sawt kuamtak gamdang a om ka hih na ah innsung paidan bang theih chianglouh om zekzek hiven, hoihte inn ka kuang koih nadi hon hilh na ah ka kuang koih in ka innkhang uah, kuva hai di'n kava kisoi suk hi. Dawr ah "zarda khat" kava chi gaih a aki bawl kal ngak in dawr kong ah veengsung a inn veng te toh ki chibai kual in hon na vaidawn thei mahmah ua nuam kasa mahmah hi. Ka tun ni nitak in ka laptop ah ka project uh sepkhiat didan khong bawl in nitak hun ka zang hi.

Kaal khat zoh in (After 1 week)

Kaal khat sung ka study bawlna diu ka zon nung un Gouchinkhup veng a teeng Nu Ching kichi khat in hon na lemsak pih a kouleng khup toh a inn uah kava diang lut ngal uhi. Lai poimoh teng toh laptop toh kava lut ua, nu lamching leh atapa pa lalboi ana om uhi. a inn uh hoih law lomlom kei mahleh a nuam huntawk mahmah a Tv bang leeng hoih huntawk mahmah in tulai ate LCD te lianlaw dengdong kei mahleh a common room uah ana ki tung hi.

Nu Lamching ahihleh mi etton tak mahmah leh khotang hoihna ding ngaikhok mi ahi hi. A pasal in Government driver sem a aman New bazaar ah puan dawr bawl a khosa ahi uhi. A tapa tang neih sun uh lalboi tangthu ahi a kava sut dek uh, A tanchin ahih leh awl in i sim suk ding.

Nu ching in tutna nuam tak leh dohkan hon na doh sak a kouleeng ki inteksak deuh mai in ka van poimoh te utoh nu ching apan ngaikhe ding in ka hon kisa uhi.

"Na hon hoh ua, kou maimai tanchin khong nou mipil taktak te, maban a I gam hon luahtou ding khangthakte'n na siamsinna ua poimoh a ka pan khak uh hampha ka kisa leh daih zezen hi. Mite theih ding bang a leeng zahlak huai lua himahleh, ka gentaksa mah bang a, ka zo hihpih tu-le-ta na hihna zar un ah iim nei hetlou in hih theih khomkhom in ka hon hilh tum ding" a meel a hon chi tak mahmah a, a khut bang hon mantuah zen in ah, huih bang dik lut huaihuai zezen in amah leng hon kisa hi. A hon pau sunzom a " zan nitak bang aleng ihmu lah hial a kana ngaihtuah kik zo hi a, tua bangchi pat leng a hoih diam ah" Khup in ana bohtan gaih a " nuching, a neu apat hithei leh chu hoih lua di hi a.." "Aw...aw...aw... hithei tham e.. huchi hial ahihleh chu apa diary book toh hon en kualkual leng mo... a chian zok sem nadin ah" Diary book ladia a pai khiat kaal in ah kei leh khup ki entuah in ah zaknop huai sa tuak ka hi ding ua ka ki nuihsan heuhau zezen uhi.

Nuching leng apasal diary toh hon kipan in ah a tapa pa taangthu a pianchiil apat in hon gen ding in hong kisa tak tak ta hi. "Lungleen huai hina maizen e... kum hiaizah paisa iva sut kik hial leh, ka manghilh theih mahmah louh khat kon gen mok di,lalboi hon paitheih tung ahi a, a pa toh innkong a loupa tung a kimol ahi ua, lalboi in amah vuak a khe a hon pai belbel lai tuni tanpha in ka mitkha in a lang lai hi. Lalboi ahihleh ka tapa tang neih sun uh chihmahtak duat in ka duat ua, khe a hon paitheih tung lai bang in,a kipaih khak ding lau in a nung nung a kawng na zen in ah ka zui zel uhi. Theihlouh kaal pipi a hon kipaih khak hut bang hon om thou thou zel a huai hun chiang in hon kap zoi zoi sek hi. Tapa duat chihmah tak chu kou anu leh apa kaki ngoh tuah hut uh bang atam mah mah mai hi. Nektheih duh a chihnak leh chuh piak ahimai a, zankim zankhang a gilkial a hon kap leh dak gingzah leng ngaihsak lou in nawi bawl ding in ka kisa pah uhi. A pa'n office kai tawp teng in ah van bang hiam, a man tam in tawm taleh gari lem hiam thau lem hiam hon puak mun mahmah mai hi. Ka duat dan uh zaw hon gengen lengle gintak haksa di hial khop ahi a hiaitan ahle lalboi adia itna kana piak dan uh na theihsiam ka gingta hi. Pathian vualzawlna in ah lalboi bang anou kiuh keuh a, tulai pau in gen taleng a cute petmah chih di himai hahahaha...."

Nuching' tangthu noptak a ngaikhia a ka om lai un ah tangval duangching mahmah lian mahmah, TV a korea te toh theihkak louh di hial khop a hoih ahi a, akhut a tattoo lim om belbual ki gelh om khat hon pawtkhia in ah nu ching kiang ah " nu, ka va pawt khe zual di" chih toh gate lam zuan in dingkhe ngal hi. Khup toh ka tutna uapat kana en heuhou kha zezen uhi.

Nuching : " awle, hong paihak ken aw bawi... Khup : " lalboi ahi hia nuching?"  Nuching : " Himah ei, khamtheih sal a ataang lai a tua khut a ki gelh belbual te ana sut khak hiveh aw.. poilua " Khup : " tu hun in ah bang a chita a? Khamtheih hih hih lai mah hia? " Nuching : " tu in zaw, Pathian panpihna toh hon ki khek thei ta a kipah huai chih di ahi ding, himahleh a hun paisa a khotang ah innsung minsiatna hon tut hun in zaw a haksa mahmah".

Nu Ching in hon gen zom tou zel in...

"Hichibang a khamtheih, guihtheihte' ITNA LALGAM a bang chi teen lut khak hiam zaw ka theikei, himahleh, a hong khanglian a a kam apat pawt,sum a leitheih ahihphot leh dawr ah ki pai pih pah hi, a hong lian a, sum ngetna aw zak ahihnakleh piaklouh in om ngeilou a duat petmah chu ka hi uh, a sum zatna pen zaw ka theihpih non hetkei uhi, kou theihna tan in bel, pencil leina ding, book leina ding chih dan in ka thei mai uhi. Kholak ah ka sum piak uh koi gam tung hiam? Book zuakte kianga tung mah hiam? Ahihkei le houh, khamtheih zang a sumdongte' kiang tung maimah hiam ka etkai pih non kei uhi. School te hong kai tou a sinsaktute' zep na ma toh inn hon tun hun bang hon tam mahmah a, ken ka tapa duat tak private teacher maimai te' khutlum thuak ding kana phal hetlouh ahi a school kaina ah va pai in thil omdan kava soisel gige mai hi. Private teacher maimai ana chi mah leng tu in amau tung ah kipahna genseng louh kanei veve hi. Hichi khop a ana ki duat ahihna ah huai ban ah sum ana ki hah zatsak khalua ahihchiah khamtheih toh itna simthu ana sutkhom khamah uhi. Senneu ahihlai ngoihngoih ah leng kholak ah a lawmte toh kithuah a aom chiah a kap khasek hi, bangziak a kap hiam? Amah leh amah ki hihkhial a kap hiam ka theihpih kei, himahleh huai hun in bel ka tapa duat a dikpen gige mai, a kianga a lawmte a om om ka tai suk zialzial sek hi, kei tapa duat chu a moh kha ngeikei himhim hi. Lalboi kan kan a tapa duat dang om din le ka gingta non kei hi. Himahleh ka gensa tengteng ka hihkhelh ahi chih ka khonung theih tak in aki khel petmah ana hita maimah hi. Innkuan ah haksa tampi hon ki tuaktou pan in ah ka kiphok thak thak hi. Hon siampa Pa Pathian kiang ah ka haksatna te ngak khiak som in ah Laisiangthou bu phen in hon panpih theih gingta in ka khalam dinnmun hih hat zok sem ka tum hi. Kei hihkhelh ka kitheih na zaw " TRAIN UP A CHILD IN THE WAY HE SHOULD GO..." Chih ka sim khak apat in ah a neu apat a lampi ding diktak a kana pi khaklouh ziak ahikei ka chitheikei, kap in mau lengle akikhel ahi tamai mah hi. Bangteng hileh panpihtu naipen Pathian khut ah ka nga a baan zaw amah hon pi dan ahitamai chi in ka ki khamuan thei hi. A haksat dan leh lalboi khamtheih toh a hinlai zaw amahmah in hon gen leh phatuam zaw thak di hiveh aw.. Aban zaw, i teektak toh i remember le hat non kei veh aw.. Hehe."

Kei: " kipah huai lua nuching, ngentel tak in na hon hilh a, chihleh Lalboi in hon genthei di hia?? Amahmah in hon gen theih le chuh kipah huai mahmah ding eive." Nuching: " awle hitham e... Tualah lalboi omlou phot ahih chiang in ah a hongpai chia kana houpih di aw..." Kei: "chihleh iki thuzak thak dia himai mawleh nuching," Nuching: " awle tham tham..."

Lalboi lah omlou phot ahihchiang in ah, hiai ni a ka hihtheih uh hichitan ahihmai ngai hi, damleh nuching in hon houpih masak hun hun a lalboi toh houlim dia mansa a om gige ding chihna himai.

Khup: " dingkhe phot le adiam maw lawma?? " Kei: "poilou eive, nu ching le, a ann huan hut dek tadi amah ve.."

Nuching:" daktam bang ana ging man law dek eimah vele maw,... lalboi kana houpih dia a ut leh kon thuzak di awleh.. Na phone number uh hon pephot himhim ve uale haha "

Nuching, a nuihmai mahmah a houpih leng nop petmah hi.. Kouleng lawmpa toh pailam som phot in ah maban neitak in innlam zuan non phot ding in ka kisa kheta uhi...

"Mangpha ualeh aw nuching..."

Lampi ah innlam zuan a ka pai lai un ah khup toh ka houlimna uah zaknop kasak dan thute ukhong ki kum in ah nop kasa mahmah uhi. Huchi komkal lak ah lalboi' tangthu zak nop huai kasa deuh deuh ua nu ching akipat a thu zaknop huai zakkal bang ngaklah huai ka sa pah uhi.

Tangval khat hi ngengo sam a nungak heel ut huai di chi in ann ne khin phet in kuva hai dia pawt kom in ah khup ka watsapp cheuh hi. Phone a ka ki houna uah nitak chianga pawl 12 ka zillai ua ka lawmnu uh Thiathian kichi kiang ah hoh ding in ka ki thukim uhi. Phone sik tuautuau a ka om kal in ah kuva leng ana man man in Homemade zarda lim mahmah lungkim tak a hai phiauphiau in ah innkong a lampi a naupang kimol te kana velvel hi. Naupang neuchik kum 4 divel mi, school kai thei tung pan ding hileh kilom tak khat anu ang ah tei mel hetlouh in anu toh dawr ah hong lut uhi, inn kinaih himahleh, innlam phaklouhna sot khop ana himan ahihna ah veng a mite khong ka thei chian non kei hi, kum khat leh nih kikaal ale thil kikhek man law tham ahihchianga maw. Anu kicheidan apat et inchuh, a haulua hiding in a gintak huai kasa kei hi. Himahleh a meel diu kikhom lou tak in ah a tapa pa' duh duh a kok kok la suk ziauziau lel hi, Nu Ching leh Lalboi te nu ta bang mitkha ah hon langsak hial hi. Kei ana suangtuah na maimai dan ah chu aki duat dan uh kana Amen thei hetkei hi, naupang hiai chiahphet a kok kok teng a hichi leisak pah ua zaw hon khanlet chiah bang hon ki kok khesak zou di uam ah chih khong kana ngaihtuah khemkhem hi.

Khua hong mui chiichiai theita ahihna ah kei leeng khup toh pawt ding in ka kisak bol tahi. Sawtlou nung in door bell hong ging lelek a ka fone ah bang message hipeuh mah ding hiam chi in ka fone ka man pah gogop hi. Tomchik sunglel leeng phone i koih khiat zek leh Watsapp group ate message tam khop ana om neinuai hi. Khup a ka en masa a 'manta hn pai tou hta.' Chih teng ka khak zoh in group tuamtuam ate poimoh om hiam ahihkeh thuthak om hiam chi in ka baan etsuk dau dau hi. Watsapp group min '****(gen dah mai ni) *** hichi'n message kana mu hi. " SUUNNA: ******* (16) s/o ****** Of ***** veng awklum sa in muhkhiat in om hi. " Chih teng toh Naupang sit huai mahmah leh fel meel mahmah siluang limlak ana om hi. Ka chimul bang a thou suaisuai petmah a ka chil lum bang ka valh zou hial hi. Puaknat huai petmah mai a lah heh huai leng kasa petmah hi. Naupang hiai chiah lel in hinna aki laak ngam tel bang ziak hi petmah ding hiam chih ka thei ut petmah hi. A ziak ding tak lah gina tak ah aki suahna ka mu kei a facebook a group tuamtuam ah ka et leh lah a ziak di tam ki gelh law mahmah zel laktak di pen ki thei zou talou in ka buai mahmah hi. Ei ngaihtuah vekvuk a hihtheih om lah hilou a chi in ah siamsinna leh vakiangbu watsapp ah kava chiau lut daih hi. Banglou teng gen a fone ka sik tuatuau kom in khupte innlam zuan in ka paitou ta hi.

