HIAI LAI AH A OM NAWNTAKEI!

~ By Vz Vualnam

Ka lawm, zu-le-sa a ka bualpih zel

Ka noptaalna mun uah ka va zong aKa mukei a, ka thawmhau a

Huailai a mite kia’h ka kan a

‘Hiai lai ah a om nawntakei,

Pathian phatna mun ah na mu ding,’

A chi uh.

Kizuak, a ang ka zot zel

Nineem in a lupna ka va zuan a

Ka mukei a, ka thawmhau a

Huailai a mite kia’h ka kan a

‘Hiai lai ah a om nawntakei,

Pathian phatna mun ah na mu ding,’

A chi uh.

Ka lawm, mi ka gensiat pih zel

Gen ut nei in ka va hoh a

Ka mukei a, ka thawmhau a

Huailai a mite kia’h ka kan a

‘Hiai lai ah a om nawntakei,

Pathian biakna mun ah na mu ding,’

A chi uh.

Diklou tak a hauhsakna ka lam pih

Tagahte ka buk zelna uah ka va zong a

Ka mukei a, ka thawmhau a

Huailai a mite kia’h ka kan a

‘Hiai lai ah a om nawntakei,

Pathian phatna mun ah na mu ding,’

A chi uh.

Hankhuuk mial a om nawntalou

Toupa bang in ka lawmte tengteng in

A omna mun mial uh a nuse chiat ua

Munmial leh kihhuai ah a om nawntakei uh.

Kei leng a loihsan uh munmial ahKa taam lailai dia hia!

©Siamsinna leh Vakiangbu