CLEARING MY FB NOTIFICATIONS (Just for entertaining)

By ~ Thanuam Dahpa

Facebook addict lah hilou nikhat a dakkal 16lel lakvel khawng fb gige te kahihsam man in zingkal thouphet zan nitak a fb log-out lou a ka ihmut sanlam phawk in ka phone ka mai somsom hi. Kagintak na mun ka lukham kiangteng kamai a kamaikha kei a kapuan silh lakhezen a ka zon leh kagin taAklouh na mun ka khekhuantaw lamdaih ah a na om a ka zaalmang a ka lot hia ahihkeileh ka khe a katotsuk khak hia chih katheikei a huchin log-out zual di chin kalum suk nawn hi. Log-out ding a ka kisak leh zan nitak a Zogam.com a Vaite huat huaidan kikupna ah lawmte'n bangbang a gen uhiam chih ka et ut zual tha hongsuak a notification a mupahlou kahihman in scroll suk in a nuai a bookmarks a group kichihna a lut in Zogam.com ah kava lut hi. Kagintak sang in lawmten le ana comment saukei ua "hawlkhiat sawm lele EIi aten panpih zel ua" chi in ana dinkhawl uhi. Comment beh ka ut sim na a last 2 comment pen in "EI ate kitungta Fake Id te hong kipan uale :-P" a chih chiitchiat ziak in kisuanglah deuh kahidia comment lou in home ah ka lut hi.

Log-out a maiphiat ding chih lungsim nei mahleng zan nitak mah a kathugelh ZogamOnline Website a Pu Richard Ngaihte in hon na koihsak ah comment a om hiam chih theih utna kaneihziak in ZOL ah kava lut nawn hi. Ka kinep bang in mi nih in encouraging tak comment anagelh ua huaite sim in kanui phempham hi. Comment thuk ut sim mahleng miphatna kipahpih lua min hon chihkhak ding lau in kipahpih mahmah hinapi in kahihna kigen khe ngamlou in comment thuklou in fb Home ah kalut kik a mibangzah in hon nasimsak a de aw chih thei ut sim mahleng a et theihna ZOL in koihlou uh ahihdan kathei a kalung sim in bangdia a koihlouh uh a de aw kachi hi .Nileng sangsim ta a sungte zong ziing ann ne ut toh a om vengvung ua log-out taktak ding chi in ka scroll suk a log-out nading tungsuk kuan mahmah in"Ashley N Phaipi,Ngak Duhlian and 16 others post and commented on a post in Paite Family...." kichi ka mu a zan nitak a Mizogam a om eimite ki mizo sak chia ngohna post a durzen a vatel kha kahihman in kaphawk khia a bangtan kitun uh a de aw chih theih utna nei in innkuante ann thuk khitma ngeingei a etzoh sawm in ka lut soisoi hi. A na sauluat taak man in en khin manlou ding chi in ka pawtsan dek na a "Zan nitak i ki houna uh Zc ah......in hon paste phei mawk...Inn kuan kihouna chia ut ut kigen a naak hai taktak ahi..." chih dan deuh post kamu a HI sak pih mahmah a comment teitei ut himahleng Ann neek hunlua a hihman in LIKE cheuh in ann ka va ne hi.Ann nezou in hih dingdang omtuanlou hiven chi in ann neek hun in honlap ziak a log out manlou a ka koih ka phone a charging na point nuai atu in damlou thachaute drip kikhaite bang in phone charging kawm in ka fb nawn hi. Kagin taksang in ka notification ana tamkei a 53 kia ana om a nidang a zankhat a 99 a na pha gige tunin tawm na e ka chilungsim hi. Notification kon ban et suk a:"Ngaihnou Thangsing and 3 others liked your photo 4hours ago....""Catherine yimchung Biaklun Samte and 3 others commented on your status 4hours ago....""Mc Zono,Fullmoon Kiim ManGte and 3 others posted and commented in Eimite Seitual 4hour ago...." chihteng teng a na kivual suk a ka et zoh a comment tuak kasak teng comment in aban ka lutsuk kawm in dakkal 4kia ihmu lah kahi tazen houh a kachi lungsim hi. Aban ka etsuk leh:"Suanlian Vualnam, Enes Shoute and 17 others posted and commented in Zogam.com ...." chih ka mu a kuahiam Article gelh thak om eive maw chi lungsim in ZC website awl a lut ding chi in kapaikheng hi. Aban ka ensuk a:"Kyekym Zolianuzuansialching, Beemawi Khuptong and 7 others posted and commented in Siamsinna leh Vakuangbu...." chih a na om a paikheng theivual kahihlouh man in kava lut a "Kyekym Zolianuzuansialching created a doc...." chih ana kigelh a a nuai ah comment te ka et lehBeemawi Khuptong: Abanchihteng a na kigelh leuhlauh a kenleA ban :-) chihteng va comment leuhlauh in ka notification mah ah ka lut nawn hi. "Pupu Zou,Ginza Vualzong and 19 others posted and commented in Zogam.com ..." chih kamu a kalungsim in bang LINK a de aw a share uh chisim in a baan ka ensuk a.."Rex Peapy Tangpua and 8 others posted and commented in Nuihchiam ...." chih a na om nawn a bang agelh diam maw chilung sim in kava lut a kasim leh kidek zoulou in ka nuikhe kha a ka innkuan ten "a phone nuihpih nawnta ei" hon na chi ua gending thei lawlou kahihman in ka kizaaklou khembawl hi. A ban ka ensuk a "Zomi Lian Tonsing Lily Naulak and 3 others liked your comment in Paite Family....." chih a na om nawn a ka etsa ahihman in a ban ka ensuk nawn hi."Lynda Tonsing update her status "Thank u Lord....." chih ana om nawn a a status atom na a gen fuh mahmah e ka chisim hi. A ban ka et suk nawn leh tam khop mahmah ah "...so &so.......like your photo.." chih kia ana kivual suk den sim a zanitak a ka singtang meh lim upload teng gu thuak keita ve maw ka chi lungsim hi. A ban ka etsuk nawn leh:"Lyelyan Thawmte, Jemjem Ngaihte and 5 others posted in NEK -LE-DAWN....." chih a na om nawn a en ut sim mahleng Huansung a meh chituamtuamte lim valak a post di thou hiveeng... huai chia en ding chi in aban ka paisuk nawn hi. A ban ka en a :"Paite Gougam post in Paunak : make sentence......." chih ana om nawn a post theihlouh dia group setting kibawl a hihman a aguktak a ka va et thoh zelbang in kava guuk et nawn a huailak a GUITE DUHGAWL NAANGHIAM BAT chih kava mu a akhiatna nalh lah kasa a kanuih lah a za mahmah hi. Notification kimkhat le ki clear khin nailou a hihman in abaan a clear lou a a lompi in kon clear suk a huailak ah et tuak kasak deuhteng ka en a "Kyekym Zolianuzuansialching posted in ZogamOnline / Zogam.com / Paite Family / Lamka Huihkhi ..chih a na kivual suk deudau a a kivolh dan in "a sim ut ut sim ding" post hi di eive chih kathei hi. A ban ah:"Leivang zoukhopmai Ngaihte, Zomi Lian Tonsing ang 11 others commented on a photo in I LOVE LAMKA (ADMIN AND SELECTED MEMBERS)... kichi a na om nawn a kalung sim in huai Paite Puandum neuchik silh a limkila pen post a comment uh a hihdan ka manpah geih hi.