Khup toh Bungmual ah ka class luite u khat Thiathian kiah ka va hoh ua nop kasa mahmah uhi. Kum nga paisa hunte suutkhop chu maimai lou himai, dak tam ana gingman petmah, ki houlim panpan iki sak aleh pai hun leh kim ana gingman maimah. Lawmnu toh mangpha ki khak in Khup toh innlam zuan in ka paisuk ta uhi.

Inn tungphet lumdia kisa lai ka phone ka et leh Missed call ana om hi. Eilah Miss Call Khat Beek ngahna di khatle ki nei lou lah phone a missed call ana om zenzen, lamdang sakna toh ka et leh Nuching ana hi. Call kik dileh call louh di kikaal a ka lungsim ki sual nilouh hiveh aw, call di chihchianga lah lup hun lekim peel lotel zel ahihchia kisuanlah huai zel, a tawp achu zingkal chiang adia limsit mai. Ihmu dia kisa mitsi panpan iki chihleh sun a Lalboi' thu toh kisai a ka va thu ngaihte uh lungsim a hon lang dundun maimah, nuching' phone no. Alah hon na ki call, lungsim tengchu theih ut na in hon buak mai, bang gen nuam ahi de aw? Chih khong ngaihtuah vungvung mai. Bangzah vei hiam lup dan kon kikhek aleh chu ihmut hon suak thei dek khong in Zingkal thohphet chianga call di chia kei le kei ki thukim in Zan tawldam na hun nuamtak a zang thei din ka ihmu theita hi.

Zingkal thou phet ka phone mah mai pah khuamkhuam in ka mek vak leh dak 7 bang ana ging man venvon pah. Kihahsiang in Nu Ching ka call a, Lalboi in a tanchin hon hilh ding in ana ki thukim thei uh chih hon hilh hi. Sun chianga Lalbawi toh ki hou lim ding in ka ki thukim ua ann nek khit chianga hoh din ka ki thukim uhi. Ka ki hou khit un ah ann ne ding in annhuan inn lam ka zuan a ka sungte toh ann kava ne hi.

Khup toh a kin thei lam a kisa in ah Lalboi' tanchin ngaikhe diing in ka kisa khia uhi. Ki thalopna tampi toh lalboi mu ding in kon kisa khe petmah ta uhi.

Nuching in ana vaidawn pah a kou leng ki inteksakpah in innsung ah kava tu lut uhi. Nuching toh kihouna vantaang in ka ki hou ua sawtlou nung in Lalboi leng hong dianglut in chibai kana buk uhi.

Kei- nui sim heuhau kom in "Lal, na tanchin za dia hon hoh pah tiingteeng mai keive ua nuching in hon hilh apat a ana phur law khin ka hi uh.." Lalboi- "kiphat na louh dia tulai mi tangthu sim bang ut viau vanglak ua ka tanchin bang sim nop sa vanglak kha maithei uh eimah ve... nou laizilna toh kisai chu ahina a.. facebook khong a mi muh theihdi'n hon suah khe leute banghiam khat a khangnoute hi in a kuakua hitaleh hamphatna khat nei dia gingta sim inga..

Khup- " huchi lamzaw kou le tangthu a gelh a suahkhiat di ka tup sa uhi Pathian in lem asak aleh.. hehe"

Nuching- "khai, noule gamteng gengen lou in pan zok diu e.. lalboi tangthu a zak ut huai thak thak ahi.." chiamnuih thutak in hon na dawng zat hi..

Kei- " eh! Ahi ve hun le kidaih kei khaleh, Lal? Na man am? Non gen suk neuhneuh diam le? Abul apat in na deih daan daan in ah...? "

Lalboi- "awle hitham e..."

Lalboi in a tanchin ahon gen panta a...

Bangchi pat dile ahi zezen de aw... ka tanchin, kon piandan hiam, ahihkei leh kon pian kum khong zaw nouleng misui na hih na uah hon thei khin din kon koih dia, school ka kai uapat in kon gen pan di aw, ka neulai thu ahi a, a bukim sipsip a chu enle thei non samlou hilele a poimoh bik a kana chiamteh khak deuh teng kon bulhtuah dia huchiin a zopkhop dan ana siam mai leuteh hehe..

Tribal school kichi khat ah ka laisimna kana pan hi. School ka kai tung apat in ah tu khonung ka thu zak dan in ah kana thadah mahmah sam a nursery class ka hih apat in kum khat a ka kailouh sungteng hisap tale kha thum bang pha thei mahmah di'n ka gingta hi, ka nute' gen khong apat a ka na ngaihtuah dan in ah. Gen sa sa nou leng na theih sa sa uh hilehle kon gen thak dia, tapa tang neihsun ka hihna zaal in hon na ki duat mahmah ahi a school kai di chu ka kiphin nak aleh kailouh hi chet chet maidan hi. Ka kai sunsun chiang inleng ka khel thei mahmah mai a, innsung a ka nu, ka pa'n innsung a ut dan dan a hon omsak uh hiven school a ka kaina ah aki langchian khop mai. School a Oja( teacher) te' tapa neihsun hikha khollou ka hih chianga inn atoh chu hon na kol tute ki khai mahmah hi in ka thei hi. Aziaktuh school a kietkolna khauhtak nuai a ki om ahihchianga thukhel chianga sazai muh himai. Naughty chair aki chi sek in ka thei a kei bang bang a thumangloute adia kibawl ahi hi, himahleh kei pen khel diak ka hihna ah kei adi liuliau a kibawl a bang hial hi. Ki neu mahmah lai ahihna ah ut dan teng a ki om hilele keipen tapa duat hi law tuan bikse ka hi diam ah khengval thei lawsek chu ka hi dia naughty chair ah ka tu mun lotel hi. Tutan in le tanau nai liai teng in naughty chair neipa chi dan in hon chiamnuih seksek lai uhi. Ka manghilh theihlouh khat ahihleh nikhat ka kianga tupa toh ka kibuan kha thahah uhi. Huai hun lai in ka kibuan pih pa pen kei bang a tapa duat leh khosathei lua hilou in ka thei hi, a silh leh teen te a et in aki theichian mahmah hi. Himahleh tu'n chuh Delhi ah Asst. Prof. Sem chi uh abang lawmte' gen kana zak dan in. Ka ki buan na san uh ahih le bel thupi lotel kei, huai ni oja te'n muamkhum hon hom uh hiven, khat khat a tang di hina pi in amah a kava laksak sese hi. Amah leng naupang mah ahihchia pil lawtuan sam lou in hon ki sualpih hi, a khutchin sau deuh ahidiam ah ka biang hon phuaina keh zek hi. Kou leng kap in ka kap zoizoi ua oja ten hon theikhia ua naughty chair ah ka nih un ka va tu letlat uhi.

School kai tawp inn ka tun in ah ka nu'n hon na mu mu pah a, ka ki hihkhakna a muh tak in hehchitak in a heh a kin a kin in ka pa fone ngal in ka pa leng sawtlou nung in inn hon tungpah a amahleng ka nu bang ngei in heh in a heh petmah chih a mithah leh omdan ah aki lang mahmah hi. A nalua chih leng hilou keileng ki ngeksak in ah ka kibawl beh zomah a ka nu leh pa'n hon duat semsem uhi. Thakhat in ka pa'n school hon tutpih thak in ah ka oja te peuh kei hon etkol zohlouh ziak ahi chikhong a pang in ka oja te uh hang in hangsan mok hi. A tapa kei hihkhelh a hih leh hihlouh leeng kansui chih leng omlou in ah ka kibuan pihpa bang school apat tawpsak din a phu hial hi. Himahleh a phuzou kei a a ziing in ka lawmpa toh ka tutna mun ngei uh ka class room ngei uah ka kimu nawn uhi.

Hiaikhong ziak mah hilou di hia tu a ka tanchin nou adia phatuam ahihkhak, I neu apat a zuau gen thei dia hon ki koihlou huaikia leeng hilou a I hihkhelh na te bang midang tung a buak a om ahihchia kei naupang pasal adia siatna zaw alou theilou in ka koih mai.

Hichibang dandeuh thiltuah neuhneuh kana neitou a hileleng a chianglua a ka theih dang zaw om non kholkei a hon na theisiam mai un. Kei hihkhelh kei khelhna mah leng chu ahi lawtel na a himahleh ka nu leh pa te leng ka ngoh na chiang le chu a om veve hi.

Huchi niuh neuh a duat khelh tak in ka hon khang tou a piching dia kisa dek panpan, vualnou ka hong hih dek, panpihtu leh thuhilhtu leh kep ka ngaih hun laitak in ah kep in ka om kei a kei ut dan kei chih dan ngen in ka omtou zel hi. Lawm le vual bang ka hon thuahtou a a hoih uh chihna se chu a omkei, himahleh guihtheih khamtheih ka kam a hon mop a thagum a ka kam ka taksa a hon guan teitei zaw ahisam kei uhi. Mihing khat hihna zal in ah ka hoihna nengchik ana omte ziak in a tang te kana hihpah kei hi, himahleh a dawn thoh lampang ahih le chu ka kum toh teh in ka dose a sang mahmah hi in ka thei hi. Pawl som ka hih akipan in a dawn thoh ka pan hi. Ka kholhpih ka lawm le gual te leng a dawn thei ngen a hi ua, school kai hina pi in ah school ah ka ki mu vaang sim mahmah hi. School uniform toh chu inn apat kipankhia in book puak tang a kikhekna di van pua in inn apan ka ki pankhe sek hi. Ka nu leh pa ten ah na huchi ding chih hon gen tam louh ziak uh ahi diam ah thil a hoih lam sang in a se lam ah ka lut ut zaw sek nak hi. Lawmpolh pih te leng mi neizou ngen ahihna utoh zu duh hun hun in dawn ding ka mu uhi. Nop kasak hut lai nite a hon kiam hiai hiai a khamtheih suak a pang in 'khamtheih ITNA LALGAM ah kana khosa a, lung ngaihna ki ngaihsiatna leh haksa topkhok kana pal tou hi.

Zu le sa a ka kibual tan inle ka nu' deihsakna ka tangtou lailai hi. Ka pa'n ahihleh hon awi nonlou in ah ka nu toh keiziak in a kinak hun uh hon tam hiaihiai maimah a nidang a kituak mahmah himah le uh tu in ka nu vuak kei lampang ah a pang kha ta hi. Kei toh ka pa kikaal ngeileng a hon kise hiai hiai a nikhat a khatvei lel leeng ka kihou louh hun uh a tam mah mah mai hi. Zu le sa a kibual sawt hon nuam lawtel kei hi. Innsung ah haksatna a hon tun a huai kia alah bei tuan lou in ka pa toh ka kaal uh a siat ban ah khotaang ah mite' thulak louh mite' ngaihsak louh ka hi ta hi. Zu gim nam lou a inn ka pai vaang mah mah hi. Ka hindan lah hoih non lou ahihna ah school neitu te'n leeng a hon deih non mahmah kei uhi. A tunglam in ah chu sum le pai ziak in bangzah vei hiam ka kai thak thei a himahleh tun zaw koimah ah ka kaithei nonkei hi. Kei lah school kailouh pen nopsak zawk thoh in ah sun nitum a pawt in ut le dah in hun ka zang maimah hi.

Ka lawmte'n leng hih thei thou na uh hiven chi in ken leng a khatvei na di'n damdawi san hiuhiau ka hon chiam pan hi. Kei adi'n a nop ngeimai khovel chihlouh kan gen ding kana thei kei a himahleh kahon khanloh in zaw kei adi'n a haksa ngeimai khovel chih louh in bang ka hihthei non kei hi. Man tawm lua hilou ahihman in ah sum ka pakta deuhdeuh a zon theih tawp in ka hon zong panta hi. Nidang a fone hoih pipi tawi pa'n a hoihlou tawi ut zaw in ah ka om a huai ban ah van hoih pipi silh pa tuh khamtheih man di'n ki sel theih ahih zek nak leh chi in ka silh le teen te in simmoh huai mahmah khat kana kisuah hi. Ka pa' khaloh hong kidaih zou nonlou hun hon tunga haksatna tamtak ka hon paltou hi. Innsung ah van guk khiat ka hon kipan a ka nu le pa'n hon theilou ahi zenzen kei ua himahleh gen a phatuam ding ka hihnon louh ziak in bangle a gen gen nuam non kei ua ka nu le pa te leeng hon teekloh hial uhi, ka nu leeng a guk a hon na thuumpih gige leh khitui naptui toh a hun a zat hut tam mahmah di'n ka gingta hi. Theilou leeng ka hi kei a, a hehpih lou leeng ka hi sam kei, himahleh khawl diing chi leng ka guh ka taang in thuak ahihna ah ka nu' kahna aw ka pa' nitak ihmut theihlouh na ka hihdam zou kei hi.

