AMAH VANGPHA, KEI LUNGGIM

By ~ Anonymous

Mihing hinkhua pangai zang in ka hun leh nite ka zang zel hi himahleh nikhat ka mi muh ngei louh a mel et mai a leng mihoih ding ahi chih theih khop ding hial khat ka mu hi chi a Andy thugen ka ngaih lai in ka nu'n inn ngak din hon sam hi.

Ken leng Andy kiah kou inn ah hong gen in na thugen ding ka za nuam lua na mel et mai inleng tua na thugen ding pen lunglut huai ahih dan ka thei ka chi a aman leng hong nial se se lou in hong jui ngal a,inn ka tun tak in a mit tang dum kilkel in hong en a,huai tak in a thugen lungsim ah veina lianpi nei hileh ki lawm in hon sunzom non pah hi,"Ngaih huai ka sa a,mi hindan a ngai ka hi kei a ngaihvang sa ka hi zo hi hon chi non a,ka u nu kei tung a chet nu bang ngial in hoih a sa mahmah a ngaih et in ana en pah ngal hi,lawm te tungtawn in ka na ki thei kha ua,ka inn khong uah hong hoh jel sam hi,hun te hong pai jel in ka u nu toh hong kingai ua kuapeuh in nak pi tak in ka kipah pih ua,deih leng ka deih sak bawk uhi.

Hunte hong luang liam non in a kingaih uh kha nih khong hong hih in hong ki it pet mah ua,khen theih non vual ding leng ahi kei uh a khen leng ka khen sawm kei uhi.Ki it kingai ahih man un zansawt tu thei lua ahih man in apai nang a gamlak toh giak ding in ka sawl uhi,huai hun in thil hih khial ka hih lam uh ka ki thei kei uh.Aman leng anial a himahleh d zankim bang ahih tak toh giah mai a sawm ta,huchi in inn ah lup na bawl zok in a lum ta hi.Zing khua vak phet in a pai a,nitak in ahih sa mah bang in a giak non ta hi.Ni te liam zel in inn ah hong giak zel a,ka nu leh ka sanggam teng leng a ngaina thei mahmah uh.Laisiam,mihoih leh mipil mahmah ahi a,hichibang mihing tan ding ka sungkuan ten a ngai ngam het kei uh.Ahong maingal hiaihiai a inn bang in ahong zang ta a,ken ka na ip lah gu ta a,inn ah pai leh ka chih chang a aom a nin huai ka sa thei mahmah mai,innkim innkiang houlim na ka hi lim pan ta ua,thil tamtak deih huai het lou ka za pan ta uhi.Ka nu ngial houh lah,mi hong gen na zo sawt daih kei chiin a pang tinten ta mawk a,ka iiplah gu mahmah hi,ning in ka pum ning a,huat leng ka hua bawk,amel ngial houh ka muh ah leh leng pul dek hileng kilawm in ka om hi,kha li hoih deuh ka inn ah aom a himahleh khat vei chouh a min ka sam a houpih leng ka sawm kei,ka nun lawp lua ahih man in amah kiang ah ka huat lam gen leng ka nun hon tai ding ka lau a ka lungsim guk in kei chouh in ka pua a na ka sa thei lo mahmah.Amah omden ahih man in ka inn ngawingawi uh leng ka ning a,inn ah ka om chiang inleng mai tai na mel himhim ka pu thei het kei a huai in ka nu a su heh thei mahmah mai.

Keimah lungsim siat ziak ahi chih leng ka haih kei a himahleh aman thil hih dik het lou ahi chih ka haih kei.Nitak khat ka unu'n zingchiah na innlam ah paiphot in aw a chih zen tha hah leh tangtel sih tan bang hial khop in a heh a,hong ki tom maimah ta.Ka lungsim in na inn uh hilou hial eive bang ka na chi a himahleh aw taktak suah khia din bel ka ngam kei.Ka nu bang ana khem sek a huai chiang houh in ka nun juau ahih lam thei lou in a thil gen te a na taksam zel hi.Haksa ka sa a ka lunggim thei mahmah ka ki bawl tum zel hileh leng amah ka muh chiang in ka sung ah ka huat na hong.lian zaw zel hi.Amah zaw hampha kisa mah hinteh amau innsang a leng nuam sa zo,zingkal thou ann anek zoh chiah sun singpi ngak a tu eu au,sun singpi don zo nitaklam ann nek ngak hi nawn,amah adia zo vangam leng hichi kan hi ken teh chih theih hial leh ki lawm ahi,kei a din zaw meidil leng hichi kan ken teh.

Tangval khat hi ngal nasem lou a sun leh zan a nungak te inn ah officer mah bang a tu chih khong ka ngaihtuah chiah na ka sa thei lo mahmah mai,kiteng leh uh amau bang a kivak di uh?Ka nu kiang bek a ka haksat na tung ngam leng ka ut lua,huchia mi tawh ki ngaih di ahih leh zaw ka ut kei "ahon chi a,ken leng An bang ziak eita chiin ka dong a huaitak in aman"kipil sak tak in ka unu tung ah thuneih a sawm a,van,mahni kichei na powder,lipstick chih te khong na san leilei louh di khong a chi,nitak teng ah lah phun den himai,ka ning kitel lua ka si ut"chih toh a thugen hong zou hi.Ken leng ka en phei a ana kap hi,ka khem a Pathian in hih na hin teh ka chi tei.Lungkim mel het lou in a inn lam uh a zuan phei nawn.Ka lungsim in zazen gouh amau ki it kingai leh uh leng a sanggam uh khual na in ki gal hel zaw leh uh,lunggim na i chih zaw nat na lauh huai mahmah hia ka chi a,ka desk tung ah paper ka la a ki it kingai te zaw om khawm ut den mah uhi hilehleng uang deuh ubh ka sa.

©Siamsinna leh Vakiangbu