Adang ka etma in atung a meseges 5 kichi enkha lou nilouh ka hihdan kathei kheguih a ka etpah leh 5 lak a 1 te Kil linei a kigelhte a na hi a kenle copy paste in hon khakteng mah uh ka khak thuk a thaangbawl lua hon sakkhak ding kalauh ziak in a tawp ah "Haha" chih kabeh lap thak hi. Adang khat ka et nawn leh unau Burma lamte hingei dikhat in"Kua na?..tun koh om?"chih hon na khak a adawn dingdan haksa sasim in"kei India pan hing..nang e Maly pan maw?" chin ka khakthuk a sawt loukal in"aw..Maly pan hing..Na min tel vat kengnong gen thei diam?" a hon chi nawn a kenle"ka uk lam ahihteh katha nuam mahmah in Thanuam hiziau ing in ka ukloh lam aite katha dah chihtak in dah a Dahpa hi zel ingh" chia ka khak leh"Hi bilbel mah e maw lawm" chih hon khak thuk nawn hi. Adang ka et nawn leh "group tam a admin hihchi na chia ka join group teng ah non na confirm tel a" chih hon nakhak a kua a chih theikei mah leng Siamsinna leh Vakiangbu, Nuihchiam,TONGLUANG MAGAZINE BEI KEI HEN,Tunnu Zogam, It Happened To Me leh I LOVE LAMKA te a asked to join chih bangzah zah hiam ka Confirm lam thei ka hihman in"Haha...group 299 atel.group 17 a admin leh kei group bawl 4" ahi chin detail deuh in kathuk a" kare..tam ah tel natel chia..group nuam deuhdeuh ah hon add ve" a hon chi a phone kizang a hihchia mi add namailou,net hat loutoh utkei sim mah leng "I" chih ding ka utlouh man in"Aw" ka chi khemkhem hi. Mikhem hih di utlou in group minthang deuh 3 hiam ah ka add zoh in ka thuchiam zoubang a ngai kadiam ka add nawn khakei hi.Khat ka et nawn leh"Dahpa na kifuh sak :-P" chih a na om a va thutak gemgam di hi salou in "a lou theilou" chih ka khak thuk a hehsim hon sak khak ding lau in a khonung sim in"hehe" chihteng ka khak thak hi. A tawpna pen ah "Huai Paukhanmuan chiam nuihna a SL te khawng in a huchi zaakdah uh bang ziak hidin na gingta" hon na chi a"Theikei na hang e maw....Kenle en ing a Zou pau a zat chihlouh zaw a hehhuaina ding theilou hing a..." chin ka khak thuk a aman leHuai kho hehdia piching pipi hou salua keive..." hon chi thuk a a thu volhdan theih hak sim mahleh Piching pipi hehna dia housa a hihdan gen a hichih katheisiam mahmah hi.."Himah e....Unau Zoute'n eimi in nelhsiah honsa lua ua a lungkimlouhna di uh zongzong uh hin kamu....Eile mi huai dan kisiam lou chu himaithei..." chin diplomatic deuh in ka dawng a "Nelh siah luatna leeng a om sam a ZC ale a makai a Zoute le om hilou maw.." a hon chithuk a, "Khenkhatte gen dan a ZC a pa le Paite te lau, Pau zoulou sa uh hi di eive..Nidang a unau zoute khenkhat houpih kha ing a bang ziak a na hon hichi muhdah uh a chia kadot leh hon dawnna te a pan Buailai a Z te khutlum tam thuaklua ua tua 90% in tua Zomi a lungsim tak ua gumlou uh ahi..." hon chi eive ka chithuk hi."Buailai a tu Ei mi le tampin Z te khut lum thuak ua ahinna tanpha taan tampi om eivoi..." ahon chi thuk a"Mihing in i et dan tuam chiat ahih chia...ei hon upaa bawl ua i tung ua khasia himai un teh.." chin ka fb home ah ka lut san hi. Notification ka et nawn leh "Hahau Samte II, Valte Sam and 13 others posted and commented in Lamka Huihkhi..." kichi ka mu a... Kare..The Spurs (Kill it before it kills you) chih Chapter thak hita ngeingei ven chin chin a kinthei pen a ka lut leh a na hita petmah a neulai a simsa nopsak luatziak a kisim ut a hihman in a tomluat khak ding lau zezen in a bulpat ma in a sauhiam chin ka scroll suk a sau simthou a katheih man in kipak heuhau kawm in kasim pan hi...A ban ka en nawn a" Suan Hangsing,Fias Min Guite and 15 members posted and commented in Zogam.com.." a kichi nawn a Suan Hangsing in lim upload nawn eive maw...tulai hon tag nawn kei e ka chisim a Fias in bel Paukhanmuan jokes thu a a zadahte chi ek ek ut na pi chi ngam lawlou a kidek kawm a comment teitei hi di eive ka chi sim hi.....Notification thak khat :"Chaiz Ching Etlawm upload a photo just now" chih ka muguih a "Dahnu in le a mel bang chidan a bawl sia a lim kila geet a diam maw chia nui thremthram in ka en a tutung in bel a mel a bawlsiat na hilou in hoihtak a a kilaak na a hi a a nalh teutau zezen hi......