Ka lawmpa toh kizui pawt in ka khamtheih leina lam zuan in ka diangkhia uhi. Ka nu' sakmeel muh ana ngei mai himahleh ka taksa guihtheih duhna ana zaw maimah hi. Inn a kipan ka pawtkhiat dek in ka nu'n hon kah a na kasa mahmah mai a tunitan bang a chang in ka mangmat hial hi, ka nu adi'n ana mahmah diing ka thei, himahleh kei adi'n leeng a na mahmah mai, 'annbang ka iit khamtheih' siang zuan ding zaw ka tuunu kahtam inle a hon halzou kei hi. Lampi ah leeng ka mitkha in ka mu den a ka sunglam a kipan kisuanlah na in ka dim sam hi. Hiai nipen nidang toh akibang hetkei hi. Ka kisak khiat tung akipat in ah ka sunglam ah thawmhauna leh lauhna in a hon zui den a banghiam thil hoihlou mahmah tung di mah bang in ka om muang thei hetkei hi. Bazaar ka tung ua a patna di'n ah zu ka dawn masa uhi. Hiaini pe'n ka puakgik leeng gik deuh ahidia tomchik manghilh na ding maimai inle tampi ka thun ziahziah mai hi. Sum leng ka hau law non hetkei ua khamtheih zu tung a pen(a tang) lei nadi ka siit ualeh ka lunggulh bangtak un khovel ka nuse thei kei ua duhthusam tan tun na di'n ah chi in gaap bangzah hiam ka lei beh ua ka nek beh zomah uhi, ka kholhpih te lak ah a naupang lam ka hih ziak adiam ah nidang toh ka kham dan aki bang kei hi. Dakkal bangzah hiam nung in ah bazaar kil khat ah khophawklou in ka puksuk maimah hi.

Hamphat huai tak leh Pathian; khentuam neilou hehpihna ziak liuliau in ah khua ka hon phok khe thei non a ka kiim leh kiang ah ka nu leh ka pa leh ka tanaute uh mittui paak liik liak a om ka mu maimah hi, awl awl a ka hon halh khiat deuhdeuh leh thil omdan ka thei deuhdeuh a himahleh anbang ka iit khamtheih mah in ka lailung hon kuai pen hi. Mihing ka hihna ziak tak in kei mimal duhgawlna leh deihtelna mah ziakin ka kiim le kianga hon iit a hon ngaina te ngaihtuahna ka phawk ban kei hi. Awl in ah a dah te leeng hon nuihmai deuh in kei leeng ka hon halh khia a kisil diing in bathroom lam ka zuan hi.

Khua ka phok; ka khanloh phet in ka nu'n ka luzaang ah hon zut in ah kahtam lou kom in ah "Bawi, hichi zezen di hon salou keive bawi, tangtawn meidil zuan a hon paisan ding hon sa ka hi bawi, hon iitlua kei ve" chi a kap in ah ahon pom hi, ka nu luankhi in ka sam bang a kawt zou hial in ka thei hi. Himahleh ka lungsim ah ka iit leh ngaihpen toh ka khenlouh simthu; 'tuun leh zua in khenlou, ziin leh sian in khenlou ding itna' ka phok khethak a ka iit pen khamtheih mah ka lunggulh tawntung maimah hi.

  

Halh zaw deuhta chih bawl chiat ahi ding uam ah hon hoh te leeng ana paita ua ka nu leh ka pa kia ana om uhi. Ka kineplouh pi in ah ka pa'n aw viin deuh mai in ka mintawn in hon sam a ka va naih phei hi. Ka mittang ah tangtak in a hon en hi. Khase petmah ahi chih ka haihkei a himahleh ka pa' tapa ka hihna gui khau bang tansa ziak in bangmah in ka simthei kei hi. Ka pa chikmah a kisual ngei leeng hilou na pi in kin a kin in leh a theih phatawp in ka biang ah hon beeng a ka ki puk hial hi, ", bang chi lawmlawm tel a ka tapa hichi om na hia oi? na ni,na pate leh napute mai ah ba hon hichi sukzum tel na hia? " chi in hon beeng zialzial hi. Ka kidek zoh nonlouh tak in ka pa ka sawnkhia a ka kiang apan a leeng khe phei hial hi. Ka pa leeng hon ki sa thak in ka ki buan luangluang uhi. Ka nu ka kiang uah kikou in khitui naptui toh hon khou a hon khou zou mahmah kei hi. A tawp in ki awi zou non lou ka hi diam ah ka mit ah khitui hon luanga " Nu aw, Pa aw... naupang neu ka hih lai in tuabang a hon beeng a hon khou hileu chin ken tuabang a iitna simthu khamtheih toh leel lou diing hiveeng" chi in kahtam lou in inn apat mittui toh ka taipot hi.

Pate nute su khase sa a potkhia a taikhia chuh ka dip te ki sai in ka lungte am in khovel a om ka bangkei hial hi. Lampi lian ka tun in ka taklam pang ah gari in hon phu ek a leitual ki den na in ka khuk leh tong(elbow) na sa in ka kipek a anbang hon iit gige, ka khel ka siatni; a mai ua khut kha a mihai bang leh iit tak lou goutan ka hihlai a hon iit tu ka Nu leh ka Pa mah in hon delh uhi.

"Aw ka tuun ka zua anbang non itna, Na hon khotuahna thupi hina tel e, Kei bang leltak na mai a melmak simthu leel pa naubang na hon pom lai maw kei kua ka hiam ??? Pa aw Nu aw... Na sung leh pua a satna natna ka hon bawl te koilam a koih a bang ding a hon iit a hon delh na tel uh hiam Pa? Nu....??? Iit taklou zat taklou hilou ka hiam?? Ka tan ding mah tang hilou ka hiam?? Ka tuh mah aat hilou ka hiam?? Bang diing a na melma lianpen bang a na tung a khut khapa itna toh hon pom lailai na hiam Pa? Maw Nu? Na hon iit na uh lung in geel zou laang, simthu in suut chim laang, zaila awi in awi chim laang nu aw pa aw... hon ngaidam un..."

Ka pa'n kintak in hon pom a, a khabe mong a kho ul taak khia in khophok lou a ka om diing hon daal mahmah hi, ka dip a ka lungphaw in ka pa' lungphaw ka za(feel) a, ka pa' hon itna... chi in ka lungtang ah luankhi nuul in ka kap huphup hi.

Gari sung ah hon guang ua Lamka district hospital lam zuan in ka tai uh hi, gari sung ah ka pa kam khat leeng a pau kei a himahleh ka khut kiptak in hon letsak kam in a gen zohlouh thu tampi gen in ka thei a ka lung a muang mahmah hi. Emergency room ah Nurse te'n ah dressing hon bawl sak zoh un ah x-ray la ding in ka pa toh ka pai uhi. Ka khut taklam a khauhte in hon tuamsak ua hospital admit in ka om maimah hi.

Ka Pa tung a hichi hai gamtat lou hileng tua bang a Damdawi inn a lum kha diing in ka ki gingta het kei hi. Himahleh hun paisa zaw paisa ahi a ban ah ka nu leh ka pa'n kei akipan haksatna tampi tak a thuak khit nung unle a hon iit na uh a kiamtuan kei hi.

Damdawi inn ah ka omsung in ah ka khamtheih duhna in hon phak chiah haksa sa lua mahmah ka hih ziak in ah ka Pa hiam ka Nu hiam zum leh zah khuallou in ah a hon pe mai uhi. A ut pen uh leh a deihpen uh ahi hetkei himahleh ka khamtheih lou a ka hinna bei diing bang hial a hih man in ah ka nu leh ka pa'n itna ziak liuliau in ah hon pe sek mai uhi.

Ngaihdam theih diing vual in ka ki koih kei a, iit taak inle ka kikoih louh man in ah  Ngaihdam ka ngen ngam pah kei hi. Himahleh damdawi inn ka lut nung ka ihmut masak in ah mang ka nei hi. Ka mang(dream) in ah suang manpha liantak khat ka mu hi. Kipak mahmah in ah ka Pa pe diing a ka kisak chiang in ka suangmanpha muh pen giksa in ah ka pa ka pezou kei a, ban ah ka pa'n lah a gaal in ah ka khut bat sawm hi omtak in ah sisan luang kom in a khut hon khak a himahleh gik ka sak luat ziak in ah ka pekhe theikei hi. Thakhat in ka pa hon mang thut in ah hon khanglou sak a "PA" Chi in ka kilou kheloi hi.  Ka pa'n hon naihphei pah a ka tal hon zut sak hi. Ka pa pautam ngellou ahihtoh bangleng hon gen tuankei hi. "Pa hon ngaidam in aw" chihteng ka dawngkhe lauh a ka pa'n lungkim chi tak in ah a nuihmai meel tak toh ka tal zut kom in a lu a su ngaungau hi. Ka lungsim a zangkhai tuan a ka pa' nuihmai hichi bang haksatna lak ah ka muh theih ka lungkim peetmah mai hi. Ki niamkiak a Pa te mai a ngaihdam nget suangmanpha sang mah inle manpha zaw in ka koih hial hi.

Ka nu toh damdawi- doctor te' hon piak hilou, kei haiman leh ka motman a ka nek khak damdawi tang san heuhau ka kipiak tuah laitak un damdawi inn a ka room kongkhak bul uah numei khat hon lut guih a kei leng ki guih in ka tui toh a damdawi ka kam a omlai phihkhia kha in ah a damdawi tang pen bang tuanglai ah tuuk pal pal in numeinu' khebul ah tukha chet hi. Ka zum dan bang a sau lam a teh di hileh great wall of China tuk a sau bang in ngaihtuah leng ki khial law din ka gingta kei hi. Numeinu pen ahihleh Momoi ahi a kei damdawi inn a ka om sung a ompih dia a pa'n hon sawl ahi hi. A pa ahihleh hon phukha tupa ahi a himahleh damdawi inn a ka ki etsak man teng uh hon piaksak pa ahi hi. Hiai kia hilou in ah a tanu meelhoihtak Momoi kei kemdia a phatuam ngaihna ziak liuliau a hon sol ziak in Momoi te pata tung ah leeng kipahna toh kisuanlahna in ka dim hi.

Momoi in hon pai nasan hon gen khit in ah ka nu leh ka pa'n kisuanlah huai sa in paikik di'n a sawl uhi, himahleh a sawl zou kei ua kei a guuk in kana nui heuhau hi. Pasal chuh numei kianga om nop sa himhim ki hi naven. Momoi a hih leh sam sau mi ngou leh din sang lawlou neu fel litlet ahi a ka mit la thei chi tak hi in ka thei hi. Ka na veel veel a a mit a lian a asiang a atung ah mit khep nalh deuh mai in a chei mawi hi. Make up chih te vel zang tam lua in ka thei kei a a meel a siang ka mit ala mahmah hi. Damdawi inn a om himah leng a langkhat lam ah Momoi toh omkhop khak kana kipak gu sim mahmah hi. Ka vante uh khong hon hepsak a ka nu kithuahpih theih nana a kithuah pih in sun hun hon zatpih hi. A aw suak a neem mahmah mai ban ah a pau ut a sun nitum in chim lou hial in hon koih zou hi. Ulal chi in a hon sam a kei bang ka din mun et in ah 'u' chia saptak ka kisa hetkei hi. Nitaklam khomui kuan a hon hih in ah ki suhalh khia ding chi in a hon pot pih hi. Damdawi inn a Tribal Park kichi Kum 10 paisa a Martyr a ana site theih gige na dia kibawl na mun ah singkung nuai ah ka va tu uhi. Ka gaal uah mi vasa a kop kop a tu le hun awl zang khawm in leh damlou mi bangjah hiam leng huihsiang diik in ana om uhi. A kopkop a omte bang lungsim guk ah kana eng gusim mok hi. Kei di banglou tak in ah chik mah a ngaihzawng neih dia le ana koih khalou pa'n Momoi hoih ka sa pan ta hi. Hampha ka kisa petmah a hichi bang a nungak hoihtak in a hon kep khak. Momoi toh thu vantang te kihou in ah ann nek hun matan park ah hun ka va zang uhi. Nitaklam dak 4 a pelh lak in ah Momoi in " Ulal, innlam ah ann nek hon na ngak uh ahihman in kei ka pai hut dek di hi ve aw"

"Eh! Ann ne in chile lah damdawi gim teng toh na vah in na ne zou tuan kei dia na pai mai kei dia mawle"

"Huaile himah eh, a nop emaw I om na mun, hiai ah na om sung kon hoh khak chiah i hohkhawm sek kei dia mawle..."

"Hi e tham, na thu thu aka, eh, ana hah liam deuh in ah damdoi inn a sawt om deuh di khong hileng ut huai hive aw maw pau selouh a hehehe"

"Sap e... hai paupau... na room ah kon kha dia huai apat inn ka pai di awle?" (nui khahkhah kawm in)

Room a hon khak zoh in Momoi innlam zuan in hon paisan ta hi.

