TUNNU LUANKHI

~ Writtenby Biak Naulak Zomi

  

Mihingte hinkhua ah Nuihmai in mikilom sak a anuitu leh amai ngatpih te ading in lung nopna ahi hi. Lungtang kipak hetlou anuihmelpu inbel amai ngatpih te lungtang azou kei a ajiakbel amah ngeileng kizoulou ahih man ahijo hi. Mihing khatbel lam etbei i omkei a tupneilou pumlum leng i omkei uhi. Ban ah duhthusam leng ineichiat uhi. Lungkham kahna leh mangbat lungjiin sialzatam na simlei leng ahibok hi. Hunte aliam jel a kipahna leh dah na bel ming hinkhua ah akimakhelh tou ngitnget hi.

Kata mel kamuh in hunhaksa tampi katuahsa kadam sung aleng mangilh zounon dia kaki koih louh teleng kamang ngilhta hi. Ka itna teng teng leh ka ngaih tuahna teng teng alavek a. Khawlak pawt kapai hakchiang inleng kalung himoh thei mahmah sek a tuiduh dangtak leh gilkial a a omding kalau thei mahmah sek hi. Nekding kamuh chiang inleng kaneksik kata ka it tak adin kapo guigui sek a. Kathilpuak akipahpih mahmah chiang bang in katawldam in kalungtang mahmah nuamsa in damtheih huai kasa mahmag mai hi. Kalupchiang in ka anglum nuamsa a nakhithit mai katamel ka en a kei adin chuh kipahna ngen ahimaihi. Abiang ngek nelthiamthiam te kamuk a tawp in bawi aw hong khang meng meng aw nutha patha khek awbawi. Kachikawmjel hi. A imutmatan tan kanou chimkei a. Anuihmai mahmah kamunuam tuntun sek hi. Kasepding tampi kikhel zen in leng kata adin hunkapia a kei utdan hilou in kata utdan lungkim na kazong zaw a akipah na kei kipah na ahigige maihi. A imutkal chiang in ahun hunlou chilou in katamaban ding khualna in kho ul kaizen in sepleh bawl ding kasem soisoi jel a. ahong khang let a mineih bang neizoulou leh misilhbang kasilh sak zolouh ding khak lau in kapilnateng teng katheihna tengteng zang in pankala gige a kagim katawl kachi ngamkeihi. Gim in tawl mahleng kata mel in honlung kim sak mahmah a katawl dam jel hi. Hong khang lian a pau kijil tung a ma ma hon chih ni in kalungkim dan bel kasihtan dong in kabilkha ahleng mangnonlou ding hi. Kahoupih chimkei hi. Kalsuanthei a ahong om inleng kei lam manoh in kalhon suan kata it mahmah kamit kha ah amangthei kei hi. Deih ngenthei a ahong om inleng honthil nget hihsak zolouh kaneih chiang inleng kalung sim anuamkei a imut haksa kasa mahmah mai hi. Thumanding dan sinsak in huntampi kazang bei sek hi. Semthei bawl thei a hong om chiang in amah adia guhtui kang zen a kapan na in kei kahat non kei a kata kasisan apiang kia hilou a katha mahmah ne a kaloh khiat ahih man in amah ah kinepna kanei tawn tung a kaki ngakna leh kakipah na mah ahi lailai hi. Khanvual pawl in hun hon jang theita pi ching ta ahih man in tai leh satna kichite amah adia zumhuai thei ta ahih man in ankuang khong ah aw sangle jang ngamlou in awl in kahilh sek hi.

  

Itna toh mittui tampi seng in kata kakol tou den a zumhuaina mun ahleng kazum zou kei a zahlak namun ahleng kataziak in poikasa ngei kei hi. kata'n bel ka itna ngaih tuah naneuchik leng nei lou in aduh adeih leh lungkimlouh na gen d ahau thei mah mah sek hi. Kathu hilhnate jalou bang mai in dot tak leh zah tak honsalou in hon haibawl zel a kakipah lainite aliah khuh hiai hiai hi. Nidang in ka anglum ah nui gige a keilou ngaih dang nei lou himah leh tunzaw kei omlouh na kia atel zawta hi Galbang mai a honmuta mai ahi ngei ding keisang itzok aneih tak ziak in kagen ding atawm hiai hiai ta mai mahhi. Pitek kamtam kaloh lel hi. Bawi aw kon it konkepna nang ading a thale jung lunsim tampi seng a vuahju dai kai nuai a gimletawl khoksalou a nang ding a kathuak nate zankim zankhang a imutkhamlouzen a namakhua ding gelna a kathuak kapanna te kei adin tung gik lung khamna luankhi nul nanglel bang mai ta maw. Khapham ding kuan lungjuan sial a khulsin katang ding maw bawi. Kadam lai in hiaithu te khatvei ngaihtuah thak dihve....

  

Mihai nonchih ziak maw nang hiai tan kontut nadia kapilna teng teng ana zangkhinta hiveng.Thuthei kamtam. Non chi maw... hiaitan natun nadia navai honhomsak a honlam hilh tu kahih gige jiak ahiKidaihlah nonchimaw. Keitellou a nangkian nazohlah ding lau a konduatluat jiak a nang chauh honsemsak ngeilou hiveng.Hehhat nonchimo.. Theisiam tak a honkemtou gige ing kadeihsakna natheisiamlouh jiak hizawPitek tek nonchimaw.. Nang ading a guhtuikang zen apang a kahatlai hun te nazang bei khing hiveng. Kapneh nonchih maw.. Nang ading a kathuaknate ah khatveimah leng phun ngeilou hiveng.

Bawi aw hiateng natheih siam nung aleng bang mah kahih keilai leh leng ka itna in nang hontaisanlou lai ding chih phok kom in nakipah na ah kalung kim zawta maiding ken kahatlai hunteng nang adia zangbei sipsip ing a hatna pilna siamna neinonlou kahih man in nasikhabang mai a hinkhua zatleng poikasa kei nang toh dam khom kei a din manpha lua hi... ? Beita. Phuahtawm tangthu ahi. Himahleh nute thupi na manphatna simtuten lungsim ah ngaih tuah thak leng chih ideih pen ahi.

  

©Siamsinna leh Vakiangbu