Aban ka et nawn leh"Siam Phaipi,Jammang Guite and 10 others posted and commented in COMPUTER+.....chih a na om nawn a nidang a hiai group a Software download na ding thei ut hiam problem neu chikchik te dong dia ka va lut zel lai a Min Khuptong lawi in deihsaktak a hon hilh ua theisiam lou a "Naupang ABC zilpan dan in hon hilh uau kiphatna lou dia Computer theilou petmah kahi....:)" chia ka comment a hilh chihtak a hon hilh lai khawng uh ka phawk thak hi...Ka kiphatna hilou a theilou petmah kahih man a hon hilhte uh theisiam theilou a kisuanglah gawp a "Utleh hilh gim ka namkei Bazar ah ka lei thoh mai di" chia ka gen lai a "I theihlouhte kihilh na ding mah ichih eivoi" hon chih teitei te khawng uh ka theithak a..huai ban ah amau a siam lawi in hiai software hoih a kichih te uh HOIH a hihleh chia ka ka download a ka na ki innstalled ziahziah lai a khat ve ka computer hong buai a Vaite ka va etsak leh "Babare....Nang softwares tam na installed lua a eivoi..Hiaite khawng aman a tamtam toh huchitel a poimoh lou pi..." hon chih a "A thawn a ka muh eivoi" chia ka selh bawl leh hon gingta lou sim in a nui a kenle "Ka taktak ahi..Koumiten FB a Computer group nei ung a huai a memberten a serial key hon pia ua a thawn ngen a ka muh hi..Tua ka Kaspersky12 le ka fb friend Fias Min Guite in hon piak ahi" chia ka om pheuphau lai khawng ka phawk hi.....hahahaNotification clear khin nailou himahleng mehlim deuh hia ann tam ka nekha lua a ihmut hongsuak lua ahih man in ihmu din ka lupna ka zuan phei hi.

©Siamsinna leh Vakiangbu