Momoi in hon paisan leh thawmhau ka kisa mahmah mok hi. Sun a ka hun zatdan te uh ngaihtuah in ah damdawi inn sung a ka lupna tung ah lum in ka ngaihtuah dedu hi. Nitaklam khomui kuan hon hita ahi a ka guh ka taang hon zau panta hi. Ka lungsim ngaihtuahna ah Momoi ngaihtuah mahleng ka taksa in hon hil in ah damdawi ka duh hun in hon pha nonta hi. Ka nu ka sam phei a ka ngen a deihsakna lianpi toh utziak hilou in sih leh hin kikal ahihziak in ah ka nu toh ka kipia uhi. Ka nek khit in mobile phone ah game khong kimawl in hun ka zang hi.

Nitak dak 7 vel ding in ka kinep louh pi in ah Momoi te anu toh apa toh anaute nih toh a sungkuan un veh ding in hon hoh mok uhi. Momoi ka muh in ka halh guih a ka khamtheih kham lam le ka halh zot zou hial hi. A nuihmai toh hon nuilut seusau a ken leng nuihmai tak in phunlou paulou in ka muk in kana dawng thuk hi. Momoi in hon houpih pah a nop kasa tuam mahmah hi. Nupi teng houlim khatna, papi teng houlim nihna a zonglai teng houlim thumna leh naupang kum chinglou teng anu kiang uah chia khen deudau theih di khop in kou tumtum in ka kihou sauhsauh uhi.

"Ulal, tuni kapai a bang ana hih e? Hon na miss thou di neive maw? hehehehe"

Nui heuhau kawm in ah "Hahahaha kon phok non khol sam.. haha chih maimai eikhah chimtham, phone a game khong kana kimol khemkhem hiven, ann tam nava ne hia?"

Alu hei kawm in ah " chih maimai hi ei.. eikhong miss tak himahmah khang hahahaha. Tam nethou chih di hinteh.. nangla bang ne e?"

" khempeuh de.. hon miss lele miss thawn dilel ihih chia nanglah non phok louhlouh ditoh maw... theilou bang le ale ka meh ule.. voksa hileh kilawm hihi.. duhsim"

"Khai..voksa khong khemkhem iduh tak in dinosaur hou khong haksa pipi in i bawlbawl mok di hia haha"

Momoi hon thil gen ka nuih zalua mahmah a mit tum zen in ka nui hi. Ka thawm uh ngaih sim ahidiam ah houlim khatna leh nihna ten hon enphei heuhou uhi.

"Kamai, dinosaur hi zezen seisuii eive chiau thei lokoh naupang pang"

"Haha pauthei mah sih diaii... eh! Ulal pen khong na kem kha zenzen am?"

"Theihetlou maw huah na paam a box te en sin ve a om am? Bang dile athahah a?"

"Ana khawl oh!"

Box sung ah pen zong din hon ki hei khiat san hi. Akhut ah pen khat toi kom in ka kiang ah hon tutou nawn a...

"Na khut hon pe di le aki tuam lam"

"Hi.. nang a aka.."

Ka khut ka pia phei a.. a phei tung ah nga kawm in ah akituam akhauhte tung ah bang hiam hon gelh sak hi. Theih ut na in ka pumdim hi.

"Bang la na gelh dek?? Pak lim khong hingal kenteh maw??

Dawng leeng hon dawng man zezen lou in a thil gelh ah tuitum mahmah hi.

"Kin ou moi.. ka mu ut gop"

" ana khol ve tetot chin hahahaha"

"Kin leteh himai kin ouu na pai uh hut man na ve aw"

"Ki giah som a.. non ngaihkei lelah ka pai mai kei dia..''

"A giak ut di chihle hilou mi kinemthawn sak giap teh selsol.."

"Hi hi... ka gelh zou.."

" woooooooow very nice!"

Momoi limgelh siampi ana hi hi. Ka khut kituam na mun ah lungkhoih huaitak in pa-ta ki liang-ko-nou puak lim a nung lam uh ana ki gelh a ka en veng veng a ka lungsim hon khoihkha mahmah mai a ka gaal atu ka pa bang ka et phei leh vaak tuam leh hoihpen bang in ka mu zou hial hi.

" moi?? Kipak!" Chiteng in ka dawng thei a ka nehnou tha hon suak mok in ka pa ka ngaihtha hon suak law thut hi..

"Hey hey, ulal, nn kap nemnum kha de.. denchiah kon vuak kah hon sa di eive ua.."

Nuihmai tak a ka mai nuul kawm in

"Seisui mai moikhote.. chiau a chiau thei zomah haha lim gelh siam zomah wowwwwwww"

"Haha lalkhokeeng..eh bangtan om di e damdawi inn a?"

"Zingchiang khoh pawt din ka ki gingta bachia e moi?"

" pawt leuteh iki mu kha non mah de aw maw??"

" haha non miss mah di..." Kachih seisai leh hon nui thuk kei a ameel ana serious sim mahmah mok a ka nuihkhak ka kisuanglah thak sim zezen hi.

"Hey? Bang chi e moi??

" bang chi lou"

"Heh mo??"

"Haha heh nadi thu bang om la aw??"

" hehe.. a heh nabang lovoi"

Nuihmel kilak tuah mah le ung ka lungtawng uapat hilou tuak ahi chih ka haih kei hial hi. Himahleh mi'n bangmah chilou a chihleh va dot tuantuan dile kisuanlah huai kasa hi. Kuate hiam bang ale aki zei lawtel louh ziak leng hideuh maithei ding hi.

"Moi?? Thilkhat kon ngen aw??"

"Hmm.. bang e ulal?"

"Na phone no. Hon pe ve hehe. ka pot khiat chiah kon watsapp nadi"

Momoi leeng hon nuihmeel deuhta a " ana gelh khia ou - ' m, n, 0, 2 A ' haahahaha"

" na phone transport office a nava register hia? Gari no. Toh kibang hahaha"

"Hahahaha... gelh ou lalkeeng '98********' hiai hi.. na gelh thei na maw?? Eh.. koi na poilong khut pi toh ken kon gelhsak mai"

"Nungak ei siisee mai ale.."

No. Ka kipiak khit un ah ka kick hon pai in ah ka hakzou kei dekdek hi.. hak teitei ka som in ka hak diau diau a himahleh ihmu labang lah ihmu lou in mi gen za miilmial in ka om neinuai hi.

"Kare.. geet aw.. ihmu suk mai o.. ka pai diu.. mangpha ou ulal.."

"Eh.. paidek umo?? Mangpha uau.. zingchiale hon hoh non uau"

Nibangzah hiam damdawi inn ah ka om nung un ah Doctor te'n hon pawtsak ta ua kei leng damsot law ta in ka ut nana ka hohthei non ta hi. Momoi toh leng hon fone no. Piak tungtawn in ka kihou zel sam uhi.

Momoi toh ka kineel panpan ta ua himahleh itna simthu leel ding zawsam ka omkei uhi. Khamtheih toh ka iitna uh leng tatsat lou in kip veve hi. Dam panpan, ka khut tuam lai mah leng lawmte toh kholak ah ka kithuah thei non ta ua, ka iitpen toh niteng in lu le taw phoklou zenzen hun ka zangkhom nonta uhi.

Ka nu leh ka pa te'n hon khaam zel mah le uh a lohsam zel ua himahleh damdawi inn apat ka pawt nung in ah ka iitpen toh hun ka zatkhop chiang in ka lungsim ah thawmhau na chikhat ka nei a ka lungsim nidang bang in a nopthei non kei hi. Ani ani in ah ka iitpen toh ki gamla deuhdeuh bang mah le ung khen ding simthu ka leel zou kei hi. A hun in hon phak chiang in ah ka guh ka taang te hong zau zeel ahihna ah ka tawpsan thei himhim kei hi.

Haksatna hon ki behlap touzel in ah ka nu leh ka pate'n ah khamtheih toh nidang bang a nuam sa lawtel non lou ka hih lam atheih tak man un sum leh damdawi piak hon kholsan ua kei leh kei ka kitou delh tou maimah hi.

Nikhat tasam gop petmah in ka om a cheng khat leng neilou in ah khamtheih zong ding in ka vak khia hi. Ka lawmten hon na hawm ut non kei ua amau leng amau khamkhop muzou hamham ahi uhi. Atop top in ah beidong kisa gop in ah Momoi ka houpih a amah kiang ah kava tai hi. Khamtheih man ding ahih athei chiang mahmah a himahleh amah leng piching khat ahihna toh nelou a om a haksatdan theizek ding ahihna ah a utpen hikei mahleh nikht man ding kon pe ding hon chi hi. Kei leng a kin thei lam in Momoi te innlam zuan in ah ka paitou pah hi. Momoi te inn ka tun in lut din hon sam a himahleh duhgawp ta ka hihna ah ka nial hi. Aman leng hon theisiam mahmah ahi diing a sum hon pe pah a hon piak zoh phet in a lei diing in ka kuan khepah hi. Lampi ah ka chi liing hon kipan in ah ka om noplou petmah in hon noplou hi. Amun ka tung in ah lawmte bangzah hiam ana omchet uhi. Ka chi lah liing gop ka guh lah zaau gop ka chiteng lah om belbul gai ahihtak man in a tang hihleng hun kivei ding ahihna ah huai kaal leng ngak zoulou in a kap thoh hihmai ding chi in a kap thoh lak kasawm hi. Vangsiat huai tak in ah Momoi hon sumpiak in ka daih zoukei hi. Chimoh lungkhm kisa in ah sum akin theilam a muh na diing ka zong pan ta hi. Akin thei bang pen in innlam ka zuan kik non a inn ah kuamah ana omkei zenzen a phaze sa in ah innsung teng veel in kintak a zuak theih di ka zong panta hi. Innsung ah van guk kipan ka hita mai hi. Ka nu' puanteen agat thoh te khat maikhe zok in ka taipot hi. A zuak nadi leeng k theituan kei a himahleh lawmte panpih na in kap khat man di khop in kava khong khe zou hi. Lawmte'n sigui ah hon kaplut chen chen ua ka thuakna teng chu bangtan hiam hon nuam phot ding hita chi in mun khat ah ka om dildel ta hi.

Khua ka phok non inn lam zuan a ka pai tak in khua ana mial ta hi. Lampi a ka dak velvel leh dak tam ging simta ahi ngei dia khua adai mahmah ta hi. Lampi neu khat tawn a ka pai leh dai kil khat ah aak haam ka za hi. Keileng lampi pailai dinkhawl zen in ah ka kingaihtuah hi. Zungchiang adi man ding neilou ding ka hihdan ka kiphok khe thak a aak guk didan lampi ka ngaihtuah ta hi. A dai leeng hoih khollou hiven dai a lut in aak buk kava sok hi. Vangsiat huai tak in aak neite khat zun non dia hon pawtkhia zaw hidi hon tuak kha chitchiat hi.

" hey guta! Khol oh!" Chih toh thuah in hon delh hi. Ka ngaihnou gu hatlua ahihchiang in ka tha hatkei a ka tai zou hetkei hi hon delh kom a "guta guta" chia aki kou in ihmu te leeng phawng in tangval leh papi hon in hon man uhi. A tuak masa sa in vuak hon thuah ua si kai niuniu in khuam khat ah khih belh in ka om hi.

" Nu aw na lua ei... hon panpih ve maw nu.. pa.. koi ah om uh e?? Na lua eive.. na tapa uh hon iit non lou umaw nu?? Hon ngaidam ve ua maw nu.. hiaibang in om non kei ning maw nu aw.. hon panpih ve nu.."

Khitui naptui sisan luang in ka nu ngai in kahtam ka lou a himahleh ka nu'n a zapha kei hi. Heutu te'n ah ka phone hon laksak in ah ka nute phone ua hon pikhe diing in sam uhi.

Ka nu, ka pa.. hon iit gige hon khotuah gige guta ka hihlai aleeng hon iit a pi diing in hong tai ua. Ka nu'n hon muh phet in hon angkawi in ah asi bang khop in hon kah khum zoizoi hi.

"Bawi... bang hih na maizen a... poi hina maizen emaw bawi... kei mohna vek ahi bawi... hon ngaidam in aw .. na neulai in a lam dik ah kon na pi khakei a ahi bawi... bang chi na maizen a..." pauthei lou phial phial in milak chilou in hon kahtam khum hi. Kim leh kiang aten mak hon sa zezen ua hon hehpih zezen uhi. khenkhat bang mittui ana guk nui pawl om inleng ka thei hial hi. heutu ten hon khihna uh hon phel in ah office ah hon tonpih in ah thuhilhna hon nei uhi. Thuhilhna hn zoh tak un innlam zuan in ka sungkuan un ka paita uhi.

Guta a kimat chih kei leh ka sungkuan te adin bangchituk in a zahlak huai dia? Ka nu ka pa' lungtang bangchi tuk a na a sut in a omdia.. ka ngaihtuahna inle a baan kei hi.

Inn ka tung un ah ka nu'n tuilum in hon zut a anop tuam mahmah hi. Ka pa ahihleh hon gen didan le theilou zen in innsung ah kivial lehleh hi. Apau zawsem omlou in ah ka dai khipkhep jejen uhi. Ka nu'n ah tuilum a hon jut khit in ah ka ihmutsan ta hi.

