ITNA MAAN LEH MAAN LO

By ~ Tha Suante

Zawl-ai igen khinta a i ki-itna a maan leh maan loh en dih ni. I thu patna lam i gensa bangin zi/pasal ding kibulphuh pah lo hi. Kivang ngaihin mithek kipia in,tua khit ciangin dam2in hong khangin, a hong kho deuh2 hi. Tua itna pen lungsim laigil pan itna ahihmanin itna maan(true romantic love)kici hi. Itna maanin azwng ahau,apil apil lo,laisiam siam lo,melhoih leh hoih lo,a tuam2te khentuamna lungsim nei peuhmah loin,zong khentuam thei lo hi. Itna maanin a it angaih singdng siang lobang tul ding,tul lela om ding ngaihsun ngam loin,haksa sa in thuak lah ngap mah2 hi. A itpen a gamtat khelh ding lau in,midangin abwl-siat khak ding phal loin,ngaihsun ngam lo hi. A hoih deihsakna toh kidim den hi. A hoih lamah makaih sqwm den in,a hoih loh nate bwlphat swm den hi. Kobwl in selpho ngei lo hi. A itpen nuam sa in genthei taleh mangngilh ngei lo hi. Mun tuam gamtuam a om zongin mangngilh dingin ngaihsun thei lo hi.

Tuhun ciangin itna maan om nwn lo hiam?cih theih zah dingin om hi. A ki-it akingai a kitaipih liang mitampite kikhen tampi tak om hi. Ahizong tuhun itna maan om luain,om lel2 a,a hong om zel ding hi. Tua ahih manin numei leh pasal in isep ding,bwl ding tuak thei in,ihihna theisiam tuak ding akisam pen hi.

Itna maan banga kingaihsun,mi tamopi-in a kithei khial,lungzuan zaila a awihpih uh,neih ding a lah lungtung zolo, it leh ngai a kithei, a lungsim la zo heizo mah,midang in ngai cih thei leh haza zel zi/pa-sal ding a lungtung zolo cih bang om thei hi. Tua bang itna pen pal-am itna kici thei hi. Hih bang itna a sang mite itna khaugui ah zamin a zam top ciangin kikhelin,nuntak haksatna piang thei hi. Muhtheih hoihna hang itna, neih leh lam, hauhna,pilna siamna hang itna cih bang na om thei ahih manin khen siam ding kisam hi. Hih bang itna tuak mite hi lungzuan zaideih awi a hinkhua zangte.

awmngaih vai i gen2 hangin hih maan pen cih theih omlo hi. Hih a nuai ate mikim tunga theih2 na hi.

L

1. MAAN: Hun swt kulin om pah lo dam2 a zung kha in,a hong khang khia hi.

1. MAANLO': Hun tom cik sung a piang deihna nei baih lungkia baih

2. MAAN: Hinkhua theih telna pan piang khia hi.

2. MAANLO: Hinkhua khat leh nih theihna pan piang khia ho.

3. MAAN: Amah bek ki-en loin a lang lam hoihnang toh ngaihsun khwm.

3.MAANLO:Amah bek ki-en,midang te a deihna tangtun nang a zang.

4.MAAN: Kipumkhatna leh pan khwmna hoih nei.

4. MAANLO: Tuam etna nei,mikhat peuh tuam bwl.

5. MAAN: Khat tung bekah a itna koih.

5.MAANLO: M ituam2 itna ngaihna nei.

6. MAAN: Lungsim laigil ah lungdam khinkhian.

6.MAANLO: Lungsim laigil ah kipak lo a kitheihna nei.

7. MAAN: Zeldinna aneih zel hangin,lam et theih ciang nei.

7.Zeldinna toh a lungsim dimin, mang ngilh hun nei.

8.MAAN: Melin lungsim alak zoh hang,a lungsim heizo pen leh thu nei pen hilo.

8.MAANLO:A deihna mel hang hi in a lungsim heizo in,thunei pen hi.

9.MAAN:Kimu thei in kimu thei lo,untuam gamtuam kikhen leh zong lungmuan na nei.

9.MAANLO: Kimu thei lo mun tuam gamtuam kikhen ciang lungmuang thei lo.

10.MAAN:Thuak thei in,ngak zo in,man lah lo om thei hi.

10.MAANLO: Thuak theihna nei lo, man lahin ngak thei lo hi.

11.MAAN: Ahoih lam et theih ding nei in ngaihsun, mi bwlpha hi.

11.MAANLO: A nung ciang kisik theih ding gamta zel hi.

12.MAAN: Kidek theihna nei, sa utnate kidek thei zwdeuh hi.

12.MAANLO: Kidek thei lo, sa ut nate picin ding ut baih deuh hi.

13.MAAN: Hazatna aneih tei hangin. Theih siamna hoih tak nei hi.

13. MAANLO: Hazatna toh kidim theih siamna nei lo hi.

Walter Toshiba in," Itna maan ah hazatna in mun nei lo a, a ki-it na uh kip ahih manin kimuan tuah na toh hinkhua zang hi,"na gen hi.

A nuai a thute toh kitel et lai dih ni:-

1. Itna maanin asia apha ip nei loin kihilh tuah hi.

2. Itna maanin mi lungmuang sakin,thanuam sakin, lungkhamin koih ngei lo hi.

3. Itna maanin kizah tuahna nei hi.

4. Itna maanin ahinkhua a acin theih tuam2te toh it khwmin a hoih loh nate bwlphat swm hi.

5. Itna maanah hehna,lungkim lohna, kitotnate a om kha zongin, kilem kik pahin, heh pah2 lo hi.

6. Itna maanin ngakzo in,dam2in zung kha in akho deuh2 hi.

Itna hih maan pen cih dung baih lo hi. Khattung a hoih mah2 khat tung hoihlo thei zel hi. A mi zil a zatsiam kisam pen hi.

©Siamsinna leh Vakiangbu