Zingkal ka khanloh in ka tung ah vaak miil mial nidang a ka thohchianga ka muh ngeihlouh vaak in hon salh ka mu a ka khanglou hi. Mak satak in ka kiim ka daak leh Damdawi inn ah zingkal ka thou khe maimah hi. Ama nitak ka ihmut nung khua ka phok non kei himhim a tua ka hon phok pat ahi. Lamdangsakna toh lauhna toh ka dim a ka kiang ah ka nu lungkham meel tak in ana tu hi. Ka nu ka aw suak zou sunsun in ah ka sam netnet a, " bawi thouta na hi maw??.. lauken aw bawi na kiang ah om ka hi" ka tal zut kom in hon chi hi. Zankim zankhang a naak zoulou a om ka hih dan hon hilh hi. Hamphat huai tak in serious law lou in ah nitak lam a pawtkhe thei pah ding ahihdan hon hilh a ka lung anuam tuam mahmah hi. Khotaang a kei bang bang a siatna tunte doutute khutlum thuakzoulou a damdawi inn tung ka hihdan hon hilh uhi. Ka nu toh ka kihoukhit un ka dinmun ka ngaihtuahna ah hong lut a Khamtheih guihtheih sal a taang haksa kasa deuhdeuh a kisikna in hon buak panpan ta hi. Ka Nu leh ka Pate hon iitna lian semsem ahih dan ka phok thakthak a thupi ka sa mahmah hi. A hon itna utoh ka dinmun teh theih vual kasa kei a himahleh nu leh paten zaw chiklai peuh a hon iit ahi uh maw chih leng ka phokkhe thak a ka khasiat tha hon suak mahmah hi. Ka kingaihtuah veng veng a ka lungsim guk ah chuh ka hindan khek utna lungsim ka nei pan dekta hi. Paulou phun lou a ka kingaihtuah dedu lai in ka phone hon ki vibrate cheuh in hon phawng guih hi. Ka phone ka et leh Momoi ana hi hi. Lungsim a kipak geugau in nui heuhau kom in message ka sim hi. 'Ulal dam zel mo?' Hon chi letlat hi. Kenleng damlou ka hih dan ka hilh a himah leh ka damlouh naziak gen ding haksa kasa mahmah mai hi. Ka ki text laitak un ah ka kingaihtuah thut a, aguk a Momoi ngai gu sim mok ka hi de aw chih keile kei ka ki dong hi. Kei Khamtheih ITNA LALGAM a teeng pa'n bang di'n Momoi ka ngaingam mahmah dia? Ngaithei lou diing leh itna simthu lel theilou ding kahi chi in ka thupuk daih hi.

Thupuk lou ding chimah leng Momoi toh ki hou nop kasa a, ka hihna toh teh in hon houpih dan a neem kasa a amah toh kihou leh omkhop nop kasa mahmah hi. Momoi inleng nopsa ahi ngei ding a sun nitum in ka kihou in ka kitext den thei uhi. Damdawi inn a ka pawt hut nawn matan ka kihou suak charchar uhi. Nitaklam khomui kuan in ah ka glucose ki khai abei toh kiton in Innlam zuan ding in ka kisa khe ta uhi.

Innlam zuan a ka paina uah ka pa'n ah ' bawi, na om anop deuh ta maw? Bang na chi a"

"Ka tapa tang neihsun hi chin a, ka gou leh ka khang gui bawltu ding le na hi a na hichih louh diing eive bawi, hon iit lua ka hi uh, khamtheih a hinga hiai khovel i hinsung tomkhah na zatbei ding ka ngaihtuah chiah kei na pa bang chituk in ka lungkham dia hon ngaihtuah zel in aw bawi, thakhat thu in zaw na hon tawp thei pah kei na dia himahleh Pathian, thilbangkim hih thei imuang dia amah kiangah panpihna i ngen dia, anbang na iit khamtheih toh khending simthu hon leel ve maw bawi... Zan nitak in khophawklou leh naksam in na hon om a hon paisan ding hon na sa ka hi, tua na hon paisan ding zaw ngaingam mahmah lou ka hi uh aw bawi. Na neulai in na lampi tot na diing diktak hon na sialsak khalou ka hih uh ka kithei mahmah ua na ngaihdam leeng ka hon ngen, tu in zaw Pathian panpihna toh na lampi diing i sial dinga hun paisa tuh paisa ahita dia mailam hun en in Pathian muang in i kalsuan ta diing aw bawi, ka hon iit lua.." hon houpih khit in ka liang ah hon beeng thauhthauh a ka lungsim ah ka kipak mahmah a himahleh ka kisikna in ka lungtang hon sun tenten hi.

Innlum ka tun un ah ka pa'n Pathian kiang ah Kipahthu genna hon nei a kei ka room lam ah kava lum hi. Ihmu ding chimah leng ka pa' hon thugente leh hun paisa a ka thilhih tengteng ngaihtuah in khase tak in kuamah theihlouh kaal in ka lupna ah ka na kapkap hi. A tawp tawp in ah khakham vei ding bang hial khop ka hihna ah ka pa'n Pathian muan ding hon genkhak ka zak khak ka phok khe thak a Pathian kiang ah thuumna ka nei hi. Hihtheih tawp gen theih tawp a gen in ka thuum a ka thuum khit in ah ka ihmu thei khong a ka ihmu suk hi. Pathian in hon na ompih lou hileh tuni tanpha damlai diing in ka kikoih kei hi.

Ihmu panpan ka kisakleh ka khanloh non in ah khua ana mial bikbek manta hi. Ka nute lum diing un ana kisa man ta ua lamdang kasa sim hi. Nitaklam ihmu khanglou chu ki thouhai deuh sim hiven ka nute bang lamdang sakna in ka dim hial hi. Ka kihah siang khit in ka chim mahmah a Momoi ka text kauh hi. Ka damdawi duhna in zaw hon phongphong zaw hia hilele ka kidek panta hi. Momoi in hon thukpah kei a ihmukhin di houh kasa hi. Sawt simtak aki vei nung in kineplouh pi in message hon lut a ka etleh Momoi ana hi petmah hi. Damdawi inn ka lutna tungtang ah ka damtheihna lam bang hon dong kual kual a hon hungaih mahmah hi. Momoi ngaihnat huai mahmah a ka gen gige sa mah bang in a neem mahmah a keibang leltak tung a a hoihna aki latsak kei adin hamphatna lianpi a ngai in ka kipak petmah hi. Bangteng hih in kuateng toh ki hou lengle ka ngaihnou ka ngai a tang bangzah hiam nitak ka ihmut theih nawn na ding chi in ka baak lut zat hi. Momoi toh ki text lai ka kisak leh ka gim theng lawtel lou ahi dia ka ihmut san kha hi.

Kisikna leh ki bawl hoih utna nei panta a pawt leh lawmhoihlou thuah ka kidek panta hi. Ka kibawl tung in haksa kasa mahmah a himahleh ka pianpih mihing hoihna omte van a zang in ka siatna ka dou hi. Suun a kick sim niuniau a om in ka chim mahmah sam hi. Hichia keile kei kidou a siatna apat hoihna a kikhekna utna lungsim ka neih Pathian in hon na mu a hon panpih ut ahi ngei diing a, lawm hoihloute ngai vungvung a ka omlouh na diing in Momoi ka kithuahpih ding in hon hoh mok hi. Kongkhak ka hon a Momoi nuihmai tak a kong biang ana ding ka muh, tunitan pha ka mit ah alang lai lai hi.

Momoi kicheithei lua mi hilou leh make-up ngaina lou mi ahihna ah a meel etlawm kasa petmah hi. Hiai simleitung ah TV hi in koi peuh hitaleh Momoi bang a ka mit hiip ding nungak ka muh khak lam ka thei ngeikei hi.

Kongkhak bul ah mit phe lou zen in ka en dedu kha zezen hi.

"Hon lutsak somlou maw?? Nang hichia hon enen dia kei dingding mai di??

"Eh... haha.. hon lut lawtel aw na utleh le na giak di.. a si a vangam a angel mu kisa ika hia.."

" haha.. angel tele hoih chi kei thei na uh e.. neu sim letlat uhia?"

"Sap lawkei leteh himai.. non hoh dilam hon gen leteh zingmai bek ana phiat di hinga"

" sap le non copy peih hahaa"

Common room ah ka tutpih a t.v khong en in ka om uhi.

"Eh Mawi, hon hoh nahi maw? Hon fel na chiah... na lawmpa le chim lua ngut hiven.. sawtpi om in aw" Ka nu phaitam a huan khou khinphet Momoi amuh leh kipak mahmah hi.

"Hmm... damlou chi a hong hoh suk himhim ka hi."

"Ulal, a himhim a bang chidan a dandawi inn na na lut khak non la?"

Hiai dotna dawng ding ka de aw?? Dawng leng bang ngaihtuahna a nei de aw? Hon paisan vengveng mai mah de aw?  Dawnna piak di ka huphulh mahmah hi. Himahleh Momoi ka lawm naipen hita ahi a zuau gen ding ka ngam kei hi.

" imaw... ka khamtheih hih chu na theivoi maw... sum lah nei non lou inga beidong lua in chikmah a gu ngei le hilou pi in aak kava guk dek leh honki man inchin azoh hon vua unchin nitak gimse sim ka hi di khua ka phok non a damdawi inn a thou khia hehe."

Paulou phunlou in Momoi in awl in alu hei in a mai seel bawl hi.

"Bang chi? Non ki heisan maimah a... noplou eive hon ki heiphei dile Moi?"

A sakmel etlawm ka muh theihlouh dia hon seel ka pawna mahmah, himahleh a meel mu di'n chin ka ki sa kei, a khabe a dop phei a awlawl a "naau" chi zen a sap ka ut mahmah. Ka dinmun ka ki en a ka kithei chian mahmah a kei guta, khamtheih sal a taang pa'n bangdi'n a sianglou khut in momoi ka hetkha ngam dia? Kam a neem theihtawp a neem in ka sapsap leh hon ki heiphei khong hi.

Ka lungsim guuk ah " aw..naau, hon ngaidam mahmah in, kei bang leltak ziaka na khitui manpha taak khat lel leng a luang diing hilou eive, na hon iit chih ka thei naau, himahleh ken leng ka hon iit hon chihthuk diing ut lua hiveeng, ka nunna niam lua ei naau"

Chi in ka lungsim ah ka kap ekek petmah hi. Momoi in ka omdan,ka gamtat dan hon puaknat pih lua ahidia a khitui kei ziak in a luang a ka khase peetmah a ka hindan paisa te kisikna hon behlap zou mahmah hi.

" Ulal, bang dia non hilh pah louh la? Koi laklak hon sukha uh a?? Nang thuk kik zoulou maw?? na khamtheih lei di na nek diing a deihlou pen hi lengle huai ziaka hichibang a guktak hial ding hon phallou hiveeng, kei kiang ah hon ngen lechin neih sunsun hon na hawm diing hiveeng maw."

Ana in anop ngeimai Momoi aw neem,khuaizu sang in leeng khumzaw hial hi kei adi'n.

"Mawi, kipah huai na e..."  Chiteng in ka dawng thei a ka mit ka sit leh khitui mal hong taak khe kelh kelh hi. Aki entuah ngam zawsam ka om kei ua kou mau zak di khop in lungsim tawng apat ka ki dawng ninilh uhi.

" ulal, tubaan zaw guktat hon som non mahmah kei ve maw... na nu na pa lunggim law diing ahi.. a meel et unle hon pawkhia ahi.. teek hiai hiai, a sam uh bang kaang hiaihiai bang hial ahi.. nang khamtheih na duh a na thuakna teng saang aleeng haksa zaw kha maithei ding eive a thuakna uh.."

Ka tong(elbow) hon leen phei a ka liang ah hon kingai suk hi.

Momoi hoih hina tel e.. thupi hina tel e.. kei bang leltak. Momoi ka ngaingei..ka iit ngei ka hinna gui ka iitpen khamtheih sang a iithuai zaw tham leh manpha zaw diing eive chih khong ka ngaihtuah hi. Bang chibang in ka dawng ta dia?? Hithei leh khutchin kom a tummang ka ut. Himahleh hinkhua ichih hiai ahi. Pathian zaw khentuam neilou ahi chih ka chian thak mahmah. Ka thuumna te uh Momoi tungtawn a dawn a om a, ka hindan khek na diing lampi Pathian in hon bawlsak hingei diing chi in ka kidek zou non kei a ka kapkhe hial hi.

Mai hum zen a Khitui nuul a ka om lai in Pathian in ka khitui hon nuulsak lailai...

Momoi in hon letna hon leenkip deuh deuh a ka baan ah hon zut in ka lungtang tamzak dek hon humbit hi.

"Ulal ei, na hon iit hia???" Ka kihum na khut hon lakkhiat sak in ka mittui hon nuul sak kom in hon en hi.

"Non iit kei leh leeng kon iit di ulal"

Kenleng a mai ah ka leen a ka khutpi in a khitui ka nuulsak sam hi.

" Naau, kon ngailua..." Ka chih zoh in gensau dah mai dia..

"Naau, nang bang chidan a piangkhe kha e?? Bang diing a ka kinep hetlouh leh khovel khenglamdang khop a kuamah kineplouh leh mite'n hai hon chih di khop ua na iitna nahon gen theih la??

Ka lianga kingai lai hon daktou kauh a hon nui seusau hi.

"Naau, kenle iki muh tuung apat in kon na mitsuan a ka theihlouh kaal in kon na iit mahmah ahi, himahleh ka dinmun nang leh kei van leh lei a kikhia ahihman in hon na gen ngam lou ka hi, nang na hon theisiam a, ka phulouh iitna na hon pia a ka kipaak law peetmah.. ka kipah dan a gen ding dan le ka thei zou kei.."

"Ulal, nangle na hon it a ka kipak lua aw... na pawlam ah khamtheih toh ki iit ngaimah leuteh na sunglam ah na hoih mahmah na hi, khamtheih khong zaw tupguh tak leh Pathian panpihna toh ngawl theih tham diing ahi aw ulal, kei a numei pen in kon gen pat pen zumhuai mah lele i kihou dan te kenleng nop kana sa gige a na hon iit din ka gingta a kenleng ka gingta. Hilele non itna na hon gen khiatlouh ziak ka thei a ken hon gen mai ka hi aw ulal."

" nau, hehe nang hon gen kei letele en i hon gen ngam mai zen di hia... i hon iit deuh leh kwi adia pamaih hon sa deuhdeuh ihih chia... ana iim iim ivoi naau.. anop ekhai naau.. na omsuak mai dia ka innsung dongta te singpi khai in na inn uah i sawl mai di hia? "

" hahaha pah zezen eive nangle.. nikhat le kingai nai lou a.. hahaha.. " chiamnuih thutak sim in " eh ka omsuak mai de aw maw.. mawle??" Nui ekek kom in hon chi zauzau hi.

" imoo ulal, I pangkhawm dia khatveitei kei toh ITNA LALGAM ah kei toh teeng khawm ni maw.. na khamtheih guihtheih te i paikhe siang dia.."

"Awle naau, tu in zaw ka pang taktak ta dia i vek ua pang in leh Pathian muang in kon kikhek ta di aw.."

Kaare hiaini nop himai ka lam et batlouh mang aleng ka mat batlouh a taktak a hon tung. Ka gelkholh sa leeng hilou ka ngaihtuah a leeng ka ngaihtuah ngamlouh Momoi toh itna thu leel in itna simthu suut khawm diing in ka hanchiam uhi.

Hun tomchik bang mahleh nitaklam ann huan hun bang ana himok a, nisa ka khelah mahmah.. tuni zaw hon tum hak deuh henla Momoi sawt hon omdeuh leh chih huai ngeimai, chiamnuih a omsuak diing gen bang in om suak sak mawk leng lah chiamnuih bang a nuih gige theih nading hon tawm lua khaleh chi in a pai diing ka phal mai hi.

Keel kong tan kava kha a.. ka kimuh tawp tan chet tan uh a tung in phone in ka kihou pah ngal uhi. Kei leh Ka naau Momoi adiing in hinna thak leh Nithak ahong suak ta hi.

Ka hinna thak hoih tou zel in ah Momoi toh leng fuh tou zel in kenleng ka khamtheih hih te khawl taktak zou naikei mahleng ka ihmut theih nadi vuak in ka neta hi. Momoi in ka khamtheih douna ah hon panpih mahmah a ka hinkhua hon khek lamdang mahmah hi.

Ka hinkhua kikhek chi mah leng a kha asim ka ki ngaih nung tanpha un leeng ka thilhih hoihlou ka tawpsiang theih taktak louh man in ah a chang in kiseel ka pan ta uhi. Himahleh ka iitna uh akip zoulai a,iitluat vaang in chi in chillum toh ka valh suk zel thei uhi.

Nitak khat Momoi te' inn ah ka hoh ngeina mah bang in ka va hoh leh ; tangval taksa hoih mahmah thrit thret leh samtom, misang, kicheidan leh smart mahmah theihsiam nop zaw din genle kei khamtheih hihpa leh bulh chet khat anu te toh hon lut uhi. Lamdang sakna toh Momoi toh ka dim ua ka na hah et mahmah uhi. Huai mipa'n lah Momoi enden a keitoh le achaang in ka ki entuah gemgam kha thepthup uhi. Nidang banglou tak in ah Momoi' nu'n ah hon houpih ngel kei a, a leengla khat pa uh limsak mahmah uhi. Ken kana muh dan in ah ;ka leengla pih pa'n Momoi chihbawl a asum le pai te suang a hon tuh khiat sawm di'n ka muangmoh pah hi. Himahleh Momoi in kei hon iit tak tak ahihna ah tua pa pen lim bawl khollou hi. A nu'n ahihleh pakta mahmah ahidia singpi bang hon awm zezen in nidang a nitaak a singpi puang awm ngei le hilou leengla dang a neih tak un a puang in limthei dipen in hon awm hi. Kei a guk in kana ki zephok mahmah a ka om lemthei non hetkei hi. Momoi, kei hon theisiam penpen leh ka nun leh ka tat zia theisiam pen ahihna ah nop kasak louhlam thei pah ahi ngei dia a guk sim lah akilang sim in ka khut hon letsak a nop kasa tuan mahmah a ka lungsim a muang tuan mahmah hi. Singpi dawn kom in momoi nu toh a houlimna uapan in chu Momoi toh ka lungtup uh mualsuah ngeingei ding ka ut uleh panmun khoh ngai mahmah ding bang hi. Momoi kiang ah amah vuak zaak din 'ka paidiam' ka chih leh hon phal nai mahmah lou hi. Atawp in ah hamphat huai tak in ka leengla pih pa pai di'n hon ki sa daih a keileng nidanga ka pai hun ngei mah a pai di'n ka tulai thak hi. Nitak zan sawt thouta ahihna ah gate a gari ging ka za a, neizou mahmah din ka koih ngal hi. Ka leengla pih pa' min Lialian ahihdan Momoi' nu toh akihou dan uapat in ka theikhia hi.

  

Momoi' nu nitak damlou veh a pawt Lialian hon ki khasak ahihdan khong hon gen in common room ua t.v etna ah hon tulut tei hi. Momoi' nu'n ah Lialian sepna khong hoihtak in hon gen a Momoi kiang ah zuak pian ahihdan akilang mahmah hi gen chiang ut kei mah leh. Momoi' nu genkhak te lak ah" ... khamtheih lah hihlou..." chih pen in ka sinlai guh hon sun kha peetmah hi. Ka kingaihtung unlah hon deihlou lua in ka theikei a himahleh tua Lialian hon kilak tak in kei khamtheih hihpa a vaal ding bang hial khop in phat theih tawp in ka mai ah phatphat in ah hon etdan bang tuam mahmah hi. Momoi kianga om himah leng anu' kampau te leh hon etdan te ka thuak zou non kei a dinkhiat ka som mai hi. Momoi in keelkong tan hon kha sek mahleh anu'n ah kongbiang tan ka tung un sam kik maimah a kongkhak ah mangpha kikhak in innlam ka zuan ta hi.

Lampi ah ka pai lai in ka kingaihtuah na paisau mahmah a, hiai khamtheih zaw a hoihna himhim omlou ahi chih ka theichian semsem hi. Himahleh achaang in ah a hoihlou lam in ka kingaihtuah kha zel a, hichituk a ka ngawlna dia panla inga ka hihtheih tawp a kibawl inga ka iitpen Momoi' nun ka kaal uah vai hon hawm sak ding ka ngaihtuah chiah ka kingaisia a a lom lom a baak a sihpah bang ka ut mai hi. Mialnuai a khosa vaak lam zuan a kapai na lampi ah mial in hon tuam nawn bang kasa hial hi. Ka khamtheih hihziak leh sum leh pai a chinlah man a Momoi chaan ding zaw ka ngaingam mahmah kei hi. Lialian lah chinzaw leh hoih zaw mahmah ahi a pawlam a et in himah leh a sunglam ah Momoi kei it bang in it zou din ka gingta theikei a it leng it zaw lou ding hi.

Inn ka tun in ah lupna ka ki deen na a, nidang a inn tungphet phone tungtawn a Momoi toh sawt pipi ki hou sek himah le ung tunitak ka kihou uh pai fuh theilou in mangpha ka kikhak pah ua ihmu hoih theilou in ka room a sana puak ging tektek ngai kawm in ka kingaih tuah nilouh hi. Pathian in hon ompih gige ahi diing a kisikna lungtang ka nei zaw thei a ka khamtheih hih ziaka a Momoi chaan ding ka utlouh ziak in tunitak apat a ne nonlou diing chi in ka thupuk zaw hi. Pathian kiang ah panpih na ka ngen a ka thuumna hon dawng ahi ngei dia tang khat leng ne lou in ka ihmu thei hi.

Zingkal ka thoh in ka lungsim ah kipahna in ka dim a Pathian kiang ah kipahthu ka gen ngal hi. Ka thohbaih loh zezen a ka nu'n bang lamdang hon sa hial hi. Lungsim kipak tak in ah Momoi zingpha ka wish pah hi. Aman leng lamdang hon sa zezen ahidia a paudan/gelhdan ah hon kipahpih mahmah ahihdan akilang mahmah hi. Ka nu'n ah ka omdan hon na veel mahmah ahidia, ka hinna thak kipah pih in ah kipahna mittui ana nuul kauh kauh ka mu hi. Atawp in ah ka nu leng kidek zou nonlou ahidia, innkong a ka pa' gari heksek silsak a ka omlai a kiang a tu din hon sam hi.

" Bawi, kipah huai hina tel emaw maizen, tua bang a piching leh fel tak a na nu na pa tha non khek kaal ngak a Pathian kianga ana thuum thuum mah hiveeng maw.. ka kipak lawpetmah bawi.."

Ka lu a hon zut in mittui pawt kawm in hon gen hi.

Keileng ki pasal sak zoulou in ka nu kiah den mah chia si ding khop a kahtam lou in ka tuunnu kiah ngaihdam ka ngen hi. " Nu aw.. hon ngaidam mai in aw nu, na tapa na hon itna theisiam lou in kana gamta khial a.. innsung ah kipahna tuntu dia kinepna lianpi non na neih lai un ah ITNA LALGAM ah khamtheih toh kana khosa kha, nu, imaw, khamtheih duh man a innsung a veeng leh paam zaak dia zahlak huaitaktak a innsung ah ka gitlouhna khutsuah a ka gamtat na a ka kitom te hon ngaidam in aw nu... nang leh ka pa simmoh a aw sang pipi leh na dip kua thei diing thil tampi ka hih khakte hon ngaidam un aw. Na hon itna uh na hon khotuah na kei adi'n lianlua maw nu.. innsung apan taikhia hina pi a tuahsiat tuak a panpihtu bei a si mai diing ka kisak lai in leeng na hon delh ua "Ka ta aw.." chi a na itna toh na anglum ua na hon pom ziak un leng ka kipak lua aw nu, na suanpen uh na kinepna uhleh na ta hawmthoh un na min ngaih uh Nu leh Pa na lawm leh gualte leh i hinpih mihingte mai ah tamvei tak ka hon na su khasia a himahleh a tawplou itna a hon iit ka Tuunnu na hih ziak inleng ka kipak, Nu aw... na tung ah ngaihdam nget seng louh leh kipahna gen seng louh ka nei. Nu aw ka kipaak lua aw.''

Ka nu mai a khukdin zen a ngaihdam ngen a ka om lai in kongkhak bul ah ka pa a mit nuai in ana ki diik hithit ka mu hi. Kin a kin a tai phei in ah

Aw liing pepelh kawm in  " PA........." Chia kikou phei kawm in ka pa a si a hon thou non bang hial in a ngawng ah ka kawi phei a...

" Pa...Pa...... Pa aw... na tapa nahon ngaidam theidiam?? Imaw pa.. zan nitaak a Pathian in i thuumna te uh hon dawng inchin maw... Pathian muang ding chi a na hon hilh bang a Pathian kianga thuum a ka omleh; nang leh kei kaal a i meelma leh hon doudou khamtheih itna lalgam apat suakta a khamtheih hihlou a ihmu theita keive pa... Pa, kisikna a pumdim leh ka hinna paisa te et in na ta diing un leng ka chinkei himahleh na hon itna a thupi a ka kipak lua pa.. hon ngaidam in aw..."

Ka hinna thak hoih tou zel in ah Momoi toh leng fuh tou zel in kenleng ka khamtheih hih te khawl taktak zou naikei mahleng ka ihmut theih nadi vuak in ka neta hi. Momoi in ka khamtheih douna ah hon panpih mahmah a ka hinkhua hon khek lamdang mahmah hi.

Ka hinkhua kikhek chi mah leng a kha asim ka ki ngaih nung tanpha un leeng ka thilhih hoihlou ka tawpsiang theih taktak louh man in ah a chang in kiseel ka pan ta uhi. Himahleh ka iitna uh akip zoulai a,iitluat vaang in chi in chillum toh ka valh suk zel thei uhi.

Nitak khat Momoi te' inn ah ka hoh ngeina mah bang in ka va hoh leh ; tangval taksa hoih mahmah thrit thret leh samtom, misang, kicheidan leh smart mahmah theihsiam nop zaw din genle kei khamtheih hihpa leh bulh chet khat anu te toh hon lut uhi. Lamdang sakna toh Momoi toh ka dim ua ka na hah et mahmah uhi. Huai mipa'n lah Momoi enden a keitoh le achaang in ka ki entuah gemgam kha thepthup uhi. Nidang banglou tak in ah Momoi' nu'n ah hon houpih ngel kei a, a leengla khat pa uh limsak mahmah uhi. Ken kana muh dan in ah ;ka leengla pih pa'n Momoi chihbawl a asum le pai te suang a hon tuh khiat sawm di'n ka muangmoh pah hi. Himahleh Momoi in kei hon iit tak tak ahihna ah tua pa pen lim bawl khollou hi. A nu'n ahihleh pakta mahmah ahidia singpi bang hon awm zezen in nidang a nitaak a singpi puang awm ngei le hilou leengla dang a neih tak un a puang in limthei dipen in hon awm hi. Kei a guk in kana ki zephok mahmah a ka om lemthei non hetkei hi. Momoi, kei hon theisiam penpen leh ka nun leh ka tat zia theisiam pen ahihna ah nop kasak louhlam thei pah ahi ngei dia a guk sim lah akilang sim in ka khut hon letsak a nop kasa tuan mahmah a ka lungsim a muang tuan mahmah hi. Singpi dawn kom in momoi nu toh a houlimna uapan in chu Momoi toh ka lungtup uh mualsuah ngeingei ding ka ut uleh panmun khoh ngai mahmah ding bang hi. Momoi kiang ah amah vuak zaak din 'ka paidiam' ka chih leh hon phal nai mahmah lou hi. Atawp in ah hamphat huai tak in ka leengla pih pa pai di'n hon ki sa daih a keileng nidanga ka pai hun ngei mah a pai di'n ka tulai thak hi. Nitak zan sawt thouta ahihna ah gate a gari ging ka za a, neizou mahmah din ka koih ngal hi. Ka leengla pih pa' min Lialian ahihdan Momoi' nu toh akihou dan uapat in ka theikhia hi.

Momoi' nu nitak damlou veh a pawt Lialian hon ki khasak ahihdan khong hon gen in common room ua t.v etna ah hon tulut tei hi. Momoi' nu'n ah Lialian sepna khong hoihtak in hon gen a Momoi kiang ah zuak pian ahihdan akilang mahmah hi gen chiang ut kei mah leh. Momoi' nu genkhak te lak ah" ... khamtheih lah hihlou..." chih pen in ka sinlai guh hon sun kha peetmah hi. Ka kingaihtung unlah hon deihlou lua in ka theikei a himahleh tua Lialian hon kilak tak in kei khamtheih hihpa a vaal ding bang hial khop in phat theih tawp in ka mai ah phatphat in ah hon etdan bang tuam mahmah hi. Momoi kianga om himah leng anu' kampau te leh hon etdan te ka thuak zou non kei a dinkhiat ka som mai hi. Momoi in keelkong tan hon kha sek mahleh anu'n ah kongbiang tan ka tung un sam kik maimah a kongkhak ah mangpha kikhak in innlam ka zuan ta hi.

Lampi ah ka pai lai in ka kingaihtuah na paisau mahmah a, hiai khamtheih zaw a hoihna himhim omlou ahi chih ka theichian semsem hi. Himahleh achaang in ah a hoihlou lam in ka kingaihtuah kha zel a, hichituk a ka ngawlna dia panla inga ka hihtheih tawp a kibawl inga ka iitpen Momoi' nun ka kaal uah vai hon hawm sak ding ka ngaihtuah chiah ka kingaisia a a lom lom a baak a sihpah bang ka ut mai hi. Mialnuai a khosa vaak lam zuan a kapai na lampi ah mial in hon tuam nawn bang kasa hial hi. Ka khamtheih hihziak leh sum leh pai a chinlah man a Momoi chaan ding zaw ka ngaingam mahmah kei hi. Lialian lah chinzaw leh hoih zaw mahmah ahi a pawlam a et in himah leh a sunglam ah Momoi kei it bang in it zou din ka gingta theikei a it leng it zaw lou ding hi.

Inn ka tun in ah lupna ka ki deen na a, nidang a inn tungphet phone tungtawn a Momoi toh sawt pipi ki hou sek himah le ung tunitak ka kihou uh pai fuh theilou in mangpha ka kikhak pah ua ihmu hoih theilou in ka room a sana puak ging tektek ngai kawm in ka kingaih tuah nilouh hi. Pathian in hon ompih gige ahi diing a kisikna lungtang ka nei zaw thei a ka khamtheih hih ziaka a Momoi chaan ding ka utlouh ziak in tunitak apat a ne nonlou diing chi in ka thupuk zaw hi. Pathian kiang ah panpih na ka ngen a ka thuumna hon dawng ahi ngei dia tang khat leng ne lou in ka ihmu thei hi.

Zingkal ka thoh in ka lungsim ah kipahna in ka dim a Pathian kiang ah kipahthu ka gen ngal hi. Ka thohbaih loh zezen a ka nu'n bang lamdang hon sa hial hi. Lungsim kipak tak in ah Momoi zingpha ka wish pah hi. Aman leng lamdang hon sa zezen ahidia a paudan/gelhdan ah hon kipahpih mahmah ahihdan akilang mahmah hi. Ka nu'n ah ka omdan hon na veel mahmah ahidia, ka hinna thak kipah pih in ah kipahna mittui ana nuul kauh kauh ka mu hi. Atawp in ah ka nu leng kidek zou nonlou ahidia, innkong a ka pa' gari heksek silsak a ka omlai a kiang a tu din hon sam hi.

" Bawi, kipah huai hina tel emaw maizen, tua bang a piching leh fel tak a na nu na pa tha non khek kaal ngak a Pathian kianga ana thuum thuum mah hiveeng maw.. ka kipak lawpetmah bawi.."

Ka lu a hon zut in mittui pawt kawm in hon gen hi.

Keileng ki pasal sak zoulou in ka nu kiah den mah chia si ding khop a kahtam lou in ka tuunnu kiah ngaihdam ka ngen hi. " Nu aw.. hon ngaidam mai in aw nu, na tapa na hon itna theisiam lou in kana gamta khial a.. innsung ah kipahna tuntu dia kinepna lianpi non na neih lai un ah ITNA LALGAM ah khamtheih toh kana khosa kha, nu, imaw, khamtheih duh man a innsung a veeng leh paam zaak dia zahlak huaitaktak a innsung ah ka gitlouhna khutsuah a ka gamtat na a ka kitom te hon ngaidam in aw nu... nang leh ka pa simmoh a aw sang pipi leh na dip kua thei diing thil tampi ka hih khakte hon ngaidam un aw. Na hon itna uh na hon khotuah na kei adi'n lianlua maw nu.. innsung apan taikhia hina pi a tuahsiat tuak a panpihtu bei a si mai diing ka kisak lai in leeng na hon delh ua "Ka ta aw.." chi a na itna toh na anglum ua na hon pom ziak un leng ka kipak lua aw nu, na suanpen uh na kinepna uhleh na ta hawmthoh un na min ngaih uh Nu leh Pa na lawm leh gualte leh i hinpih mihingte mai ah tamvei tak ka hon na su khasia a himahleh a tawplou itna a hon iit ka Tuunnu na hih ziak inleng ka kipak, Nu aw... na tung ah ngaihdam nget seng louh leh kipahna gen seng louh ka nei. Nu aw ka kipaak lua aw.''

Ka nu mai a khukdin zen a ngaihdam ngen a ka om lai in kongkhak bul ah ka pa a mit nuai in ana ki diik hithit ka mu hi. Kin a kin a tai phei in ah

Aw liing pepelh kawm in  " PA........." Chia kikou phei kawm in ka pa a si a hon thou non bang hial in a ngawng ah ka kawi phei a...

" Pa...Pa...... Pa aw... na tapa nahon ngaidam theidiam?? Imaw pa.. zan nitaak a Pathian in i thuumna te uh hon dawng inchin maw... Pathian muang ding chi a na hon hilh bang a Pathian kianga thuum a ka omleh; nang leh kei kaal a i meelma leh hon doudou khamtheih itna lalgam apat suakta a khamtheih hihlou a ihmu theita keive pa... Pa, kisikna a pumdim leh ka hinna paisa te et in na ta diing un leng ka chinkei himahleh na hon itna a thupi a ka kipak lua pa.. hon ngaidam in aw..

Ka nu mai a khukdin zen a ngaihdam ngen a ka om lai in kongkhak bul ah ka pa a mit nuai in ana ki diik hithit ka mu hi. Kin a kin a tai phei in ah

Aw liing pepelh kawm in  " PA........." Chia kikou phei kawm in ka pa a si a hon thou non bang hial in a ngawng ah ka kawi phei a...

" Pa...Pa...... Pa aw... na tapa nahon ngaidam theidiam?? Imaw pa.. zan nitaak a Pathian in i thuumna te uh hon dawng inchin maw... Pathian muang ding chi a na hon hilh bang a Pathian kianga thuum a ka omleh; nang leh kei kaal a i meelma leh hon doudou khamtheih itna lalgam apat suakta a khamtheih hihlou a ihmu theita keive pa... Pa, kisikna a pumdim leh ka hinna paisa te et in na ta diing un leng ka chinkei himahleh na hon itna a thupi a ka kipak lua pa.. hon ngaidam in aw..." *****

Ka nu leh pate'n hon pakta mahmah ua, a hon pahtak uh latsak na in ah ka pa'n aksa meh diing a lei ding in a hon sawl zezen hi. Chikmah a ka pa'n a thumang dia hon koihlouh , sawl leng hon sawl zoh ngeilouh leh sawl dia leng hon koih louh pa tu in ah thumang tak in ka kuan khe pah hi. Ka pa'n limtak in hon bawl in ah sungkuan kipak tak in ah annkuang ka umkhawm ua annkuang thuumna a nei khawm ngeilou himah le ung hiai ni chu ka pa'n ka vek ua sik le taang in ah hon nei in ah tai tak leh nop tak in ka thum un ka ne nainai zezen uhi. Ka pa mehbawl ngeilua leeng hilou, a tapa; a taimang bang khop in a hinna hoihlou te khek a hinna thak patna lungsim a hon neih kipak lua zaw ahi ding a ahih theih khomkhom in hon huan hi. A limdan a hihkeh a masala te zaw thukhat hitaleh sungkuan kituak tak a ann nek khop dialdial leh annkam bangle lim zou mai ahihdan ka phawk khia a ban ah nu leh pa kituak a ta thumang neih zaw ' Paradise ' toh kibang kichih na ziak ka phawk khe thakthak hi.

Annkam limtak toh ann nekhin in dining table apat ka dingkhe zou khong hi. Ann nezou phet in Momoi ka text pah ngal hi. Hoihtak in ka ki hou tou ua suun lak vel ahih in ah pawt ding in ka kizawn uhi. Keileng Momoi toh kimu ding chi in ah ki hoihsak theih tawp in ka kisa a, a smart law zetzot hikei lehle et a zahtak huai ding deuh in ki zuun in Momoite' innlam zuan in ka pawtkheta hi.

  

Momoi te' inn ka tung in ah gate mai ah car khawl ka mu a Lialian a hidi'n ka gingta pah hi. Ka dip bang kisai zen in leh ka nak bang kin huhu zezen in ah gate a ka lut leh kineplouh pi leh ka mang a leeng ka muh khak dia ka gintaak louh hinapi ka mittang nih neih te in Momoi te nuta leh Lialian gate lam zuan a hon pawtkhia ka tuak kha hi. Ka nervous na sa toh ka nak kinsa toh ka phu khawl zot zezen ka sa hial hi sap te'n 'my heart skip a beat' a chih dan te uh hidin ka um hi. Momoi in kei hon na mupah kei a, a hon muh ma in ah Lialian' tong a akhut zep tehtah kawm a len in ah hon pawt ua hon muh tak in chu kisuanglah ahi dia a khut khah pah hi. Hiai hun tak zaw ka mang lam himai leh ka chi tuntun peetmah a ka et na dinglam leng ka thei kei a, sakhau sawk kom a ding in mit phelou zen in kana en hi.

Momoi in hon muh tak in ah a meel a dah mahmah in ka thei hi. Amah deihtelna a hiaibang thil tung di'n ka gingta kei hi. A nu' lunggeel na a thiltung hidi'n ka gingta hi.Momoi in hou leng hon houpih kei na a himah leh a hon etdan in bang hiam hope omlai in ka thei hi. A nu toh Lialian hon etdan ahihleh starplus a vai seriel te a heh chiang ua aki etdan utoh kibang mai hi. Kei ka din na mun ah ding den in ah Momoi te car hoihdeuh mai khat toh taikhia ka en tum veng veng maimah hi. Momoi in kei toh pawt ding chi hina pi Lialian toh hon ki zuih pawt uh kei adin a haksat dan genzoh vual ka sa kei hi. Himahleh ka Momoi ka itna ziak in ah ka ki khauhsak a anu' thu utlou pi a mang hi di'n ka gingta tinten zaw hi.

Car a atai uh ka et tum khit in ah leitual ah ka tubial suk mai hi. Lungkham leh mangbang in ka om maimah a khamtheih hih khak ka kisak peetmah thakthak hi, ka lungkham ziaka hun tomchik sung khovel haksatna manghilh theih zual na dia va nek nawn mai ut mahleng ka pa' hon thuhilhna mah thuman in Pathian kiang ah panpihna ngen din ka thupuk thak hi. Mitsi dia kisa ka lu ka kuun suk leh gate ah gari horn ging leh ka min kilou ka za a ka et leh ka lawmte lak a khat Jojohn chia ka sap a gari toh ana om mawk hi.

( Jojohn ahihleh khamtheih hih ka kipat tung a ka kithuahpih khak sek ahi hi. Ka kithuah lai un ah a good boy pa ahi a, kou sang in ana kidek thei zaw hi a, rehab centre ah ana lutsan masa a huai nung tua ka kimuh nawn patna uh ahi hi. Mi hehpihna hau mahmah ahi a, kei bang adiak in hon deihsak a rehab centre a lut dek in hon hah zot mahmah a himahleh kana nial zou hi. Tu in ahihleh sum donna buk nei in ah khosa thei mahmah ta hi.)

Jojohn ka muh a kiang ah ka tai suk leh "Tuang ou" chih toh thuah in car kongkhak hon honthuah in ah keileng ka tuang lut pah ngal hi. Jojohn in Lialian' gari no. Ana chiamteh man ahi dia Momoi te' car omna mun a fone zang in hon zonkhiat sak a, a kin theilam in Momoi te hon delh zui pih hi.

Pathian thu i mang a a deihlam i hihleh zaw, i ngetlouh tan a i poimoh te i theihlouh kal kal ale hon na ompih gige hidin ka gingta hi. Thumna nei dia ka kisak lai, Pathian mah muanga khamtheih hih lou zaw dia ka thupuk laitak in Jojohn panpih ding in hon pai hi. Jojohn in gate a ka lut hon na mu ahihdan hon gen a hon et touh dek leh Lialian te amuh ziaka hon sam ngam pah lou ahihdan hon hilh a hon gaal etet leh panpih tuak hon sak ziaka hon sap ahihdan ahon hilh hi.

Momoi te kianglam zuana ka pai lai un ah Momoi in hon call hi.

"HELLO??? Naau??"

" Uu, imaw hiai lialian in hon guk sawm hidi eive a omdan diklou khat om hidi.."

"Ana om aw, kon hunkhe di"

"awle hon kin aw u.. tuale a guk a zunbuk apat kon houpih ahi.."

"Awle gari a hon pai ka hi kon tungpah di.. kon ngailua kon pai kon pai"

Ka chih lai tak in Momoi' kikou aw ging ka za a 'hello' chi chi mah leng line ki tan in ah ka houpih thei non kei hi. Jojohn kiah kin deuh a tai di'n ka gen a aman leeng a hat thei tawp in ah hon tai pih hi. Jojohn in Lialian gari om na mun; inn huangsung lian mahmah leh nop chi mahmah mun hon tunpih hi. Kin a kin in gari apat ka ki tawm khiat thoh zezen ua gate ah leeng ka ki tawm lut thoh uhi. Lialian in guard hoih tak tak ana nei a hon na nang uhi. Jojohn amah di banglou tak in ah kungfu ana siam mawk hi. Lialian guard te ground floor ah mi thum te hon ki sual pih hi. Kenleng ki pasal sak in ah mi khat ka kisualpih tei hi. Chikmah a kisual ngei leng hilou kong kisual taktak chu ka hatlouh dandan chu himai. Hilele Momoi adi ahihziak in ah sih leh sih dam leh dam chi in ka pang teitei hi. Kei le si kai niuniau kom in mi khat chu pangzou non lou din ka vaw kha sam hi.

Lift a kal touh theih hina pi in kinoh gop ka hih na uah step ah tai in ka tai touh thoh uhi. First floor ka tung ua guard 5 ka mu non uhi. Jojohn in pang taktak ding chi ahi dia a baan hon leptou in hon kisa taktak hi. Keile pang ding ka chih leh hon khou a amah kia in kilep toh Jackie chan hia Jetli hia bang khop in hon tang zetzet a huai kaal in ah ken Momoi kana zong hi.

Momoi ka sam ka sam a himahleh dawn in ka om kei hi. Atawp in ah 2nd floor ah kal tou non uhi. Ka gaal et uleh room kongkhak ah mi 2 ana ding zetzat uhi. Momoi huai room a om di'n ka gingta tin ten hi. Momoi sam nonlou in ah guard nih te Jojohn toh ka zial khawm uhi. Kong khak tum leh beeng kom in ah Momoi kasam hi. Kikou aw ging Momoi aw hi omtak ka za hi. Kenleng Momoi hi ngeingei ding chi in kong khak hon som in ka pang uhi. Tha vuak a hon zoh vual hilou ahihna ah. Tutphah saute khat in ka khen domdom ua atop in hon ki hong khong hi. Lialian in Momoi ana sualluih sawm a himahleh ana lohsam hi. Numei piching khat, khamtheih piak kham lah hilou vuak liam lah hilou pi pasal ki khat kia in sualluih zou di'n ka gingta thei kei hi. Lialian Momoi tung a bok som som lai ka va tuan khia hi. Flying kick pian sim ka hih chiah leitual ka ki denna ek hi. Ka totkhiat zoh in Jojohn toh kibei ua ken Momoi kana buaipih hi.

"Hon ngaidam in aw Ulal, ka nu'n seltheih louh leh kilep theih louh di hial a hon koih ziak a hiaitan tung ka hi aw U"

"Nau,pau non ken hon pai pai khe ni"

Jojohn in ana zoulah sim a amah leng a nak si ana pawt hi.

"Nau, i nu ana zong in la inn nuai lam ah ana ngak unla police ana sam un aw"

Jojohn toh Lialian ka bei lah sim uhi, Jojohn leng gim ta ahi dinga a hat zou non taktak kei hi, kisual di dan leng ka thei lawkei a himah leh hih theih khom khom a pang in khat sang in nih chu ka hat zaw him him uhi. A tawp in ah Lialian zahmoh ka peksak khathei a a taang zou non kei hi. Ka kisual sung un ah Zo-cops te hon tung ua Lialian hon man uhi.

Momoi'nu ahihleh Lialian nu toh inntung lam a paak en a ana buai uh ahi hi. Momoi' nu'n ah hon muh tak in lamdang a sa mahmah a lialian beng in hon beng zialzial a sepaih ten khaam hial uhi.

Jojohn toh ka khawl tawldam tadih ua, Zo-cops a medical team te'n first-aid hon pia uhi. Momoi' pa leng hon pi ding in hon tung a innlam zuan in ka paita uhi.

Lialian in ahihleh sum golhguk na hau mahmah in hausa mahmah mai hi. Lialian ahihleh Zo-cops tenle a wanted uh ahi a himahleh evidence ding hoih taktak ana mu sek mah le uh sum in ki tan khe zou gige ahihdan Jojohn in hon gen hi. Ka ki houhou ualeh Jojohn Zo-cops ah Inspector ana hi a Lialian' inn a inspection a hon pai lai hon na tuak kha ahih dan ka thei khe thakthak hi. Jojohn kiang ah kipahthu ka gen uhi.

Ka inn uah Momoi te innkuan nitaklam in sa nek ding hon tawi ua ka inn uah ka ne khawm zaizai uhi. Momoi' nu leh pa'n ka kiang ah ngaihdam hon ngen zezen ua kou ka ut naak uleh kiteeng ding leng hon daal lou ding uh ahihdan leeng hon gen ua ka kipaak peetmah a Pathian kiang ah kipahthu ka gen hi.

Nitaaklam ann ne khin in Momoi toh ka kimuh masak nipen uh chi le ka khial lawkei ding a, Damdawi inn a Tribal Martyr's park ah Salpha gam le nam adia site theih gige na dia kibawl na mun ah ka va hoh uhi. Khomui zuul ahi a romantic mahmah in ka thei hi. Momoi toh singkung nuai ah ka va tu uhi.

"Uu, hiahzah tak a hihkhial leh ngaihtaak lou a ka om nung in ah na hon itna a tak ahihdan na hon langsak thak thak a, mualphou ding leh lungzinna meipi in hon tuam ding lai nang na hon hunkhia a ka kipak lawpetmah aw uu"

"Hilou e nau, kon itziak a ka hih ding mah ahi, hichi hun a ka hon huh khiat zoh louh leh na pasal ding a chinlou hi ding kahi. Huai ban ah, nau, nangleng mi tampi lak ah na hon muang a na hon sap ziak in ka kipak zaw hi. Hun sak ni maw hiai tan in ah, hun paisa zaw pai sa ahi nau kon iitlua nanau"

"Awle uu kipak" Hon chi in ka liang ah hon ki ngaisuk hi

" eh.. naau hon pai, nang kon it ma a kana it khak pen pen khamtheih mangpha va khak ni."

Khua hong mial ta a, Momoi ka ding pih a ka khut tegeel a liang ah nga in a deksam ka zutsak hi. Aman ka kawng ah hon len in hon entou hi.

" Nau, ka hinna ah na hon lut a belhtak lou leh zatna bei ka hih lai in ah na hon na iit a ka kipak petmah huaiziak in ah ka hindan lui hoihloupi leh iit dang nei thei ka hih louh in ah nang toh ITNA LALGAM ah i teeng ta dia,

Kana omna lui ' ITNA LALGAM, ANNBANG KA IIT KHAMTHEIH MANGPHA ' ka khak ta hi "

**********Xxxxxxxxx*************

Sutzopna 2 etkikna

#### Zingkal thou phet ka phone mah mai pah khuamkhuam in ka mek vak leh dak 7 bang ana ging man venvon pah. Kihahsiang in Nu Ching ka call a, Lalboi in a tanchin hon hilh ding in ana ki thukim thei uh chih hon hilh hi. Sun chianga Lalbawi toh ki hou lim ding in ka ki thukim ua ann nek khit chianga hoh din ka ki thukim uhi. Ka ki hou khit un ah ann ne ding in annhuan inn lam ka zuan a ka sungte toh ann kava ne hi.

Khup toh a kin thei lam a kisa in ah Lalboi' tanchin ngaikhe diing in ka kisa khia uhi. Ki thalopna tampi toh lalboi mu ding in kon kisa khe petmah ta uhi.

Nuching in ana vaidawn pah a kou leng ki inteksakpah in innsung ah kava tu lut uhi. Nuching toh kihouna vantaang in ka ki hou ua sawtlou nung in Lalboi leng hong dianglut in chibai kana buk uhi.

Kei- nui sim heuhau kom in "Lal, na tanchin za dia hon hoh pah tiingteeng mai keive ua nuching in hon hilh apat a ana phur law khin ka hi uh.." Lalboi- "kiphat na louh dia tulai mi tangthu sim bang ut viau vanglak ua ka tanchin bang sim nop sa vanglak kha maithei uh eimah ve... nou laizilna toh kisai chu ahina a.. facebook khong a mi muh theihdi'n hon suah khe leute banghiam khat a khangnoute hi in a kuakua hitaleh hamphatna khat nei dia gingta sim inga..

Khup- " huchi lamzaw kou le tangthu a gelh a suahkhiat di ka tup sa uhi Pathian in lem asak aleh.. hehe"

Nuching- "khai, noule gamteng gengen lou in pan zok diu e.. lalboi tangthu a zak ut huai thak thak ahi.." chiamnuih thutak in hon na dawng zat hi..

Kei- " eh! Ahi ve hun le kidaih kei khaleh, Lal? Na man am? Non gen suk neuhneuh diam le? Abul apat in na deih daan daan in ah...? "

Lalboi- "awle hitham e..."

Lalboi in a tanchin ahon gen panta a... ####

Kei - "kare sei aw Lal, na tanchin a nop law vele, nop lawtel himai, kam ka heuhou zozen a ana ki ngaikhia ahi."

Lalboi - " kare nop amaw?? Kipah huai mahmah e.. hehe"

Kei - " hiai inchu mark tam hon piak mahmah ding ban ah kei hinkhua ah leeng zil ding tampi ka nei a hiai a kon hoh khak louh ding bang uh ka na lau gu zezen hi"

Lalboi - " awle.. kipah huai lawtel eleh, a poimoh om leh hon kan zel leuteh poilou ahi aw."

Kei - " kare, pai hun gop avele, khup, pai phot le hi maw, i zaknop teng le i zakhin ta na vele, nop lawtel maw.."

Khup toh ka van te uh sa in ah lungkim tak leh zillai tampi zil khin in Nu Ching toh leng ki chibai thak thak in leh mangpha kikhak in Innlam zuan ding in ka ki sa ta uhi.

- BEITA

©Siamsinna leh Vakiangbu